ياسلام..اسماعيل حسن

ياسلام لمن تموت
كل زول دارع عبايتو وفي الكتف لافحلو شال
القصيرين والطوال
وكل زول يعمل صديقك يحكي عنك وعن خصالك وعن حكايات في الخيال
يملو بيتكن مان يدفق والاكاليم تنفرش والشلل تملا الظلال
والمخازن تتملي والزرايب تتملي والفحم يرقد تلال
وكل شي معدوم يجي
شان وليدك ماالمدير
في الورق يكتب تصدق فد حرف
ويبقى ميكاييل وكايل ليك ياود القبايل
ياسلام ودالقبايل
يوم تموت ينعوك في كل الجرايد ويكتبو عنك قصايد
والخطيب واقف يوصف كان وكان
كان وحيد هذا الزمان
بس تصور يافلان
وينسبوك للي الكم قبيلة بي فروعك بي اصولك ويصبحوا اهلك كتار
وكلهم ناس سمان
بس تصور يافلان
لوقبيل اتلموا فوقك وانت حي وكل زول اداك ريال
كنت واثق كنت لي اسع دا حي ياحليلك يافلان ياسلام.

ياسلام شكرا يا اقبال القصيده رائعه وبتعكس احساس صادق 00000م

تخريمه

منالحباك سلام وبالمناسبه من امس الشمش مافى والمطره بتنقط والشبوره مقطيه جبل العمده يا سلاااااااااااام 00ابوجبيهت السبعينات بس

حندكة ساي ياعمو فيصل.
ايامكم ساكوبيس يازعيم