حلفتك بالجليل تغني مردوم تقيل

الاغنية التالية للاخت وبنت الخالةالمرحومة/ خديرة حامد بمنطقة رشاد
عندما سافروا الشباب الى ليبيا والمنطقة كانت تحتاج لجهود الشباب والحفلات اصبحت لاطعم لها بدونهم ارسلت الاخت خديرة رسالة قصيرة في شريط توصف فيها البلد وشوقها لهم وخاصة شقيقها حارن وستخدمت كلمات وعبارات سهلة ولكنها بعيدة المعنى وقالت:
يالسجيلة خدر فريع النيلة
تعود بتين ياولدم خديرة
الشدر شال وشقة
وصاضف خريف العينة
للعلم بان الاخت خديرة لا تعرف الكتابة والقراءة لكنها تستطيع ان تالف الاغنية في خمس دقائق وتوزنها وتلحنها في نفس الوقت .
لقد قمت بتجميع عدد كبير من الاغاني المحلية سوف اقوم بوضع توليفات عليها من اجل تعديلها ووزنها وهنالك الكثير من الحكامات وخاصة الحكامة فاطنة العسيرة صاحبة الجنزير التقيل

شنو يا ول نوية ما بريت الحليفة؟ ننتظر مداخلتك

هههههههههههههه حلوة دي مابريت يااختي حلفة ليك هناك في الحلمنتيش
وانتظريني والله اجيب ليك كلام وغناءحكامات تتفقعي من الضحك

انا محتاجه اضحك وفي انتظار المدوم والدرملييييي....

جوابك قريته
لقوز العك وديته
عقدك نجيض ما فليته
يا السيف الاكل بيته
..................
ابقجة هادف الخلا سميتك نمر تلٌب
ابووجها نار جهنٌب
الصعب ما بالجرب
...................
بسمع الصقور في سماهن بالونسن بيا
قالن فرحت ام قدمين وزغردت حديا
فرخ ابوندرق انا بشايل بيا
ازرق خي التومة القبايل حاسة بيا

هاكو الغنية دي يامحمد النو ومحمد نوية
وطارق كمبال والمجموعة المشاركة في واحد كان بحب ليهو واحدة اسمها شقره لكن زول خواف والجماعة لقوا في الموردة حقت فريقكم ههههههه شالو كي وقلوا وجاء جاري دمن تووووووووووش دخلوا ليك في راكوبة الشياب وقال كي البنات لقن ليق الخبر
وقطعن فيهو غنيه طويلة لكن بحفظ منها
ياشقرة يا المحروقة ماتفتشي دروبا ليقتا جاري بضاره بالراكوبة
عفوا علي دارها من جودودا

رايعن انتو والبوست ده نكتو من وين يا جماعه


الدبابه البطال ما حبابه

السفنجا قلابه والتيمس

وقف عجاجه الصبى ابا

الاخ محمد النو العيد مبارك
اود ان اقدم غنية عن احد الفتيات التي رفضت الزواج من ابن عمها لانه فقير وكان يجمع الحطب لبيعه فالسوق. استنكرت ذاك القرار من اهلها وقطعت هذه الاغنية

يمه انا وا خرابي
انطوني للحطابي
الهجرون ليك
يا البراد من دون كبابي

البراد من دون كبابي لا فائده منه, لانك لن تشرب او تستنفع مما فيه.
فكانت تستنكر ترك اسرتها الغنية الموسرة والذهاب للعيش مع الحطابي, الذي وصفتة بالبراد من دون كبابى.

واحده من بنات الباديه سافر محبوبها الي البنادر ليدخل العسكريه اي يتجند عسكري فقالت
الصحيه متركش الطاقيه
خلاص لبس الرسميه
براعي ليك دهب الوقيه
الظروف صعبه شويه
انا روحي هديه ليا
مع تحياتي للاخوه المهتمين