الشاعر السودانى عثمان خالد

ولد شاعرنا فى مدينة بارا الكردفانيه بحي البكراوية ورحل في الثاني من مارس 1993م بمدينة أم درمان وكانت هزه المساحة ما بين ام درمان وكردفان زاخرة بالعطاء

الإبداعي 52 عاماً قضاها شاعرنا الكبير عثمان خالد في تطوير مستمر في بحور الشعر ومدن الجمال والروعة كتب خلالها خمسة دواوين شعر الخامس «أنا يا بلد» تحت الطبع منذ العام 1985م تغنى للشاعر عثمان خالد العديد من الفنانين السودانيين
عمل الشاعر موظف ببنك السودان وكتب فى مجموعه من الصحف السودانيه.
الشاعر عثمان خالد تميز بالسهل الممتنع في أعماله الأدبية وساهمت بيئة كردفان في ذلك بقدر كبير بحكم نشأته بمدينة بارا العريقة دراسته للاداب ساهمت فى المعرفه المستمره بالثقافات وهو من الناشطى فى الاتحاد الاشتراكى استطاع ان يجوب عدد كبير من البلدان جعله ملما بالثقافات المختلفه

مدينتى بارا

بشوف قبال تشيلني الفرحه ترحل بي لعمراً فات
بشوف يا بلدي أحكي هواك واقول يا بارا فيك ابيات
اعطر كل فاصله انيقه من الفرحه بالدمعات
واخط .. يا أغلى من العافيه .. من صادق وفاي صفحات
كان اقدر اسدد دين وطن غالي وديار غاليات
واجيك في العيد أتوق للطيبه لامن تعكسه البسمات
اجيك واحضاني شوق وقاد يحن لضلوعك الحانيات
بحبك .. وانت اصلك حب عميق ما بتوصفه الكلمات
دا حب عمراً طويل واهباه .. ما حب يوم ولا ساعات
* * *
]

البلابل

يا سلافة الفن و لهفة البتمنا
يا هدية من الله , والله بدي الجنة

فرحة البتأمل في لهب إستنا
ورعشة المتشوق وخبة البتهنا

يا فرح يا رقة بيك عمرنا غنا
يا هدية من الله , والله بدي الجنة

زيدنا عمرنا محنة لينا منها طولة
لملم إنت حزنا بأبتسامة وقولة

ياما قلبنا شال في المحبة ولولة
يا هدية من الله , والله بدي الجنة

قلبي في ترحالو يا ما صيف وشتا
شاف ظلال ألوانو في مداين شتى
لا فرح لا بسمة لما طليت إنتا
وياكا إنتا الإنتا بدهب إتهنا
يا هدية من الله , والله بدي الجنة

يا سلافة الفن و لهفة البتمنا
يا هدية من الله , والله بدي الجنة

تعرفت عليه بحوش ابو قمري حيث عرفني عليه ابن خالتي صلاح عبدالرحيم الحاج وتلاقينا بعد ذلك كثيراً كنت ألقي عليه كثيراً من قصيدته الشهيرة إلى مسافرة كلما ألتقيه ويقول لي أنا ما حافظ اللي حافظه إنت منها.. في الغربة كانت تصلني أخباره من بعض الإخوة في المغرب والسعودية .. حتى فارق هذه الفانية .. كان شعره مؤثراً فينا حينما كنا في المرحلة الثانوية وبداية الدراسة الجامعية ... لا أظن أنه كان بالاتحاد الاشتراكي كان بسيطاً رقيقاً ذو دعابة...

