ابوهريره اربط ليك كمون اسود وانت داخل المنتدى

يا ابوهريره انا زول صراع لكن انت لا بتنقل و لا بتترفع الحل الوحيد نخليك تندقش مع الاخ محمود منصور اذا رميته تاني الا انا و فيصل نتحامو فوقك بيني و بينك انت الا يرموك ببندق ( خرتوش ابوماسورتين ) من بعيد ..

لك التقدير اخي الكريم و انا ذاتي قرمان ليك


كتاب الله الجاكم يا ناس ده اسمو كلااااااااام ده ناس اصلو ما بتقول تبارك الله

والله انا هميت وشفقتا على ابوهريره المسكين تصيبوا عين السواد
وهسع غائب من كم يوم وخوفى يكون حصل ليه حاجه يا جماعه هووووى الفزع وانتو ماشين شيلوا معاكم كمون اسود ( الحبه السوداء تشفى من كل داء الا السام )

واقعدوا عافيه

ابوهريره الله يغطى عليك طبعا انا عينى باااااااااارده

يا ناهد يا اختي مباراة الخواجات بتعمل اكتر من كدي
ههههههههههههههههههههه
والله ربك يستر "العين ما تكون جهجهت باكات ابوهريرة زي باكات الفريق الفلاني...................ه
هههههههههههههههههههههههههههه


تحياتي

يا ناس ..

انا اسوي شنو في المنتدي دا .. افوتو ليكم ؟ لو قل افوتو ما بقدر .. لو الواحد دافع عن حقوق المتزوجين تقولوا بلباص .. لو طالب بحقي تقولوا لي نفسك ضيق .. لو سألت من زول تقول لي تركاش .. لو غيرته الصوره تقولوا ما حقتك ..
ناهد .. انتي بتاعت مشاكل و عاوزه تشكشكي النيران و عاوزانا نختلف مع ابوهريره لكن تلقيها عند القافل ..
ابوهريره دا انا قاعد معه في الخرطوم داخلية الجامعه اربعة سنه ما سحرتو اجي اسحرو ليكم بالكلام ساي .. وروني ابوهريره فوقو شنو بسحرو .. امبارح القريبه دي كنت بتكلم معه في التلفون قاعد نصيح قرعه .. و بعدين عربيتو دي كل يوم ( تج .. تج ) موديها الورشه تقول لقاها واقعه في الشارع .. يا ابوهريره عربيتك دي لو ما قادر عليها قرشا ..

انا راحل المنتدي الاقتصادي الدايرني يجيني هناك ..

انا من قبيل داير اكتب وارد لى اخواتى الخايفين لى منك ديل ما قادر تارى دا انت ابو عوينات قاعد تكتب

بعدين يا اخياتى اخوكن مصفح من ول عشمان ابو عونات حمر ديل ومن خرطوشو كمان
وشايف محمود متفق معاهو اليومين دى بس تعالو الدارة الاتنين انا جاهز بس يا محمود اوع تجيب معاك عصاية الخواجات حقت الكهرباء
وكان ما عجبك اعترف بان الصورة من الستينيات وجيب اخر صورة عشان نعفيك

ويا فيصل موضوع العربي والتعويض دا خلاص فوضنا ليه سهاد ووفقا لقانون التعويض الانجليزى لانو ما بجامل فى جبر الضرر وحنقبض بالاسترلين او تجينا عربية لاندكروزر من هناك ما تقول صاحبنا عامل فيها تاجر عربات فى لندن

ود عثمان
حرم ما تفوت هنا ول هنا وانا على طول حافوت معاك... وبعدين صاحبك
ابوهريرة ظهر اليوم واقف ورا الاندكروزر بتاعو بدل ما يقيف من قدام او من جنب زي وقفتك الابية بكل شموخ و عنفوان وكبرياء بجانب سيارتك ما شاء الله...
وهذا تاكيد بان ابوهريرة سليم وسيارتو سليمة ومافي اي عين اصابتو ولا اي حاجة لمستو....
الف تحية

فيصل خليل حتيلة كتب:

