احصائيات المنتدى

شكراً يا مدير على هذا الجهد والى الامام انشاء الله


انا براعى لى دواس بحصل الله يكدب الشينة

تحيــــــــــــــــــاتى

الاخوه و الاخوات

عليكم الله البعرف تلفون ياسر سر الختم يرسلو لي .. ياسر دا بلعب لعب ..يعني المره الاولي سكتنا و المره التانيه قل اداوس الناس قالوا لي طول بالك و المره التالته ما عبر اي واحد من ابناء جارة الوادي الوادي انا دا يخلينا ما يجيب اسمي لكن وين يسن محمد يسن ووين احمد كوكو البساهرو الليل و النهار في المنتدي دا .. حسي دي المره الرابعه و ياسر ما زال يتمادي في اخطاءه .. علي كل حال نحن ما بنسكت و كده اشوف فيكم زول يعمل تعليق يقول شكرا يا مدير عشان تشوفو الدواس المن الله خلقكم ما شفتو يا ناس ابوجبيهه .. ياسر دا شقلو حقاره و بفن ..

ابناء امبرمبيطه قاعدين ربيطه للدواس

خالد عثمان

خلي لبس ليك عمه انصاريه و الحكر في المنتدي اخير ليك تنقرع ..

فيصل خليل ..

اول حاجه محمود منصور

نحن ابناء امبرمبيطه اديناه نائب معتمد محلية امبرمبيطه و انت تريد ان تخلق مشكله لكن محمود رجل فاهم و مثقف و كلامك دا اكيد بضرب به ارض الحائط .. و انت اليوم يا فيصل اعرف ليك درب امرق بيه من مكتبك الشافك رقد فوقا ما كضب .. تلعبو لعب انتم و لا شنو ..

تحياتى يا العريس ودعشمان يا قول اختنا اقبال..

ههههههههههههههههههههههههه

قالوا يا ود عشمان فى اخوان اتنين من اهلنا العرب مشو الصيد بعدين طاردوا ليهم ارنب لحدى ما دخلت الارنب الخوشه
عارفك ما بتعرفه عشان كده اسئل فيصل بوريك ..
بعدين الاخو الكبير قال لى اخوه الاصغر وهو احوص امسك السفروك ده وخليك قدام قدة الخوشه وانا بلغزه ليك مناك وانتى اضربه .
مشى الاخو الكبير مناك لى قدة الخوشة عشان يلغز الارنب بعدين شاف اخوه ماسك السفروك وبعاين قال له موحمد اخوى انت بتراعى وين.. الاخوه الاحوص قال ليه انا براعى فى الخوشه ..
قال ليه الاخوه الاكبر كو كان دى مراعاتك ماتطق
عشان ك يا اخوى ول عشمان كان ده دواسك ما تداوس

الاخ خالد عثمان ..

هههههههههههههههههههههه هههههههههههههههههههه هههههههههههههههههههه ههههههههههههههههههه ياخ مالك علينا من اول الصباح داير تقطع مصارنا بالضحك .. و بعدين تعال ياخ انا ما بعرف الخوشه كيف ؟؟ لمعلوميتك انا مولود في زربية العجال ..

بو عزيزي ..

مجلدك دا خلي للجماعه التانين لكن لو داير صراع انا جاهز ليك ..

فيصل خليل ..

لو معاك ابوهريره ليل و نهار عوجه بتجيك مافي ما في زول داير معاك كلام .. الزول دا هشيمه ما بداقش ..

هاى فيصل ما سليت قلب ول عشمان

ود عشمان يا خال جا الطيييييييييييش ..

لكن ما بندقوا بالبراطيش بندقوا بالزواج الرخيييص..
عشان يخلى الجرى الكتير ده قبال مايبقى فطيييييييص..
تخريمة...
يا جماعة نحن ود عشمان ده شانين عليه هجوم ساى فى الزواج الزول ده وعلى ما اظن متزوج واب لى اموره....
ولا شنو يا ود عشمان؟
تحيـــــــــــــــــــــــــــــاتى

الاخ جالد عثمان ..

ياخ مالك داير تخرب لي سوقي .. يا اخوانا هوي الحاضر يكلم الغائب انا ما زلت علي قيد الحياه و غير مرتبط .. الكلام القالو خالد بان ود عشمان عندو اموره هذا باطل اراد به اظهار حق ..

فيصل خليل ..

