نداء عاجل لطارق كمبال

أنزلت صحيفة قوون الاليكترونية صورة يوسف محمد مع مجدي شمس الدين يبصم...نأمل أن تنزلها في المنتدى للوصيفاب
يا اخي بدون تكليف
شوف يوسف الفنان الحريف
وقول لناس الطيش الوصيف
الدفاعهم ديمة ساهل ونضيف
مش دافي دا هوت شتا وصيف
جاكم يوسف من القيف للقيف
يا ول نويه وعوض الليلة حالكم كيف
جرو السبح وابركو وقولو يالطيف

ياخى دا كان ما بصم ممكن يدبلجو ليهو صوره وهو بيبصم.
انتو ناس الاعارات الوهميه والتسجيلات التجاوزيه.
عليييييييييييك الله سجلنى بتلفونك.
يا مجدى يا شمس الدين يا محامى ما تخجل تقول انا اتصلت على يوسف محمد وأبدى الرغبه وأنت القيادى باتحاد السجم والرماد الله لا عادك ولا عاد الاسمو شداد.
لكن نحنا حقنا بنجيبو بقروشنا ما بالدلال يا (قشطه )والله يدينا الى مرادنا

وصلت لتوي وسانقل الحدث صورة وصوت وانت يا بن عمي شد حيلك الجاياك يا ما كتير جدا

بالله ياعوض السيد روق شوية وانا طبعا ضحكة في مهازل مجدي واتباعو ---- وطبعا دا شئ طبيعي عندهم؛ وحتي لو جابوهو( فضلة) الخواجات ده بعمل شنو؟ قبل كدة ماكان معاهم وشفنا الفضائح والبكي والطلاق وحاجات كتيرة مادايرين نقولا عشان دكتور الجنيد جانا ضيف مادايرين نقولا قدامو
التحية لكم

قال الاستاذ عماد الطيب الامين العام لنادي الهلال: إن تسجيلات المحترفين تستمر سبعة ايام بعد 15/1 بمعنى انه يمكن للنادي أن يضم محترفون حتى 22/1 حسب ماجاء في لائحة اللاعبين المتعاقدين بالاتحاد السوداني لكرة القدم للعام 2009-2010م.. ونؤكد لجماهير الهلال اننا اتبعنا الاجراءات السليمة لضم اللاعب يوسف محمد حيث سددنا رسوم ابداء الرغبة بالاتحاد السوداني، واستلمنا الاستمارة الخاصة بالاضافة لاستمارة اخلاء الخانة والتي اخلينا بموجبها خانة اللاعب (ايجا) وارفقنا معها العقد الذي بيننا ويوسف، واتفقنا مع سيون وارسلنا المستندات ممكتملة لسكرتير الاتحاد العام الاستاذ مجدي شمس الدين بمقر اقامته بانغولا وبدوره قام مشكوراً بقبول ابداء الرغبة من اللاعب يوسف محمد والذي ستكتمل اجراءات تسجيله يوم 19/1 في المدينة التي سيلعب بها المنتخب النيجيري ويتواجد فيها سكرتير الاتحاد السوداني لكرة القدم توطئة لارسال طلب شهادة النقل الدولية ومن ثم ارسالها للاتحاد الافريقي قبل يوم31/1 .. ونؤكد ان جماهير الهلال الوفية سترى اللاعب يوسف محمد والذي كان حلماً واصبح واقعاً معاشاً متوشحاً بالازرق في هذا الموسم يثري الملاعب بفنه وابداعه وكابوساً يراه المشككين في اجراءات تسجيل اللاعب حتى يساهم مع اخوانه في المضي قُدماً في درب البطولات المحلية والخارجية في موسم التميز الهلالي 2010م.

المهزلة بدأتوها انتو الوصيفاب بنجاد البوسني سجلتوه من القاهرة والهلال حقو مابخليه زي ماسجلوا ليكم لازم يتسجل لينا وإلا بنبهدل الاتحاد كما بهدلناه في إعادة مباراة نيل الحصاحيصا يعني :
يا ول نوية ..
حقنا بنجيبو حمرة عين وزندية
وبنمشي عالية رؤوسنا مشية ديكية
والماعاجبو يركب ظلط العباسية

يا اخوي منير البس ليك نظارة نظر وشوف الجدلران تاني عشان تتاكد كويس
انت برضو بتتفرج غلط؟

هذه ليست الصورة يامنير الصورة معاه مجدي شمس الدين وافتح بواسطة قوقل صحيفة قوون أول صفحة حتلقى الصورة التي أقصدها