هــــترششاااااااااااااااااااااااااااات ودردشــــــــــــــــــــــــــــــــــــــــه

ســـــــــــــلامــــــــات

كل ذول يدخل هنا يا جماعه من بعد اذنكم لاذم يهترش شويه ويكتب لينا الهترشه دى حصلت وين تعالوا نتونس شويه ونحكى مع بعض عن يوميات او يوميتنا انــــــــا وانـــــــــــت وهــــــم وهــــن
]هى عباره عن هترشه او دردشه او موقف جاد بنقابله اثناء اليوم من خلال تحركتنا اليوميه العاديه من الصباح وحتى المساء
بتمر علينا مواقف كثيره جدا يمكن تكون – طريفه وظريفه – مفرحه - محزنه –- مضحكه – مبكيه – وكمان متجدده نجدها فى الشارع – المواصلات – السوق – الجامعه – المدرسه العمل – المستشفى – وما تنوسوا العيادات الخارجيه - الكنتين ذى ما بقول ابوى ربنا يديه الصحه والعافيه –- ......الخ
صدقونى فى كل موقف يمر علينا سالب كان او موجب اكيد ح نستفيد منه ولا رايكم شنو ؟؟
وممكن نتناقش ونتفاكر فيه بصوت مسموع . (عن طريق الكتابه لان الكتابه لها صوت قوى ان صح التعبير )
يعنــــــــــى البوســــــــــــــت ده للجميــــــــع كلنـــــا سوا سوا
تعالوا كلنا مع بعض نكتب وانا ح ابدأ ليكم يعنى البوست ح يكون عباره عن مواضيع متجدده خفيفه وظريفه]

نجد النكات مثلا المقصود منها مش الضحك والقههه وبس ولا شنو يا اخوانى ؟
النكات للترويح اى والله وكمان تحمل رسائل مدسوسه جوه النكته يعنى بصريح العباره نضحك ونستفيد صاح .
والله انا عارفه انكم عارفين الكلام ده بس عاوزه الفت انتباهكم واذكركم كم من نكته اواسكتش او مسرحيه مضحكه خالص غيرت حاجات كثيره ونتمنى ان يكون التغير الى الاحسن

مشكورة يا اخت علي الفكرة الجميلة حقيقة كما أسلفتي كتيرة هي المواقف التي نمر بها في حياتنا سواءً كانت مضحة؛محؤجة ؛محزنة ....الخ
أبداء أنا أول بموقف حصل ليّ
وأثناء كنت في اداء الخدمة الوطنية ..في وزراة الدفاع الوطني (فرع التوجيه المعنوي)كنت بسد خدمة كل يوم خميس وعادةً بحضر بعد العصر وصادف في أحدي المرات حضرة الظهر وكنت بشرح لأحد القادة في مادة المحاسبة المتقدمة في مكتب القائد المناوب أو" النبطشي" ؛بلغة الجيش ؛وفترة الشرح أستغرقة منا زمن كثير نسبة لضيق زمن القائد وكان لازم أتم له الشرح حتي يتمكن من الإمتحان في اليوم التالي مباشرةً ... وبعد إنتهائنا من الشرح كنت متعباً جداً ..واخدتني دقسة كده ونمت في سرير "النبطشي" ..وعند حضوره وجدني نائم في سريره ؛فظن ان هذا الشخص هو الضابط الذي ممكن يستلم منه ..فقام عمل "حمحه" وأستشعرت بحركة غير عادية ورفعة نظري وإذا بقائد مرتدي زيّه العسكري برتبة (ملازم أوّل ) حينها أصابني الهول كيف أتصرف مع هذا الموقف الصعب ؟ ..المهم تمالكت قوّاي ونهضة وقام حيّاني وقال لي آسف ياجنابو تأخرت بسبب المواصلات ...ورديت له التحية؛ وقلت له:عادي عارفين ظروف المواصلات في البلد دي ؛وطبعاً الضابط المناوب لم يكن موجوداً وقال لي لمن الضابط يجي قول ليهو يمضي هنا ويوقع عليك في الدفتر ده بأعتباره مسك منيّ وأجبته حاضر ياجنابو؛وقام الضابط بجمع الحضور حتي يرفعوا له التمام ..وفي هذه الإثناء كنت بدبّر في خطة اخرج بها من هذا الموقف ..المهم أستحضرت فكرة شيطانية قلت للطلبة المعيّ أنا بطلع برة المكتب وبغيّر ملابسي وبلبس الزي العسكري وإذا سأل من عددكم قولوا له في واحد بجي هسي ؛وفعلاً فعلوا هذه الخطة ؛وبعد ربع ساعة جيت داخل المكتب وإذا بالضابط واقف في البوابة ؛ونظر اليّ بتعجّب! وسألني يازول إنتا ما الضابط اللقيتو قبيل نايم في المكتب؟ قلت له لا.....فقام جمع كل الطلبة او "المجندين" كمايسمونا؛وقال لهم :دا ما الزول النايم قبيل في المكتب قالوا له لا ياسعادتك ؛فأقسم لهم إن لم ياتو بالحقيقة سوف ياتيهم جزاء مقابل صلعة لكل واحد منهم؛ المهم في النهاية أقرّو له وقالوا له آي دا الزول النايم في سريرك؛وحينها ناداني تعال هنا يا جنابو المفتح قال لي: مركّب مكنة قائد مش؟ حتشوف الليلة! ؛فقرر حينها يعطيني صلعة وهي أسهل جزاء لأهل الجيش ..وحينها بدأت في الحيلة معه حتي أتخلص من هذه" الكبوّة" التي وقعت فيها وقلت له ياجنابو أنا بكره عندي تخريج؛وفعلاً كان تخريجي في اليوم التالي .وقلت له ياجنابودي بطاقات الدعوة معي لو مامصدقني ؛وانت من اول المدعويين ..فكان هو ساخراً جداً في إجاباته قال لي:نحنا ناس "كبك"ساي الحاجات دي بتاعت الموظفين في المؤسسات المدنية والحناكيش ..وعرضتة له حيلة أخري ان يأأخر ليّ الصلعة بعد التخريج عندما فشلة كل محاولاتي معه للتخلص من الصلعة ؛ وقال لي بازول انا مابعرف كثير التلج دا ؛المهم ردخة للأمر "وبلّيت" رأسي للصلعة وفي تلك الأثناء ظهر علينا جنابو القبيل الكنت بشرح ليه اتي للمكتب لأنو نسي مذكرة مراجعة وهو كان برتبة أعلي من هذا الضابط وقال ليه مالو الزول دا؟ وشرح له الحاصل وقال له ..الزول دا أستاذنا ياخِ وماسك لينا الحسابات كيف تزيّنو؟فالرتبة في تلك الأثناء كانت لها كلمتها وقال له :"كما كوت"عن الصلعة بلغة الجيش؛ المهم ربنا أنقذني من الصلعة بهذا القائد وبعدها صارت ليّ معه صحبة للآن .

