أتوقووووووووووووووووووووووووووووووووون ... محمد عبدالماجد وإن طال السفر .. قوووون

<strong>السبت 9 يوليو 2011 الساعة 6:12
} دس حكاية قديمة.
} في بطولة (سيكافية) سابقة نظمها فريق المريخ
بالخرطوم ..كان فريق سيمبا قد انتصر على المريخ في ملعبه ووسط جمهوره بهدف نظيف.
} قام جمهور سيكافا (الصفوة) اعترض وفلع
...وجدع ..والمباراة لم تكتمل.
} بعد هذا (الموت) تتخيلوا الحصل شنو؟.
} علما ان كل الجمهور الذي كان في الملعب
كان ينتمي للمريخ.
} لكن اللجنة المنظمة كتر خيرها رأت ان هذا
الجمهور هو جمهور سيكافا.
} جمهور سيكافا بيلس احمر.
} جمهور سيكافا بهتف لي ابراهومة.
} بكون.
} الحاجة الاكيدة هو ان عصام الحضري الوقت
داك كان بيلعب في الاهلي المصري.
} الزول دا بيلعب في الاهلي من زمن (محمود الخطيب) بقيف ورا القون عشان
يجيب الكورة لي ناس سليم صالح.
} عاوز اقلب الاسم ..في زول عندو اعتراض.
} ركزوا في ورقكم.
} ظاهر في سنونو.
} (هسه (التورتة) دخلها شنو بالموضوع دا؟.
} بمناسبة الاعادة دي.
} مباراة مولعة.
} زي الضيوف البجوك ساعة المسلسل.
} القون جابو بكرى المدينة.
} قعدنا نتغالط.
} مفتاح اللمبة بنتغالط فيهو.
} الولد مسكين بمشي جري ويجيب الموية.
} بقول ليهو الموية الجبتها دي ما من (التلاجة).
} الولد مسكين بقعد يحلف.
} الاب اصلو ما بقتنع.
} نحن أي حاجة عندنا بي نظام.
} صعب شديد.
} الزول دا مرة جاء داخل شال (نضارتو).
} قال للولد (الكسر) النضارة دا منو؟.
} والاب يضرب في الولد.
} المشكلة كانت في انو (النضارة) اصلا هي ما مكسورة.
} لكن البقنع (الاب) شنو؟.
} بس يضربوا في اولادهم.
} نضارة في عينك.
} مرة عندنا واحد (منتهي).
} اهلو شالوه وجري على المستشفي.
} نفس ما فيهو.
} الدكتور جاء طائر زي (مؤجز الاخبار).
} رفع ايدو...وقال ليهم انا ما اكذب عليكم.
} زولكم العيان قام (مفندر) ..جدع ليك (السماعة)
من صدرو ..وقال للدكتور : الواحد اصلو ما ينوم.
} حالتو دي كان (منتهي).
} ما صدقتوني.
} السمك دا بناكلو بي (شوكو) عديل.
} ونحن ...اي حاجة عندنا بي نظام.
} نرجع ليكم لي بداية الكلام.
} مباراة شنو يا زول؟.
} انتوا قايلننا بننسي ..نحن ما بننسي.
} بتذكر ابوشيبة الموضوع دا زي امس.
} رغم انو المباراة دي انسحب بعدها الهلال
وسيمبا اعتراضا على النهج الذي اتبعته (اللجنة المنظمة).
} ابوشيبة ما بتذكر أي حاجة في الموضوع دا.
} هسه عبدالمجيد جعفر لو سألتو من الكلام دا يقول ليك : متين حصل.
} فريق سيمبا هزم المريخ في بطولة سيكافا التي نظمها فريق المريخ.
} اها بعد الهزائم دي موش مفروض المريخ يجيب
(تارو) من سيمبا عندما واجه المريخ فريق سيمبا وكان فريق المريخ في كشفه 7 اجانب.
} قصدوا التار رضو بالهزيمة).
} تتخيلوا اعلام المريخ قال لينا شنو؟.
} اعداد شنو؟.
} في اعداد بتجرسو فيهو كدا.
} انتوا ما قلتوا ماشيين من هنا عشان تجيبوا (الكأس).
} والحضري ذاتو ما قال عاوز يجيب ليهو بطولة ويمشي.
} أي دمعة حزن لا لا.
} دمعة شنو؟.
} هسه ناس المريخ جلدهم بقي (تخين).
} مع جمال الوالي دا أي خسارة عادية.
} زمان كان بكون في (دموع).
} هسه المريخ بطلع من البطولة عادي جدا ..تلقي المريخ واقف في صف العيش
وبتكلم عن كوبا امريكا.
} كأنو المريخ دا ما فريقو.
} حليل المريخ زمان.
} واي دمع حزن لا لا لا.
} ومريخ ود اليأس.
