كامبوس زاد الطين بله

علمت ( كفر و وتر ) من مصدر خاص ان المدير الفني لفريق الهلال البرازيلي باولو كامبوس قد غادر الى القاهرة مساء اليوم الجمعة بطريقة مفاجئة ، واشارت مصادرنا الى ان كامبوس تعلل بانه مسافر الى مصر لاجراء بعض الفحوصات الطبية ، من جهة اخرى ربطت بعض المصادر سفر كامبوس الى مصر بمفاوضات كان قد بدأها كامبوس مع ناديي الاهلي والاسماعيلي المصريين خاصة وان النادي الاهلي بدأ يفكر بصورة جادة في جلب مدرب اجنبي للاشراف على الفريق في المنافسات الافريقية بعد تدني نتائج الفريق في الدوري المصري خلال المباريات الثلاثة الاخيرة ويتولى تدريب الفريق حاليا الوطني حسام البدري ، اما النادي الاسماعيلي فتشير بعض الدلائل الى ان مجلس ادارة الفريق ربط استمرارية المدرب بنتيجة مباراة الفريق غدا السبت في تمهيدي بطولة الابطال الافريقية امام سوفاباكا الكيني وربما تمت اقالته حتى وان تاهل الفريق وهو المتوقع عطفا على تعادل الفريق في لقاء الذهاب بكينيا ، ويعتبر الاسماعيلي هو الاقرب لكامبوس .
يشار الى انه لم يتسنى لنا في ( كفر و وتر ) التاكد من صحة الخبر حيث ظل هاتف كامبوس مغلقا طوال اليوم فيما لم يتم الرد من قبل 3 من اعضاء مجلس الهلال الذين تم الاتصال بهم .

كامبوس بقى عاقل زى ما الناس كلها اتخارجت ونفدت بجلدها من تلكم الجثه الهامده......هو البقعّدو شنو.... مالو ومال الهم والفضايح الجايه فى الطريق.
كلمناكم قلنا ليكم انسحبو بلاش فضايح لكن انت دايرين تتحدوا وتعملو ليكم حاجه انتو ما قدرها.
المهم نحن عارفين نفسنا حنواصل برانا باذن الله..... ودا البهمنا.
ياربى المدرب الجاى بكون الديبه ولا الأسد..... طبعا لازم محلى لأن الجيوب مريضه..... والله جنس مسكنه.
الله يدينا الفى مرادنا

سلام ابو السيد
وقلت لي الخواجي مقلب الجماعة زكرت كلمة قلتها قال ماشي يفحص ؛هو في مرض غير الفلس ؟ يمشي يا عم بفتش ليه محل اكل عيش وين يقعد يموت من الجوع
والجديد شنو يا ابو السيد عند الجماعة مالقو ليهم تمساح ولا ملحناتي يجي يترأس فريقم

كدا خليهم يجيبو الديبه ولا الأسد بعدين يفكرو ليه فى رئيس.
بينى وبينك منو البيرأس ليهو جثه هامده

يا ابو ابراهيم الطين مبلول اصلا كامبوس زادو موية

ماتقعدوا تتريقوا علي الهلال الهلال كان رئيسو الطيب عبد الله احسن رئيس مرة علي الاندية السودانية وبعدين واليكم دة لحدي 98 كان مدير مكتب صلاح ادريس والهلال غني برجاله

الفضايح عند نائبكم الذي هرب وعلى عاتقه خمسون مليون دولار منهوبة من حق الشعب السوداني. صلاح إدريس لم يأخذ من الدولة مليم واحد والمشكلة كل السودان عارفها والسبب في قبضه هو اللقاء الإذاعي الذي أجراه في قناة ال أف أم 104 وسئل عن عدم حضوره في حفل تدشين حملة الرئيس عمر البشير وتحدث وقال ((أنا ختمي وأهلي الختمية أشاروا علي أن أقيف معهم في الإنتخابات ورديت عليهم أنا لست سياسياً والهلال نادي رياضي ثقافي اجتماعي وليس نادياً سياسياً وناس المؤتمر الوطني عندما حضروا قلت لهم نفس الكلام)) وفي نفس الليلة اعتقل صلاح بمشكلة من قبل 8 سنوات حينما كان عبدالرحيم سرالختم رئيساً لنادي الهلال .. والسيء في هذا التصرف من ناس الأمن أن موظف العمل العام لا يمكن أن يجري القبض عليه إلا بواسطة النائب العام والشيء الثاني أن هذا الفعل الطائش من الأمن قد يستعدي جمهور الهلال على السيد الرئيس وكان كل كبار المريخ واقفون بقرب صلاح في هذا الظلم الواقع عليه... أما مال المؤتمر الوطني بخيت عليكم يا مريخاب.. ولكن صلاح حر في رأيه وهو ليس عضو مؤتمر وطني حتى يطلب منه أداء فروض طاعة وكما قال نادي الهلال مؤسسة تربوية رياضية إجتماعية ثقافية وهذا المال الحرام الذي تفرحون به كما فرح الناس من قبل بمال قارون فلما خسف الله به وبداره الأرض ..وسبحان الله قارون قال إنما أوتيته عن علم وأنتم تقولون أن الوالي أوتيه عن علم منه (الود حرك)..ولكن أوتيه عن علم المحسوبية(تمكين).. هذا المال لن يجلب لكم بطولة وخوفي أن يخسف بكم وبناديكم في وحل أفريقيا.

