الجماعة لا في العير ولا النفير..... ياحسن نوية وياطارق

وأهلنا قالوا اتنين بدوروا خراب الدنيا ..المسجون والمفلس...والمريخ مفلس من النقاط ... أوعى يفتحوا كبري زي (كبري بري) وهي الحادثة التي ألغي بسببها دوري الخرطوم ولو كان في اتحاد قوي كان الأتنين بري وناس فلان مفروض ينزلوا للدرجة الثانية زمان ما كان في دوري ممتاز...وهسه لو هم انغلبوا من زيسكو يقولوا نحنا فتحنا ليه عشان يطير الهلال!!!!! زيسكو البلاقيه يلولحه ويفكو

لك تحياتي .. طبعاً هم قالوها: " لن نطير وحدنا ونرفض التعادل في مباراة زيسكو إما منتصرين أو منهزمين " لأن التعادل في هذه المباراة يخدم الهلال بصورة كبيرة جداً

ابوالفضل المريخ مش مفلس
المريخ شرف الحلة ما حافظ عليه قلنا ليهم خلونا نلعب ليكم الشوت التاني من مباراتهم مع زسكو وابو كلامنا قالو نحنا حقارين عشان كدة حصبو الملعب بالحجارة
جمال الولي بقى يقول لا خولا ولا قوة الا بالله قالنا ليه ونعة بالله

انا برد ليكم بس بي كلام زولكم فييرا ؛ البقول كدة ما بعرف كوورة

والله ياطارق كمبال فكرتك جميله لو كان لعبتو لينا شوط كان على الاقل اديناكم عطيه عشان تصلحو مقبرتكم الواقعه فى جنوب العرضه دى
وبعدين قلت لى الجماعه قالو حقاره ......... اطمانك هى ما حقاره ............ بل هى شماته لان الهلالاب نفسهم مامصدقين الحصل للزعيم ....... لكل جواد كبوه ....... اعتبرنا سنه اولى فى مشاركات الانديه الابطال ......... انتو يا الشطار بتعافرو فيه من الله خلقكم ما سويتو حاجه .عشان كدى....... طول لسان الاهله مدلولاتو كتيره اولها ............... الاتمنو ما كانو مصدقين يحصل ...................لان البعبع دا كان زح قدام شويه بكهرب الدنيا كلها ............ وهى ياطارق ياحبيب الكوره لو دايره الهلال كان من الافتتاح كسرنا مجاديفو .... حضروها معانا اصحبنا هلالاب واعترفو انهم مرقو بكرامة البليله
الليله المباريات يا طارق ولا متذكر
...................................................................... عشت

