ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ظهور عتالة جداد

5 مشترك

اذهب الى الأسفل

ظهور عتالة جداد Empty ظهور عتالة جداد

مُساهمة من طرف محمد قادم نوية 19th يوليو 2009, 09:39

في البداية أحي كل المريخاب علي الاداء الغير عادي وأحي الجمهور الوفي واحي اخي وصديقي عبد السلام بالامس قدم الاحمر الوهاج مباراة اثبت فيها انه الافضل افريقيا حيث كان طيلة المباراة مستحوز علي الكرة حتي معلق المباراة (الشوالي) ترك التعليق وظل يردد عبارات الثناءوالاشادة والتقدير لابنا ء الاحمر الوهاج0 في غيبة وتوهان تام للعتالة الذين ظلو محبوسين طيلة المباراة في منقطة جزائهم 0فحقيقة بالامس لولا القدرة الالاهية انغزتهم وسوء الحظ الذي لازم الاحمر الوهاج لانهزم العتالة هزيمة تسجل في التاريخ0 فيا ول حتيلة القروش الصرفتوها في ام بتارة بتاعيين ام بدات دييل احسن تجيبو ليكم بيها واحد زي سامبدوبا الذي قامت به الدنيا وقعدت حقيقة لم اعرف اكتب اسمو لانه ما معروف زاتو شنو اسم زول ولا اسم اسبيرتشادي spair لان الادارة الجابتو لم تدري شي عن الكورة المهم يجيبو لاعب0 بالمناسبة دي يا ول حتيلة امبارح ظهر عتالي جديد فاخينا تاريهو كان محبوس الانفاس قبل المباراة لم يظهر نفسو كان لابد زيو وزي حالكم اها بعد المباراة فاذا بجوالي يرن رنة المتنفس المخنوق فاذا باخينا من عمان قال لي بصوت يحنن رايك شنو في العتالة حينها حنيت علي حاله اعرفو براك انت المهم من بلد السلطان قابوس(الحاجة العجبتني فيهو معترف بناسو عتالة ما لعيبة)
لكم حبي وتقديري
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 19th يوليو 2009, 12:12

صباح الخير ول حتيلة
امبارح مرقتو منها قايتو ما خليتو فكي او ام بتاري ما جبتوهو لكن ده كلو ما بنفع الراجيكم اكعب وانت قريب من الحدث والله يا اخوي انا خايف عليك ما تجييك صدمة لان مباراتكم الجاية الجماعة بخذلوكم 0شايف الليلة عم ازهري رافع قلموا وبدا يشن هجوم فشن علينا فعمنا ده عليك الله هدء شوية وقول ليهو حقو نكون عقلانيين والجماعة دييل احسن مننا في كل شي
مع خالص حبي وتقديري لكم
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف سيف الدولة مصطفى بابكر 19th يوليو 2009, 20:04