صباح حسن عبد الرحيم كتب:يا سلافة الفن ولهفة البتمنا
يا هدية من الله والله بدي الجنة ....
تسلمي ناااااااااااااهد

تسلمى صبوحه فعلا الله بدى الجنه مافى كلام تب يعنى بس نتمنا ساااااااى

لكى شكرى

خدورة أم بشق كتب:تعرفت عليه بحوش ابو قمري حيث عرفني عليه ابن خالتي صلاح عبدالرحيم الحاج وتلاقينا بعد ذلك كثيراً كنت ألقي عليه كثيراً من قصيدته الشهيرة إلى مسافرة كلما ألتقيه ويقول لي أنا ما حافظ اللي حافظه إنت منها.. في الغربة كانت تصلني أخباره من بعض الإخوة في المغرب والسعودية .. حتى فارق هذه الفانية .. كان شعره مؤثراً فينا حينما كنا في المرحلة الثانوية وبداية الدراسة الجامعية ... لا أظن أنه كان بالاتحاد الاشتراكي كان بسيطاً رقيقاً ذو دعابة...

استاذنا خدوره ام بشق لك كل الشكر وانت تضيف لنا معلومات حيه باناس تعرفعهم عن قرب ليس كما ننقل ونسمع عنهم انه الرائع بحق وحقيقه الشاعر عثمان خالد ما تكتبه عنه عفوا كان منقول من هنا وهناك وليس كل ما يكتب يكون صحيح والله اعلم . فان كان صحيح الحمدلله وان كان خطأ نرجوا من الجميع التعديل .

العزيز خدوره كنت اتابع فى الاذاعه برنامج سهره أذاعيه فقدم المذيع اغنيه لابن الباديه كتبها شاعرنا خالد عثمان فهذا شد انتباهى وذاد فضولى فبدأت ابحث عن هذا الشاعر السودانى والكاتب الصحفى وموظف البنك والمغترب ووووووالخ

فشكرا لك وارجو منك لو تكرمت مشكور الاضافه ونحن فى انتظارك

واليك الى مسافره اهدى منى

من أروع ما كتب الراحل عثمان خالد قصيدة ( إلى مسافرة ) التي تغنى بها
الفنان حمد الريح , و محق أحد أقاربه حين قال لو لم يكتب عثمان خالد
غير إلى مسافرة لكفته هذه القصيدة من روعة مفرداتها و عذوبتها ..
وهى نص طويل إختزلها حمد الريح للشكل الحالي , ,..

الى مسافرة
كلمات الشاعر عثمان خالد
الحان وغناء الفنان حمد الريح

يا قلــــــــــــــبى يا مكتول كمد
اعصــــر دمــــــــــوع
هات غنوه لى سيد البلد
يا حليله .. قال سايب البلد
يا حليله .. كيفن يبتعد
وكيفن نسيبه يروح بعيد
فى رحلة مجهولة الامد
كل العمر كان لحظه واحدة
نشوفه والشوق يتقــــــــد
نســـكر .. نغيـــب
من لطفـه... من دله الحبيب
من لونــه .. من كرز المغيب
الرامــــى محــــلو الثمر
فى شفايفه زى ياقوت ندر
فى شكله زى نص القمر
مبـــتل .. مثـــــــــير
مخلوق عشان احلى الثغور
واشواقنا تتعطـــــر .. تطير
من نفحــــــــه من مجرى العبير
من لفتــــــــــه من جيـــده النضير
من لفظـــــــــــــه من ثغره المثير
الفيـــــه ريــــان الثمــــــــر
شوفوا القلوب كيف تأتمـــر
لو مـــرة سيد الناس امـــر
بى نظره بتـــــذوب حجــــــر
بى بســـــــمة بطـــول عمـــر
يا حلــيــــله قـــــــــــــال ســــــــايب الـــبــــــــــــــــلد
كيف الوداع لامــــــن يحــــــين وقــــــت السفـــــــــر
اهــــديك زهـــور ؟ حاشــــاى وانت نـــدى الزهـــــر
اهــــديك حــــروف؟ يا احــــــلى احرف فى الدهــــر
اهـــــديك حنــــان ؟ ما قــلــبى عــندك مــن زمــــان
وانا راجـــى عـــطفــــك مـــنـــتـــــظـــــــــــر
اهــــــديــك حــــروف ما قالــها زول
وما اظــــن يـــقـــولهـــا وراى بشــــر
اهـــديــك عــيونـــى عــــشان اتوب
الـــدنــــيـــا بــعـــدك ما بـــتــــســـــر

