نداء عاجل

أيها الأخوة الأعزاء أختفى منذ أكثر من ثلاثة أيام أخونا عثمان ودالشاويش ، ولا ندرى هل إنقطعت عنده دوائر الشبكة العنكبوتية أم أنه أجاز نفسه بدون موافقة المشرف العام ووقع فى المحظور ، المهم من يعثر عليه يرجى إبلاغ إدارة المنتدى وهناك جائزة خاصة لمن يعثر عليه أو يدلى بأى معلومات تفيد عن مكان تواجده. وللعلم غاب بعده بيومين كل من معتصم وسيف الدولة مصطفى .... الأمر الذى أثار لدينا شئ من الريبة ، طارق كمبال معذور هذه الأيام لعله يؤدى واجب العزاء فى عمنا السيد أبّوه عليه رحمةالله وفى إنتظار عودة بمشيئة الرحمن.

تحت الأنظار يا أبوالزهور حفظك الله ولكن بيني وبينك كده كنا في اجازة سعنتوتية كده والواحد ذي ماعارف ما يصدق يلاقي ليهو يومين كده ويفر فيهن أما أخي عثمان فالظاهر لقي ليهو جحر كده لبد فيهو ( علي فكرة ابوعلياء ده يحب ليك الراحات جنس حب )

شكرا معتصم ونقول ليك مبروك طلعت براءة ، وما زال ود الشاويش غائبا ورفعت إدارة المنتدى الجائزة وضاعفتها والآن ود الشاويش مطلوب حيا أو حيا ويرجى إبلاغ الإدارة عن أى معلومات متوفرة أو أى فندق إعتاد المذكور الركلسة فية .. إنتهى (over). للذين يذكرون محمد توم وراديفون المحلج.

كويس .. سيف ظهر فى منتدى آخر ومازال البحث جاريا عن ود الشاويش.

الاخ ابوالزهور لك التحية وللاخ ابومحمد فعلا الشاويش واحشنا كتير ومنتظرين كتاباتو ومداخلاتو الرائعة بفارق الصبر اتمني ان يظهر سريعا والا ذهبنا له في الرياض واخرجناه من جحره عنوة

اخونا عثمان ود الشاويش عودنا علي كتاباته الجميله والطرائف الممتعه جدا وزكريات ابوجبيهه وبصراحه لما اقرا كتاباته بتخيل انو في ابوجبيهه ومع ناس ابوجبيهه.وبقول ليه لازم ترجع ياعثمان وباسرع ما يمكن ولو مارجعت حنرجعك (بالانتربول).

المثل قال أخوك كان مادارك مابكوسك ... شكراً أخي أبوالزهور ... شكراً إخي الفارس ابو محمد والأبطال أولاد ابويا خليل ، حسن وحيدر وكل من سأل عني ، والله الذي قطعني عنكم جهازي ضربوا فايروس ....(الكمبيوتر ) والحمدلله أحضرنا الحارس الأصلي لمحاربة الفايروس ومستعدين حتي لفايروس الخنازير !!! حماكم الله ، وطبعاً آخر لي موضوع معاكم كان عن فوائد الأسل ، وبمناسبة الأسل اتذكر ولاأنسي ابداً عمنا العمده المرحوم ، غفر الله له ، كان في غاية الظرف وكان خفيف الظل ، كنا نجلس بشابيك المحكمة ، وخاصة خلف شباكه تماماً لنوادره وطفشاته الظريفه ، وكان يلتفت علينا فجأه ويقول : ياإيااااال حودوا إتو الشباك ده فوقوا الأسل ( العسل ) وكنا نموت من الفرحة والضحك ، واذكر مره عملوا كشه للأرقي !! وكل أدوات الأمل ( العمل ) للمريسي ونحوها ،، المهم وجابوا عماتنا وخالاتنا وبدأ في الحكم عليهن يسرح كداا في كرسيه وفجأه يرفع رأسه ويقول حكمت عليكي المحكمة باشره جنيح وكان وقتها مبلغ كبير حيث الخضار واللحم كان ب 25 قرش ، المهم فجأه أدخلوا عليه حبوبتنا خديجة بت عيسي ، : لما شافا قال : بت إيسي الجمااه جابوك ولا شنو ، قالت ليه آي يالعمده ، ومالقوا عندي شغل إلا عريقك الحبيبة الخليتو لي أمس في الباغة .... الجماعه ضحكوااا ... وقال تضحكوا مالكن إس البضحكن شنو ؟؟! خلاص أدفأي عشرة جنيح ، ويالها من أيام وياليتها تعود ، أحبتي وقد عدنا لكم ، ويسبقونا الشوق اليكم ... محبتي ...

شفتو ياجماعة وبدات ماكينة شاويش حركتها وجاب ليكم واحدة عجيبة عشان كده انحنا بنحب شاويش وبنحب كتاباتو
ويااخوان المتخصصين في الكمبيوترات شوفو للشاويش برنامج قوي للفايروسات ومانسمع تاني جهازوا ضربوا فايروس لك مني كل الود والاحترام اخي عثمان

أخيرا وجد ود الشاويش نفسه وراحت عليكم الجائزة والتى كان قدرها خمسة ألف $.

الاستاذ/عثمان
الجاتك فى جهازك سامحتك (مبروك للمنتدى عودتك/ياجراب الحكاوى)لك الود

هلا هلا باخونا الظريف عثمان,مليون مرا حب المنتدي نوربقدومك,المرات القادمه خليها تكون سلسله روايات من محكمة ابونا العمده,

وينك يا أبوعفان .... كلم سعدالدين ... يخش المنتدى

قالو الغربه بتجيب زهايمر لكن ماشاء الله اليك فئلا موئلم واينى بارده الله يحفظك يارب ودمت جرابا زاخرا للمنتدى



عشت ياابو عفان