واحد جوالو إتسرق

جوالي ﺍﺗﻨﺸﻞ ﻭﺍﻧﺎ ﻋﻘﻠﻲ ﻭﺩﺭ ﻭﺟﻨﺔ
ﻭﺍﻟﺴﺮﻕ ﺍﻟﺠﻼﻛﺴﻲ ﺍﻥ ﺷﺎﺀ ﺍﻟﻠﻪ ﻻ
ﻳﺘﻬﻨﻰ
ﺗﺘﻘﻠﻢ ﺍﺻﺎﺑﻌﻮ ﻋﻀﺎﻣﻮ ﺟﺖ ﺗﺘﻨﻰ
ﻻﻳﻀﻮﻕ ﺍﻟﻨﻌﻴﻢ ﻻﻳﺸﻤﻮ ﺭﻳﺢ ﺍﻟﺠﻨﺔ
...
ﺟﻮﺍﻟﻲ ﺍﺗﻨﺸﻞ ﻭﺍﻧﺎ ﺣﺎﻟﺘﻲ ﺗﺐ ﺑﻄﺎﻟﺔ
ﻛﺖ ﺑﻔﺮﺡ ﺷﺪﻳﺪ ﻭﻛﺘﻴﻦ ﺗﺠﻴﻨﻲ ﺭﺳﺎﻟﺔ...
ﺍﻟﺴﺮﻕ ﺍﻟﺠﻼﻛﺴﻲ ﻳﻤﻮﺕ ﻭﻳﺒﻘﻰ ﺯﺑﺎﻟﺔ
ﺗﻨﻬﺶ ﻓﻲ ﺍﻟﺼﻘﻮﺭ ﺗﺸﺒﻊ ﻛﻼﺑﺎ ﺿﺎﻟﺔ
...
ﺟﻼﻛﺴﻴﻨﻲ ﺍﻟﻌﺰﻳﺰ ﻛﺖ ﻣﺎﺑﻴﺔ ﺑﻲ ﺗﺒﺪﻳﻠﻮ
ﺗﻄﺸﻴﻬﻮ ﺍﻟﺴﺮﻳﻊ ﻭﺍﻟﻨﺖ ﺳﻤﺢ ﺗﻮﺻﻴﻠﻮ
ﺍﻟﺴﺮﻕ ﺍﻟﺠﻬﺎﺯ ﻳﺎ ﺍﻟﻠﻪ ﺗﺒﻘﻰ ﻛﻔﻴﻠﻮ
ﺗﺪﻋﻲ ﻋﻠﻴﻬﻮ ﺍﻣﻮ ﻭﻣﺎ ﻳﺘﻤﻮ ﻋﺪﻳﻠﻮ
...
ﺟﻼﻛﺴﻴﻨﻲ ﺍﺗﺴﺮﻕ ﺻﺎﺣﺒﺘﻲ ﺟﺎﺕ
ﻋﺰﺗﻨﻲ
ﻗﺎﻟﺖ ﻳﺎ ﺣﻠﻴﻞ ﺍﻟﺴﺎﻣﺴﻮﻧﺞ ﺍﻟﻌﺎﺟﺒﻨﻲ
ﻓﻴﻬﻮ ﺍﻏﺎﻧﻲ ﻟﻲ ﺗﺮﺑﺎﺱ ﻭﺍﻧﺼﺎﻑ ﻣﺪﻧﻲ
ﻓﻴﻬﻮ ﺍﻏﺎﻧﻲ ﻟﻲ ﺷﻴﺮﻳﻦ ﻭﺗﺎﻣﺮ ﺣﺴﻨﻲ
...
ﻓﻴﻬﻮ ﺣﺴﻦ ﻋﻄﻴﺔ ﻭﻓﻮﻗﻮ ﻭﺩﺍﻟﺒﺎﺩﻳﺔ
ﻓﻴﻮ ﺳﻴﺪﺧﻠﻴﻔﺔ ﻭﺍﻏﻨﻴﺎﺗﻮ ﺍﻟﻬﺎﺩﻳﺔ
ﺑﺖ ﺍﻟﻘﻠﻌﺔ ﻓﻴﻮ ﺳﺖ ﺍﻟﺨﺪﻭﺩ ﺍﻟﻨﺎﺩﻳﺔ
ﻓﻴﻬﻮ ﻣﻨﻮﻋﺎﺕ ﻭﺍﺻﻮﺍﺕ ﺭﺧﻴﻤﺔ ﻭ ﺷﺎﺩﻳﺔ
...
ﻓﻴﻮ ﻭﺩ ﺍﻻﻣﻴﻦ ﻏﻨﺎﻫﺎ ﺧﻤﺴﺔ ﺳﻨﻴﻦ
ﻭﻓﻴﻮ ﻋﻘﺪ ﺍﻟﺠﻼﺩ ﻟﻲ ﻭﻳﻦ ﻭﻛﻴﻒ ﻟﻲ
ﻣﺘﻴﻦ
ﻓﻴﻮ ﻭﺭﺩﻱ ﺍﻟﻮﻃﻦ ﻏﻨﺎﻫﺎ ﻧﻮﺭ ﺍﻟﻌﻴﻦ
ﻭﻓﻴﻮ ﺍﻟﺤﻮﺕ ﺻﺪﺡ ﺍﻥ ﺷﺎﺀ ﺍﻟﻠﻪ ﻓﻲ
ﺳﺘﻴﻦ
...
ﻭﻣﻦ ﺍﺭﺽ ﺍﻟﺸﻤﺎﻝ ﻛﺎﻥ ﻓﻴﻬﻮ ﻭﺩ
ﺍﻟﻨﺼﺮﻱ
ﻓﻴﻮ ﻭﺩ ﺍﻟﺴﻘﻴﺪ ﻃﺮﺍﻧﻲ ﻗﻮﻕ ﺍﻟﻘﻤﺮﻱ
ﻣﺸﻐﻮﻝ ﺍﻟﻔﻜﺮ ﺣﺎﺭ ﺑﻲ ﺩﻟﻴﻠﻲ ﻭﺍﻣﺮﻱ
ﻳﺎﺭﺏ ﻳﺎﻛﺮﻳﻢ ﻋﻮﺿﻨﻲ ﻛﺘﺮ ﺻﺒﺮﻱ
...
ﻭﻣﻦ ﻓﻘﺪ ﺍﻟﺠﻼﻛﺴﻲ ﺍﻧﺎ ﻗﻠﺒﻲ ﻛﺎﻳﺲ
ﺟﺒﺮﺓ
ﻭﺍﻟﺴﺮﻕ ﺍﻟﺠﻬﺎﺯ ﻳﺎﺭﺑﻲ ﻳﺼﺒﺢ ﻋﺒﺮﺓ
ﺗﺘﻜﺴﺮ ﺳﻨﻮﻧﻮ ﻭﻳﺒﻘﻰ ﻣﺘﻞ ﺍﻟﺼﺒﺮﺓ
ﺗﻨﺴﻞ ﻋﻴﻨﻮ ﺯﻱ ﻋﻼﻗﺔ ﺗﻘﻌﺪ ﺑﺮﺓ
...
ﺍﻟﺴﺮﻕ ﺍﻟﺠﻬﺎﺯ ﻣﻨﺤﻮﺱ ﻭﺍﺻﻠﻮ ﻭﺿﻴﻊ
ﺍﻟﺴﺎﻣﺴﻮﻧﺞ ﺟﻤﻴﻞ ﻓﻲ ﺷﻜﻠﻮ ﺭﺍﻗﻲ
ﺑﺪﻳﻊ
ﺃﻳﺎﺳﺎﺭﻕ ﺍﻟﺠﻬﺎﺯ ﻓﻲ ﺑﻴﺮ ﻏﺮﻳﻴﻴﻴﻴﻘﺔ ﺗﻀﻴﻊ
ﺗﻤﺴﻚ ﻓﻴﻜﺎ ﺍﺻﻠﺔ ﺗﻘﻄﻌﻚ ﺗﻘﻄﻴﻊ

