تغييير إسم السودان ....

جغمستان




والله ضحكني التعليق الأخير ضحك شديد ...................... وإنتو رايكم شنو ؟؟؟؟ في تغيير الإسم ؟؟؟؟ إحترامي،،،


--------------------------
الاسم مناسب جداً

الدكتورة الغالية ...مرورك بطعم المنقة ....( يا بنات العباسية تقلي ...بنات المنقة .)......... إحترامي ..

والله مافى احسن من اسم السودان والكل يعتز به
كاسم ومافى داعى للجغمسة

أحبائي ول نوية ...وأبوهريرة ....مشكورين على مروركم الجميل البديع ...من أي كوكب أنت يا ول نوية ؟؟ ينادر هذا الزمااان!!!
أخي الغالي أبوهريرة : قلت لي مافي داعي للجغمسة ...يعني مصر تضحكني ...ولكما معزتي ...

العزيز شاويش

متعك الله بالصحة و العافية

والله انا براي في البيت و ضحكت كالمجنون .. بالمناسبة اتصل علي واحد من الاخوه التشادين و قال لي يا اخي رئيسكم عمر البشر قال كلمة في لقائة المباشر في القضارف لكن ما فهمتها قلت له قال شنو .. قال لي قال كلمة اول مره اسمعها بالرغم من انني دارس لغة عربية و عندي ماجستر في العربي .. بس قلت له يا زول الزول قال شنو ؟ انتي وريني الكلمة القالها و انا بشرحهها لك قال لي نسيتها لكن بحاول اتذكرها قلت له كويس .. الان اتصفح في المنتدي لقيتك انت عملت البوست دا بالرغم من انني ارسلت هذا الموضوع في المنبر العام و لقيت تعليق المتدخلين حيث اشارة واحده و قالت :ما دام ولدكم عمر البشير البقيتو رئيس علينا وجاط الدنيا وقال بعد الاستفتاء ما داير جغمسة

والله ضحكت ضحك و قلت دي الكلمه البفتش عليها اخونا التشادي و عملت له تلفون علي الفور قلت له لقيت الكلمة بتاعت الرئيس قال لي شنو قلت له قال ما داير جغمسة
الرجل ضحك كاد ان ينفقع من الضحك و قال لي الكلمة دي معناتها شنو قلت له معناتها جغمسة

لك التقدير اخي الكريم شاويش و بيني و بينك انا بعتبر وصال المهدي دي شقلها دا جغمسة هي نست تاريخ اجدادها و لا شنو

تحياتي

الاخ التشادي ضحكني زياده قال لي كلمة ( جغمسة ) دي حيرت ناس قناة الجزيزة

لك التقدير

ود عشمان مالك على من الصباح دا ....ضحكتني لحدي الحبشي بتاع الشاي جاني قال لي بتضحك كدا في شنو .... قلت ليه بس موضوع ما بتعرفو إنت ضحكني ...قال لي شنو ؟ قلت ليه لو شرحتو ليك ما حا تفهم ...قال لي انا بعرف عربي كويس ....قلت ليه تعرف : جغمسة ؟؟ قال جغمسةدا كلمه عربية .... ضحكت شديد وقلت ليه آي ...وقال لي معناها شنو ؟؟وأنا بضحك شديد قلت ليه أسأل ود عشمان بوريك !!!! تسلم أخي ود عشمان على مداخلتك الرائعة ...ويا صباح الورد والجمااال .... محبتي

والله لما مررت علي هذا الموضوع ضحكت ككككككككك كع ...! لامن لفتّ إنتباه الجميع خاصة أمينة المكتب الإلكترونية في جامعتنا والتي نادتني ودعتني إلى قراءة اللا ئحة المكتبية وطلبت مني المغادرة فورا ً لكني قبل ما أمشي حكيت ليها الحاصل شنو وشوفتها الموضوع فضحكت لحدة ما هي ذاتا أحدثت ضجة
طبعا لقت لي العزر
جغمستان قال ههههههههههههههههههههههها

شكراً على الضحكة الصباحية
وتحياتي

المره دي ماتخليها ممكن نعذرها نقول ونسة الجبنه حلت لها وشئ طبيعي تتفوه وهي عادة ستات الجبنه ...الكلام في سعادة رئيس دولة بحالا في كل لقاء جماهيري يدلي لنا بواحدة من لغات الرندوق دي ...ولا أستبعد إنو الرئيس الأمريكي السابق في كل لقاء جماهيري للبشير يشاهده في تلفازه كي يستمتع بما يقوله لأنه بحب كلام الجغمسات والكلام الخارم بارم ده ..مثلما عمل أيام حرب العراق مع الصحّاف فكان يستمتع بكلماته التي تطابق كلمات سعادة البشير دي

شكراً اخي جون على مداخلتك الرائعة ...وكلامك في الجغمسااات ...ولكالتحية أخي العزيز ...محبتي

أحبتي الأعزاء : ول نوية ، علي شرف الدين ، زهير ، جون ...اشكركم جميعاً على مروركم الرائع ...ولكم تحياتي ...محبتي

خريطــة الســودان بعد الإنفصــال !!!!!

والله يا توحه الظريف ...شكلها بعد الإنفصال أصبح غريب جداً ...يا سبحان الله ....الدوام للواحد الأحد بس ...ونعم بالله ...تشكر أخي .... محبتي

العم عصمان متعك الله بالصحة والعافية
والبوست جميلللللللللللل
ضحكت لامن فطست من الضحك
جغمسة قااااااااااااال
ويا ود عشمان قلت لي معني الجغمسة شنو هاهاها
تسلم يا اخوي

مابحب السياسة ولا من ناسا ....بس عجبتني مداخلاتكم..لكن علي حسب رأي لاينسب البلد علي لون بشرة قاطنيه
ضحكتوني ياود قادم مع جون ...نأمل أن يظل السودان موحداً..ويكون الأسم هو الذي عرفناه به منذ مئات السنين(السودان) ويظل آمن مستقر يارب

العزيز شاويش

متعك الله بالصحة و العافية .. قربته انفقع من الضحك .. حول لي الحبشي عشان نفهمو الشقلانية و نشرح له الكلمة اذا ما اتقالت

العزيزه صباح

انا تميت يومين بضحك قربت افطس زيك من الضحك ..

شكرا يا اخي االفاتح علي تفضلك بما هو متوقع لخريطة السودان .. لكن يا عثمان شاويش اذا انفصل السودان شكل الخريطة بكون مجغمس خلاص

احلي بوست

لكم التقدير جميعا اخوتي المتداخلين

المحرقني كان الجنوبيين اختاروا الوحده القروش الانصرفت في الترتيبات بتاعت ترسيم الحدود و...الخ
الله غالب

صورة بروفايلك حدث والله واختيار موفق يا سهاد
كل عام وانت بذات الجمال تشيعي في منتدانا بهجه
وتملينا نور
---------------------------
القصيدة دي كيف معاك

يا سلام عليكم وعلى جغمستكم الجايبنها من كباركم.
خلونا على الإسم البنعرفو وما ناقصين جغمسه.
ابوعلياء والله (أزّال أزل)شفت موضوع الجغمسه دا صات الدنيا كيف.