ناهد يا زولة كلامك دا صاح

ودعشمان ابو عيون زى الخواجات ديل بكون سحار والله

اسع ابوهوريرة العربية بتاعتو المكنة بتاعتها باظت و هو جاى من ابوجبيهه و انا بالتالى بحمل ودعشمان المسئولية

كاملة و غير منقوصة و بنطالب بتعويضات



هههههههههههههههههههههههههههههها

لكين بينى و بينك يا ودعشمان انا و انت ما بنقدر نقل ابوهوريرة لكين بدل البندقية احسن نشوف لينا (نبلة او نبلتين )هههههههههها

دا شغب ملاعب يا ناهد هههههههههههها

شكرا

اول مره يراودنى احساس انو اللون الابسو هنا رماااااااادى اجىىىى يا جدو دى مطلبات مرحله ولا ايه؟؟؟؟؟؟؟؟؟؟
شكرا وسلااااااااامات

احسان الحبيبه
كيفك يازوله ان شاءالله انتى شديده

اخيتى الله يكفينا من مباراة الخواويج وانتى الصادقه . ما اصلو يا احسان الببارى شنو والله ما عارف

***************************************

ود عشمان
الناس لو قالو ليك راسك مافى اهبشا

واليك مسميات الجماعه

لايوووووووق + بلباص + غشيم + السبارى + تركاش + بوخ العصيده البايته + بلطجى ..........الخ وكن مكضبنى اسأل فيصل ومحمود واقبال كن بقولوا النصيحه باقى لى مافى ضمان
تحياتى

ابوهريره بركه الشفناك طيب والجاتك فى عربيتك سامحتك علا علق فوكا كمون اسود

ابوهريره اتو خاف قالو ليكو عندنا سباق سيارات يا نااااس ما تشفوا ليكو بهول

ابوهريره الا لله انت زمااااان وحات الله كنت رجل المهام الصعبه تفك الاشتباكات يعنى 999

تجى الليله تخزلنى وتطلع زولك براءه الفيك انعرفت على قولك بقيت ناس معايش سااااااااى

تحياتى لك وللاسره

الحق الحق عوضنا الله . استاذ محمود انت قدمت استغالتك من جمعية الرفق بالعوين ولا شنو ده اسمو كلام يا اخوانى الزمن ده مافيه ضمان ولا شركة شيكان وما تضمن الا على ايديك النائم فوكا .

استاذى الجليل سلامااااااات كيفك والاسره
قالو السواى ما حداث الزول كن داير يروح ما بسوى ليا عوه وجوطه انا كلامى داير جوديه ومحناس وده عندنا مافى انت يا استاذ مش قولتا لينا لايوووووووق ولا نكر وابرم
تحياتى

يا استاذةهههههههه هههههههه والله ضحكتيني
الله يعطيك العافية
يعني لازم توقعي بينا وبين ود عثمان
في زمتك انتي ما سميتي ابو هريرة متلقي الحجج؟؟؟ وانا بس اضفت عليها كلمة
( الوهمية) خلاص ود عثمان قبلان بكل هذه الالقاب الحلوة!!!
والله العظيم انتي انسانة رائعة وبتعرفي تديري الحوارات بكل ثقة وذكاء ما شاء الله عليك ما اقوم اسحرك زي ما ود عثمان سحر عربية ابو هريرة وخلاها واقفة في الورشة ثلاثة شهور...
تحياتي لكل افراد اسرتك وتحياتك وصلت للجميع يا اصيلة

اولا .. نشكر الاخ ابوهريره لتغير الصوره بالرغم من انها بعيده .. غبشه .. ابيض اسود .. الا انها تعتبر خطوه شجاعه و نفتخر بانضمامك للهيئه العامه لتغير الصور بقيادة الزعيم المناضل محمود .. مهما يكن من شيئ يا ابوهريره انت عبرت بصورتك هذه للمرحله القادمه في المنافسة لبرنامج سحر القوافي ..

لكم التقدير

الاخت صباح حسن ..