لكي الشكر عزيزتي ناهد بجد بوست جميل وفكرة جديدة،،
أنا كنت في الفاشر النمؤزجية كان عندنا أستاذ عبد الله بنقول (سنونو) من وراه طبعآ عشان انت ماتعرفه كان مبتسم ولالا اسنانه ظاهرة على طول،،طبعآ صعب جنس صعوبة المدير زاتو بقول لينا حكلم ليكم أستاذ عبدالله،،
المهم في يوم كان الديوتي عليه وطبعآ ياويلك صوط واحد في الظهر بيقعد ليك اليوم كلو التقول في شلل والله،،
كنت غايفة منه جنس خوف والدموع تقول نازله من عيون جبل مره من الصوط طبعآ شفتى كيف يازول اسكت ساكت..من الخوف كضبطه ليك كضبه ماعارفاها جات كيف..وخلاص الصوط قرب لي ظهري:ياستاذ حصل لينا حادث حسي ...قال لي معاكي منه ..قلت ليه مابراي معاي رجال اثنين ودونا (خير خنقه) ودى مكان الشرطة الاوسط...عشان كدي اتأخرتا ،،تخيل دى كلو في اقل من الثانيه..الشمار طبعآ اتنشر في المدرسه كنت مشهورة وبجد الشهرة دى بعض الاحيان ماكويسة،،هم طبعآ عرفه انو أستاذ عبد الله ماضربني بس ماعارفين السبب شنو..المهم بدو في السؤال ماضربك ليه ،،قلتي ليه شنو وكدى ..الاكثر اثارة انو في فسحة الفطور قام رسل لي..ووووب من الشمارات كلهم عاوزين يعرفه في شنو طبعآ في واحدين مشو معاي شعبة الرياضيات عشان يعرفه ..تغيلو انو أستاذ عبد الله قال لي بقيتي كيف ياسومه انشاء الله احسن عادي ولايهمك..
طبعآ كنت من الذين يحبون مادة الرياضيات عشان كدى كنت من الطالبات المحبوبات لديه..
كما احترمه وكني له كل الاحترام ..عشان كدى بعد امتحانات الشهاد اخبرته بما حصل وده طبعآ بعد سنه ونص..ضحك ضحكه مسموعة وقال لي :يامجرمه يامجنونه جبتي الكلام دى من وين،،اول واحدة تغشني وتعملني مغفل..وعند زهابي لمدرسة بعد طلوع النتيجة اتفاجة باأستاذ عبد الله في وشي بعد ماسلم علي بكل احترام ،،قال لي امشي اقري الجريدة الصباحية وخاصه قصة العدد...الموفاجا كانت
لاتتفاجؤ..هذه كانت عنوان القصه الذي قام بكتابتها أستاذ عبد الله وهو يروي قصتي معه والطريقة التي تحايلت بها.
مع تحياتي

ناهد تحياتى لك وأنتى تعودين بهذه القوه ولا شك فكرتك رائعه والدليل الإستجابه السريعه (بورطتين) ولا أحلى.

محمد نويه وسومه شكرا ليكم (يا كضابين) على هذين الموقفين الرائعين

بت عمتى يا مبدعه
والله ربنا يحفظك ويديك العافيه
والجماعه طلعو الجواهم
والله استمتعنا بيكم

انا موقفى عادى بالنسبه لخواجات لكن بالنسبه لينا
ولي انا بالزات
لم ولن انساه
ابدا
المهم
كنت بدرس فى كليه فى سالفورد
وكانت عندنا استازه
اسمها ساره
جميله جدا
ومحبوبه
جدا
ومرحه
وبتحب تعرف العادات المختلفه
من كل البلدان
هى من مواليد مدينة سالفورد
فى مانشيستر
المهم كل مره بجو
المراقبين من كامبردج
بشوفو الدراسه كيف وبعملو استطلاعات
مع الطلبه الناقصهم شنو
ونحن فى الدرس جات واحده كبيره فى السن
وسلمت علينا وعرفتنا باسمها
وجلست
هنا معلمتنا ساره وقفت
بدهشه
وسالتها
تانى من اسمها
قالت ليها فلانه الفلانيه
قالت ليها ده زى اسم والدتى
ونحن طبعا بنسمع فى الحوار
قالت ليها انت اسم العائله بتاعتك منو
ورتها اسم العائله
وفى اللحظه دى قامت الام حضنت بتها قالت ليها انتى بنتى
وبكت
وطبعا نحن فى حالت زهول ما عادى
وتصورو استاذنا المحبوبه
لم تنزل دمعه منها
وقالت ليها خلاص نواصل وبعدين نتكلم
المهم الام طلعت
واستاذتنا اعتزرت لينا وواصلت
فى الدرس وانا طبعا ما فاهمه حاجه
لانى
ما قادره امسك نفسى من البكاء
وفى زميله لينا
سالتها
القصه شنو
فقالت بكل بساطه
انا ما بعرفها تكون امى ولا لا
لانها خلتنى عمرى تلاته سنين
بعد ما اختلفت مع ابوى
ومشت
مع واحد تانى
وربانى ابوى
وزوجته
فعشان كده ما متاكده تكون هى ولا نفس الاسم
وانا طبعا بقو فى البسكتنى شنو
ووقفت الحصه وقالت لى امشى غسلى وشك
ويومى طبعا كله باظ
ورجعت البيت
وفى جواى مراره ما عاديه
وحمدت الله على اننا مسلمين

ول نويه لك التحيه بالجد بقولوا العسكريه تصرف طلعت بتاع كبب وكمان بتركب ليك مكنة ظابط عدييييل
اسمع هنا يا اخوى كما كنت تاااااااانى بلاش حركات حناكيش
شكرا كتيرا على المرور
انتو عارفين اكيد عارفين بس من باب الذكرى انو الانسان لاذم يزرع جميل حتى لو فى غير موضعه
بدون تعليق
يا هلا بالرائعين
لكم التحيه

العزيره سومه لكى كل الشكر
وشكرا على المرور الجميل

انتى عارفه يا سومه انا كده قربت اصدق كلام عوض السيدوطلعتوا كضابين
تحياتى

تسلمي يا ناهد والله فكرتك تجنن ودائما عهدناك سباقة للطريف العجيب والنادر الغريب
لا امدحك اكتر من كدا لانو اهلنا قالوا الشكرتو في عينو حقرتو لكن ربنا يوفقك وتزيدي لينا ابداع في المنتدى كمان وكمان
لكن انا انحو تجاه آخر ناحية الحزن وطبعا انا بحب كتير المصارعة الحرة وكمان زوجتي العروسة يعطيها الله العافية ودوام الصحة اها في حلقة من حلقات المصارعة التي طُرد فيها جون سينا كنت انا خارج البيت فعندما حضرت الى البيت وجدت زوجتي تبكي بصوت عالي فقلت ليها يا زولة مالك في شنو المات منو ؟ فردت علي بصوت متقطع يا محمد ..... جون ..... سينا طردوه من الدبليو دبليو اي يعني WWE فسقطت انا ضاحكا وقلت لها يا لهذه الحمقاء

سهــــــــــــــــاد يا بت خالى الحمد الله الذى جعلنا مسلمين وجعل الرحمه فى قلوبنا

بالجد نحن فى نعمه لا نعرف قيمتها فنشكر الله كتير ليل نهار

البكايه الحنونه سهاد بعد ما رجعتى البيت عملتى شنو ؟

لميتى الوليدات عليكى وذتى بكاء ام اخذتى الهاتف واتصلتى بحاجه التومه فى ود البخيت ؟

سهاد تحياتى واشواقى لك

وشكرا على مرورك الانيق

محمد عبدالله قادم | سلامات والبركه الشفناك طيب

واياك واياك والغياب

بالجد طرد جون سينا زعل ناس كتاااار لكن يا اخوى القلب الحنين قسَم يعنى المسأله مو حماقه تحياتنا لعروسنا الحلوه

شكرا محمد وتسلم ان شاءالله يارب

هترشه من داخل نادى الضباط

جاءتنى دعوه من صديقه لحضور مناسبه تعنى لها الكثير وهى حصاد السنين المره والاجتهاد (حفل تخرجها)

فى مساء يوم جميل كانت الاحتفاليه مناسبتها تخريج طلاب جامعة الخرطوم كلية الاداب انجليزى المكان نادى الضباط اللوحه تسر الناظرين الزى الموحد للطلاب الخرجين اسود باحمر و بدأت الزفه وسط زغاريت الاهل وفرحتهم جاءوا من كل مكان . شى حلويات وعصاير وفيشار وهاك يا اللبس الانيق كل الالوان اللهم ادمها نعمه .

