ما معني كلمة داهن .. داهن

والله يا اخوانا في كلمة حيرتني و ما عرفت معناها شنو .. قالها الرئيس اليمني علي عبد الله صالح ..
اجريت قناة العربية لقاء مع السيد الرئيس علي عبدالله صالح و سأله المذيع ما هي مواصفات الرئيس الناجح ؟؟ فرد الرئيس اليمني قائلا :

يجب ان لا يكون نائم.. نائم.
يجب ان لا يكون راقد .. راقد .
يجب ان لا يكون داهن .. داهن.
يجب ان لا يكون قابض علي قبضه حديديه

و عندما سمعت هذا الكلام كنت في زياره لاحد الاصدقاء و كنت متكأ علي السرير و قلت لصديقي كلام الزول دا كلو متشابه بس كلمة داهن .. داهن دي ما عرفتها .. قال لي ان لا يكون نائم نائم زي رقدتك دي .. و راقد راقد برضو زي رقدتك دي بس عيونك ما تكون مغمضها .. و داهن داهن برضو تكون راقد بس تكون نائم نومه خفيفه . يعني قلت له كلامو دا كلو ما فايت السرير دا ..

كده لو في زول عندو شرح تاني لكلمة داهن داهن دي يورينا له ..

لكم التقدير

ول عشمان

فى جرادة اسمها ام دهن دهن

تسلم

العزيز ول ابوي خليل

هههههههههههه والله ضحكتني اخي الجراداي دي اول مره اسمع بيها انت يا زول بتقطع من راسك و لا شنو ..

لك التقدير

الرائع ول ابوي نواي

قرمان ليك حار .. انت يا اخي تلفونك دا قاعد تجدع وين حاولت اتصل عليك مرارا .. شكلك مبايت بره بالبار .. هههههههههههههه
اخي عمك علي عبدالله صالح دي قل له لملم حرابك و قشاقشك و ابقي مارق ..

لك التقدير اخي الكريم