بالنسبة للنتيجه و المرتبه التي تحصلت عليها طبعا الكل يعلم بان النتيجه مزوره و بشهادة محمود ابو لواري .. لكن عشان اريح ليكم ياسر المدير انا ما داير اتدخل في موضوع النتيجة علي الاطلاق .. و الجابوهم في صف العشره الاوئل سو شنو ؟؟ هل خطو ليهم تاج في رؤسهم .. نحن بنسوي شقلنا و اجرنا علي الله لا نريد منكم جزاءا و لا شكور يا ناس ابوجبيهه و من هذه اللحظه اي موضوع بعنوان ( احصائيات المنتدي انا لا بدخلو و لا داير اعرف الفيه شنو ..
كده نشوف الناس البجو الاوئل ديل يبقوهم مدراء..

لكم التقدير ووداعا يا منتدي ( تعريف المنتدي )

انت زعلان مالك

خالد قال يدقوك بمره

دقه زى دى ما كويسة معاك

اقترح اخونا ود عشمان نعرس لهو من ابوجبيهه وبالتالي مافي دواس
في عريس بداوس نسابتو؟ طبعا لا

الدكتوره ناشي ..

سلام جاكي ..

اولا مقترحك بان اتزوج من ابوجبيهه جميل لكن هنالك تبيعات يجب ان تتحقق و من ثم بعد ذلك ننظر في الامر .. اريد عشره شروط ان تتحقق و سوف اذكر ثلاث شروط فقد منها لكي اشوف ردود الافعال من قبل البلطجيه امثال فيصل / ابوهريره / زهير / خالد عثمان و كبير البلطجيه الذي علمهم السحر محمود منصور و من ثم لا مانع لي من الزوج من ابوجبيهه الما فيها غير جبل العمده ..

الشروط كالاتي و هي تعبر بسيطه و ساهله و غير تعجيزيه :

1/ قطعة ارض ناصيه بحي السوق لا تقل مساحتها عن الف و مئتان متر.

2/ دكان كبير جوار موقف المواصلات

3/ جنينه لا تقل مساحتها عن خمسمائة متر كحد ادني و لا تقل اشجار المنقه و الجوافه و الليمون التي بها عن 250 شجره كحد ادني .

يا دكتوره شايفه الشروط بسيطه جدا اذا الكل وافق علي ذلك سوف اذكر بقية الشروط السبعه ..

و كما اشكر جميع الاخوه علي حسن تفهمهم علي الشروط و لا داعي للمداخلات التي لا تثمن و لا تغني من جوع .. نحن في مرحله للم الشمل و ليس العكس ..

لكم التقدير

العزيز زهير حسن ..

الحاجه العرفتها اعمامك عيال ابوبكر ( محتار و المرحوم الفقير احمد و عد المجيد ود عدالله ديل كلهم قاعدين في امبرمبيطه و كن جينا للجد ديل اهلك ما تابهم و اتا عرقك من ناس امبرمبيطه ( الكلام الشين خلا )

فيصل خليل ..

وصلته للدايرو فتنتني مع صحبي محمود .. لكن الكل يعرف محمود رجل مثقف و سوف تعود المياه الي مجاريها ..

شايف محمود اليوم خطا ثوره لعربيه لها قدديم .. ما عارف بلقط العربات دي من وين ..

ابوهريره ..

خشمك اقدر عليه .. العوين انا شايفهن ما داير خالد يوصفهن لي ..

لكم التقدير

و كبير البلطجيه الذي علمهم السحر محمود منصور و من ثم لا مانع لي من الزوج من ابوجبيهه الما فيها غير جبل العمده ..
هييييييي يا ود عشمان
احسن ليك ارعى بي قيدك

وبعدين احتفظ بشروطك دي لنفسك وبنات ابوجبيهة ما هاملات ولا بايرات عشان يجرن وراك ...وكمان تتشرط؟؟؟

وانت زاتك ما حنسمح ليك تدخل ابو جبيهة الا بفيزه رسمية ومعتمدة ويكون عندك ضامن يضمن خروجك بعد انتهاء مدة الزيارة...

انا بتاع اللواري يا ود عشمان؟؟ وكبير البلطجية كمان؟؟ طيب انا حاوريك واحرش ليك لوران باغبو يفطسك
هههها هههههههههها فيصل خليل يضحك عليك ويخليك تقع معاي في مشاكل؟؟؟ وانا الوحيد القاعد ادافع عنك بالكذب ليل ونهار حتى ناس المنتدى كرهوني بسببك
ســـــــــــــلام

انشاء الله حدد اليوم العاوز فيه النتيجه

يافيصل انت مالك بقيت زي ود عشمان الملولو؟

انا منتظرك بي هنا...تمشي تتزاوغ بهناك
تحياتي

سلامات اعزائى وجمعة مباركة انشاء الله.