لك التحية و التقدير و اشكرك علي الوقفه التاريخيه و الشجاعه الوقفتيها معي .. انتي بت اصيله و ما بترضي الحقاره للاخوان .. انتي عارفه يا صباح جوطتهم و الاسماء الكتيره دي كلها ما واجعاني .. الواجعني قالوا انا ما موجود في لندن !! اكون قاعد وين .. ها في ملم الكور ؟؟ و لا ملجاوط ؟؟ و الشي المحيرني سهاد قاعده و ما دايره تدافع .. شوفي ليك بهول ..

تحياتي للاولاد مع فائق احترامي ..

استغفر الله العظيم
مين القال انت ما موجود في لنضن؟؟ طبعا دا يكون ابو هريرة الحاسد
سيبك من الاشاعات المغرضة دي ياود عثمان وانا عارفك تمام وقابلتك وشفتك في لنضن مرتين..مرة سارح بالغنم والتانية في قهوة الراكوبة قاعد مع ست شاي انقليزية والمامصدق يركب البحر...

الاخ محمود الاصيل .. انت رجل ضكران و رجل المواقف الصعبه و زي ما قلت الحساد كتار .. علي كل حال انا دايرك توصل المعلومه دي للجماعه ديل عشان يفهمو انا قاعد في لندن بشحمي و لحمي ..

شكرا يا حبيب

الف تحية ود عثمان الشجاع
اشكرك جدا بس انا عاوز منك طلب واحد وبس وهو .. تجي السودان وتدي لينا ابوهريرة كورس ودروس خصوصية في اللغة الانقليزية
الف شكر

الاخ محمود ..

لك تحية الاسلام الخالده الا و هي السلام عليكم و رحمة الله و بركاته ..

الرّجال حاولنا ننظم له كورس لغة انجليزيه بس المصيبه ما يفهم ..

شكرا يا عزيزي ..

ابوهريره وود عشمان ما جننتو العربات دى كده جيبو لينا صور بدون عربات 00عشان نشوفكم كويس

يازعيم العكس انا شخصيا العربات جننتنى

مش صاح ا فيصل

ناهد يا اختى نحن هرمنا هرمنا

شوف يا محمود انا منتظر صاحبك ود عشمان دا يجى السودان واقوم باختطافه بعد ما اقول ليه نمشوا امبرمبيطة سوا واطالب ليك حكومة بريطانيا بتعويض كبير
لاطلاق سراح الرهينة

الاستاذ ابوهريرة
اولا ود عثمان عندو حصانة دبلوماسية منحت له من الملكة اليزابث
ثانيا راجل محجب ودارع الحجبات من العين ومن السلاح ومن المصائب الخفية
يعني ما بتقدر اصلا تلمسو لمسة واحدة..
الف تحية

هسى عليك الله يا محمود محل صاحبك متصور دا بعرف ليك الملكة اليزابث ولا حصانة ولا حجبات
بعدين نحن ما بنفك ولا طلقة بس قبض وحجز والتلوفونات تشتغل والاخت سهاد تستلم الاسترلينى

ههههههه ههههههه
والله العظيم يا ابو هريرة انت راجل ظريف ودمك خفيف واضحكتني جدا
طبعا الكلام ده انا قاعد اجيبو من وين ؟؟؟طبعا من ود عشمان شخصيا هو القال لي عندو حصانة وعندو وعندو وبعرف الملكة اليزابيث شخصيا وقبل يومين كان متعشي معها في القصر وكان حاضر زواج الامير ولد الاميرة ديانا وانا طبعا بصدق على طول على طول تعرف المثل بقول الدنقلاوي صديق لانو مصدق التيس يمكن ان يحلبو...

