الدلوكة

لا استطيع التعليق ول نوية يا مبدع انا ميت من الضحك وبقراء في المقطوعات ادناها

القطر الشال معاوية يتكسر زاوية زاوية و يسلم لي معاوية
والقطر الشالك إنت يتكسّر حتّة حتّة و تسلم ليّ إنت
............................................
جياشة و الجيش نقلو فتاشة, و بمشي الشرطة الفنية و بشوف سبب الأذيّة
يا الماشي لباريس جيب لي معاك عريس شرطاً يكون لبيس و في هيئة التدريس
................................................................
ما بدور المزارعية شقو يدخّل السحلية
بدور البيتو كلو قزاز بدور النورو بالقماز
...............................................
دق الباب تلاتة دقات جرينا قايلنهم الجكسات لقيناهم دينل ناس النفايات
.....................................................
ثم مرّت الحقب و ما زال موضوع الزواج يشكل هاجس للبنات فخرجت
منهن كلمات صادقة تنادي بتبسيط الزواج:
سيد الكارو تعال
تعال بالشايلو تعال
تعال بالعندك تعال
أبوي بسندك تعال
تعال بقميصك تعال
أبوي بعيشك تعال
..........................................................

وانت ماسمعت بي الاغنية الجديدة التي غنوها في بتاعت الصورة الرسلتها لي دييييييك ؛لكن شايف اليومين دي منعوها في الحفلات بمرسوم رئاسي

اخوي نحن بنيكي وما عارفين الميت منو في البلد دي كده قولي على الخاص

يل ول نوية يا تراث ذكرتنا ايام التمتم والسباتات والرتاين وضو القمر
لكن يا ولد ابو معاوية دا منوووو؟

شكراً احبتي علي الروح الجميلة ؛ ويا طارق انت بالله قاعد في ابوجبيهة ماعارف خور البطحة وين؛ امشي الخاص تلقي الشمار

باود ياخطير يمين حكامات الدلوكة الغناء ده ماعارفاتنو -تاريك يادقادم زمان ماخليت حفلة طبعاً ضحكة في مقاطع كتير خلاص ووريتا لاصحابي هنا لمن استغربو قالو لي ده بالله لو كان قاعد هنا بقول شنو ؟ وفي اغاني ظهرت وراك كتيرةبرسلها ليك في ايميلك-بالجد يااخي احييتو هذا التراث العظيم والله لفتة بارعة ومنتدي ممتاز -بس اقول ليكم ربنا يوفقكم ومذيداً من النجاحات
تحياتي

لك اخي العريس طارق ...؟

الاخ الغالي ود نوية مساء الخيرات
والله انا بقرا وميتة من الضحك ومبسوطة الله يديك العافية.... ودا كان زمااااااان
ياخوي
ويا العزيز زهير ابدعت في هده الصورة يا رهيب انت
انشاء الله تسلمو جميعا

لالالا ده كلام خطير جدا
والله ابداع ما عادى
تسلمو انشاءالله
وحقيقى يا ود نوية
اغانى الدلوكه
لم ولن تنتهى
اخوى زهير ابدعت والله
اوعاك من
بنى المعكوس يا العزابه وغلبته العروس يا العزابه..

الدلوكه زمان كانت من ارقي الفنون الشعبيه و عندنا فنانه اسمها
ناديه بت المنزول كانت هي ملكة الدلوكه حيث كانت تمتاز بالايادي الضخمه الممتلئه التي تساعدها علي دق الدلوكه و الشفاه الغليظه التي لا يمكن للاحرف ان تتفلت منها مهما كانت درجة مهارتها (يعني الحروف تموت حين تقولها ناديه) لكن ناس ابوجبيهه عرسوها و جابوها شندي فوق و طبعا ما قدرت تنافس في ابوجبيهه و صارت اسماء في حياتنا و اتذكر من اغانيها
يا اختي يا كوثر
انا ماشه المعسكر
يا ليلي وب عليا
انا ماشه المعسكر المعسكر
و قالو جتابو سافر يا ليلي
وب عليا
و ايضا
الرمله الدقاقه حي انا
ارمو ليها الصاجه حي انا
ختني قدامك و علمني السواقه
حي انا
لكن طبعا الذاكره بتاعتنا اقل من واحد قيقا عشان ما بتشيل كتير
و لكن احاول اتذكر و اجي تاني يا ول نويه

مررت على هذا البوست في هذا الصباح واطلعت على كل المداخلات وهزني تعليق الراحل المقيم زينة شباب الحباك طارق طارق طارق الا رحم الله الفقيد واسكنه فسيح الجنات مع الشهداء والصديقين أسألكم جمعياً ان تدعوا له وكل اللذين رحلوا عنا وتركوا لنا فراغ. كبير كبير كبير صعب سدو وعلي سبيل المثال لا الحصر أخونا العزيز تجاني تجاني تجاني السر اللذى رحل سريعاً من غير وداع والقائمة تطول ومن منا يعرف متى يرحل  

الهم ارحمهم واجعل الجنه متقلبهم ومثواهم


حقيقه هذا العام هو عام احزان بحق

بي ياتو طريقه اوصل لي المعلومه...
اقول ليهو الحقيقه اني فيو مظلومه
..
اقولا في وشو عيوني فيو إتغشو ..
قايلنو حيريدم وفي دار حبو خشو
..إتصدمو
في ريدو ودموعي بلو ورشو ..
مشو ليهو كم غلطه وحلفن تااني ما يمشو
..بي
ياااتو طريقه اقول ليهو الحقيقه..
***************
والله جنس هجيج هو ايامك