سرقة لمنزل حامدونا

تعرض منزل الاخ حامد حسن عبدالرحيم الى سرقة فى الاسبوع المنصرم و نحمد الله ان جاءت خفيفة

هذه المرة حيث قام السيد الحرامى بسرقة اللابتوب و الموبايل و شوية قريشات من جيب حامدونا

اولا نقول الجاتك فى مالك سامحتك و ما تنسى ( الزكاة يا حامد ) و تلايم فى الريالات

هههههههههههههههههههها

ربنا يعوضكم انشاءالله

تحياتى

البركة فى الضراع الله يعوضك اخونا حامدونا . الا ما قلت لينا السرقة

دى حصلت وين يا فيصل .

كفاره وربنا يعوض عليك اخونا حامدونا وقدر اخف من قدر

حرامى عديم ضمير وما عندو زوق شنو الطمع ليهو اكان يشيل اللابتوب او الموبايل

وتاااااااانى كفاره وسلامه

ابو حسن
الجاتك في مالك سامحتك
ربنا يعوضكم
تحيااااااااااتي

كفارة ليك أخونا حامدونا وربنا يعوضك في غيرن.. الحرامي ده زودها كتيير فات حرامي القلوب تلب ذاتو

يا سيدا الجات في مالك سامحتك..

ربنا يعوضك.

من طرف **nashi** 24th أكتوبر 2011, 15:56

ان شاء الله ربنا يعوضك خير

ويخلف ليك بابرك منهن ان شاء الله

ربنا يعوضك ياخال

وانشا الله البركة فيك وفى الوليدات

من طرف **HUBBAKI** 24th أكتوبر 2011, 21:16

إحتسب ..

لكن ما تقول لي انت قاااااعد و الحرامي خش البيت !!
أوعا تقول كدا ..
قول للجماعة : طلعنا مشوار ..

ربنا يعوضك اخي حامد

جني وجن الحرامي البسرق
القروش من الجيوب
ربنا يعوض

ربنا يعوضك اخونا حامدونا وزي ماقالوا اخونا
الجــــــــــــــــاتو في مـــــــــــــالو سامــــــــــــحتو

سرقة لمنزل حامدونا Jb12834084851

الحمد الله دي مقطوع منها النصيب
الخصران بمرق من المصران
ربنا يعوض
والله العظيم جني وجن الحرامي البسرق مع قبايل العيد
لك الاحترام

الاخوان والاخوات الاعزاء يارب ماتشفوا شر ((ماتنسرق* منكم حاجة يارب-والحمد لله على كل حال وجات بسيطة-وتانى مشكورين**والشكر ليك يا الملك فيصل ((و-دى المحرية فيك**تحياتى للاسرة الكبيرة والصغيرة

اخى احمد**ياخى مشكور ويارب ماتنسرق((حارة تب وحقارة كمان-تحياتى

بت عمى ناهد تحياتى--ومشكورة ويارب ما تشوفى- شر(اكان يشيل اى حاجة الا اللابتوب-عطلنى شديد--لك التحية

صبوحة-تسلمى مشكورة اخباركم شنو-تحياتى لمهدى وحمدوالديبة

اخونا ودنوية-سلامات تسلم ومشكور-والله ده حرامى شباك(فى حرامى هنا بدخل من الشباك-الا كان فنانه ود اللمين-تحياتى

العزيز-بوعزيزى-تسلم ياحبيب-طول ما سيد البلد كويس عوجة مافى --تحياتى

بت عمى -الدكتورة-تسلمى مشكورة--امين--ربنا يجعل ليك فى كل خطوة سلامة

ابن اختى العزيز--تسلم وماتشوف شر-تحياتى للاسرة

الحباكى-تحياتى ومشكور-(ماتخاف السرقة كانت بالليل-وليل غطى الجبال-ههههههههههه-تحياتى

العزيز-ابوسارة --تسلم ومشكور((جات بسيطة ما زى حقت القاهرة ههههههههههههه-تحياتى الاسرة

العزيز-عوض الله--تسلم ومشكور وقدر اخف من قدر//تحياتى للاسرة

العزيز//الخوجلابى-تسلم ومشكور --كيف الصحة الان-(حلوة الصورة- تحياتى

العزيز الاحمر-الجبالى تسلم وماتشوف شر ياخى((ويارب ينسرق منكم الكاس السنة دى هههههه--تحياتى

حامدونا ..... ألف حمد لله على السلامة
والجات في مالك سامحتك .... وزيما بقولوا
" مصيبة أخف من مصيبة "

الاستاذ حامد

اسف جدا جدا جدا جدا

لم انتبه لهذا الخبر الا قبل قليل والله العظيم

المهم ربنا يعوضك بافضل منها يارجل ولا يهمك

تحياتي

الحبيب الفاتح-تحياتى ومشكور ويا رب ماتشوف شر-تحياتى للاسرة الصغيرة

العزيز-شيخ محمود--تحياتى -ولايهمك يا حبيب ويارب ماتشوف شر و (والجاتك فى لابتوبك سامحتك)هههههههه*تحياتى للاولاد

ربنا يعوض خير ي استاذ حامدونا

تسلم -اخونا -ابراس-ومشكور ويارب ماتشوف سرقة-تحياتى

حامدونا صحى بالحرامي وعمل نايم .. سمعنا تحت تحت صباح رسلت ليهو 6000 فرنك فرنسي

ابو الزهور-الحال والاحوال(ههههههه-والله ماعارف جا متين(تيه ده)يعنى نمت 2-وصحيت الصبح ماتشوف عينك الا النور**صباح ارسلت تلت المبلغ -تحياتى للاولاد

والله كتر خيرها صباح ما قصرت

يعنى الفين فرنك من صباح و الف ريال من فيصل خليل ياخى انت غنيت عديل كده يا حامد

هههههههههههههههههههها

لكين ابوالزهور دا كان كلامو صاح تبقى يا حامد مفصول من رابطة مشجعى الهلال

هههههههههههههههههههها

تحياتى

هههههههههه-والله ماقصرت(الف ريال عمانى) يافيصل والله ابو الزهور عاوز يعطلنا--الواحد عنده (كوم لحم-بربى هههههههههههههههيه)

الاخ حامدونا
سلامات
امس كنت دايرة ارسل ليك اللابتوب والموبايل
بس الحرامي سرقهم قبل ما يوصلوكم وكان ما اخاف الكضب هو نفس حراميكم
هههههههههههههههههههههههها
تحياتي

ههههههههههههههههه عارفك مابتقصرى- لكن حاولى مرة(اخرى)تحياتى

من طرف **فلس** 27th أكتوبر 2011, 12:33

الجاتك في مالك خفيفة وربنا يعوضك (كمشنك)

حبيبنا* فلس/اخبارك مشتاقين -كيف الحباك والجرى((والله لسع كامشة))تحياتى--مصرررررررررررررررر