نجد ان القصيده بها اكثر من مائتين بيت

رحلة عيون
ابن الباديه

ننساك .. ؟
هو إنت بتتنسي .. ؟
ما إنت روحنا وحبنا
سافرنا في عينيك ولسه
قلوبنا فيك متجننه
* * *
ولقينا في دنيا العيون
يا اصبى من النور غنا
كون من رشاقه وأمسيات ..
لوحات أنيقه ملونه
ذابت قلوبنا عليك حنان
وانت في عيون ذوبتنا
ننساك .. ؟
هو انت بتتنسي .. ؟
ما انت روحنا وحبنا
خلينا في عينيك قلوب
مشدوهه بيك .. متجننه
* * *
يا اغلى من نور العيون
شايلاك قلوبنا هوى وحنان
اتوسد الأعماق ..
وغنى الكون
في ارجوحة جنان
دغدغ خيالنا.. وشيلنا
حلق بينا فوق عمر الزمان
خلينا من خمرة خيالنا
السامي نرشف .. نحتسي
ننساك ... ؟
هو انت بتتنسي .. ؟
ما انت روحنا وحبنا .. !
* * *
غار المسا .. والكون صبح
عشاق جمال يتأملوا
وكل الحروف الفي الخيال
بي لهفه جادو وما غلو
وحتى القمر حوله النجوم
التفوا فيك يتغزلوا
وقالوا الجمال يا غالي بيك
كانت نهايته واولو
ونحنا ف هواك يا بهجه
لا بنطيق بعاد .. لا بنحملو
اصلو المحبين الحنان
لا بنسوا ... لا بتحول

يا حلــيــــله قـــــــــــــال ســــــــايب الـــبــــــــــــــــلد
كيف الوداع لامــــــن يحــــــين وقــــــت السفـــــــــر
اهــــديك زهـــور ؟ حاشــــاى وانت نـــدى الزهـــــر
اهــــديك حــــروف؟ يا احــــــلى احرف فى الدهــــر
اهـــــديك حنــــان ؟ ما قــلــبى عــندك مــن زمــــان
وانا راجـــى عـــطفــــك مـــنـــتـــــظـــــــــــر
اهــــــديــك حــــروف ما قالــها زول
وما اظــــن يـــقـــولهـــا وراى بشــــر
اهـــديــك عــيونـــى عــــشان اتوب



الـــدنــــيـــا بــعـــدك ما بـــتــــســـــ



بالله ل عليكم شوفو الكلام ده حلو كيفن

يا جماعه الشعر اليوم بقى مسيخ مالو

ولا انحنا كبرنا

الاخ حامدونا شكر ليك على المرور لم اشاهد مدينه بارا لكن حظيت بزمالة عدد كبير من بنات بارا بل لى صحيبه من بارا هم بالجد رائعيييين ما اصلوا بارا بها سحر وجمال اخاذ عن بقولوا الناس ولا مو هيك

************************************


الزعيم غريق شكرا والله بسم الله ماشاءالله عليك
انت لسع شباب

بتقولى لا
كلمات: عثمان خالد
الحان:الفاتح كسلاوي
غناء : عبدالعزيز المبارك

بتقولى لا.. بتقولى لا
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله

بتقولى لايا بهجة ياغاليه ياست القلوب يامذهلة
وحياة شبابك ذبت في عينيك حنان ومغازلة
سافرت فى رحلة مشاعر ملهمة ومتاملة

شفت الورود من وجنتيك غيرانه جات متوسلة
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله
اصبح يلملم فى النجوم وينظم عقوده ويغزله
طرز لى جيدك بالحريراحلى العهود وبتقولى لا
انا بيك بدغدغ فى القلوب ياحلوه احرف واشتلة
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صلة
انا بيك لو قلبك يحن عالم يجن من الوله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا