خليك فى المحلى يا جبل اللقمه

حقق الهلال فوزا كبيرا على ضيفه هلال كادوقلي بخمسة اهداف نظيفة في اللقاء الذي جمعهما مساء اليوم باستاد الهلال في المباراة المؤجلة، سجل الاهداف: سادومبا الدقيقة 20 ومساوي 32 ومهند 73 وبوي 84 وكاريكا 88"، وبهذه النتيجة يرتفع الهلال بنقاطه الى 45 نقطة وتتبقى له مباراتان مؤجلتان سيؤديهما يومي الاثنين والخميس المقبلين امام كل من الخرطوم والموردة وفي حالة فوزه فيهما سيستعيد صدارة الممتاز.وارجا الراجيك يا خروف العيد

مبروك البطوله المحليه يا خروف افريقيا

البطولات القاريه تاتى عبر الدورى المحلى

بالجد ارجوووووووووا الراجياكم

أشكركم على المرور غريق وصباح.
نعم يا زعيم القارى يأتى عبر المحلى لكن أنا وأنت وأى زول فى الدنيا عارف المثل البيقول (حلم الجعان عيش)

نأسف على التأخير حبيبي وصديقى ابو السيد فاكهة المنتدى
وانتم الادرى يا وصيفاب سيد البلد افريقيا لا يمكن ان نأتي منها بكأس لاننا كهلالاب لا يمكن ان نسيل مع الجميع في مجرى واحد وهو مجرى الرشوة والغميد غميد الجميع يعلم بما فعله الصفاقصي والهلال السعودي من قبله والرجاء والاهلي المصري وكل فرق شمال وشرق افريقيا عندما تواجه هلال السودان الجميع يدري كيف تتم المباراة وهي لم تبدأ ولا ننسى ان نذكركم في الختام بان الوصيف حاول من قبل مع مدرب الوحدات وغيره لكنه لم يفلح وفضح في سوق الله اكبر
وفي الختام لا يوجد موضع قدم لنا نحن اسياد سيد البلد في اتحاد يترأسه كبار المرتشين ويكفي ان الاتحاد الافريقي مقره مصر و عيسى حياتو الرجل الذي لا يعرف كيف يكتب اسمه متخيط ولا يدري ماذا او كيف يفعل ما يفعله
وحسبي الله ونعم الوكيل يا عيسى يا مماتو

مرحبتين حبيبنا الأزرقانى جبل اللقمه.
فعلا تأخرت لكن لم نعاتبك لأن الصدمه لا شك كبيره.
كنت أتوقع منك ردا فلسفيا أروع من الذى أتيت به الا أنك فاجأتنى فى تعليق فضيحتكم وذلتكم على عيس حياتو الذى وصفته بالأميه رغم أنه غير ذلك.
الرشاوى والغميد غميد انتو أهلها جوّه البلد عشان كدا فالحين محليا وخايبين دوليا.
سرقة العرق التى ذكرتها أرجو ان لا تتحدث فيها حتى يجف عرق الاخرين الذى سرقتموه.
***
***
***
*سؤال مباشر أرجو أن توفينى بالرد عليه:-
ما هى فى رأيك أسباب خروج الهليّل من المنافسه؟؟؟؟؟
* وصيه مهمه:-
المره الجايه أفرح لكن ما تسرح ولا تنسى حضور الوجه الاخر.
***الشكر لله والمجد للكبار***

ما هى فى رأيك أسباب خروج سيد البلد وحامل كاسها من المنافسه الافريقية(الكونفدرالية)

لن اقول ان ميشو المدرب الطموح خارج الاسباب لان تغييراته الثلاثة كانت خارج منظومة المبارة ولكن قبل ميشو كان الحكم ...ثلاث ضربات جزاء لم تحتسب وهنّ واضحات وضوح الشمس ثم الثلاثين تسللاً سواء كان موجود او غير موجود والتحذير والتهكم فى وج لاعبي الهلال الحكم استاذي كان عاملا رئيسيا في وصول الهلال الى ضربات الترجيح وميشو كان سببا ثانويا في خروج الهلال عبر ضربات الترجيح...

ولكن دعني اخبرك شيئا
الوصيفاب لا يفرحون لفوزهم وانما يفرحون لهزيمة الهلال

وكذلك لايحزنون لخسارتهم بقد ما يحزنون لفوز الهلال
يعني بالعربي كده نحن متسيدين السودان
والدليل انكم معنا في الهزيمة(سعيدين) وفي النصر (حزينين)
وبعدين الريس قال شنو ؟
قال:السودان 80% منهم هلالاب
وسالوهو عن الباقي ال20% قال هلالاب بس زعلانين شوية

أول حاجه نسيت أهنيك بالعيد(كل سنه وانت طيب).
انت كدا وصّلتنى للأنا جارى وراهو.....
الحكام...الحكام....الحكام....الحكام....الحكام.
العطايا وحفنات الجنيهات التى تعطونها لسجّام السودان أقصد حكّام السودان وبموجبها وصلتم الى ما وصاتم اليه من غير جدارا ما هى الا بمثابة عقوبه من رب العزه أرجأها حتى تأتى متأخره لنفرح نحن ونهلّل بالذبائح ولا أخفى ربما أكون أنا المريخابى الوحيد من السودانيين المريخاب الذى ذبح كبشا صغيرا احتفاء بفرحة الاقصاء.
معليش الكبش كان صغير لصغر حجم المحتفى به فى نظرى.
بعدين كونى أفرح لهزيمتك دا شئ طبيعى لأنى لا أتوقع حزنك حين هزيمتى.
شماعة الحكام سند غير مبرر طالما ما انكم تزعمون انكم فريق لا يطال وطالما انكم تزعمون انكم اسياد البلد يا رماد افريقيا.
نعم أنا معاك ميشو تغيراتو كلها رعناء ولو تجرأ طارق أحمد ادم وتدخل حتى لو يوصل الأمر للاداره لكان الحال غير ممكن يكون الصعود للنهائى ولكن كفاكم الله شر الذله المجلجله وما قدرتو تقطعو الكبرى.
***الشكر لله والمجد للكبار***

وانا كمان وانت بالصحة والسلامة وربنا يحقق اماني الجميع
مع ان امانيكم معروفة يا وصيفاب
ههههههههههه وربنا يخلي ليك اولاد ويوفقهم ويسدد خطاهم
قول يا رب

اللهم امين يا رب واياك