خالد عزالدين-منقول.... السبت-29-أغسطس-2009م
الوطنية والكورة.. جدل في عصر العولمة!!
التطور الكبير في عالم الاتصالات والتكنولوجيا جعل كرة القدم لعبة عالمية وجعلها قاسما مشتركا للشعوب خصوصا وانها لا تدخل في صراع الأديان والمعتقدات والسياسة مما سهل من أمر تقبلها عند الجميع..
وأصبح من الطبيعي ان تجد انصارا للاندية الانجليزية في السودان وان يكون اهتمام شباب الكلاكلة كما ذكرنا من قبل بمباراة لمانشستر اكثر من اهتمامهم بمباراة الصعود لفريق الشجرة!!
وصارت (القهاوي) في البلاد العربية تشهد صراعا كرويا بين انصار الاندية الاوروبية الكبيرة يصل حد الشجار دون ان يكون هناك اي علاقة للمباراة بالعرب!!
تخطت كرة القدم الحواجز واصبح المشجع بسببها انسانا عالميا لا يرتبط بالانتماء الا للنادي الذي يشجعه بدون حدود.
فمن حق أبناء أمدرمان ان يشجعوا (المان) اكثر من فارس المدينة الهلال.. ومن حق ابناء المسالمة ان ينحازوا لبرشلونة دون اهتمام بالنادي الذي تأسس في منزل عبد السيد المسيح وصار اسمه المريخ!!
ومع هذا التداخل الغريب من الصعب ان تتهم احدا بأنه غير وطني لأنه لا يشجع الهلال أمام كانو بيلارز أو لأنه لا يتمنى الفوز للمريخ أمام زيسكو الزامبي.
شعار الوطنية الذي يتناوله الإعلام الرياضي هذه الايام بسبب شكوى كانو بيلارز او بسبب شعار الاعلام المريخي الجديد (بنطير لكن ما برانا) شعار مثير للجدل.
فقد وضعت قرعة دوري ابطال افريقيا الجميع امام المحك بما في ذلك الذين يعتقدون انهم يشجعون الهلال والمريخ في وقت واحد ويكتبون عن الوطنية!!
إن مصالح الهلال والمريخ اللذين ينتميان لمدينة امدرمان تتقاطع هذه المرة بصورة واضحة لدرجة ضرروة تمني فوز الفريق الأجنبي على الفريق المحلي من اجل مصلحة الهلال او المريخ!!
نحن الأهلة لا نتمني هزيمة المريخ من زيسكو رغم اننا نعلم ان هذه امنية صعبة التحقق ولكن مصلحتنا في ان يجتهد احفاد (عبد السيد المسيح) من اجل انتزاع نقطة على الاقل بينما يتمنى ابناء المسالمة السابقون هزيمة الهلال من كانو بيلارز حتى يطير الهلال معهم.. فهذا هو الهدف الأكبر للمريخ الآن بعد ان فقد الأمل في البطولة الا من بصيص ضوء بعييييييد من الصعب أن يرى بالعين المجردة!!
عدم تشجيع الهلال والمريخ في المباريات الخارجية لا يمكن أن يصلح معيارا للوطنية أو عدمها ولكن هذا لا يمنع من الحديث عن النادي الأكثر قربا لتراب هذا الوطن من حيث التأسيس والنشأة.. فالهلال وبحكم تأسيسه عبر الخريجين الأوائل في فترة الثلاثينيات وبحكم الاهداف التي وضعها هؤلاء الخريجون اصبح هو نادي الحركة الوطنية لذلك فإن الانتماء إليه أصبح جزءا من الانتماء للسودان دون أن يكون عدم الانتماء له عدم انتماء للسودان ودون أن يؤثر ذلك في وطنية من يشجع المريخ او غيره من الأندية.
ولكن التاريخ يحدثنا عن أندية لها ارتباطات تاريخية ونضال من أجل استقلال السودان مثل الهلال والموردة التي تلعب بشعار الكلية الحربية.
وهذا ليس قصرا على السودان فالنادي الأهلي في مصر هو رمز من رموز مصر والانتماء الوطني لها.. وبرشلونة هو رمز لإقليم يناضل من اجل استقلاله من اسبانيا واحتفاظه بتقاليد هذا الاقليم..
ولكن كرة القدم في النهاية تبقى كرة القدم ومن حق أي شخص أن يستمتع بالفريق الذي يحقق له متعة الأداء، اما نحن فنحب متعة الأداء مع متعة الانتماء ونحن ننتمي للهلال الذي ينتمي لهذه الارض الطيبة لنيلها الازرق ونيلها الابيض وزرقة السماء..
الحب الشديد والانفعال السريع والحماس الزائد من صفات كل اهل السودان لذلك هي الصفات العامة عند المشجع الهلالي.
السودانيون بطبعهم لا يحبون التسلط وحكم الفرد لذلك فإن الأهلة يحبون الديمقراطية ولا يحبون التعيين.. وان كانت كلمة التعيين مقبولة في الأندية الأخرى فإنها شبهة إساءة في الهلال.
هو الهلال مزاج الشعب السوداني.. ومن حقكم ان يكون لكم مزاجكم!!!

الاستاذ عوض السيد
انت راجل حكم والحكم رؤيته فاحصة وانت شايف زمان الفضيحة كانت من الصفاقص التونسي برضو كانت في الملعب الاحمر الموسم القبل الماضي في البداية جينا مشجعين بدافع الوطنية لكن الزعيم امات فينا الوطنية يا الحبيب عوض السيد والفضايح بقت تكتر علينا مرة يقولولينا ( ده العصر من مصر) وكل ما تكون مباراة مع ضيف الزعيم بيفضحنا عشان كدة قلناليكم نلعب ليكم مبارياتكم القادمة ومامشكلة انتم شيلو القروش عشان كرامة البلد وانتم عارفين البلد بي سيدها وسيد البلد مابيرضى

الجماعة الليلة كترو العرضة في الدارة ؛ بجلبو ساي وبصارعو بدون سباري ؛ امتني هذه العرضة تكون مستمرة لغاية بكرة حتي نشوف رمو كم صراعي