البت دي ألحقوها وادوها جلاكسي 4 كرت كرتونة

والله سرقت الجوال حارة ....

نازل إجازه ومعاي جوال عاجبني شديد ...
وأنا في أم درمان عرفت أن أخي  شاويش واصل سوق أم درمان الشعبي بالبص من الحباك . إستقبلته ...ولكن وجدت حالته الصحية تحتاج نقله وبسرعة لمستشفي أم درمان ... إرتفاع السكري ... المهم وأنا أتابع في علاجه وأتنقل من موقع لموقع ...أذكر حرجت لإجضار عشاء من خارج المستشفي حوالي 2ص ..وكان جوالي معي ...وأذكر وقفت في صيديلية المستشفي لدواء ...وحينما خرجت من المستشفي - جلست فليل في سيارتي الكريز ...وحينما نزلت  حوالي الساعة 3:30 ص دخلت يدي في جيبي ...بس أشعر بالهواء بس ...يعني الجيب مشروط ( إل ) والله راسي طاااار ... وهرولت كالمجنون ... فيه أرقام ...ورسائل محفوظه ... والله سرقت الجوال حااااره حاااااره .... ولي يوم الليلة متحسر عليهو ....
الله يجمع بجلكسي القصيدة الشعرية ....

تسلم أبو الزهور ...

يا شايب السودان تمشي بجوال يدوب تسمع صوت الطرف الآخر .. كان ما نشلوهو منك بنشلوهو منك وبرضاك

يعني بنشلوه شحدة يا حاج عثمان

شئ أكيد .
أحس أن كل حبيب وقريب عاوز يمتلك جوال تاني أو عاوز يغير شوية بجوالات المغتربين ....
والآن الريال طالع في الكفر ...
ولازم نشد الحزام ...
معزتي ،،،

ههههههههههههههههه 
سلامات يا دكتور والله زى ما قال ود الشاويش سرقت الموبايل حارة خلاص . انا كنت معجب شديد جدا بالجهاز N73 لامن كنت بالسودان وضيق ذات اليد , واول ما وصلت السعودية فى بداية العام 2007م فكرت  فى شراءه ومن تانى راتب لى ربنا وفقنى وحصلت عليه وبعد يومين فقط رحت زيارة لواحد قريبى فى حى شعبى بالرياض وكنت محمّل فيه اغنية مردوع لهاشم بابنوسة مصورة كليب فى جبال كردفان حيث الخضرة والجمال وعبق المكان قريبى ده ليهو حوالى خمسة سنوات ما رجع السودان اول ما وصلت اليه وهو يعمل فى بقالته وبعد السلام والذى منه طلعت الجوال وفتحت الفيديو وقلت ليهو اتفرج على حلاة كردفان فى الخريف وما هى الا لحظات دخل علينا شاب وفى لمح البصر خطف الجوال وقال الحقونى لو جرايين . والى الان غبيينته ما راحت منى .