ههههههههههه هههههههههه
تارى يا محمود صاحبك خاميك كل مرة بقول انا اللية اتصلت على محمود وسلمت ليه واتونست معاهو تارى الكلام كضب ساى
عشان كدة صاحيك دة تانى ما تصدقو
وهو كان كلامو القالو دة صاح وعلاقاتة واصلة كده خلى يرسل لينا تاشيرة لبريطانيا

ههههههههاي كع والله ضحكتوني .ابوهريره خلي لابس لينا احمر كدة اتقول راميك زار والله ول عشمان معاهو حقك خلي يسحرك التشابهي إلا كابيلا ولا رئيس ساحل العاج المخلوع دا اسمو ياتو لوران باغبو وناهد معاها حق الا يلحامو فوقك اتا دا اخي ماابتترمي الا بمعاونة صديق هههههههههه ماشاء الله صبي جد لكن ممحوق انا غايتو كن صارعتك برميك علي راسك طعن

انت عارف قبل كدة فى جماعة قالوا انا بشبه باغبو الرفض تسليم سلطتة دا
بعدين برضو انت اخير من ول عشمان لانك قلت ما شاء الله
وموضوع الصراع دا كده سل وتعال مع جماعتك ول عشمان ومحمود عشان اوريكم المحقة دى كيف

هو عود الصندل الكضب الحار دا ما تخلى هسى رقبتى بتسكب ليك

الاستاذ عود الصندل
ابو هريرة ده براك ما بتقدر عليهو... لازم نكون معاك انا وودعشمان .. انت بس تمسكو لي من رقبتو وانا بمسكو ليك مسكة منومة وبعدين نتعاون انا وانت وودعثمان نرفعو ونرميو !!!!!ما بنقدر عليهو الا بالطرقة دي...

العزيز عود الصندل ..

هههههههههه ياخ مالك عليّ من الصباح .. ضحكت قرب افطس .. اول حاجه مشاء الله تبارك الله .. عشان بعدين ما يقول سحر الول .. ناس الدنيا ديل كلامهم كتير .. انا قل ليكم ابوهريره في الصراع ما بداقش الا يلحامو فوقا و كلام الاخ محمود صحي و انا بأيده ..و انا بحكم كنت سباري و عندي خبره في الصراع الزول دا لو قل تسكبا سكب ما بتقدر عليّ لانو لو قال فوقك كب الشافك شوفك نجوم القايله ما كضب .. الزول تلخمه لخماني تجي جاري من بعيد كأنك داير تدخله وقت تقرب ليا اقيف .. هو بيحاول اللابطك هنا في البكان دا ممكن يبرك و كن برك دي رميه لكن لو راجي محمود يساعدك انت انغشيت .. لان محمود فخ ..

لكن بوصفك ليه كتلته كتل .. انا كل يوم بقول يا اخوانا ابوهريره دا بشبه لي ياتو ؟؟ مره اقول ( جاك ابزومه ) رئيس جنوب افريقيا تاني اقول كو الزول داك راسه مسوكب .. تاني اقول بشبه لي كابيلا رئيس يوغندا السابق .. تاني اقول كابيلا وجيه شويه .. يا اخوانا ابوهريره دا بشبه منو ؟؟؟ الان وقت قريت تعليقك و قل بشبه لوران باغبو رئيس سالحل العاج المخلوع .. قل يا عود الصندل الله يفتح عليك دا الزول البفتش ليه انا ياخ تقول تيمان مشاء الله عليهم .. هههههههههههههههههه

ابوهريره اتا الصورك دا ياتو ؟؟

هو محمود فخ ساى بى نجاضتة دى كان كى ما تعبتو معاى انا كنت خايف منو هو بس يلة امرقو جاى

هههههههههههههههه موضوع جميل ياشباب انا غايتو مازول صراع لكن ببقى سبارى لأبوهريرة في زول عندو اعتراض

ود عشمان
انا زول فخ؟؟؟ك
طيب ان ما قلبت عليك المنتدى وخليتك ما تقدر تنوم لا بالليل ولا بالنهار اكون انا ما محمود
ان قاعد ادافع عنك واقول للناس بالكضب انت وانت وانت وتجي تقول الكلام دة وتشمت علي ابو هريرة وفيصل خليل؟؟؟
طيب استناني بعد كده
ابو فارس تشتغل معاي سباري؟؟؟ انا ما عندي مانع وبراتب مغري
الف تحية

