قوم نقضي الليل في ضفاف النيل .......مصطفى بطران

ياجميل واصحي / بادي محمد الطيب

أطرد الأحلام يا جميل أصحى
قوم نقضي الليل في ضفاف النيل ننشد الفسحه



شوف جمال الليل يا جميل أصحى
وأسمع البلبل ولهجته الفصحى
الغصون ما خدات مع النسيم كسحه
والطبيعه تخيل توبها كاسي النيل من جمال مسحه



عير كلامي معاك يا جميل لمحه
وقوم معايا وميل قامتك السمحه
كل شىء ميسور والظروف سامحه
منظر النوار يغني عن أنوار للظلام يمحى



ديك شواطي النيل بالسرور طافحه
لابسه بدر التم وللنجوم لافحه
شتلة الياسمين مايله بى صفحه
ميلها بيشجيك من شذاها يجيك كل حين نفحه



شوف وجوه الروض باسمه منطرحه
وتضحك الأزهار ميته بالفرحه
ليه شجرة الفل ياخي منشرحه
الورود بالمر لونها ليه يحمركأنها منجرحه



ديك طيور منظوم روقه زي سبحه
طيره كالامال في الفضا سابحه
في حدانا قريب ظلالها جات شبحه
يامافايتات أظنهن بايتات وفي الرياض صابحه


النسائم لو غاديه أو رايحه
بى ندي الأزهار والعبير فايحه
الفروع بتميل بالطرب مايحه
والسواقي تئن بى نغمة الحن صوتها كالنايحه

:

منظر البدر وبهجته الفاضحه
تبدو ليك في النيل كالدرر واضحه
الطيور تختال في الغصون صادحه
السرور ميل وروقه يتخيل كفته الراجحه


>

يا سلام عليك يا استاذ فضل
وهذه من كنوز الحقيبة وروائعها وتغنى بها المطرب الخلوق صاحب الصوت المسكون بالشجن والنبرة المطبوعة بالحزن والمندلين المترع بالالم ابراهيم خوجلي
الف شكر