} لا دمعة.
} الملوخية هسه ذنبها شنو؟.
} والمرة الفازوا فيها بالكأس كان بواسطة
لجنة الحكام.
} تررررم ...تررررم.
} لياقتهم كلها بكوبوها في (البوفيه المفتوح).
} انت يا ود الناس عاوز تكتب لينا هسع عن
مباراة الهلال وامس والتمانية اهداف...وإلا عاوز تكتب لينا عن (سيكافا).
} هن شن طعمها.
} يا جماعة ما تضيقوا.
} انا براجع ليكم في المواقف دي بي فهم.
} باقي نحن.
} المريخاب ديل سيمبا محل ما تقابلهم ..بتهزمهم.
} بالحضري.
} بالبوفيه المفتوح.
} احسن نخلى الكلام دا ..وندور في حتة تانية.
} خايف المباراة تنتهي.
} ناس الهلال ديل شبعونا كورة عديل.
} تقول في (حدايق السلام).
} حاجة روعة.
} اها الما سمع حافظ يشوف كورة الهلال.
} انت يا هيثم لو ناس الامم المتحدة شافوك
...تاني بدوك جواز دبلوماسي.
} عشان تتطقطقها ليهم كدا ...لما يفهموا حاجة.
} الجابروا يلعب مع ناس (بلة جابر) شنو؟.
} انتوا مجاهد دا برضو تابع للجماعة.
} مالو بعمل كدا.
} انت قايلك نفسك وين يا كابتن.
} سيكافا دي مفروض تقعد فيها ساي.
} ارجع ليكم للمباراة.
} مفتكرين اتوبونج بفشل زي (واغو).
} بعد مباراة الهلال والفريق الكيني الاولي
...الجماعة قالوا اتوبونج ليها ما جاب قون.
} خلوا عندكم منطق شوية.
} لمن لعبتو بيهو قدام (الشجرة).
} طبعا المريخاب من (خلعتهم) ...وخوفهم من
(اتوبونج) ..فاكرين (اتوبونج) دا من ينزل من (المطار) يمسك ليك (الحضري) زي البيبسي
يجيب فيه (3) اقوان.
} نجم الدين بجيب فيه قون.
} مصعب.
} خلوها مستورة ساكت.
} قايلين (اتوبونج) دا ...لو فات في شارع
الاربعين ساكت ..بجيب ليهو (7) اقوان.
} أي حاجة فيهو بتفوت.
} واي دمعة حزن لا لا لا.
} والله نحن لو ما (الغرامة) ما عندنا معاك
أي قضية يا الحضري.
} لكن برضو بالغت.
} سيكافا.
} لكن برضو معذور ...اتوبونج دا بخليك ما براك.
} بقي ولا بياكل.
} اتوبونج براهو.
} بتتخارج من بدري.
} في 8 دقايق ..جاب ليهو 3 اقوان.
} دا شنو البتعملو فيهو دا.
} وفرحانين كمان للغلب دا.
} شوفوا ليكم بلد.
} بالمناسبة.
اقوان في 8 دقايق.
} والله يحفظ لينا (الهلال).
} هوامش
} عشان نفرتك ليكم (حضريكم) دا.
} اصلو نحن غضبانين.
} من التورتة.
} ونحن حقنا ما بنخلى.
} المستفيد الاول من التعاقد مع اتوقوووون...كاريكا والمدينة.
} هسه الروس ذنبهم شنو؟.
} يا رب الحضري يستمر مع المريخ.
} الامين البرير بقنعوا ليكم.
} في مباراتين ..طلع ليهو نص مليار جنيه.
} تقولوا لي اتوقوووون (غالي).
} مباراة الهلال والمريخ في الدورة الممتاز في المقبرة.
} طبعا مباراة المريخ والهلال في الدورة الاولي
كانت حقت المريخ.
} عشان المباراة كانت بدون جمهور
} أي حاجة عندنا بي نظام.
} يا بلة جابر ..الزول البشطيك من (البوفيه المفتوح) جا.
} البوفيه المفتوح خلاص ح يستغني عنكم.

عاجل: جمال الوالي بعد (اتوقوووون) قال للحضري شوف
لي طريقة اتخارج بيها من المريخ

} قالوا ليك هيثم مصطفي (حفظه الله ورعاه)
امس قدم ليك كورة ...كل الشافو ..قالوا قعد يعاين في الساعة.
} خايف المباراة تنتهي.
} في زول بشبع من الكورة.
} ناس الهلال ديل شبعونا كورة عديل.
} أي زول قاعد يطقطق في اصابعو
} تقول في (حدايق السلام).
} حاجة ما تخلص.
} حاجة روعة.
} حصل سمعتوا (حافظ عبدالرحمن).
} اها الما سمع حافظ يشوف كورة الهلال.
} الخالق ...الناطق.