اها يا جماعة الفارس ابو فارس جاى يسبر لى ويا هو طاردنى قامو وعانين البنات يملننا ريحة
ومحمود طلعتو ممحوق ضارب الضلله وول عشمان منتكل على خبرته قال بجى جارى وبزوغ وانت عارفنى انا بوتد وبرفع فوق بفوت الراس وبجيب فى الراس طعن
وانت ياعود الصندل اربا لى كويس بعدين تعال اللية انا كنت راجيك وعندى سباره كتار معى وبجلب فى الداره وانت زغ كده كمل سمسمك ومديتك دى وتعال انا قاعد ليك كان ما تكلع ممحوق ساى مثل جماعتك ديل


هوى يا جماعة اخير تسمعو كلام فيصل دا وتلبسو خلقانكم

عود الصندل
ابوهريرة
انتو فاكرني انا جلابي ول بحاري
انا اصلا كناني ومن حلة فطاطات ومتمرن على الصراع من زمان
احسن ليكم سيبو الهظار واللعب بالنار..
الف تحية

هوى يا محمود فطاطات شنو دى الايصدقها عود الصندل

انت ما من عيال السوق ابانين ساءات ؟ والكلمة دى لو ما فهمتها نحولك لعثمان جاويش يشرحها ليك
والصورة دى ما قلت لينا فى الثمانينات ولا التسعينات

سلاااامااااات
شكرا يا جماعه على روحوكم المرحه وضلكم الخفيف وقفشاتكم الجميله بالجد انتو دمكم خفيف مروركم احيا البوست وجمله
لكن برضو
ما تنسوا الكمون الاسود لابوهريره انا مصره يا صباح شايفك ابو الدفاع وكمااااان بتقولى عووووووووك لسهاد نظام لحف ايه ما عارفه

شكرا لكم ......
غريق ....صباح .... ابوفارس ...عود الصندل .....

اخت ناهد انا بعد ما الجماعة قالو بشبه باغبيو الا البس لى حجبات واشرب محاية كمان

هوي عود الصندل ..

خلي ربط رقيبتك ليك بكرفته انا جني وجن فلهمت الرواعيه قبل امشي الفريق شوف السعيه وين .. لوران باغبو دا لو دخلك يفقشك عشرين فقشه .. اعمل حسابك و النيّ ما تخده ..
لكن بحكمي سباري و عند فكره في الصراع ابوهريره دا انا عرف ليكم الشقل البرمي .. نجيب ليه الفارس عصام ول كابوره البشكروه بقولو ليه النجيله خضرا .. مشاء الله عليه راس براس

صراحة يا عود الصندل الزول ابعوينات ده الفي الصورة دي
باين عليهو ما بنقدر.. وكان مسكك من رقيبتك دي الا اجي انا افكك منو.. وبعدين ياولدي المديدة والسمسم والحاجات القديمة دي ما منها فايده اشاعة ساكت. الزمن بقى مشروبات الطاقة وفتمينات القوة الخارقة
ااااالف تحية

عود الصندل كتب:ههههههههاي كع والله ضحكتوني .ابوهريره خلي لابس لينا احمر كدة اتقول راميك زار والله خلي يسحرك التشابهي إلا كابيلا ولا رئيس ساحل العاج المخلوع دا اسمو ياتو لوران باغبو وناهد معاها حق الا يلحامو فوقك اتا دا اخي ماابتترمي الا بمعاونة صديق هههههههههه ماشاء الله صبي جد لكن ممحوق انا غايتو كن صارعتك برميك علي راسك طعن

ابوهريره افزع فوق عود الصندل ليهو وحشه والله . يا ربى مشى الصعيد (بت الكل ) يجيب ليا خروف ولا شنو ؟؟؟

ولا دقش الدهب

تحياتى

ابو فارس كتب:هههههههههههههههه موضوع جميل ياشباب انا غايتو مازول صراع لكن ببقى سبارى لأبوهريرة في زول عندو اعتراض

مافى اعتراض بان وعليك الامان طبعا المهنه دى مزاولتها بقت برخصه راجع فيصل خليل لتكملة الاجراءات


ابو فارس برضو غياب الحق ابوهريره وين جماعتك