لا تنجع - خالد عباس

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
***
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
***
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
***
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
***
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
***
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
***
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
***
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

اقام
مركز راشد دياب للفنون فى منتداه الاسبوعى ليلة إحتفائية إستثنائية بتقديم
تجربة الشاعر خالد عباس شقورى ، مع الارض والسلام فى ليلة بعنوان ( ابنوسة
ونخلة ) بالتعاون مع مركزالشباب للسلام والتنمية وذلك بحضور الاستاذ/ ماجد
السر مدير مركز الشباب بالمجلس الاعلى للشباب والرياضة والاستاذ/ علاء
الخواض مدير السياحة ، بوزارة السياحة وعدد كبير من المبدعين والشعراء ،
فيما ادار الجلسة الاستاذ/ هاشم محمد الحسن . تحدثت في البدء الاستاذة/
اعتماد خلف الله ، من مركز السلام للتنمية والتي اعطت نبذة تعريفية عن
المركز واشارة الى ان الفن هو الذى يخدم قضايا هذا الوطن الحبيب مشيرة الى
تكريم الشاعر خالد شقورى، وقالت انه اعطي لهذا الوطن الكثير ، اما الشاعر
خالد عباس شقوري و في كلمته تحدث عن ملامح من سيرته الذاتية حيث صاحب هذا
الحديث تقديم عدد من قصائده الشعرية فقال انا من مدينة كسلا مكان المولد
والنشأة وحاولت من خلال حروفى ان ارسم قصائد للوطن، واضاف ان كسلا علمتنى
تفاصيل القصائد الاولى ومن جانبه تحدث عن ثلاثة مشاهد لها تأثيرات فى كتابة
شعره بلهجة الشوايقة ان الشاهد الاول هو استماعه وهو طفل لاغنيات الطنبور
فى برنامج ربوع السودان وقال ان من هذا البرنامج تولدت العديد من قصائدى .





اما الشاهد الثانى قال
هو احتكاكه بالاهل الوافدين من الريف الى المدينة واستماعه للحكاوى وحجا
الحبوبات الذى ملأ خياله و قريحته بالمضامين .

وذكر ان الشاهد الثالث
هو مدينة الخرطوم التي اسكنت بالاشجان اغلب قصائده في خلال الحنين الجارف
للتاكا والحنين الآخر الذى يشده الى البركل ويرى الشاعر ان اقامته في
الخرطوم انتجت العديد من القصائد ذات الطابع المميز وقال انها في كثير من
الاحيان تعبر عن انسان الريف فى المدينة ، وعلي حسب قوله اننى دائما ما
ادعو الي العودة الي الجذور .

في ذات السياق اوضح
الشاعر ان ملامح تجربته الفنية اكتملت عند ذهابه الى البلد واشار ان اجمل
ما وجده عند الاهل الحميمية المتدفقة بين المبدعين لذلك اخرجت جعبته الكثير
من

الاغنيات ممهورة بتراب
هذا البلد النبيل ، وخلص الى القول ان ملامح مسيرته الشعرية كانت تتأرجح
بين هذه النصوص ذات الارتباط الوثيق بالارض والاهل .

كما تحدث الشاعر السر
عثمان الطيب ، فقال ان خالد له تجربة مميزة جدا وانفتحت على كل الوطن واضاف
ان تجربته فيها إقدام وجرأة لتوصيل رسالته الفنية بينما ذهب الاستاذ
الملحن محمد الحسن عجاج ، الى القول ان ماشدنى لنصوص الشاعر خالد شقورى هى
المفردة والصورة الجمالية المتكاملة للوطن والتى تدفعك لتغير اسلوبك فى
اللحن . وفى كلمة المركز والتي قدمها د . راشد دياب قال فيها ان تكريم
المبدعين من اهداف هذا المنتدى ويرى ان مشاكل السودان حقيقية تكمن في
الخارطة الثقافية واكد ان الاهتمام بالثقافة يمكن ان يحدث ثورة وتنمية
حقيقية شاملة واضاف ان المرحلة القادمة تتطلب مثاقفة الناس والتحدث عن
تاريخهم الحضارى مؤكدا ان السودان بلد يذخر بالعديد من الامكانيات التى
يمكن ان توظف توظيفا حقيقيا لاحداث نهضة ثقافية شاملة ، وعن انتمائه
السياسى قال د. راشد انا لا انتمى لاى حزب سياسي بل انتمى لكل هذا السودان
وفى سياق آخر قال ان الشاعر خالد شقورى قدم الكثير لهذا الوطن اهمها
الاصالة والبحث عن الجزور ، كما تطرق ايضا في كلمته عن التربية الوطنية
للاطفال ومن جانبه قدم اقتراح يدعو كل المرشحين لرئاسة الجمهورية الى هذا
المنتدي لطرح برنامجهم الثقافي حيث وجد هذا الاقتراح ترحيبا حارا من جمهور
المنتدى .

وقد عطر سماءات هذه
الامسية عدد من الفنانين وتغنوا باغنيات للشاعر وهم خالد الصحافة ، عمر
احساس ، ابوبكر سيداحمد ، فيحاء محمد لوشيا جبريل، ، ومجموعة من مطربى
الطنبور، معاوية المقل ، ياسر الحجير ، حياة محجوب ، ، ودالمساعيد ، الطيب
وداعة ، عبود تبورى ، طارق العوض .

وفي ذات الامسية ووسط
حضور عدد كبير من الفنانين التشكيليين والمهتمين ورواد المنتدى تم افتتاح
معرض بعنوان لمحات وهوحصيلة الورشة العالمية للتصوير الفوتوغرافي بإشراف
استاذة التصوير الفوتوغرافى / سارة حسين إدريس ، والذي شاركت فيه مجموعة من
الفنانين المختصين فى هذا المجال ( محمد نور الدين ، حق الله الشيخ ،
جاهورى، على عبدالله ، هيام ابوالقاسم ، سحر عتبانى ) ، ويستمر المعرض حتى
28/3/2010 .

لك كل الشكر ياكابتن Aradah وانت تنقل لنا هذي القافية الفريدة والكلمات الشجية التي تطرب من غير لحنها...وتجرفنا بالاحساس الموسيقى الي لجتها
والتحيّة عبرك لشاعرنا المرهف خالدعباس على المعانى العميقة التى حواها فنه المتميز...

شكرا نويه على المرور

خالد عباس شاعر مسكون بحب الوطن وله الكثير من الاعمال الجميلة ارجو ان نوفق فى تناولها لاحقا

تحياتى

شكرا يا نويه على المرور و هاك المواجع

لـمـا نبـكـى مــن المـواجـع قلـنـا نـرتـاح فــى بكـانـا
قولـى كيـف نرتـاح ونحـن نبكـى مــن شــدة هـوانـا
الليلة رحلة الأشـواق بعيـدة والشواطـئ بعيـد مكانـه
حـتـى فــى بـــر الأمـانــى السـنـيـن هـــدت قـوانــا
كـنــا نـحـلـم بـمـدايـن فـيـهـا نـرتــاح مـــن شـقـانــا
قولـى كيـف نرتـاح ونحـن نبكـي مــن شــدة هـوانـا
الـقـدر طــاوع قلوبـنـا وخـلـى بـحـر الـريـد حـدانـا
ونـحــن ماصـدقـنـا قـمـنـا نـشــرب فـــوق روانــــا
دى المشاعـر فينـا فـاضـت غـرقـت فـرحـة صبـانـا
مــا الـنـعـم مـــرات بتـشـقـى والله بـالـريـد إبـتـلانـا
مـرة طلـت دارنـا غيمـة ونحـن يامـا الـريـد غشـانـا
شايلة فـى الخاطـر محنـة جـات تعيـش الريـد معانـا
جات تصب فـى الريـدة ريـدة لـو قليـل يبـرد جوانـا
كيـف يــا غيـمـة نـرتـاح ونـحـن غلبـنـا فــى هـوانـا
مـا غريبـة علـى البريـدو يلقـوا فـى الريـده المهـانـة
يامـا كتيـر أحبـه غرقـوا فــى بـحـور الــذل عشـانـا
فـى الحقيقـة الريـدة مـره ضقـنـا مـرهـا فــى غنـانـا
ماهو قيس بكى من هواهو مانحن برضوا الريد أذانا
يا زمن لو تصفـى نصفـى فـى البـوادى يعـم صفانـا
والعيـون تصـبـح مـرافـئ فيـهـا نـرتـاح مــن عنـانـا
رحـلـة الـهـم بيـنـا طـالـت مـلـت التـسـيـار خـطـانـا
نـعـمــل آيــــه مــــا نــحــن غـلـبـنـا فــــى هــوانــا