بدأ الكرنفال كالعاده بالكلمات وجاء توزيع الشهادات ما اعجبنى باسم الله ما شاءالله عدد الطالبات عينى بارده عليهن . علشان الخريج ياخد الشهاده كما تعلمون يختار الاغنيه البحبها تعالوا هنا شوفوا الهول والعجب بالجد كلهم رائعين فى اختيار حاجاتهم مش المسأله ذوق وحريات شخصيه زى ما بقولوا. حلوه شخصيه دى مش ما علينا ما لفت انتباهى كل الاغنيات اجنبيه وعربيه و سودانى بسيييييط وتانى فى حاجه الاغانى 90% عن الام - كمال ترباس – محمود تاور - شرين عبدالوهاب – جنات -...... الخ والله فرحت شديييييد ظاهره صحيه لكن بصراحه ليه كده وين الاب الحصل شنو ليه يا شباب بقينا ذى المسلاسلات المصريه الواحده تزعل من زوجها وتقول انا ماشه بيت ماما ده اسمو كلام . بعد الانتهاء من توزيع الشهادات استعد الجميع للفنان وجاء دور الفنان بدأ يغنى بصوت جميل وكلمات ومعانى حلوه بالجد معبره على حسب وجهة نظرى والكل طرباااااان وفجأة اسمع ليك صوت الفنان نفسه والموسيقى شغاله :- لا حوله الله - يا خلق الله ادونا فرصه - يا خاله سكه قطعتو نفسوا اسمو منو ساكن وين .... الخ فانا قلت فى نفسى اكيد فى الزحمه الشفتها والهيجه الجماعه عفصوا شافع والفنان اكيد حاول ينبهه الجميع لفك الاختناق فقلت لرفيقتى التى تجلس على يمينى سجمى الحصل شنو الفنان بدأ ينبهه فى الجماعه فضحكت بشده وقالت لى بالجد يا ناهد انتى عبيطه ومن الامس وشرحت لى وعرفت نفسى عبيطه وما مواكبه الاغنيه جميله جدااااااااااااا كن ما جميله برضوا جميله ههههههههههههه

والله اخر زمن

انتهت الحلقه

ولكم ودى واقعدوا عافيه

قلتي لي أخينا بداء ليكم بالجميل وبعد شويه قلب ..ماأصلوا حلاوة اللعبه كده (تبداء القديم وتختمها بالجديد) جديد قال!!
وأحمدي الله يا أخت ماشفتي ضرب مسدسات او دوي قنابل او صوت عربية ..البتطلع الكبري وتغشي ناس بحري وبتلف كل السودان(عربية دي ولا طيّارة)
وفيها حاجه لورجعنا لثقافتنا وغُنانا الأصيل والجميل الذي يحمل معاني سامية تحكي عن أصالة وجمال السوادني
ياحليل زمن الفن الأصيل ..أمثال الكاشف ب(أسمرجميل)وعثمان حسين ب(عُشرة الأيام)وإبراهيم عوض ب (عزيز دنياي)
المهم يا أخت التخريج كان لابأس فيهو وسمعتي فيهو السمح والشين
مشكورة علي الإستراحة الخفيفة
تحياتي؛؛؛؛؛؛؛؛؛؛؛؛؛؛؛

ناهد....يمين بالله نافذه جميله ودمها خفيف...قبل تلاته أيام حضرنا أحتفال مدرسة ابوجبيهة القرآنيه الاساسيه بالاستقلال...قاموا قدمو بنيه صغيره شديد قالو تحكى نكته...قلت للمدير يا خى معقول دى نكتتها تضحكنا؟؟ المهم بدت الصغيرا الظريفا:

أبكرونا قال لهفسه خطيبتو تانى لامن أعمل ليك تيت تيت تيت..تجى مارقه توالى...خطيبته قالت ليه..ما شاء الله يا ابكرونا ..أشتريت عربيه...قال ليها : لا لا..اشتريت صفاره...والله ما تتخيلو كمية الضحك الضحكوها الناس الحضور...لأنه البنيه صغيره وما متخيلنها تركب كلام واضح ناهيك عن نكته ظريفه...واتخيلوها وهى بلكنة الطفولة وبتحكى بلغة أهلنا الهوسا...قمة الروعه...

ابكرونا ناقش قديه ( قضية ) ماهو داقس او سمبريه

جدعة حلوه يا د.الجنيد الله يخليك للمنتدى.

ناهد عبيد نحمد لهذا المنتدى أن اتاح الفرصة للكثير من اخواننا و اخواتنا لتتفجر فيه المواهب.

البوست غاية الروعة و الجمال

التحية لكل المتداخلين

ارقدوا عافيه

الله يجازيكم البوست ده كنتو ملبدنو وين

ابداع ياناهد
نبدا ليكم بهترشات المحاكم
عندى شركة اجنبية اعمل مستشار لها وهى تعمل فى مجال البترول قامت شركة نقل وتخليص كانت تعمل معها برفع دعوى ضدها فى 2008م المطالبة مبلغ 131 مليون عبارعن ارضيات حاويات وتلف واجرة تاخير اقرينا بمبلغ 21 مليون هى رسوم الجمارك والمينا وغيره وسددناها واستمرينا فى الباقى منازعة واستمرت الدعوى وكان مستشار المدعية محامى كبير يرسل محامية من مكتبة لمتابعة الاجراءات العادية وهو يظهر وقت الكلام والدعوة كلما تتأجل يتهموننى بانى غرباوى وكجرت القضية وانا احلف بالنفى ,,,
استمرت الدعوى الى ان تزوج مدير الشركة المدعية المحامية المتابعة للاجراءات ودعينا لحفل الزفاف والدعوة لم تنتهى,,,,
اخيرا صدر القرار فى يناير الجارى وشطبن الدعوى لصالحنا والمدعى قال انا ما خسرت لانى تزوجت المحامية ....

سلامات |د الجنيد لك التحيه

والله النكته زريفه حالث الدحك شرتنا

ضحكتنا يا دكتور تسلم
شكرا على المشاركه الحفيفه والله ما قسرتا

***************************************
نتشه
يا دكتور الجنيد ما تنسى الهترشات من داخل صيدليه الجنيد مع اهلك العرب وام برروا وغيرهم
لك والاسره تحياتنا

الخال فيصل خليل
جيتا جيت
والله البوست نور ربنا ان شاءالله يخليكم كللكم للمنتدى
شكرا على المرور والمشاركه
بقا ما تنقطع
واقعد عافيه

غريق كمبال كتب:الله يجازيكم البوست ده كنتو ملبدنو وين

سلامات يا زعيم عساك بخير

شكرا على المرور

يا الله البوست بقى ظاهر عاوزين هترشاتك

يديك العافيه

والله انت المبدع دائما يا ابو حريره
وربنا يعطيك الصحه والعافيه

ابوهريره لك الشكر تسلم يارب

مرة عندى زميل عاوز يعرس التانيه 000000قدر ما حاولت اقنعه من عدم الزواج اصر على العرس 00000قام عرس وكنت الوكيل واجرنا له شقه 000وقلنا للمره الكبيره ان الراجل سافر الى الاردن فى ماموريه

دخلت المكتب فى اليوم التالى للعرس ووجدت زوله جميله قاعده فى المكتب 0000لم اعرها اهتمام

دار الحوار التالى مع السكرتيره فى حضرت المره الغريبه

السكرتيره قالت لى صاحبك العريس ال0000قال ليك تودى القروش دى لاولادو فى البيت وتدفع منها اجار الشقه

قلت لها كويس هو معسل وانحنا نتشاقا بدفع الاجار مش كده

قالت لى انتو السبب ليه عقتو ليه وجهجهتو مرتو المسكينه

سالت السكرتيره انت يا0000 مرتو القديمه اسمها شنو

قالت لى اسمها قالوا س000

رجعت السكرتيره على مكتبها 000قامت المره الضيفه وقفلت الباب بالمفتاح استغربت لهذا التصرف وقلت لها قافله الباب مالك يا وليه 000لو عندك مشكله قوليها والباب فاتح 0000قالت لى انا ماعندى مشكله انت اليوم حل مشكلتك

وقفت على طولى وقلت لها بصوت حازم انت عاوزه شنو يا وليه بتهددينى فى مكتبى

قالت لى انا زوجت فلان الكبيره انا س000

فى هذه اللحظه رن الجرس وكان المتصل هو العريس رديت عليه وقلت له يا زول المره عرفت وهاك كلمها

وناولتها التلفون وهاك يا نبز وجوطه ومرقت من المكتب الى الشارع وركبت تكس وتلفونى معاها ولسع هى بتجوط

بعد يومين جانى التلفون مع سواق العريس بعد ان ضربت به الارض امام العريس فى الشقه وحصلت على الطلاق0000للاسف

بعنوان هترشات 20 ديسمبر 2010ألفاتح جبرا

- مما الناس قعدت تهبش فى السلم التعليمى وتغير فيهو التعليم ماضاق عافية وما قامت ليهو قائمة تانى .. يا جماعة الخير التعليم ده زى فريق الكورة لمن يكون ماشى كويس ما بعملو فيهو تغيير.. لكن نقول لمنو !

- قرأت تقريراً علمياً عن أضرار تناول الدكوة وتسببها فى مرض السرطان لذلك ومن هذا المنبر أنادى بفصل الدكوة عن السلطة .

- من علامات العبقرية التى أصبح يتمتع بها الشعب السودانى أن الطالب الجامعى بيدخل المحاضرة ما شايل ليهو لا ورقه لا قلم .. فى عبقرية أكتر من كده !

-

عندما ذهبت إلى الطبيب اشكو له إرتفاع ضغط الدم كتب لى فى الروشته .. إبتعد عن سماع تصريحات المسئولين (المجغمسة) وأغانى إذاعات الإف أم وتعال قابلنى بعد عشرة يوم (عشان المراجعة المجانية بتنتهى بعد أسبوع) !

- نحن شعب لا يعرف الرشوة .. لم تسجل مضابط الشرطة منذ الإستقلال حالة واحدة لا لموظف أو لمسئول تمت رشوته .. نحن شعب مصنع بمواصفات عالية الجودة !

- لو كنت مسئولاً (كبيراً) لأصدرت أمراً بعدم ظهور المسئولين فى حفلات إفتتاح أى مشروعات … معقول وزير يسيب شغلو ومهامو ويمشى يفتتح ليهو (شفخانة) فى (أم جلافيط) مع أنو (أم جلافيط) الكهرباء ذاااتا لسه ما وصلتا ؟

- أيه المشكلة لمن ديوان الزكاة يتبرع بخمسين ألف دولار لقناة الضحى مش يمكن يكون فى مصرف إسمو (وفى القنوات) !

- التحدث بالموبايل مخالفة .. ما قلنا حاجة .. لكن الإنهماك فى مشاهدة ما تبثه (الشاشات التلفزيونية العملاقة) الختوها لينا قدام كل صينية وتقاطع دى أكبر مخالفة (يكون ناس المرور بياخدو برضو نسبة) !!

- لو قمت بتضريبه بسيطه لمنصرفات الزول (كان قعد فى سريرو وما قام) لمده شهر لوجدتها حوالى 100 جنيه بالجديد .. نفايات … خط تلفون .. إيجار عداد كهرباء.. إستهلاك مياه .. عوائد .. بالله ده إسمو كلام ؟

- من قام بإتخاذ قرار (السبت إجازه) إضافة ليوم الجمعة أكيد غلطان .. يومين إجازه ؟ وخمسة يوم شغل؟ مفروض يكون العكس خمسة يوم إجازة ويومين شغل !

- تمتلئ الوسائط الإعلامية هذه الأيام بإعلانات عن المستوصفات الإستثمارية من شاكلة .. لقد تم بحمد الله وتوفيقه افتتاح (مستوصف تمساح الدميرة التخصصى) لجميع الأمراض وبأطباء عالميين ، المستوصف تتوفر به جميع أقسام الرعاية الطبية…. قسم خاص للغسيل…غسيل كلى…غسيل مخ ..غسيل عدة.. غسيل سجّاد وموكيت …غسيل بخار مستعجل وغسيل جيوب (طبعن) !

- بعد وضع الإشارات الضوئية مكانها تأكد لى بأن لدى الحكومة إصرار عجيب فى (حذف) الصينية من حياتنا.

- يقولون أن عهد الأنبياء قد ولى ولكن لدينا خمسة ملايين (مسئول) معصومون عن الخطأ !

- بعد أن إستمعت إلي بعض أغانيه مؤخراً بالصدفة عرفت لماذا سمى هذا (الفتاك) بالإنبراتور

–

أجمل ما فى جامعاتنا أن الطالب يتخرج منها وهو يعرف القراءة والكتابة .- لا يوجد لدينا عاطل واحد عن العمل فنصفهم قد هاجر بينما النصف الثانى قد قضى نحبه منتظراً .

- أعجب للأثرياء الذين لهم أكثر من نشاط (أدب – رياضة – صحف – شعر – تلحين) شخصياً لو كنت أمتلك مليوناً واحداً من الدولارات لما كتبت سطراً واحداً .. أكتب وللا أقعد أعد فى المال ده ؟

-إن كنت لا تعلم ما هو (الإسلام السياسي) فاستمع إلى خطبة (عبدالحى يوسف) بخصوص جلد الفتاة .

-

هل تعلم عزيزى القارئ ان الفرق الوحيد بين عربة الإسعاف (عندنا) والعربة العادية أن الأولى يفسح لها الطريق .. لا كادر طبى لا أدوية منقذة للحياة لا أجهزة ولا يحزنون !

- سفاراتنا فى الخارج تحتاج إلى مراجعة (زى أى حاجة تانية عندنا) .. مات أحد أبناء الوطن مؤخراً فى (اليونان) إثر حادث مرورى وعند الإتصال بالسفاره (للمساعدة فى نفقات الدفن) قالت أنها تستطيع فقط أن توفر (شهادة وفاة) مجانية ! – أيه المشقة والتعب ده كلو؟

كسرة : نما إلى علمى أن (الأخطبوط بول) الذى إستخدم للتكهن بنتائج كأس العالم الأخير قد مات .. يبدو أن أحدهم سأله التكهن عن مستقبل السودان !

يا بنت ام ناهد عبيد لك التحية وعاجز عن وصف مايجيش بخاطرى فبمجرد قراءة اسمك فقط(ناهد عبيد) فهذا وحده كافى ليحرك فينا جميل اشياء افتقدناها كثيرا وطويلا كانت تملاء كل حياتنا بهجة واملا وفخرا وصدق أخاء وعزيزين ابعدتنا عنهم الايام لك ولكل افراد الاسرة التحية وفركتك رائعة وقد بالغ الاعزاء فى نعتها بالجمال وخفة الدم فحقا هى اروع من ذلك بكثير وعبرها نجد انفسنا نعيش بين مجتمعنا واهلنا ويا دكتور الجنيد وانا اقراء نكتة ابنتى الصغيرة تخيلت والله نفسى حضورا بينكم لان عبق المكان كان يفوح من جغرافيا النكتة فالمكان هو الحباك والحضور انتم اهلى وعشيرتى سافرت بنا والله عبرها الى رقعة عزيزة علينا وابوهريرة اخوى والله انت الغرابة ديل حجة وعلم وعروق دى كتير ة تحياتى لكم احبتى

حبيبنا التيجانى الطيب...سلامات...ويا روعة البوست الذى أظهر الحبايب بعد طول غياب

تجى ايها الحبيب التيجانى بالسلامه ان شاء الله وتلقى المكان يا هو المكان...ونفس الناس الحنان....تلقى السهم والتضامن والشعله والنضال,,,مازالو يملؤن حياتنا..وتلقى دكان عادل الزين تفوح منه رائحة السمن والعسل...والشريف والتيجانى يشنفان آذاننا بالتنبيه لصلاة الصبح والجمعة...تلقى ابا حسبن وعم البدرى فى الاعراس وبيوت البكاء...وتلقى عبد الرحمن الزاكى بنفس الكرسى فى نص المسجد يلقى محاضرته عقب الصلاه..تلقى المنقه والعجور والتبش والطماطم من كابوس ومن الكور..النبق واللالوب..وازيار الطين من اهل جبل العمده...والزين عشانا فى نص الشنابله..وحسين راضى يشرح للحكام ما جد فى قانون التحكيم...تلقى مسيد يابا الشيخ تضج منه اصوات النوبه بعبق الدراويش..تلقى عم ابراهيم عوض السيد فى امام صيدليته يسلم على الماشى والغاشى..ونيمة التيجانى منقه كعهدها منكأ لمن اراد ان يستريح ومصلى لكل شيخ...التيجانى.... الحباك ستظل بكل تاريخها الجميل وأصلها الاصيل..تلقى الصادق ابو الضر وعبد العزيز فرعون فى نفس خفة الدم..وتلقى ودك كما هو يرقص مع الموسيقى...صحيح أخذ الموت من أخذ ولكن تظل الحباك كما هى تستقبل ابنائها الغايبين بكل حنيه...مازال العيد هنا بالصف...ما تنط بيت ..كل البيوت أخوان..وكل الناس حبان..ومن جاءنا جديد يتأدب بأدب ناس الحباك..كل الاعياد تزور الناس...كل الناس بلا فريز...تسلم يا تيجانى ونأمل ان نرى كل الحبايب بيننا دوما..وتقبل تحيات البطحه والضكير وميدان شيلسى..وكماين الطوب..شجر لالوب وحميضتين...مدارسنا..جناين المنقة...وآه لا متين ياود الزين..تطول غربة حنان حلووووووووين؟؟؟؟؟؟؟..

يا لروعة ماصورت بقلمك من مشهد يا دكتور لك التحية الغالى وابقى الله هذا النسيج الاجتماعى مؤتلفا ومتماسك فى تناسق وتناغم اجتماعى فريد ورثناه من اباءنا ونأمل ان نحافظ عليه من نائبات الزمن وفتنة الدنيا نعم هى الحباك كلها حب وفرح من ابو سلوكها فى تجملة الى ظرفائها فى المدينة حفظك الله وابقى اهلك فى تواصل وتواد وتراحم دائم خالص حبى لك ولكل شبر فى حباكنا

شكرن د الجنيد على المشاركه تسمح لى ان اسميها جاااامده ولك التحيه ارجوا ان لا تنقطع والله كلام خبراء وناس ذنين

*********************************

شيخنا غريق تشكر على المشاركه

و منتظرين تااااانى وثاااالث واكيد ح تجى بالجديد مش

تحياتنا

الله يا تجانى اخووووى والله لك التحيه والتقدير والاحترام كيف لا وانت العزيز اخو اعز واغلى واصدق رفيقات دربى مدينه بالجد الدنيا فراقه ولكن سيظل الصدق والوفاء باقى فينا ما دمنا احياء
زمن والله يا تجانى بالجد ابكيتنى يا حليل زماااااااان لكن صدقنى نحنا يانا نحنا

دكتور الجنيد ربنا يعطيه الصحه والعافيه واللقمه الحلال الدافئه ما قصر

اشكرك على المرور والمشاركه وما تنقطع

وربنا يستر عليك فى الغربه ويرجعك بالسلامه
ولك كل التحايا

أخت ناهد .... ما أكثر المواقف بهترشات و بدون هترشات
بنجهز لينا في " هترشايه " وراجعين
شكراً للبوست الجميل حقيقه
أجمل شئ في الدنيا فيض الخواطــر....
وعجبتني إندياحات المتداخلين ...
أشكرك للإبتكار .... و البحث في المدفون جوه الأغوار

هترشه واقعيه .

العربات تحركت من الخرطوم كامبوى متجهه الى كوستى حيث تجمع العائدين لتسفيرهم الى مناطقهم فى الجنوب عبر الميناء البحرى والبرى كنا نسير على طول الطريق الشاحنات والدفارات محمله بعفش الاخوه من جنوب السودان والنيسانات والحافلات السفريه وحتى المواصلات الداخليه تحمل العوائل منظر بالجد محزن لكن هو الواقع

على طول الطريق كنت اسأل نفسى هل كل الحقائق اصبحت كذب ؟ ؟ كلها كذب معقوله

فقلت انتظر ريثما نصل الى الموقع المحدد الا وهو ميناء كوستى البحرى ............. وصلنا الميناء تجمعات كثيفه من الجنوبين نساء واطفال وكبار سن كلهم منتظرين وصول الباخره التى تقلهم الى جوبا ومن هناك يتوزعون عبر السيارات كلُ الى مسقط راسه مع انى اشك فى ان يعرفوا مسقط رؤ سهم لان اكثرهم ولدوا هنا فى الشمال . تجمع كبير للمنظمات الاجنبيه والوطنيه والمؤسسات التى لها علاقه بالموضوع كل يعمل فى مجال عمله . صدقونى المواطن الجنوبى مسكين اقتيد باليه فوقيه ولا يستطيع تحديد المصير مصيرهم سلفا حدد من قبل الساسه الكبار هناك عبر اجنده مدفوعه الثمن .

وهناك فهمت الكثير الكثير ولكن ما اريد اقوله هو :-

الوحده بين الشمال والجنوب التى كان يتنادى بها الجميع كذبه كبيييره

قصه منقو قول من يفصلنا هل تتزكرونها كانت كذبه كبييييره

الحرب التى دارات فى الجنوب وحاربوا فيها ابناءنا جيش وشرطه ودفاع شعبى ومجاهدين واستشهدوا من اجل ان لا نفرط فى شبر واحد من بلدنا صدقونى كانت كذب برضوا

الوحده الجاذبه وكلام دكتور جون قرن وسلفاكير كذبه

كل ما جرى فى نفاشا كذبه كبييييييييييييييره

والله انا حزينه الكل لهم حسباتهم وتوجستاهم و اجندتهم لكنهم جميعا يحسون بالمراره وقسوة الحقيقه والصدمه .

ولكم تحياتى

الاخ الفاتح سلامات

اذيك يا راااااقى والله جمال البوست بجيتكم ولمتكم ومروركم وهترشاتكم

اشكرك ومنتظرنك وتحياتى للعيال

معليش يا ناهد لو كان يعلم الازهري بأن السودان سوف ينفصل لما ناضل ونال استقلال الامة
ولو كان المجاهدين والشهداء الذين دفعوا دمائهم ثمناً للوطن ووحدته يعلمون بالانفصال لما ناضلوا وماتوا من اجله
وحيييييييييييييييييييييييييية قلبي من نيفاشا النفشتنا وقسمتنا وانهت مجد شعب لا يعرف الفرقة
وشكرا لقلبك الحي الذي فاق قلوب المفاوضين الكاذبين
في النهاية عاوز اقول ليك اني اكتشفت كل شئ كذبة حتى الدنيا التي نعيشها اضحت كذبة

من طرف **ود عشمان** 15th يناير 2011, 04:35

بت اهلي ناهد

متعك الله بالصحة و العافية والله شفت البوست الجميل دا بس ما كان عندي وقت عشات ادلي بدلوي علي كل حال ..
اللوري شاحن سمسم من امبرمبيطه متجة الي الابيض و بعدين مليان ركاب فل .. حوالي الساعة تمانية مساء السواق وقف في نص الخلا قال يا اخوان نصلي العشا مره واحده و نتحرك .. منهم من تيمم ومنهم من توضا .. صاحب اللوري او الجلابي كما يحلو للمساعدية بالتسمية وقف اللوري باتجاه الناس و خلي نور اللوري مولع عشان يستفيدو من الضو.. الناس اقامت الصلاة و اتقدم هو عشان يصلي بالناس .. في الجلوس للتشهد الاول جلس جلسة طويلة خلاص شكك الناس الزول دا مالو ما داير يقوم يكمل بقية الركعتين .. في واحد من المصليين رفع راسو لقي صاحبنا طلع ليه ورق من جيبو و اظنو المنفستو بتاع الشحنة و معه قلم و رافع الورقه تجاه نور اللوري و قاعد يضرب في حساباتو و يتخيل لي قال احسن نستفيد من النور المولع دا .. في واحد قال( سبحان الله ) اشارة لاخوان عشان يقوم يكمل بقية الصلاة و اول ما سمع الكلمة دي طلع سبحتو و قال سبحان الله الدائم و قاعد يسبح .. قالوا له يا مولانا ااتي بسجود سهو الصلاة ناقصة .. قال لهم اقول لكم قوله احسن نعيدو الصلاة دي من الاول.

لكم التقدير ..

الجنيد والتيجانى أكملا جمال الصوره مع المتألقه صاحبة البوست الجميل/ناهد.

لكم التحايا محمد وود عشمان.

ناهد ننتظر الجديد المُبتكر.

الجنيد إنت رجل خفيف الظل ودايما ظننا ما بيخيب فيك.

التيجانى أبو تبيان يغيب ويأتى بقوه له التحيه.

