الفضل الحاج البشير- عاد

الأعضاء المتواجدون حالياً في هذا المنتدى: اشرف بشرى إدريس, الفضل الحاج البشير, عوض السيد ابراهيم, ود المحلج
مرحب بعودتك للمنتدي والجزيرة ؛ طبعا بتكون اتفشيت في الكسرة وملاح الشرموط
ورجعت تاني لوجبات الحقل الدسمه ؛ اوصيك بالرياضة ؛
وتحياتي لكل الزملاء الافاضل بالجزيرة

حمدا لله على السلامه يا ابو مصطفى ......... منتظرينك تملا الفراغ الذى تركته

مرحب بعودة عمنا الفضل ونقول ليك كل سنة وانت طيب


نديك الليلة راحة وبكرة طوالي ننزل هلال مريخ

عدنا نسأل الله أن يكون العود أحمد ... وعيدية مرفوعة لأس تلاته .. قالوا الجن بعادي ... يا مازدا غادي غادي حول التلاتات من المنتخب للمريخ ... بس يا دكتور مرتضى هل 3=1 سيبك من سبعة تساوي اثنين مع فائق الاعتذار لود نويه ..بس التلاته كانت شويه لكن الضرب على الميت حرام

وبعدين .......... فضوها سيرة بأأ..

جيت في الزمن المناسب عم الفضل ؛ كنا عاوزين نتعاطف معاكم خاصة وانتو خاشين معركة قوية فيها حراب وعكاكيز كنا عاوزين نتضامن معاكم ونحامي معاكم ؛ لكن مطالا الموضوع اخذ طابع كدة خوضوها براكم معركة الاحد الافريقية وربنا يكضب الشينة واكيد بنشمت
نحرش جماعتنا من هسي يشيلو نقارتم ويلفو بيها العرضة

عوداً حميداً الخال فضل ، الشئ العجيب وحكاية التلاتة مع المريخ ومازدا حكاية عجيبة والله .. المريخ ودع و له من النقاط 3 وتعادل 3 مرات وخسر 3 مرات وجميع هزائمه الثلاث كانت بـ 3 أهداف (3/1 من كانو ، 3/2 من زيسكو ، 3/1 من سيد البلد) ، مفروض يا شباب تودوها موسوعة غينيس

تحياتى لك اخى الحبيب اشرف ....... مازدا فى امم افريقيا الفى غانا برضو كان ملك التلاتات .... شكلو بيهواها
لكن يا ابو الشوش كدى خلينا فى المهم ..... يوم الاحد
يا يوم بكره ما تسرع وتشعل لى نار مازمبى
................................................................................... عشت