الأخ / محمد نوية ـــــ لك التحية والتقدير ، وتحية رياضية
أولاــ الفيكم إتعرفت يا إستغلاليين يا بتاعين القروش ، عشان عارفين أهل السودان مرضانين كورة ترفعوا قيمة تذاكر الدخول في السماء عشان تجمعوا حبة قروش تغطوا بيها خسارة وفضيحة سي كافا ( الجاب التكاسا )، وما قلتوا سيكافا أعدت المريخ خير إعداد وين إيداهور وين وارغو( الفارغو ) ووين كلتشي الظاهر اكلهم الدودو
بعدين ياخي ما تخليك زي مزمل ابو القاسم خليك صادق في كتاباتك وما تضلل القراء ، بس وؤيني الشوط الأول كلوا إنتو عملتوا شنو ؟ فلولا رعاية البارئي ومهند خاف عليكم ما تتفرتقوا وتلحقوا أمات طه ما كان حسمها من الشوط الأول وبعدين الحكم ده ( لأراش ) في لحظة أنا إتخيل لي زي القاعدين نشاهد لينا في كرة طائرة وده غير الدفس والرفس ، وكابوندي المسكين ذنبوا شنو ؟ وين الفير بلاي ولا خلاص قلبتوها جودو ياخي الإختشوا ماتوا ، دي ثاني مباراة في الردكاسل كما تدعونورصيدكم فيها صفر ( الله يستر على رادان ) بعد مباراة نيجيريا أظنه ما حيقعد في السودان ، شبهكم ده أحسن ليهو مازدا أصلوا إنتو بتاعين موديلات قديمة الأتوماتيك ده بتعبكم وما بتعرفوا ليهو ، ويا أخوي عرفنا كل حاجة حافظكم وحارسكم مالو بيضارب في رجال الصحافة خلاص فقد المنطق الله يكون في عون ابراهيم من صحيفة الكابتن ، ووارغو ده الظاهر الهلالاب كتبوهو أحسن تشوفوا ليكم شيخا كارب يفك عقدتوا دي الولد ده معيون ( يحتاج أم بتاري قوي) والله يستر عليكم من الجايات إنتو عارفين إنو كانو بيلازر ده أطاح بالأهلي وتعادل معاهو في القاهرة يايوسف أبوشرا يلحقكم ويفزعكم بس أوع يعملوا فيكم العملها الوحدات ، هاك الراوات دي ؛؛؛ وبعدين لو احتجتوا لأي إستشارة أسياد البلد قاعدين حتى لو كان كامبوس ما برضو إنتو الهلال الأحمر السوداني مافي فرق بيننا وبينكم كلو حقنا ، الوالي برضو حقنا كثر خير الأرباب

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 19th يوليو 2009, 20:34

مساء الخير اخي العزبز انا بصراحة بحيك علي هذه الروح الغير عادية لاني مامتوقعك تجي هذا المنتدي تاني. الشي الوحيد الذي كنت متوقعو منك تجي بعد وداعكم لهذه البطولة وتبرر بتبريرات غير واقعية مثل تبريراتك هذه. وانحنا يااخي الرياضي بنلعب علي حسب مستوي الخصم فانتو عشان منطقية كورتكم الشليت والدق والكواريك. فكان لابدلنا ان نلعب معاكم بهذه الطريقة التي تشابه لعبكم.بالنسبة يااخي لموضوع التزاكر كان لابد ان نرفع قيمة التزاكر عشان نحد الفوضة بتاعت مشجعيكم الوحشية دي.عشان المشاهد السوداني يتابع ابناء الاحمر الوهاج بطريقة تليق بمقاهم العريق. وانحنا يا اخي مامحتاجين لقروش وخزينتنا مليانة والدليل علي ذلك جلبنا لاعب قيمته تساوي ضعفين لاعبيكم وانت تعلم قيمة هذه الصفقة والخواجي بتاعكم ده انا افتكر دي اخر مباراة ليهو لان مباراتكم الجاية بعدما الجامعة دييلكيقلبوكم تحملوهو شنطتو وتقولو ليهو كلامكم المعروف اركب الشارع يا اخينا وانحنا يا عزيزي ما بتاعيين امبتارة انتو بتاعيين ام بتارة بتعرفوهم كويس لكن امبارح خزلوكم المرة الجاية امشو مالي لان ام بتارة بتاعين مالي كاربيين مازي الجبتوهم ديييل كان نفعوكم
مع خالص حبي وتقديري لكم جميعا
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف سيف الدولة مصطفى بابكر 20th يوليو 2009, 12:16

