سؤال محير1؟؟؟؟؟

جاتنى فكره يا اعزائى الكرام
كل واحد منكم يختار سؤال
محير ونتداوله بيناتنا
بكل صدق
لكى نستفيد ونفيد بافكار بعض
ولا ننسى ان الاختلاف فى راى
لا ..........
نحن هنا فى بيتنا كاسره بنتناقش
فى قضايا بتهمنا وبتهم مجتمعنا

سؤالى الاول
راتب المرأة العامله
هل هو من حق الزوج ؟؟؟؟؟؟
لكم اعزاىء حق الرد بصدق
وامانة تامه
واراكم بتهمنا
وحتساعدنا فى حل
كثير من المشاكل
بتمنى ان تعجبكم الفكره
وترحبو بها
وكل عام وانتم بالف خير

يا سهاد يا خواجيه يا رهيبه(دى من راسك ولا من كراسك).
أنا أقول ليس من حق الرجل التغول على راتب أو مال زوجته الا بالتى هى أحسن بدليل قوله (ص)
ليس للرجل الحق فى مال المرأه الا بالتى هى أحسن.
لكن بينى وبينك هو لو شالو حيودى وين غير البيت ياهو بتحرق أكل وشراب.
أحييكى على هذه الفكره الرائعه.
تخريمه:-----------
قريشاتك أديهن لأبو يونس(ساى) ما تخافى

تسلم يا استازنا
ويكون لى الشرف انك اول من
رحب بالفكره
وصدقنى قلت نعمل حركه
كده نصحصح بيها الجماعه
لما الحجاج يجونا
بالسلامه
وعقبالنا
هو يونس واخته خالين فيها حاجه
ربنا يديهم العافيه
وصحبك ده شكله لابد ساى
قال المره شايله منى بلى
تسلم يا سيدى
وباب النقاش مفتوح
عايزين نعرف اراءكم

طبعا با سهاد زمان الاحد لما يعرس يقولوا ليه تغلبا بالمال وتغلبك بالعيال الان العكس تغلبها بالعيال وتغلبك بالمال .

عشان كدة هى ومالها لزوجها.

بعدين هو نحنا شغالين لمنو ؟

ابتكار موفق
المال الذي لا يجب اخذه من المرأة هو الذي اتت به من ابيها
لكن المال الذي تكتسبه من عملها فهم فيه شركاء لانها ومن المفترض ان لا تعمل لغير راخت زوجها واي وقت تقضيه في العمل هو خسم على راخت الزوج(رأيي الشخصي)
اشكرك جدا اختي سوهاد
وكل عام وانتم بخير

انا ما زمان قلت ليكي انت رائعة يا سهاد
وبالجد الفكرة حلوة والسؤال كاااااااااااارب
الرجل ليس له الحق الا بالتي هي احسن
لكن في وقت الحوجة نطلعة
تخريمة[[ يا اختي قريشاتك لميهن عليكي سوووووووي ليكي ضهبات في يدك ها ها ها]]

كل سنه وانتم طيبين

فكره موفقه واحى فيكى روح الابتكار يابت ياسهاد

كويس انك دورتى الجماعه

( الفيكم انعرفت )

لكم الود والاحترام

مادام الرجل سمح لزوجته بالعمل فان المال الذى تكسبه من عملها هو لها 00الا ما تجود به على زوجها عن طيب نفس 000لان الراى الشرعى النفقه على البيت والاولاد من واجب الرجل 00والله اعلم 00شكرا سهاد

هى يا اخوى المحامى
الكلام ده كيفنه كمان
قالو هى لزوجها
علا مالها دى ما درسونه ليها
شكلكم كده بتفتشونا لينا
فى قانون جديد
علا والله تشولو شيلتكم براكم
ونحن نضحك بس
تسلم وتحياتى لمدام
وكل عام وانتم بالف خير

عفيت منك يا ود عمتى
لابت ليك فوق راى
كل سنه وانت طيب
والكل بخير وصحه جيده
امس كنت بتكلم مع ماما بثينه
وقالت لى زهير طوالى بيدينى اخبارك
فيك الخير وربنا يجمعنا فى ساعة خير
قول امييييييين

الليله يا العريس
ده كلام شنو يا اخوى
كده خليك تفتيحه زى
اخوى زهير ده
تحياتى لعروستنا الحلوه
وكل عام وانتم بالف خير

صبوحه الصبوحه
والله ضحكتينى
ده الكلام ولا بلاش
واخيتك قال عاملها فوقكه
خواجيه (دهب شنو ياى ما راغى )
قال الكديسه لما ما لقت اللبن قالت شنو؟
علا بعد ده ببقى عشره
على الدهيبات
كل عام وانتم بالف خير
حاتصل عليك
وحمد كلمنى بتلفونكم
بس اسكتى ساى
جرى شديد
تحياتى للحلوين وابوهم

تسلمى يا بنت عمتى
وكل عام وانتم بالف خير
وحجه مقبوله انشاءالله
للعمه وربنا يرجعها بخير
يختى ما نحن
عايزين
نجرجر الجماعه ديل
ونطلع المستخبه

شكرا لك اخى غريق
والله انت مدرسه بحالها
كملت كل حاجه
ربنا يديك العافيه
وكل عام المدام والعيال بالف خير

والساقيه لسا مدوره منتظرين الاراء

تسلم يا اخوى الحاج
والله ضحكتنى
عفيت منك
يا بت عمى
ابقى عشره على صناديقك
وربنا يزيد ويبارك
الفاتح يا اخوى
نحن
قليبنا رهيف
وقت الضيق ببان المتخبى
وربنا يخليها ليك يا رب
تسلم على المرور

والله يا الفاتح دا كلام
انت ادفع قوشك اسوها صناديف
وبعدين تحنس عشان يدوك منها
هوي يا سهاد الكلام دا مامعانا
كان الامر زي دا نوديها الفرقان طوالي
وتامي صندوق الا كان تخت فيه الحلومر

ضحكتنى اخوى العريس
انت كمان صندوقك حيكون عجيب
شى قوايش وشى ختم
وشى سلاسل
كتر ساى من الدهب الابيت لى بيه ده
وبعد داك بجى اتعاره من العروسه

كمان صندوقك
زى صناديقنا انا وبت عمى دى
شى بالريلات وشى بالاسترلينى
لما نلم ونشترى الدهب
نلقى العروسه
جاهزه صرفت صندوقها ولبسته
ربنا يديكم العافيه
والسعاده الدائمه

اليومين دى ما سؤال يحير الناس ديل ياالخواجية

تسلم يا اخوى
الافكاتو
سعالى مجلاهو
لما تجاوب على
اسعلت
اخوى عوض السيد دى
وبعدين نجيب الحيره
علا ارجا الراجيك
الليله سعال نكير بس
وكان ادونا فرصه
ما بنقصر
استشارات
قانونيه (ملح)
عينك ما تشوف الا النور
منتظرنك
بهناااااااك

الافكاتو يا اخوى
لما شفتك اتاخرت
قلت كده نسال ونحير
الجماعه
بس السؤال المره
دى ساهل
وكله رومانسيه
اتحل من اخوى الاستاذ
وتعال لى راجع
وكان قلبتك قضيه قول عووووووووك
هى قصدى كان قلبتك حاجه
قول عوووووووووك

اختى الخواجية هى كان على اسئلة الاستشارات دى ماهينة كان ما اتلقت فى الراس الكراس ماوجود لكن الكلام فى اسئلتكم دى.

اشكرك