الجديد شديد ...

تاري ياولد أنا برائي ...إلا شفت ليك اوسمة وشغلات ...ونجوم ...لأمن شفت رقبتي لقيت أدوني لي نجمايتين ...والله فرحت بيهن ..وإنشاء الله يزيدوا ويبقوا لي كتار ...وعلى وزن النجمايتين ....الشيخ : محمد الحسن : قال والله مشينا نيجريا لقيناها نظيفي ...والله شفت لي فرد ضباناي واحدي وباعوضايتين ...وصدقوني هذا شي جميل يحفذ للإبداع ...ووالله لفته بارعة أخي ياسر ..وربنا يحفظك لينا أيها الراقي بطبعك ..المميز بهدوءك ...ونتمني من كل الأعضاء الإجتهاد ...عشان الواحد فيكم إنشاالله يلقي ليهو ولو نجماي واحدي.... محبتي

الفاتح إنت دائماً كبير ...ويكفيك فخراً أنك كنت متفوق بين أقرانك ..وهذه شهادة مرصعة بالنجوم ....تسلم يالغالي إبن الغالي ...إنت تحمل كل صفات الإنسان والدك ...ربنا يحفظك ويغطي عليك ...بس عيبك أنك هلالابي ..محبتي

يا سلام يا ود الشاويش..نجيمات بس....نحنا لو قادرين نجيب القمر بين كتوفك والثريا تغنى ليك....انت رمانة المنتدى ووزنته...حيثما ملت مال....وقدر ما كلت كال...عبى وتعال ..تلقانا راجنك ....(نتى) ورجال
ويكفى ما قاله أخى الفاتح:انك تحمل الينا الازهار حسب الفصول..تنثر عبيرها بين ايدينا لتزين هذا البستان.....بأختصار انت: الملك

وكمان بالأزرق ذيما قال أخوي زهير " أبو الزوز "..... ....
بس صراحة ياملك لو أقنعتني إنك بتسيب غناء الحقيبة ..... حأهجر اللون على طول ...
خالص الود لكم جميعاً.....

أخواني أحبائي ...معزتي وإعزازي ...الفاتح ، دكتور الجنيد ، زهير ....وكل أسرة المنتدي ...التحية لكم على مروركم الجميل ....ومداخلاتكم الرائعة بطعم السكر وبلون المنقة يا هلالاب !!؟...وسؤالي من أي كوكب أنتم ؟؟؟ ويعني لازم تبكوني بهذا الكلام الحلو الجميل البديع ...وأنا والله أقل بكتير كتير من هذه المنزلة الرفيعة التي وضعتموني بها ...وصدقوني لقد أخجلتم تواضعي أيها الأحبة ...ولا أملك أحبتي إلا أن أقول لكم شكراً جزيلاً لكم وربنا لا حرمني منكم يارب ... محبتي

تبكى بس

الرائع ابو علياء لك كل الود انت تستحق ارفع الاوسمه وانت اهل لها والكلام المنقولو ده مش مجامله هى دى الحقيقه يارائع يا كبير 00محبتى

شكراً على ذوقك الرفيع ...وإنت مقامك دائماً عالي ... تعرف يا أخوي غريق لما ركزت في شعار التقدير ..لأول مره ألاحظ عددالمساهمات ...وعدد النقاط ...وتاريخ التسجيل والإنضمام للمنتدي ....هاي الحاكومة والله فعلكي فعل !!!!وبالكناني كده ... إت آول النقاط دي بسوها كيف ؟؟...وبالبقاري ...هاي ولد أمي بدور لي زيادة نقاط كيف أسويها ؟؟؟!!... محبتي لأسرة المنتدي دائماً .

المتألق ابو البنيات/جاويش المرهف.
هذا وفاء لأهل العطاء.
انت يا سيدى استحوذت على قلوب الجميع فى هذا المنتدى يا سعادة الملازم.
شيل نجومك وانت تستاهل النجوميه لأنك تفانيت ونكرت ذاتك من أجل هذا الصرح الجامع.
تحياتى يا حبيب

صدقني عوض جاويش بثني عليك كتير ...وقال لي عوض السيد ...إنسان تاني ...بالجد إنت زهرة وريحانة هذا المنتدي بس زي ما قلت لأخي غريق أنا ندمان أني ما عرفت أسرة المنتدي من زمااان ...وأجدد شكري لك أخي الحبيب ...