عزيزنا محمد وبقية القبيلة الحمراء، والله حمرتكم حمرة طوب و بس
جد والله الواحد بقى يحن في حالكم ن يعني لا كورة ولا أخلاق وما عارف ده نسميهو شنو ( تورورواللمدرب قسطنطين في عينه قلنا ماشي ، تحرضوا الجمهور على أعضاء الإتحاد برضو قلنا ماشي ،تفلقوا رجل الراية في مباراة أتراكو دي جديدة لنج وبرضوا الكورة ماسة مستمرة ، ياخي اللاعب لو نزف في الملعب الحكم يطلب خروجه من الملعب لتلقي العلاج فما بالك حكم عديل كده والله بهذه الحادثة كان مفروض تطلعوا من إتحاد أفريقيا وده غير ما شاهدناهو في المباراة الأخيرة ( كابوندي بالنقالة ) وبعد المباراة تعدي على صحفي رياضي ، أين الأخلاق الرياضية ؟
وتعال يا أخوي قروش شنو العندكم ؟ ما قال الوالي وحينما يقول الوالي إنتهى الكلام قال أنا وما أملك لا نساوي القصر الذي يسكنه الأرباب ، وقال أيضا عندما بدأنا في مقصورة أستاد المريخ ما كنا نملك حتى مليون جنيه وأكد ذلك رئيسنا البشير وقال جمال الوالي ما عندو قروش لكنه سخي ( فسرها على حسب هواك ) رئيس نادي جايبنوا بقرار رئاسي وملعبكم ملعبنا لانو حق الجمهور فعشان كده ما عندكم أي حاجة تقولوها وحقوا تسلوا لينا النعال لأننا تاج راسكم ولا شنو ؟
وبعدين سمعنا قالوا أوتوفستر جاي راجع صحي الكلام ده ؟ والله مصيبة إنتو بتغيروا كده لمتين ؟ يا جماعة أبقوا ليكم على راي وأرسوا على بر قلنا ليكم أركبو المازدا قلتوا عاوزين تواكبوا العصر
أخبار الحلاقة الجديدة شنو ؟ قالوا إسمها جدعة وارغو على التماس ، وثوب الدافئ من البرد
الحكام قالوا استقبلهم واحد من جماعة المريخ وعندما فوجئ بفريق صحيفة الصدى في المطار قال أية والله ديل ضيوف جمال الوالي أنا صدقتهم بس ما تكلم زول

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 20th يوليو 2009, 13:02

بعد التحية والتقدير لك اخي عبد السلام واخوانك علي راسهم ول حتيلة
اظنك اخي بعد الانفلات من الهذيمة النكراء التي كانت تدون في التاريخ 0بدأت تتفنن في التصريحات وكلام جرايدكم الذي يتنافي مع واقع الحدث0بس اديك كلمة صغيرة انتو هسي استاد ماعندكم ليكم سنة ما قادرين تعملو مقصورة للجماعة الجرمندية ساي عليك الله بتصينو في شنو؛ هو استاد اولترافورد اصلوا0 وانا خايف بكرة الفريق الجاي ده يقوم يرجع لان مافي حتة يلعب فيها 0 وانحنا طبعا ما بنديكم استادنا تاني كفاية المرة الفاتت0 واستاد الخرطوم الاتحاد العام ابا بيهو قايتو اتورطتو يا اخوي
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 20th يوليو 2009, 13:07

عزرآ المقصود في الموضوع الفات هو سيف الدولة وليس عبد السلام
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف ود المحلج 23rd يوليو 2009, 08:51

ابتعد فريق الهلال بصدارة الدوري السوداني بعد ان تغلب على فريق الشمالي عطبرة وتعثر منافسه المريخ امام الاهلي مدني في الجولة 14 والاولى من مرحلة الاياب .

الهلال استطاع ان يحقق الفوز بدون عناء على الشمالي بهدفين دون رد في المباراة التي جرت على ملعب الخرطوم حيث سجل كل من مهند الطاهر ومدثر كاريكا الهدفين في الشوط الاول ليمنحا الهلال الثلاثة نقاط .

اما في مدني سقط المريخ في فخ التعادل السلبي امام الاهلي في المباراة التي تأجلت بسبب الامطار الغزيرة ولعبت عصر الاربعاء .

بهذا التعادل فأن الفارق اصبح 6 نقاط بين الفريقين حيث اصبح الهلال برصيد 37 نقطة بينما للمريخ 31 لتزداد مهمة المريخ حامل اللقب صعوبة في الحفاظ على لقبه حيث يعتبر هذا التعادل الرابع للفريق في البطولة .
ود المحلج
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

ظهور عتالة جداد Empty المريخ يخسر لقاء الاعلى.

مُساهمة من طرف فيصل خليل حتيلة 23rd يوليو 2009, 09:03

نحن كما قلت لا نفرح لخسارة الاخرين لكى نبقى فى الصدارة و لكن نفرح حقيقة لانتصاراتنا

التى لا تتوقف باذن الله تعالى.