[color=red](يذهب الحرام من حيث أتى)e]color] أحييييييييك عمو فضل ..كتر ليهم من النوع ده

نالناس بتتحدث وكانها غلبت ريال مدريد والاحابيش ديل نحن ولا بنلعب معاهم

المال الحرام لحق ناسو سريع في ظرف اسبوع استقالات وهروب وشتات والجماعة بقو اصدقاء لاقسام الشرطة الليلة في الشمالي وبكرة في الجنوبي دا شنو يا ناس هسي حصل يوم شفنا ناس الشرطة قبضو ليهم زول ساي من الشارع

ول نوية اخوي انحنا زولنا قبضوه واها الهرب ابو خمسين ان شاء الله انقبض؟

والله يا ود نوية الاختشوا ماتوا... سرقة وقوة عين من هو الهارب؟؟؟ مالكم كيف تحكمون

الهارب أخذ الخمسين اياها بصفه شخصيه وليس بصفه اعتباريه...... والمريخ ما مسئول عن السلوك الشخصى لانصاره.
وكان الموضوع بيهم المريخ ليه ما كسرو رقبت جمال الوالى وحمّلوهو مسئؤلية المبلغ.
انتو ماسكين فى موضوع فقط لتغطية فضايحكم.
مال عام شنو وكلام فارق شنو..... هو المال العام دا من الله خلقنا شايفينو فى السودان سايب..... والأكلو المال العام لا واحد ولا اتنين.
شوفو ليكم رئيس ومدرب بعدين اتكلموا مع الصفوه

والله نحنا من من غير رئيس ومدرب...نتمنى نقابلكم الليلة قبل بكره بدفاعكم المهلهل ده.......س س س سادومبا..وين كرومى.بطح جد.

ف...ف....ف....فلس أفلس.
أعصابك يا ابو عشّه

فلس نقابلكم لشنو وانتوا هدفكم المريخ فقط ماعندكم شغلة تاني

الوالي ما قبضوه لأنه لعبها كويس مع الدقير ولأنه عضو مؤتمر وطني بارز من هو الذي حوكم من قبل حتى يحاكم هو أما الهارب سيرجع وسوف لن يحاكم أخوه وزير!!!! الله يعين الشعب الغلبان ولكن كل مصلحة مستفادة بدون وجه حق ستظل محفورة في ذاكرة المظلومين .. وليهم يم .. يوم تأتي كل نفس معها سائقٌ وشهيد وليس ثمة عفا الله عما سلف العين بالعين والسن بالسن والجروح قصاص.

هشام طلعت مصطفى المصرى المتهم فى قضية اغتيال المطربه اللبنانيه.....
رأس مالى+عضو فى الحزب الوطنى المصرى الحاكم+ موالى للحزب الحاكم+صديق شخصى لجمال مبارك+المحرك الأساسى لبورصة سوق المال المصريه.... أين هو الان؟ وأين جمال الوالى الان؟
متى كان المصريون أنضف مننا؟
يا جماعه استهدوا بالله... ليس للمريخ ولا جمال الوالى أىّ علاقه بما جرى.
التفتوا لجثّتكم الهامده.... حاولو لملمة أشلائكم المتناثره.... انتشلوا فقيدكم من القبو الذى اسقطه فيه الملحناتى ثم نفد بجلده.... فكّروا بجديه فيما يعنيكم ودعوا الزعيم يهنأ بالعز الذى هو فيه.

هيبه وجبره
سمحه المقدره
الله يدينا الفى مرادنا

قال هيبة وجبرة ... سرقة وهنبتة ومحسوبية الخطأ هو خطأ وعدم المحاسبة في مصر لايسقط المحاسبة في السودان أي منطق هذا ؟؟ كما لاتنسى يا إبراهيم هذا إعتراف ضمني بالسرقة وقدمته لنا مجاناً إقرأ ما تكتب.

لم أحسبها بحسابات المنطق ولا فلسفة اللغه بل بقذارة السياسه ومحسوبية الموالاة.
لم تكن السياسه يوما قذره فى مصر ونظيفه فى السودان أو فى بقعه من بقاع الارض.
قصدت ان ما يتمتع به طلعت من نفوذ سياسى ومادى هو نفس ما يتمتع به الوالى فى السودان لذلك ان كان الوالى مذنب لا شك هو ليس اكبر من القانون.... ولكن لأنه غير مذنب لذلك لم تطاله حيثيات القانون.

احترامى ابو مصطفى

صباحات ابو السيد
تعرف يا ابو السيد الايام اضانا ارتاحت من التلحين خلينا نقول المامقبول للذوق العام (ماداير اقول معناه التاني داك) تعرف ليه؟ لانو ناسو في السجن وبعدا اهلنا بجو بقولو لينا ناسكم حرامية بالله هسي الياهو منو؟
التحية لكم جميعا

يا ابو السيد
كلامك كي تاني في خواجي بخاطر بنفسو بجي السودان بعد في البقت في كامبوس دي ؛انت عارف لو كان بعرف يتكلم عربي كان قال ظلموني الناس هو بكون قالها لكن بتكون بلغة تانية ؛وانت عارف تاني اي خواجي جاي السودان الا بعقد فيه القعد مدفوع مقدماً وكاش كمان مازي الشيكات بتاعت الجماعة المساجين دي

وإذا وصل كامبوس الخرطوم يا ول نوية بتودي وجك وين؟؟؟

لك التحية عمي ؛ وكامبوس تاني بجيبو شنو ؟ بي البقت فيه دي تاني بجي زول عندو ارتباط مع فريق بعقد رسمي بهرب من دون اذن الادارة دا لو ما الحار بعملها ؛وجيتو تاني يعلم بيها الله

الخواجات يا ول نويه كان جو بجو المفخره محل العز والقروش المبهوله.
كامبوس وصل حد القرف من عدم الترف