سلام جاكم من براغ العاصمة الشيكيه

سلام جاكم من براق العاصمة الشيكيه

احبابي الاعزاء لكم التحية .. انقطعنا منكم اليومين دي انا الان في براق تلك العاصمة العريقة التي اعجبت بها كثيرا لعراقتها و مبانبه ذات الاصاله التاريخه العريقه .. و الي ان نلتقي بكم لكم التحايا العطره و شكرا عزيزي شاويش علي مكالمتك الهاتفيه و السعال عننا

ارقدو عافيه

يا ود عشمان بالله عليك تريسينا على بر

قلت ليك انت شغال شنو مع الخواجات ديل ؟ كا ن شغال مساعد احسن تجى هنا الترترات راقده فى البلد.

ههههههههههههههههها.

بالسلامه و متع كراعك فى ركوب الطيارات على بال ما تجى للوارى هنا.

شكرا

انشاء الله تسلم من كل شر
يا ود عشمان
تحيااااااااتي

الاعزاء .. فيصل .. ازهري .. صباح

لكم التحية و التقدير .. ضحكتني يا فيصل حتي الناس المن حوالي في الفندق قاعدين يتلفتو اكيد قالوا الزول دا مجنون .. صدقت استاذنا ازهري البلد لسع بخيرها و المعيشه رخيصه خلاص كوم البصل الا بخمس قروش و بعدين قول رخصة الكريستال .. البلد زي ما خليتها هي هي ..

لكم التقدير

حمدلله على السلامة ياود عثمان...اها قننت نفسك ولا لسع ناطق كيري؟احترامي

العزيز الفاتح محمد توم

لك التحية و التقدير .. مرورك اسعدني ,,

الاخت اقبال

لك التحيه .. مرورك بطعم منقة امبرمبيطه .. طبعا باين للعيان فترة غيابي هنالك ضجه و هرجله واضحه من قبلكن و انتهزتو الفرصة و بقيتو تحيصو زي ما دايرين في المنتدي .. و كل تحركاتكن انا في تقديري ضجيج بل طحين .. و ما الصبح ببعيد ان عدتم عدنا

لك التقدير

الاخ ول ابوي نويه

لك التحيه .. مرورك بطعم جوافة امبرمبيطه .. والله انا ذاتي قرمان ليك حار يا اخي انا حايم في بلاد الخوجات لانو ما في زول فارض علي قيود لا في زول بقول لي اتغديت وين و لا مالك تاخرت .. حسي زي صحبك فيصل البجعجع دا يقدر يغيب من البيت يوم واحد ..
يا اخي امي بتسلم عليك حار و قالت انت واحد من اولادها

لك التقدير

تحياتي وإحترامي يا ول عشمان تحياتي للوالدة وكل الأهل في أم برمبيطة .. بينا تلفون قريب إنشاء الله

اولا ترجع بالسلامه لفريقك كل مره سائر على دار

طعم منقة وجوافة امبرمبيطه ود عشمان انقرع وحات سيدى الدرحمان كضبك بقى دليب كبار زى دليب خور الدليب . من الله خلقنى وشق عينى سمعت بالقرع وبس


وتعال هنا انت بقيت علينا ألفه ولا شنو

لك تحياتى

ود عشمان ------ جر شخيط يا زول انت ما واحد سبارى بس

ما تقيف فى الزلط و تتكلم غلط.

انا بسوى البيت التانى انت وينك اسع لافى فى الدنيا ام قدود دى

تحياتى

الاخت ناهد

مرورك بطعم قشطة امبرمبيطة ..

لك التحيه .. قربته افطس من الضحك لكن حلفتي لي زي ما حبوبتي تحلف .. وحات سيدي عدالرحمن .. وحات المهدي و خليفته ..

انا ما داير اقول المنتدي دا المفروض يكون باسم امبرمبيطه لانو بتكون كارسه عليكم لكن خليني في الجد ناس المنتدي ديل كلهم اي واحد بسالو بقول لي انا عندي عرق في امبرمبيطه و امسكيها من المدير العام الاستاذ ازهري مرورا بغريق و فيصل و سهاد و محمود و اقبال و سومة طبعا هي من الفاشر ابو ذكريا لكن حسي لو هبشناها نلقي عندها عرق معنا و شاويش و الفاتح و بالمناسبه هو لسع شجرة النيمايه بتاعت بيتهم الزمان قاعده تشهد و اي واحد او واحده في المنتدي تسالو اما عندو صديق او مره بحلتنا او عندو اهل و زي محمد نويه قال لي عندو حبوبتو اسمها ام ذايد بت قرقر وقت سالت امي قالت لي الول امسكه دا لحمي و دمي ..و دا كلو كوم حسي لو مسكناك بنلقي عندك عرق و اصبري لي ساي لما اجيب ليك اسماء اهلك و اقرباءك كلهم بامبرمبيطه و انزلهم بوست خاص باسم اهل و عشيرة ناهد بامبرمبيطه ..
لك التقدير

فيصل وود عثمان مديدة حارة منو البكشحه..

الاخت سومة بت العمده

مرورك بطعم انناس امبرمبيطة ..


لك التقدير

الاخت سهاد

مرورك بطعم تفاح امبرمبيطة .. ما تلخبطي الكيمان خليني اوقف ناهد في حدوده ..

الاخ فيصل

كلامي اسمعو و انطي الدر كلامك دا تاني ما ترددو و خليه يكون في المنتدي هنا و بس .. و انا عارف و انت عارف ..


لك التقدير

ناهد ..

نسيت زول كبير الاخ ابوهريره صرتو مدفونه في امبرمبيطه ..

ود عثمان ؟؟؟
الله يجازي محنك
رسلناك تدرس وتتعلم في بلد الانقليز الوداك شنو براغ؟؟؟
تشكر يا السباري كلامك زي عنب ابوجبيهة ومشمش الكور وفراولة خور الدليب ..

ود عشمان انت قريبي انا جدي بقولو ليه عشمان اللحيمر اخوي بقيت تختر كتير امك قالت لي الول سوو ليه ام تعالي سهاد وناهد
العجينة الكسرة بالدكوة والشطة والله العظيم جممتو ريقي.
اقبال انقرعي مديدة حرقتني العيال بتداوسو

هوى يا ود عشمان تفاح شنو كمان الفى امبرمبيطه


مالها مرورك بطعم كرستال براغ دى ما بتنفع ولا عايز تاكلنى فى عقدى .
اخى العزيز علاءالدين والله زى ما قال المثل حلم الجعان (كسره معجونه)
ومنى ليك
اول رجعه السودان دعوة معجونه
بقرع امبرمبيطه .اها اخيتك قصرت معاك
تحياتى

العزيز محمود منصور

كنت داير اقول ليك مرورك بطعم عنب امبرمبيطه بس انت سبقتني لانو العنب عندنا زي شجر النبق تلقاه في اي مكان.. لك التحية اخي الكريم و مشتاقين كتير .. تحياتي للاسره الكريمه

الابن العزيز علاء الدين ابراهيم تيمي

مرورك بطعم كركدي امبرمبيطه ( الكركدي البااااارد) ..
يا زول انا عمك و عشمان الاحيمر البتقصدو دا ابوي لانو في العالم اسم عشمان دا هم اثنين فقد الاخر في اليابان و زاتو ما اسمو عشمان اسمو ( ما عشمان ) ..

و طبعا الاخت اقبال دائما بتشكشك النيران لكن قول لها انا و فيصل ما بنداوس تلقاها عند الغافل ..

لك التحية يا ابني الكريم و لنا لقاء انشاء الله ..

مع التقدير