الله يسامحك يا جبل اللقمه

تحيه وتقدير واحترام كمان كان ما عجبك.
ياخى تورّطنى كدا وفى النهايه أعرف انك ابن الأخ والعم والصديق/عبد الرازق الحاج.
طيّب كنت تملّكنى معلومة انك اخر العنقود ومن جيل الانقاذ زى ما قال لى الفاضل امبارح فى التلفون.
عموما انت لخبطنى بالاسم(جبل اللقمه)والحقيقه ليس لدىّ أدنى فكره عن هذا الاسم.
خليتنى اتخابط بالتلفونات عشان أوصل ليك امس بالليل ولم أوفق لأن تلفونك عطلان.
اتصلت السودان فالتقيت بوالدك الرجل الطيب وكان خروف الكرامه مدوّر(ما خروف افريقيا)....دى خليها تعدى.
واتصلت السعوديه على عمك فلس واعطانى رقمك ولم يرد لكن عرفت انو عطلان ثم اتصل الفاضل(وليدى)ولطف الاجواء وبعدها اتصلت الصين وقابلت الدكتوره وكان من حظى أقابل ايمان(فى داعى للخسائر دى).
أصل الموضوع انى اتصلت على صديقى الحاج/الفاتح محمد توم لابارك له الحج ففاجأنى بأنك ابن عبد الرازق الحاج(أسأله ماذا حدث بعد ذلك).
عموما أنا بعتذر بشده لكن برضو ما بخليك بس المره دى بنقّص (كوز).
أمشى أحضر عرس بانقا فى سنار وتعال نتفاهم.

يا ابو ابراهيم قول يا لطيف
والكورة بتعمل اكتر من كده
وصدقني الموضوع ده عادي
ما قلنا ليك عمك شال البندقية لاولاد المحلج
هههههههههههههههه
الحمدلله بندقيتك ما حصلت حقت عمك عبدالرازق
تسلموا كلكم

الحمد لله جات سليمه بس خلو جبل اللقمه يهجج فى عرس ود عمتو ويجى وبعد داك الدواس بيكون ناقص كوز.
شكرا عيال المحلج(توحه والدكتوره)

وهو كذلك.
صباحاتك بيض يا حبيب.
تخريمه:--------------
انت الكركدى الرسلتو بالنقل الجماعى لمحمد نويه ما نفعو ولا شنو الزول انا خايفو يكون لسه راقد رز.
كدى الليله كان كما ظهر بعدين بالليل نشوف الحاصل عليهو شنو

يبدو أن البرد فى سنار قارس يا جبل اللقمه

ههههههههههههههههههه مشكور والله حبيبنا ابو السيد عل كل العملتو وده تأكيد جميل على مريخيتك الجميلة ومعليش على التعب واعفي لينا
وبعدين كان تعرف طوالى اني ولد صديقك ورقة من انتمائي (لكبير افريقيا)ومشكور تاني على السؤال

شكرا
استاذ:الفاتح ود: احسان على المرور والتوضيح

عوض السيد ابراهيم كتب:يبدو أن البرد فى سنار قارس يا جبل اللقمه

بقا علينا البر وراجي

إحييك وأطبطب على كتفك مره تانيه ويله نخش فى اللعب النضيف.
تخريمه:------------------
برد+راجى..........والله مصيبه.
الا ما قلت لى مباراة الصفاقسى والفتح(والفوّار ببح) رايك فيها شنو

والله للا سف ما حضرتها وبعدين بعد العملو فينا الحكم داك الله يجازيه خلا خشمنا ملح ملح ومافي نفس للمتابعة..
بس من خلال شرح ابو الشوش الوافي ومداخلتك ليه يظهر انها رتيبة...

بس خاشين الابطال السنة دي بقلب جامد ان شاء الله بس انتوا صفوا النية وبلاش حكاية الضبايح والكرامات دي بتمحقنا ...

نعم تخشوا لكن مداكم محدود ..حقو تعتذروا تخلو ناس النيل يخشو بدلكم

غايتو لو قدرتو ادّينتو ليكم قروش ولا أقنعتو ديوان الزكاة أدّاكم وصنّفكم واحد من مصارف الزكاة التمانيه ودخلتو معانا أدغال افرقيا عشان نفتش الكبار نجيبهم امكن تقدرو توصلو المجموعات لكن غير كدا الله يكون فى عونكم(مهند وسادومبا ببح)