شكرا على مروركم الجميل الظريف وبالجد طلعتوا بسم الله ما شاءالله ضلكم خفيييييف

ونحن فى انتظار هترشاتكم الحلوه والمواقف التى مرت عليكم

شكرا

محمد قادم - ود عشمان - وعوض السيد

يا اخونا وين اخونا الفاتح محمد توم نحن منتظرين

هترشه جوه المقابر

اصبروا شويه واوعدكم ح تستمتعوا

كانت عاجباني جداً قولة مشهورة وهي {إن ما متنا شقينا المقابر} وكنت أحس بفتونة وقوة وثقة بالنفس لمن تجي مناسبة وأقولها .. {يعني بحس بأني تفتيحه وشايل مفاتيحه} وابوعرام زمانو .. لحدي ما جاء اليوم العرفت فيهو إن المقولة دي ما بتنقال ساي وضروري التجربة فيها.. وده كان في يوماً أسود من حظي المسنوح ده فيهو عرفت إن الله حق وإنو لمن أقول قولة زي دي أكون قدره مو ملي خشم ساي بالنضمي والرجالة مو تسالي في الخشم ... والأسود من حظي كمان مباراتي لي ود عمي العميكة أب شورتن زي البصيرة أم حمد.
وتعاسة اليوم بدت من أوله لمن جاء ود عمي زي كف القدر يصحيني من النوم عشان نمش سوق أم درمان بدور يشتريلو ساعة ليلت يد .. أها قلت يا فتاح بعد نقنقة ودخلت لي في جلابية ومشينا سوق أم درمان . أها السوق يفور وينجلق الشايلو موية يبيع والشايل مناديل والشايل مساويك والشايل عراريق والشايل {مفحضات} كل الناس تبيع مرة يبيعو في تجارتهم ومرة يبيعو في زممهم .. والسوق ماش .. أها وصلنا محل الساعات وديك ياحجة ومباصرة باقي قريشاتنا شوية ..لامن وصلنا لي واحداً بايعنا بيعاً متهاود شوية .. والمصيبة بقت في باقي القريشات العندنا ما برجعننا الإتنين يعني يرجعن واحداً فينا .. أها ود عمي قال لي الدبارة شنو يا الأشتر .. وفي جنبنا كدي محلاً ليل {إسكرين} المتل {الخنجر} داك من فوق تلج ومن تحت {فورمايكة} .. وبالحيل أنا بريد الداهي ده ونفسي كدي إتشحتفتلو تب .. أها قلت لود عمي : أجنا أكت القريشات ماهن تامات للرجعة أننجم ساكت بالإسكرين الصاقط ده ونكرب جريدتنا ونشل بيتنا كداري ساي مو بعيد {طبعاً منطقتو في شان خاتر الإسكرين} .. الجنا إقتنع وجاب الإسكرين .. وقعدت أمطق في الداهي تسمع الصوت زي {الدلوكة} لامن لهاتي رقدن عود عدييل .. وبقينا في هم الرجعة من سوق أم درمان للثورة بالنص .. المهم إتجوعلنا ومشينا ولمن بقينا في مقابر شرفي لقينا اللفة طويلة لي شارع النص وقلت لي ود عمي رايك شنو نشق المقابر ونختصر السكة {أنا بدور أخته درب العربات ساي} .. وده الحصل ودخلنا بي وسط المقابر وفي النص لقينا نفرين واقفين يحفرو في قبر لي {جنا} صغير مكفن ومختوت على جنبه .. واحداً منهم قال لينا : أجر وصل تعالوا أحفروا شوية .. أها بي تعبنا داك .. قعدنا نحفر معاهم وفي أثناء الحفر نشوف إتنين بواليس جايين علينا وبقوا لاعندنا تب وقالوا : ياجماعة أحسن الله العزاء .. بس إجراء بسيط طلعتو أمر الدفن .. أها واحد من الأخوان قال : والله ما طلعنا أمر دفن الطفل المولود إتولد ميت والتقرير في المستشفى وجبنا على طول للمقابر.. العسكري قال : أوقفوا الدفن لحدي ما تجيبوا التقرير من المستشفى .. وبقوا في حجة مع بعض وفي الأخير إتفقوا يمشوا سوا يجيبوا أمر الدفن من الإستبالية ويجو .. قام الراجل قال لينا ياشباب أخدموني وأحرسوا الجنازة دي لحدي ما نجيب التقرير كلها زي نص ساعة .. نحنا حنينا لحالو الزول مكلوم وميتو شافع لازم نقيف معاهو شوية وفعلاً أنا وود عمي قبلنا وقلنالو بس لا تتأخر علينا الدنيا مغارب ...
النص ساعة مرت بسرعة شديدة والليل بدأ ينزل تب وضلام المقابر يطير رحمن القلب وبعد ما كانت الونسة جاره بيني وبين ود عمي وفي وسطه ضحكات .. بقى يا الله تسمع همهمة كل خمسة دقائق أكان كلمة أكان كلمتين .. والدنيا لبست ضلام الليل عباية .. بقينا في الشك والظن أنو الناس ديل مو راجعينلناتاني .. والجنا الميت ده مو شيتن بالعديل كدي . والقصد عنهم يورطونه بيهو.. ودام نحن حارسنو لا هسي وناسو هربو كدي معناتو إن بقه في إتهام ياهو الراكبنا طب .. أها الدبارة شنو ؟ يقطع شكنا ده صوت الريح لامن يضرب في شواهد القبر .. عليك أمان الله تشوف قلبك بقى نوبة {أولاد البرعي} .. وباقي مخك يكون سرح مع غنم إبليس .. أقعد أقابض في طريف ود عمي مقابضة .. مو شان أطمنو .. شان لا يجري ويخلني براي في جنس اليوم الأغبر ده .. وتدور الدايرة ويقعد هو يقابض فيني مقابضة .. العمر مو واحد مو بعزقة .
قال لي : أسي الأشتر أكان من الأول مشينا ولفينا بي غادي مو كان أحسن من الورطة والخوف ده .
قلت له : كمان مو كان أحسن أكان خليتني نايم في نومتي ديك ومشيت إشتريت ساعتك وباقي قروشك رجعتك مو كان أخير من نضميك ده .. بقينا لا قادرين نفوت الجنازة ولا قادرين نحرسه في نص المقابر ..
وبقيت أتذكر في الكلام البقولوا في ناس القبور البقيفوا طابور والزول السكه كيس النايلون .. وكديسة المقابر المكحلة اللابسة فنيلة نمرة عشرة.. والهيكل العظمي الخالف كراعو وخاتي سيجارة البرنجي .. والغنماية الممكيجة ولابسة الرحط وترقص بالرقبة في نص القبور وتهيآت لا ليها أول ولا آخر .
ونحن في نص المحنة دي وسرحانين في كواسة الدبارة .. وفجاءة وبدون مقدمات يجي نور شديد جداً وقريب مننا يولع فجأة في وشنا ونسمع صوتاً يقول : ياهم ديل .. لحظتها ديك .. القلب بقى في الكرعين والعقل الله يفتكروا بالخير .. وفي أقل من ثانية إنفصلت إشارات المخ عن الكرعين .. بقى المخ يقول شي .. والكرعين تقرر شئ تاني .. والصوت مبلوع .. والعرق يملأ {بستلة} و {الرجفي} يحتلو نخلة تمر بي عدله .. وعينكم ما تشوف إلا النور الجلابية لاعند الزراير في الخشم والنعلات فردة في {الشنقيطي} وفردة في {الوادي} وجري بي نمرة أربعة .. والجماعة والنور ورانا ونحن لانرى لا نسمع لحدى شارع النص وشارع البيت .. وباب البيت وتوش جوه البيت وجوه الأوضة .. وتحت العناقريب .. وصياح يجيب أهل أم ضواً بان والعيلفون .. والغريبة النور والجماعة برضو ورانا.. بعد ساعة من الإغماء صحيت على صوت {عمي} يهدي روعنا ويخفف خوفنا .. ويقولينا .. الجماعة جابوا التقرير ورجعوا وعشان الضلام جابوا الكشافة ديك .. وهم بشكروكم كتير وبعتذروا ليكم عشان التاخير عشان الدكتور كان طلع ورجع تاني . وإنتو الفيكم إتعرفت بالحيل ..
وتاني إن سألكم زول من جنسكم قلوا زمان كنا جعليه

ولكن احمدوا الله انكم شقيتوا المقابر وما متوا

مبالغة يا ناهد

والله الى لحظة دخولكم المقابر فى زهنى صورتك انتى و ود عمك بعدين قلت لنفسى معقولة تكونى دى ناهد بس

استدرجتينى بعد ما شفطى الايسكريم و انتى عرقانه بشكل مبالغ فيه و قبلها قصة السوق ( فيكم يسوق )

بس بعد ما ظهرت الكشافه و العلاقة صارت بين القلب و الكرعين ادركت فى لحظتها انك يا ناهد ( نجارة )

بدرجة عالية من المهنيه ( المرحوم الزبير ابو طيبة ) لو تتزكريه.

لك التحية شبعنا ضحك

شكرا

لك التحية يا أختنا الظريفة "بت عبيد"ما اجمل هترشاتك !!كتاباتك دايماً ترسم البسمة في الشفاه
تعرفي من قريت العنوان ضحكة قبل مااعرف الحاصل شنو .. بعدما خشيت ليك شويه كده في القصة حسيت كأني بحضر في فيلم في سينماء هوليود ..!!
ولكن خلاصة القصة نفهم إنوبعد الجرية الكااااربه دي والمقالب العجيبة الحصلت ليكم دي إنوشقيتو القبور
تحياتي ؛؛؛؛؛؛؛؛؛؛؛

الاخت ناااااااااهد بشكرك علي البوست الطريف والزوار الاظرف
والله كل ما ادخل البوست شان اكتب مشاركتي بقرا كتابات الناس الظراف ديل وبنسي كتابتي ...
اول ما وصلت مطار باريس وطبعا جديدة لنج لنج . واختك تتلفت شمال ويمين ووقتها كنت جوعانة حد الجوع والحمد لله استقبلني زوجي ومعه بعض الاصدقاء ومعهم السندوتشاااااات وكده وبعد ما انتهيت من الاكل قمت عشان اغسل ايدي من الاكل طبعا لزوم النظافة والقيافة وكده ومشيت الي حيث توجد حنفيات الماء وكانت كمية من الحنفيات اشكالها عجيبببببببببببببة والاعجب مافي اي مكان شان افتح منه الحنفية وبقيت منتظرة امكن ساعة عشان يجئ زول يفتحها واختك من بعده تفتح والحمد لله بس جات شابة وبس اشرت للحنفية والماء قالت يا واحد كمية من الماء وبعد الاخت ديك مشت عملت نفس فكرتها اشرت بس والماء جات قلتا اتاري يا الحنفية بس دايرة المشاغلة يعني وبعدها غسلت ايدي ودهبت من حيث اتيت
ا

من طرف **nashi** 25th يناير 2011, 03:48

موباااااااااااااااااااااااااااغة البوست والحكي الطاعم الليلكم ده

بس الجرية بتاعت المقابر دي قصتها برااااها

بنجيكم صادين

والله بوست حلاوه بس

آها يا صباح...فتحتيها بالاشاره...وقفلتيها كيف.....امكن نجى باريس ونفتحها بالاشاره ....أها نقفلها كيف؟...كان أشرنا تانى ..المويه بتزيد....يديكم العافيه..هترششات شديييييييييييييييييده....

الاخ دكتور الجنيد منور والله
موتني من الضحك ..... انا زاتي ما عارفاها بقفلوها كيفن امكن لحدي هسع المويه مدفقة
تسلم يارب

سواق بيحكي لي زميلو قصة حدثت ليهو اليوم.. عارف ياعمك الليلة الصباح قمت (بدرالدين قلق) شوية لقيت الكمساري بيعمل (عثمان النضيف) للعربية قمت عملت ليهو (معتز صباحي) وبعد شوية عمل لي (مدثر كاريكا) قال العربية جاهازة.. أها يافردة قمت عملت (طلعت ...فريد) للزلط.. الكمساري قال لي نعمل (حسين الشربيني) للشاي في اللفة.. أها ياحبة مشينا اللفة الكمساري قال لي موقف الجبل عامل (ابراهيم الكاشف) يللا نعمل ليهو (صلاح قوش).. أها يا معلم عملنا (الشاحنات) للركاب.. لمن طلعنا جا جوكي قال داير حق (جعفر نميري).. أديناهو بعد شوية جوكي تاني قال داير حق النظام عملنا ليهو عبدالدافع برضو.. أها مشينا شوية جنب لفة التركي واحد من ناس (عبدالعظيم حركة) عمل لي (سلاح الإشارة) ما عملت ليهو (الكحلاوي) وطوالي شتتا.. أها يا دفعة أسمع ليك صوت عربية (نجدة أنزور) وراي.. وجوكي بالمكرفون بقول يا بتاع الهايس جنب.. قمت عملت (علي الجنابي).. جاني قال لي مالك ما داير تقيف.. قلت ليهو ما عملت (عبد السميع) والله قام طلع دفترو وقال يقطعني إيصال. عملت (نبيل الحلفاوي) إني ماعندي قروش قام قال لي كمان ما عامل (الرباط) لي (حازم إمام).. قام عملي (جيرارد) من لياقتي.. عملت ليهو (الدفراوي) قام ساقني (قسم السيد) وفتحو لي عشرة بلاغات.. يازوول عملو لي (سجنال تو).. وأبو يعملو لي (بنك التضامن).. عملت (بيبيتو) يومين في الحراسة.. الكمساري كلم صاحبو بوليس.. جا عمل لي (الفكي) وهسة يادفعة (عبد الحكم) بتاعتنا بكرة.. لكين لو عملت(آل راشي) للعسكري ممكن يعمل (الشاطبي).. للبلاغ ويعمل (نمولي).. وانا تاني بعمل (ليبتون).. لو العسكري أداني (عبداللطيف البوني) مابعمل (صلاح مشكلة).. بعمل لي يدو (بوسي)..
كسرة:-
مرة واحد معرفة سايق عربيتو في عربية من الإتجاه المعاكس نطت الترتوار وصدمت عربيتو.. لحدي هنا والموضوع عادي.. ال ماعادي إنو طلع هو الغلطان وطالبوه ناس التأمين بي عشرة مليون لأنو البلاغ ضد مجهول.. إتخيلو ضد مجهول
كسرة أخيرة..
أنا بكره إسرائل وبحب عبد الرحمن آل رشي (الممثل) يا خوانا عشان مافي زول يفهمنا غلط

إيه الجمال ده كلو يادكتور منور المنتدى بطلتك البهية

يا ابو الساره...كيفنك...انت الأبهى دايما ....وعنما لا نجدك نتنسم عبيرك من خلال زيارات البشمهندس صلاح ألياس

سلامات
نأسف للتاخير
بالجد انتو ظرفاء المنتدى والله جملتو البوست ده وعلى قول احسان حديثكم طاااااعم حاااار تسلمو ان شاءالله يا رب والبسمه ما تفارقنا تب

شكرا على المرور الجميل اللطيف

فيصل خليل حتيله --- محمد نويه يديكم العافيه

الحبيبه صبوحه والله يا اخيتى شق الديار علم اهاااا خبرنا منكى درران الالمى بلا هبشان ههههه

احسان مرورك طاااعم ولاذم تجى صاده راجييين هترشاتك بلحين تسلمى

د الجنيد | حلف بالله الخلقنى كن ما هترشاتك البوست ده ح يكون مااااااااسخ وخرابه عليك دينك ما تنقطع

الفاتح ابو ساره نورت البوست شكرا كتير على المرور

هترشه ناس حاقدين سااااى على الحناكيش

الحنكوش الضهبان هو من لم يخرج ابدا برا حدود حلتهم او الولاية بس يوما داك علي التعتروا ولي شقاوتنا جانا في ركشة بالغلط وابتدا الكلام
انا لما باسحى السباح باغير البيجاما بتاعتي وبشغل السخان على درجة حرارة منخفدة علشان استحما في الجاكوزي وبعدين بالعب تمرينات وبارفع المعلقةيتاعة الحلو اربع مرات علشان امرن عدلتي يتاعة اليد اليمني لانو يدي الشمال ما محتاجة تدريب لاني بامسك بيها البلوتوث غلشان ارد على الموبايل

بعدين باطلب بالتلفون امجاد توسلني الجامعة لاني ما بقدر على زحمو الماسلات

في الجامعة ما بدخل كل المحاضرات بس اللكاشر الكووووول علشان ما ااذي بشرتي

باعمل دليفري بيتزا دايت و فرش جوووس

الوان ملابسو الوردي او البنفسجي مع الكثار من الصور المطبوعة

مسالم وهو عضو غير فعال في اي شكلة ولا يمكن الاعتماد عليه في حالة حدوث اي كافوتي

.الحنكوش حسب النظرية الجسيمية الرمتالية المعدلة لسنة 1428 للعام الهجري 2007عقب الميلاد تنص فى الفقرة الثلاثين بعد المئة والتى تهتم بتعريف الحنكوش / الحنكوشة بانه ذلك الزوووووول الذى لم يذق طعم البشتنه فى حياته الدنيا .. ولم يتمتع بمذاق الشلهتة فى مدافرات مواصلات الكلاكلة القبة ... ولم يستمتع بسكن رواكيب الحاج يوسف التى لا تقى حرارة الشمس ولا تغنى عن زمهرير الشتاء .. وقضى جميع مراحله التعليمية فى المدارس غير الحكومية ذات الطوابق المتعددة والبلدان العربية ذات الرفاهية المطلقة.. والمكيفات ذات الهمبريب الضاغط ...ولم يشرب من المياه سوى مياه سوبا الصحية صفات الحناكيش:-

الحناكيش ناس بابــــــــا و مامـــــــا وناس ال جلكسي جواهر و
البيرقر الجامبو وناس أحواض السباحة و لعب البلياردو وناس عمرودياب ونانسي عجرم وأخر غنية ل راغب علامة لسه ما حفظتها ... ناس حفلات إيهاب توفيق البي 300 الف جنية

ناس العربات الكامري وميرسيدس وعربات ما عارفين عدلتها من قلبتها, راسها من قعرها؟ ناس الفلنتاين وعيد الزواج والحب باليل ناس الرفييرا وناس الغناء والرقيص بالجنبة

حنكوشه بتتونس مع صاحبتا قالت ليها ماشفتي هيثم اخوي ماجاتو حساسيه
سفرناهو القاهرة مانفع سفرناهو لندن مانفع سفرناهواي مكان مانفع
قمنا جينا راجعين بيهو السودان قمت ليك زرزرتو زرزرتو وتاني قمت زرزرتو زرزرتو
قام اعترف لي ]
(اتصوري طلع مصاحب ليهو واحد من امبده)
***********************************
في شباب بتكلموا عن الشجاعة الحنكوش عمل مداخلة وقال ليهم :
انا كنت ماشي مع حنان اختي وعادل حبيب حنان اختي لاقتنا غنماية
ولا عملت لينا حاجة
***********************************
حنكوشة اول مره تشوف التيس.. ..قالت:ياي حمادة اخوي شوف ختيب الغنمايه
***********************************
في اولاد حناكيش مشو رحلة ومعاهم خروف وكل واحد متكل علي التاني عشان يضبح الخروف. ما لقو زول رسلوا واحد منهم لجماعة قريبين منهم قال ليهم: عاوزين سفاح يضبح لينا الخروف
***********************************
حنكوش رسلوا استاذ تاريخ البيت وقال ليهو جيب لينا أقدم حاجة في بيتكم مشي جاب حبوبتو
***********************************

حنكوش امو رسلتو البقالة عشان يجيب ليها كمون اسود
بتاع البقالة قال ليه مافى

قال ولا اى لون تانى انشاء الله بمبي

قالو فى بتين حنكوشات شديد واقفات قدام سنتر الجامعه فى الخرطوم المهم شاورو ليك لواحد بتاع تاكسى واقف يا عمو يا عمو لو سمحت عندنا مشوار ايوه يا بنات لكن اصلو الشارع الواقفين انتو فيهو دا اتجاه واحد ما بقدر اجيكم هناك تعالواقطعو الشارع و اوديكم مشواركم بس يا عمو الحته الى انت واقف فيها دى ياها ذاتا مشوارنا الدايرين نمشى ليهو

ولا لمن كان فى مظاهرات فى الخرطوم
قالوا بنات سستر اسكول طلعوا مظاهرات فى شارع النيل
وكانت هتافاتهم
مافيش زيتون ما فيش جبنه أونكل عمر ما عاجبنا

ولا التانى الشهاده العربيه يوم عيد الضحيه مشى لجزار عشان يضبح ليهم قال ليو : يا اونكل عليك الله موت لينا الخروف دا وقشرو وياريت لو فتفتو لينا مره واحده
بس ياعمو عليك الله الحاجات الجو بطنو دى مادايرنها اصلو نونو اذا شافته حيغمى عليها من الريحه

وبرضو فى حنكوشه ابوها مات ويوم البكا اتلمو وجوها الحناكيش اصحابه يعزوها.... بعد ما ما كل واحد وواحدة سلم عليها في جضمها...وقال ليها سوري... لانو ابوكي مات...اتلمو حولها........ وعلى طريقة الفوركاتس....هي تبكي وتغني وهم الكورس..

...

ناهد يا بت أخوى هوى...بتكتلى ليك زول من الضحك...ديل حناكيش شنو ديل؟؟

دكتور الجنيد سلامات عساك بخير والله يا دكتور الضحك اليومين ديل بقى عمله صعبه عليه قررت الاتى كل واحد منكم يضحك وينبسط لاذم يدفع رسوم عبور على البوست وكمان رسوم الضحكايه اتفقنا ولك يا دكتور كل التقدير والاحترام وان شاءالله دائما فرحنين وضحكاين يا رب

المره الهترشه جااااااده ومن جوه بيوتنا

هترشه جوه البيوت

الولد قال لابوه الاستاذ قال لينا فى المدرسه بكره كل واحد منكم يااولاد لاذم يجيب معاه 3 جنيه علشان الحاوى ح يجى المدرسه .
الاب : الحاله صعبه يا ولدى اسع لو جينا للجد انا بصرف 500جنيه من الشغل مرتب وبصرف عليكم فى البيت 900 جنيه اهااااااااا الحاوى الجايكم فى المدرسه ولا الحاوى انا ابوك ده يا ولدى .

الغريبه كل الناس بتشكى من غلاء المعيشه وضنك الحياه عليها والكل بقول الظروف صعبه لكن بصراحه المحيرنى
كل المشاورير القريبه والبعيده الناس رجال ونسوان وعيال دقاق بركبو ركشات او تاكسى او امجاد ( برضوا ثقافه )

كل النسوان لاذم الراجل يجيب ليها شغاله فى البيت حتى لو ما عندها شغله (لذوم البرستيش)

توب جديد لكل مناسبه لاذم علشان القشره
كل مستويات الحنه بالقروش حنه العرس والسمايه حتى البكاء عملوا ليه حنه( برضوا تقولوا صعبه وغاليه )

العجب الجنيات كل واحد شايلوا تلفون

واقعدوا عافيه

سلامات
اهلى الطيبين شنو يعنى ما ناوين تقولوا هترشاتكم

هترشات مساطيل
مسطول لقا خواجة فى شارع النيل قام سألو: عندك سيجارة خدرا ؟
الخواجة قال ليهو: لا والله ما بتعاطى !!!
قام مشا وجاهو راجع قال ليهو: طيب عندك بيرة ؟
الخواجة قال ليهو: لا والله ما بشرب !!!
قام مشا تانى وجاهو راجع قال ليهو: طيب ياخى ما عندك سيجارة حمرا ؟
قال ليهو: لا والله ما بسجر !!!!
المسطول مسكو ليك من خناقو وقال ليهو:
ناااااااان الكافر ليها شنو؟...*******************************************************

مسطول قال لمرتو...

والله الدنيا دي بقت زي حديقة الحيوان..!!!!

قالت ليهو كيف....؟؟

قال ليها الواحد يقوم من النوم زي الحصان...

يمشي الشغل زي الكلب

يشتغل زي الحمار...

ويرجع من الشغل زي ابو القدح... ******************************************************

سالو مسطول ما اكثر انسان صبور؟؟؟

قاليهم واحد منتظر ظهور نانسي عجرم في قناة اقرأ ....:
**************************************************
مسطول اشترى عربيه جديده
فتح الرادي سمع المذيع بقول:هنا لندن
قال:انعل ابو السرعه زاتو

وربنا يحفظنا يا رب

واقعدوا عافيه