نعم كانت النتيجة تعادلية كما ارادها الحكم و لكن انتصر الاهلى للكرة بود مدنى و لجماهيرة و خسر

المريخ الكبرياء و الامانة و الاخلاق.
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 23rd يوليو 2009, 09:37

في البداية اسمحوا ان ابدا بالسلام عليكم و هي طبعا من عاداتنا وادبياتنا التي تعلمناها من سلف الاحمر الوهاج دايما ما نبدا بالسلام علي النّدْ ثم نتحاور وفق قوانين هذه اللعبة (كرة القدم)0
قال الشاعر:
إذا ما الدهر جر على أناس حوادثه أناخ بآخرينا
فقل للشامتين بنا أفيقوا سيلقى الشامتون ما لقينا
فيا اخي العزيز شي طبيعي في كرة القدم تنهذم و تتعاديل 0فنحنا واثقين من بالاحتفاظ بالثنائية (الدوري والكاس)0انتو كدة امرقو من مبارياتكم الجاية
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty لك التحية اخى محمد نوية.

مُساهمة من طرف فيصل خليل حتيلة 23rd يوليو 2009, 14:23

نحن كما قلت لسنا بصدد شماتة الاخوة جنوب العضة و لا يمكن ان نسلك هذا الطريق

الغير كريم و ليس من اخلاق الهلال فى شئ ان يسخرمن الوصيف.

كنا نحلم فى الهلال ان يكون هناك منافس او ند حقيقى و لكن؟؟؟؟؟؟؟؟؟؟؟؟؟؟؟؟؟؟.

حبى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف سيف الدولة مصطفى بابكر 23rd يوليو 2009, 16:46

أخونا فيصل
الجماعة خلاص بعد خسارة الكأس ( سيكافا )قالوا في مدني الإتحاد منحاز لكن يخيل لي الملاريا طلعت خلاص في الراس ، نحن أسياد بلد نهز ونرز قبال نجيب الكأس
قال أيه ،، قال المطرة قال ، إنتو الناس ديل من كوكب آخر ولا شنو ، هم غير الطين يلعبوا وين ؟
نحن بعد ده ما بنتكلم وحمدو في بطنو والدايرنا يجينا في النقعة بدون ( سبارا )

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف محمد قادم نوية 27th يوليو 2009, 14:11

وينك يا عم سيف (ابوفراس) انشاء الله غيابك عافية ولا المباراة قرّبت خايف من تعليقاتنا اتمني ان تحاول المستحيل تظهر لينا
تحياتي لكل الاخوان
مع خالص حبي وتقديري لك
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف سيف الدولة مصطفى بابكر 27th يوليو 2009, 18:37

الأخ / محمد وبقية القبيلة المغلوبة على أمرها ؛؛ لكم التحية
والله نحن ما إنقطعنا لكن عندنا كومر قديم ماركة ( مازدا) بنسمكر فيهو وزي ما عارفين الدنيا ليل غربة ومطر وطريق مدني كلو وحل 0( صبت الأمطار والطريق بطال )
وتاني عشان ما تتفاصحوا ساكت أتمنى أن تكونوا قد إطلعتم على آخر تصنيف
أفريقيا وعربيا وعالميا كلو إنتو ورانا ، والجايات أصعب

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ظهور عتالة جداد Empty مازدا ----

مُساهمة من طرف حامدونا 27th يوليو 2009, 19:55

ابو فراس /لك الود
ياعم الجماعة راح ليهم الدرب فى الموية (والعد التنازلى حصل والدليل الكوتش-حاج مطرود مازدا) ويوم الاحد ربنا يكضب الشينة وهاككككككككككككككككككككككككككك الهوبا دى

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ظهور عتالة جداد Empty رد: ظهور عتالة جداد

مُساهمة من طرف سيف الدولة مصطفى بابكر 27th يوليو 2009, 20:16

يا حب قالوا ( رادان إتكلم عربي قال يا الوالي تلحقني )
ابراهومة لبد ،، سألوهو مالك يا كوتش قال المطرة بلتني ــــ المازدا وحلانة ومدني بعيدة والمسافة سنة والبنزين البدوسو أنا ــــ باي باي ممتاز ــ باي باي أبطال خيرها في غيرها

سيف الدولة مصطفى بابكر
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى