الزمن

(يازمن وقف شوية واهدى ----)
الزمن كلمة عجبية والله ممكن تقول فيها اى حاجة *سلبى *ايجابى *جميل*خفيف *تقيل/يعنى مزنوق فى امتحان يمر عليك بسرعة البرق ويكون معاك الزمن ايجابى وله قيمةعلى العكس من انتهى من الامتحان-يكون سلبى* تكون منتظرحبيبة يكون تقيل (حمار ديراوى)تكون معاك حبية يفك البيرك (الساعة جنبك تبدو اقصر من دقيقة والدقيقة وانت مافى مرة مابنقدر نطيقها)ماقلت ليكم حاجة عجيبة م*مغلوب عاوز الزمن يكون واقف-ما تحس بيه وزن الريشة اكيد عكس الغالب يمر عليه سنين /يعنى بالعربى كدة مدخل خشمه فى اى حاجة /وسؤال *ليه نحن ما بنقدر قيمة الزمن ومن(بدرى عارفين حكمة *الزمن كالسيف ------------)ولا-رايكم شنو

الحبيب حامدونا لك التحية والتقدير
عزيزي حقيقة نعيب زماننا والعيب فينا * وما لزماننا عيب سوانا ، نحن أمة أو شعب لا يقدرالزمن ولايعرف له قيمة وحياتنا كلها سبهللية يعني هسع ممكن آخذ منك موعد وأقول ليك بتجيني الساعة كم ؟ بإختصار ممكن ترد بعد العصر أو المغرب ويكون ما عندك أي إرتباط آخر وتقول لي هو إنت ماشي وين ما قاعد ، أو ممكن تنوم وتجي تقول لي والله المواصلات أو جاءني فلان أو علان وحتى ما بتكلف نفسك إنك تتصل على الزول المنتظرك ده ويا خي دائما عندما تفكر في أي مشوار ما بتخلي هامش زمن للطوارئي. و حتى في الإجازات تلقى الواحد ما يفكر في العودة حتى يتبقى من نهاية التأشيرة يوم أو أثنين وكذلك كثيرا في حالات الزواج الواحد يكون بلغ من الكبر عتيا يقول ليك نحن لاحقين شنو الزواج ملحوق ن يعني الواحد يتزوج وعمره يكون 45سنة وولدة يا دوب عمره سنة واحدة زي ده الظاهر بس عاوز يعذب الناس وراهو
فيا جماعة موضوع الزمن ده موضوع مهم جدا يجب على الناس أن يخوضوا فيه بإسهاب لعلاج كثير من المشاكل ولأزم نكون منظمين شوية في حياتنا ن فحكاية والله الزمن تغير ، والزمن بيمر بسرعة دي كلها مبررات واهية فيجب أن نقف مع أنفسنا قليلا ، فالوقت كالسيف إن لم تقطعه قطعك .