ايها الأحباب

لكل الإخوة من جيلى واترابى من مدرسةابوجبيهه الشمالية الإبتدائية وحتى الجنوبية..ايام استاذنا حسن السيد ..اسكنه الله فسيح جناته..وابوجبيهة المتوسطة ايام استاذ عبدالرحمن الملقب بالشايب..واستاذنا المجذوب طبعا قالوا لنا محظوظيين ماحضرتم الفوال..هذه معالم تزيح الغبار من الماضى ..لتذكرنا بجذور النشأة التى كانت عميقة ..كجذور شجرة((ام شطور))وباسقة مشرئبة كدليب ابوجبيهة..عبقة كعبق المنقة فى مواسمها ..زمان ..ايام اللوارى تنقل فى (تلت)الليالى والتلاميذ تذاكر فى الدروس..كان الجد والمثابرة ديدن جيل رسى اعمد للشباب الذين نفختر بهم..والى جيل ابنائنا الذين نعرفهم بأسماء ابائهم..اجدادهم فكان..الأعمام اباء لنا..انا ود عمكم موسى ادم ..الممرض ..مع عمنا ابراهيم عوض السيد..اطال الله عمره..
التحية لك اخى ازهرى ان وفقكم الله الى جمع الشمل ..انا معك طبعا بالخبر التحية للاخ عبدالرحمن بالرياض وانا والله مقصر ولكن وصلت لك بالأسرة قالوا سافرت الرياض..ثم اعدت الكرة فقال لى محمد انك رحلت..عموما ..شكرا للأبناء والإخوة ان ..اضأوا الشموع..واحيوا الإجتماع بالأحبة..لقد غصت فى محيطات ..النت ابحث ..عن اخوة كثرو اخ لى..من هذا المنبر احييه..اخى عطا المنان بخيت الحاج..المغفرة والرحمة لخالتى اسكنها الله فسيح جناته فانا..مقصر..قسرا فى متاهات المهجر..والتنقل..من1979م وحتى الآن لم ارسى بيد انك تقوم بعمل امة كاملة الأمة الإسلامية هذا فخرا لنا ..عموما هذا عربون الدخول الى حوش الأحبة..شفت ود المحلج..انا ود العمارة..طبعا كان حى الإستبالية..كان حي العمارة ثم حى الإستبالية ثم..حي المستشفى..
وكان هناك تنافس كروى بين حى السوق والإستبالية والمحلج..لما نغلب ..يقولوا لنا اولاد المحلج ..خزوق بين المحلج والسوق..للحديث شجون اخوكم عثمان موسى ادم..اعمل الان بمؤسسة الراجحى التجارية ..مدير مالى..جوالى 0508286701 ابوجبيه لها الفضل بعدالله فى كل الطرق فى مسيرة حياتى..حتى جان كرن..من حكاياتى احكيها لأبنائى..aboafan999@yahoo.com

لك التحيه اخى عثمان ابن موسى ادم ........ اخر عهدى بك سنين عجاف
مرحبا بك بيتك فانت ممن تبو وترعرعرا فى الحباك
وين الاخوان محمد وادريس اما ازهرى كتر خيرو كلما يجى ابو جبيهه بيجى يسلم على والدنا
خليك معنا وما تنقطع
تحياتى لاولادك
انا فى سلطنة عمان فى مسقط العاصمه .... تلفونى 0096899771060

اولا نحمد الله ان هذا المنتدى إلتقانا بالأحبة..
حقيقة عوض السيد انا ما انقطعت عن ابوجبيهه ..بل كانت روحى..معلقة فى كل سكة من الدبيبة حتى ام شريتى..فى شجرة الليمونة بتاعتكم..واصوات ..كجو يقلد ود الأمين فى ..اذنى ..صداه..لم يقل شدته..وحتى تربة..الرث الثياب..ويقول ((لخالتنا نعيمة الغنم نوم وين ماثل امامى)) ..
ان الأرواح..جنود..فجأة بدون مقدمات بحثت عن تلفون الوالدابراهيم..واتصلت عليهم ..وجدت نفسى تذرف دموعى..فقلت لهم لقد فرقت بنا الأيام قسرا..وقلت لهم إن دمعات غاليات انحدرت فظنوا إنى اعزيهم فى.اخوناعبده ربنا يرحمه فى الجنان..وصبرونى..وكان توفى قبل يومين من المكالمة..بعد اسبوع عرفت الوفاة من خالتك حفصة فأتصلت مرة ثانية..
محمد موسى ((تلاف))قدامى المحاربيين..تقاعد يعمل فى مدنى..ادريس بابحاث الأبيض ناوى يمشى المانيا ليكمل الدكتوراة بقى..زراعى بعد مافت ابوجبيهه..انا عشرة سنيين بالسعودية..وقبلها عشرة سنيين بالحلفاية اولادى من الحلفاية..ويعنى حتى اسرتى من1982 من مصر دراسة الى بحرى عمل الى السعودية إلا اجازات اضحت الغربة مضاعفة..لم اكن من يحب الترحال ..والبعد عن الأسرة ولكن ..كل مسطر فى كتاب ..عند على قدير..
لنا لقاء إن شاء الله تحياتى لكل افراد الأسرة وانا علمت من الوالد انك فى مسقط..وسألت عن تلفونك لم اتحصل عليهم سوف اسمع صوتك قريبا إنشاء الله..للإخوة سيد مطر وكمال ..وعبدرحمن حاج البشير وكل الكوكبة الذين اعرفهم وبطول الغياب لا يعرفونى..سلام عليكم

نرحب الاخ عثمان عضوا بالمنتدى و نتمنى له وقتا ممتعا.

يا عثمان عربونك كان كبير و يؤكد انك لم و لن تنقطع عن الحباك.

لك التحية و الحب

لو امكن وضع تلفون تلاف فى الصفحة

اخوك فيصل

تلفون 0912669366 - الخرطوم - السودان

والله انا سعيد جدا بيك يا عثمان ؛ الف مرحب بك


النقر عبدالرازق الحاج البشير
00249910531724

مرحب باللاخ عثمان موسي حبابك عشرة في منتداك (ابوجبيهه الحباك) كل عام وانت بالف الف خير ورد الله غربتكم سالمين غانمين,امين.

أهلا بعثمان موسي وألف مرحب .. وجميل إنك بالخبر ,انا أعمل بشركة جال الدولية ومقرها بالطابق الثاني فى مبنى الخبر مول .. وأتمنى أن تشرفنى بزيارة ................ تحياتى وصادق ودي.