أغاني حقيبة عمر البنا امتى ارجع لى ام در

امتى ارجع لى ام در
كلمات الشاعر / عمر البنا

امتى ارجع لى ام در واعوده
اشوف نعيم دنيتي وسعوده
امتى ارجع لى ام در واعوده

امتى تلمع بروق رعوده
حظوظي تنجز لوعوده
روحي ضاعت فى النار قعوده
لى هون يا ربي عوده

اشوف حبيبتى وانظر خدوده
عساها ترحم تكون ودوده
ومسامعي تسكر من ردوده
وتطفى ناري الفاتت حدوده

اشواق كتيره الدموع شهوده
وللمنام العيون زهوده
فى الهجر روحي ضاع مجهوده
لم تزل حافظه لعهوده

ما كانو يعرفو ناس بلوده
الغرام من قبال ولوده
من يوم وضوعها الفى الخير خلوده
فاتنة طايعها و جلوده

ابواب لقاها ام خدود موصوده
ونار العذاب فى الفؤاد محصوده
غير محاسنك مين يسوده
الملوك وياسر الاسوده

يا المن فراقك ايامي سوده
خلاف وصالك دايما كسوده
هناى ومنية روحي ومقصوده
اشوف رشيم يضوي بين فصوده