ابوهريره رجع الصوره بتاعتك القديمه

السيد المحامي الكبير ابوهريره

عليك الله رجع الصوره بتاعتك القديمه اللابس فيها فنيله حمراء البتشبه فيها رئيس ساحل العاج لوران باغبو .. لان لها طعم خاص في المنتدي .. يا اخوانا اي زول داير ابوهريره يرجع صورتو القديمه يوقع هنا و يا ابوهريره يجب مراعاة عدد الاصوات لانو الشقلانيه بالديمقراطيه ..

لك التقدير

في الحقيقة المفروض يرجع صورتو القديمة
لانو صورتو القديمة على الاقل فيها شوية شعيرات

الف تحية

انت عارف يا ود عشمان
ابوهريرة صحبك ده يكون خاف من الصور الجايانا مع محمد نوية
عشان كده استعجل وقام فتش في الدولاب لقى ليهو صورة ونزلها سريع...
على العموم نحن قبلانين الصورة دي عشان واضحة لغاية ما يجي ود نوية ونشوف الصورة بتاعت فيصل خليل..
وبعدين يا ود عشمان عاوزك تلكز شاويش ده شوية عشان يغير الصورة القديمة دي على قولة اقبال ليها ثلاثة سنوات ...
الف تحية

انا اايد بشده العوده الى الصوره بتاعت الفنيلا الحمراء

ابوهريرة
المثل بقول ليك:: اتنين لو قالو ليك راسك مافي !!! اهبشو
اسمع كلام الناس ورجع الصورة القديمة.. وبعدين ما تحفظ المثل ده وتنقلو في
(امثال من بلدي )لاني حاجزو من قبالك
الف تحية

يا ود عمي خليل
انت بس خليك ساكت ومطنش لمن تشوف صورتك بتراري في المنتدى
قربنا نصل لصورتك من مصادرنا الخاصة.وبعدين يافيصل ما تخاف انا حاظبط الصورة والونا من جديد وازيل منها اي تشويه ومظاهر غير مرغوب فبها.. اتفقنا؟؟؟
والصورة الما ماليه عينك دي جديدة وبرضو حاغيرها لكم عشان المامقتنع يقتنع والما مصدق يصدق...
الف تحية

انتو الفنيلة الحمراء الدايرنها دى بجيبها ليكم
محمود والله ضحكتى لمن قربت افطس ذى ما بقول ودعشمان
بعدين انت قايلنى قاعد اجيب صور من الامس

ابوهريره ..

شوف في حاجه واحده يجب ان تعرفها نحن عندنا الزعيم غريق كمبال دا زول محترم و رجل قبيله تلقاه في الحاره و البارده و اذا قال اي كلام مافي زول في المنتدي دا بفوت كلامو الان طلب منك طلب صغير قال ليك رجع الصوره معناة رجع الصوره و اكيد ما ح تخيب ظنو .. نحن ديل خلينا ما عندنا كلام بنسمع لكن ازول غريق دا ارجو ان تقدرو و ثقتنا فيك كبيره بتغير الصوره و ارجاع الصوره ام فنيله حمراء ..

و شكرا جزيلا

ابوهريره

دي ما الصوره الدايرنها نحن .. عليك الله رجع الصوره البتشبه فيها رئيس ساحل العاج السابق نسيت اسمو ..