هلا هلا بالغالي هلا با بو علياء

جيتا جيت عمو عصمان حبابك الف نورت المنتدي بطلتك البهيه المشرقة
وتاني ما تطووووووووول الغيبة وانشاء الله عقبال جيت الناس الغائبين فقدناكم بالجد بالجد
فائق احترامي وتقديري

شفت كيف
يا عتمان يا اخوى
فقدك حااااااااار علينا
ربنا ما يحرمنا منكم
تسلمى يا اخيتى الصبوحه
وتحياتى للعيال وابوهم

ندائين أحدهما من مدينة الضباب (لندن ) والاخر من مدينة الفن والجمال (باريس ) لك أيها (العصمان ).
نداءات دوليه(على وزن محكمه دوليه).....الله يستر عشان كدا تانى ما تطول الغيبه(يا فرده).
مشكوره يا صباح والشكر عبرك طبعا موصول للخواجيه بنية عبد الغفار

ابو علياء 0000عووووووووك من باريس واخرى عوووووك من لندن وثالثه عووووووك من عمان ومن الوطن كمان ليك عووووووووووك من الحباك000ماسمعت العوكات دى

والله جنس(عواويك) يا زعيم

لازم تبكونــا يعني !!!؟؟ الإنسانة : صبـــاح ...والراقية ســـهاد ...والغالييين غلاوة : عوض السيد ...وغريق ...إن كلمة شكراً قليلة جداً بجانب شخصكم الأصيل ...وتعرفوا طبعاً انا دموعي قريبة جداً..وهذه أحد نقاط ضعفي ...بس ما تكلموا زوووول ...وقد اثلجتم صدري ايتها القامة ( ودي قلبوها وشوفوا جمع قامة واقسموها مع بعض !!؟؟) ...وتحياتي موصولة لكل أسرة المنتدي الرائعين نفر نفر ... محبتي

تبكى بس يا ابو علياء.
انت القامه يا حبيب

العزيزة سهاد
الرائع عوض السيد
الزعيم غريق
العمده عصمان
حفظكم الله ورعاكم لكم كل الاحترام و التقدير و انشاء الله دائما مجتمعين للخير و السمح و ما نفقد عزيز لدينا امييييييييييييييييييييييين

وهاهو وصل اليوم الراقي الغالي الاخ الدكتور الجنيد
فاهلا به و تاني و تالت و رابعععععععععععع كمان

بالجد وحشتنا ... وجامعة الشمل العزيزة والغالية ...الفرنساوية ...بتسأل عنا ...وجزاها الله الف خير ...وربنا يحفظ كل بنياتنا العزيزات الغاليات ...وبعد دا يادكتور لما تجي تغيب كلمنا ياخي ...!!؟؟؟ ولا أحسن نشتكيك لحكومتك ؟؟؟ تحياتي لكم من العمق العاشر ...وتحية خاصة من العمق الخمسين لجميع أفراد أسرة المنتدي ...وشكرا...شكراً كتير بنيتي صبااااح يا كلك ذوووق ..... إحترامي

سلام كتير ليكم...وما أجمل ان يسأل عنك الناس حين تغيب...يحسسوك بقيمتك كأنسان ليك وجود...وما أجمله السؤال حين يأتى من عاصمة الجمال باريس وعاصمة الضباب لندن.......واوعدكم ما بغيب الا غصبا عنى..واسال الله ان يديم التواصل بيننا
لكم الود
تخريمه:
قالو اتنين بصلحوا السراير...واحد كسلان..ماشين فى شوارع الحلة..وواحد بكورك: أصلح سراير...أجلد بنابر وعناقريب..اضرب بوهيه...التانى بيقول: وانا كمان...
عثمان عليك الله وريهم..اناكمان ذاتى زيك دميعاتى قراب

تسلم يادكتور ...تعرف كل هذا يدل على أصالة معدنك ...وطبعاً كل الدنيا بتقول نحن شعب كسول ...وقالوا في مصنع ...عمل مراتب إسفنج ( high sleep ) وقالوا أحسن شعب نعمل علية التجربة الشعب السوداني ...وجابوا مجموعة من السودانيين ...وقالوا ليهم تشتغلوا معانا ..بس شغلتكم تناموا على هذه المراتب ... وحتي نعرف جودة المنتج وآخر الشهر بنسلمكم الراتب ...وناموا وبعد اسبوع قالوا ماعاوزين شغل !!! ليه ؟؟قالوا ننوم أسبوع كامل ولا يوم إجازه مافيش !!!؟؟
وانا أتحدي العالم بأننا أنشط نااااس ...والليلة الحبشي الشغال معاي في المكتب زعلني ... هو بسوق سيارة ...ولكن تعبان في قيادة السيارة ...وقلت ليه أم علياء عاوز أطلع ليها رخصة قياده ...وهي بتسوق أحسن منك ...قال لي أنا بسوق أحسن من كل ناااس السودان ...وقال لي هنا في السعودية كل الناس وحتي سواقين التكاسي الباكستانية عارفين السودانييين مابعرفوا بسوقوا سيارات كويس ...زعلت منو زعل وحتي كتابة هذه الأسطر انا منفوخ منو .... محبتي

يديكم العافية...
ود نويه حبابك..الغيبة للعمل فقط وكلو تمام سعادتك...يا خوى اجازتك بقت زى حجوة امضبيبينه...كلما اعرف لى ست امجنقر كاربه..انساها..لأنك ما جيت..تانى ما بشوف واحده الا لامن تركب الزلط من الخرطوم للحباك..أقصد للعباسة..لكن اعمل حسابك لو قعدت تتأخر كدا حتركب الزلط للحباك..( الزلط الآن خمسين كيلومتر من امروابه فى اتجاه العباسية والشركات شغالة فل,,,

ود الشاويش يا خوى..انت كبيرنا..تقوم تزعل ليك من حبشى بيقول: امبارح جانا هرامى سرق تلاته سريرين....لا لا لا خليه يهضرب وما تمرض نفسك عشانه ..دا نحن لسع راجين منك كتير......والله ام علياء تسوق احسن من هيلاسلاسى ذاتو

ياخى انتو حلوين شديد.
الجنيد عطرك دا اسمو شنو أما الود ابو علياء أصلا بنقّط عسل

الأصيل ...النبيل أبو إبراهيم ...Your message under control أفهمتني !!؟؟ وتعرف إنت بدلعنا شديد ...وصدقني أصبح المنتدي ملاذ لنا ...ودونما نشعر تجدنا قد دخلنا لنلتقي بكم ولنشتم فيكم عبق الدليب ورائحة المنقة ...وربنا لا يحرمنا منكم يارب ... محبتي

كدا خلينى من الدليب وريحة المنقه وركّز لى على الكنترول