أغاني حقيبة عمر البنا زيدني في هجراني

زيدنى في هجراني
كلمات الشاعر / عمر البنا
..... في هواك يا جميل العذاب سراني
على عفافك دوم ....... سيبنى في نيراني
*********
لا متين تطرانى وأنظرك
في النوم جوز نواعسك راني
طرفي قصده يراك وما قصدت تراني
مابسيب حبك ... والله لو ضراني
*********
يانعيم ازمانى ويا حياة روحي ويا بهجة امدرمان
في الحياة غيرك ما في زول همانى
في بعادك أزايا وفى وصالك امانى
*********
بلبل الأغصان غنى بذكراك وبى النويح اوصانى
الجمال خصاك والعذاب خصاني
والدلال أوصاك على دوام تعصاني
**********
مال فريعك باني فيه بدر وظلمه وفيه ردفا بان
من لحاظك صارم بالهلاك انبانى
بين نعاس عيناك الكحلهن رباني
*********
يادرر الحاني يا ازاى ودواى يا راحى يا ريحاني
انت نايم وانا الم البعاد صحانى
حن على غرامك والله كاد يمحانى
*********
زهرة البستان تحكى بسمة فاك وطرفك الفتان
حين نسيم الليل بروايحك اتانى
زاد على الشوق دمعي سال هتان
*********
في جمالك ثاني يا فريد الحسن الما اتوجد لك ثاني
لو جميع الشعراء فيك يرووا مثانى
لم يحصروا ثناك الفاق لكل حسان
********
المنام جافاني من جفاك ياحبيبى صبري أصبح فأنى
لو أشوف شخصك في الخيال يلفاني
كان طلع سعدي والزمان صافاني