مرحبتيين حبابكم وحباب الدر الجابكم العزيزين محمود وفيصل
اخوى براهيم اليوميين دى دخل فى معسكر مقفول استعدادا للمنازلة المرتقبة
بينه وبين السيد المحامى , واتوعارفين ول عشمان جاب ليهو مدرب يابانى قام المدرب سحب منه الجوال والابتوب عشان يخلى يركّز كل جهده على التدريبات فما تشغلو بالكم وجهزّو ناسكم يا فيصل ومحمود .بعدين يا فيصل انت داير الحكومة تخاصمك قبل ما تعرفك ولا شنو ؟ ولا قصدك تبعدنى من المنتدى البجيب ليهو زواج تانى .
ولكما كل الود

استاذ محمود سلامات يا خ
اليوم نكشف جزء من البرنامج التدريبى للاخ ول عشمان
فى الفترة الصباحية كان عنده تمارين جرى على اطراف لندن حيث توجد مرتفعات جليدية يقوم بتسلقها عدد مرات فى زمن وجيز وهى لتنمية وتربيط العضلات كما افادنا مدرب اللياقة الانجليزى بذلك , وفى الفترة المسائية عندوتمارين سباحة وسويدى وعقل من الساعة 3ظ حتى السابعة مساءاوبعد ذلك يتحول البرناج مع المدرب اليابانى معليش جانى تلفونى هسى من مدير اعمال ول عشمان قال لى ما اكشف بقى البرنامج لزوم السرية وكده . وابقوا جاهزين.
مع خالص الود

استاذ احمد

هذا البرنامج زي برنامج صقور الفئران ومعسكر الدوحة يعني ما حيجيب نتيجة. ده اسمو فسحة ترفيهية...

ياسيد الان ابوهريرة بيعمل كل يوم جكة من رشاد لابوجبيهة لكن نحن منعناهو وقصرنا المسافة خليناها من تجملة عشان ما يقابل جماعة الجيش الشعبي في الطريق...

ونظام غذائي دقيق جدا..دخن وعسل وسمن ولبن وهالوك وكضوضو ونبق ولالوب يعني اكل من الطبيعة...شفت الدليبه ؟؟ابوهريرة ما بكسرها للاكل بيبلعا على طول زي حبة النبقة.. يعني برنامج استثنائي كلف فيصل خليل حتى اليوم اكثر من 50 الف دولار....

المهم امسكو الخشب

سلام جاكم
دا ياتو الشاعق لي نيماية في راسا دا؟
ياتوا ماانباع ؟

غني يا بنية لي راجل الولية
ابوهريرة اكال سمك عوضية

هههههههه الله يجازي محنك يافيصل

ياجماعة اانتو ول شمان دا خلاص لمونى فوقو وترو غادى

وانا برميه ليكم ضرب واقف لانى عملت بروفات اليومين دى ورمت الفراس كلهم

يعنى ودعشمان ده واقع واقع

بعدين يامحمود نحن سمك عوضية دا بقى حاجة قديمة اليومين دى السمك فى صاج السمك فى سوق 41 العمارات

والغنيوية دى مالك خربتها كى اخير تخليها راجل الوليه

اليوم جاكو التلب
صراع وما بنغلب

بوخ العصيدة البايتة كسكس لي ورا
باغبو البصارعا الوجيع كتلا
ماهو ركاب تكاسي
بمشي برجلا
من امبرمبيطة لي تجملا
هاي ابوهريرة فارس ليا عنقرة


شوفوا لو ما استلمت حق النص دا بتاني مابكتب ليكو

يا ابوهريرة

الحاجات الفنيةالتي تتطلب خبرة ودراية ما تدخل فيها خالص ..خليك في الصراع حقك وبس..

النص تم تعديله من قبل لجنة نصوص عشان يجاري اللحن...

المهم نحن بنلمك في ود عشمان قريب وهو طبعا هارب وخايف ونحن متابعين

كل تحركاتو الغامضة...

تحياتي

هههههههههههههههههههههههههههههه

ابشرى يا اقبال بالخير عوجة مافى تب

خلى بوخ العصيدة البايتة دا يمرق جاى