مرحب بالاهل

في البداية اسمحو ان اهنأكم بشهر رمضان المعظم اعاده الله علينا باليمن والبركات، اهلي الكرام حقيقة انا سعيد كل الساعدة بانشاء هذا المنتدي الجميل الذي جمعنا في هذه الصفحةالرائعة ، فانا حقيقة اشكر كل القائمين بهذا العمل الجميل من مشرفي واعضاء ، حقيقة تاخرت في الوصول اليكم اتصل بي الاخ محمد (الاحمر الوهاج)قبل فترة لكن كنت مشغول مع الامتحانات رغم انو هذا واجب علينا،لكن الحمد الله ها انا الان بطرفكم وانشاء سوف اقدم معكم الكثير لبلدنا ،انا الان في ابوجبيهة لكن شبكة النت هنا شبه معدومة علي هذا الاساس احيانا لم اتمكن من الدخول للمنتدي .وجميع الاهل هنا بخير من المحلج جنوبا الي لقاوة شمالا ومن حي المصالح غربا الي الضكير شرقا والاجواء خريفية جميلة، وطبعاً لوني الرياضي ازرق مازي محمد اخوي
تحياتي

هلا بيك ابوعلي ولله شرفت,اهلا بيك في المنتدي,وانت طبعا زولنا بس مشكلتك انو اخوك ول نويه ده طبعا انت عارفو.....لكن مع ذلك برضو زول 100%.
تحياتي لك وكل ناس ابوجبيهه السمحيين.

مرحب بالابن الغالي .... ومحمد لورجع لتاريخنا الرياضي في أبوجبيهة أيام كنت أحرس مرمى الهلال ومعي في الفريق غزالي ومحمد إبراهيم والتاج راحات وموسى عبدالرحيم (مونج) وعبدالعظيم تنير وعثمان الزيبق والمريخ بكامله بما فيهم هاشم حسن عبد الرحيم وأبراهيم عيسى (أكمج) وعمر تايوتا وعبدالمنعم أحمرو وحمد سليمان (جناقو) طبعاً ناس المريخ بقولوا ليه (جنابو) عشان هو مفتش حكومات محلية وناس الهلال مسمنو جناقو زي عادل أبوقريشة ناس الهلال مسمنو عادل أبوكريشة ...المهم الجماعة انغلبوا تلاته صفر القون الأول والتالت عثمان الزيبق والتاني لموسى مونج
وعمنا صديق التعايشي عملنا رحلة في جنينته 3 خرفان وطبعا ميرغني دقاقة وعبد الرازق الحاج وعمر السيد وراضي وصالح علي الفضل كانوا نجوم التشجيع وهاشم أبوزلازل وعبدالرحمن الحاج والشفيع محمد الحسن لزوم الفوضى التشجيعية السلبية لجناقو....والجماعة بكرة الله يستر...

ابكي علي حياً مامات ؛انتو ارجو الراجيكم والله يستر من الخمسة والجماعة قالو رمضان و0000الخ وانا راجيكم بقلمي والله تتعبو معي

طبعا دى سالب واحد وليست واحد كامل لان لونك باهت يا ابو على

خليك زى اخوك ....... يعنى صفوه
والله خزلتنا يا ابوعلى
..................................................... عشت الحبيب

الباش مهندذ حسون
لك كل حبنا ونتمنا ان تستقر الشبكة في ابو جبيهة الحبيبة وكونها تكون شبه معدومة هذا يؤكد انها موجودة
فحاول الدخول علينا ( يكفينا شرفا ان لونك ازرق )

التحية لك اضافة لذكرياتك الكروية كان معى الاخ الامير جعفر كمبال ةبعد اطلاعة على الموضوع احتج احتجاج صارخ بان اسمة لم يرد وانة كان سير باك ابوجبيهية الاوحد للاهلى والمدينة.ويلقب بفوزى المرضى.............. الحكاية دى صحيحة ياابو الزهور ولا الامير دى فاكيها فينا وانا عودة

ألم تسمع بالأمير صديق منزول ، وهذا الأمير حعفر يا أمير الحسن.