الشفاطات .. الفبارك .. الكمبو ...القطاطي ..الطين ..

الفبارك........الكمبو.......كمبو هاوس
مدينتي...الإنسان....الحصاحيصا.....لا ينبغي لها أن تمحو من ذاكرتها محالج أبوجبيهة ( الفبارك) ( الفبريكة نمرة سبعة.......ستة.........تلات أشهر ....خمسة......تمانية.... تسعة......عشرة......مار بلس..........والترماج..............المقاول ....الداكومي....الورشة.......ناس الحريقة.......الكنار.....الكمبو..... الطين.......القطاطي........كمبو هاوس البونص........شجر القرض.......البزرة...........الجبلونات.......... تمر هندي والبسكت..........الخياطين.....الشوابك........عتالة القطن....الغبش التعاني... اللقاطين......النفاضين.....الإسكارتو..الزياتين .... حب مع هدير المكن.....البال....الكرن..... الشفاطة ...الوزن .. والحال الحرن ....القدوقدو..... الحجامة.....فلي القمل.....
كانت يومية اللقاط تسع قروش في السبعينات... والثمانينات وماهية الخمستاشر يوم مية أربع وخمسين قرش وقرش دمغة ( قرش زمان موش قرش نيفاشا)( ناهيك عن دينار الإنقاذ) وكان لكل لقاط عيشة مدورة وعدد معقول جدا" من اللحم المحمر بالإضافة للبرطمانية شاي سادة ( يظلمك ماعونك) هذا الراتب كان كافيا" جدا"...جدا"...لطالب الإبتدائية ليفصل رداء المدرسة والقميص....والشنطة أم جيبين ..ويوم الراتب هذا تدخل السوق... وتعال شوف ربع باسطة وكباية حليب كبيرة تاخد ليك غنمايتين وضاناية وكم جدادة وديكين ...والباقي بكامله للبيت...مدينتي علمتني وغيري ...كيف تكون مسئول...!!
ماتقولا الزول ده عجووووووووووووووووز في أشياء من ذاكرة والدي ...



قف :

يا مغلوبة وغالبة زمانك كيف أنساك محال البتة ..!!

سلامات ياالحاج
والله نشاط الف
ويين الشرح فى حاجات ما نقشناها
زمان كنت بجى المحلج دايما بودى الفطور للخال محمود
مره جربت اعبى لى شوال بذره الشوال ابا يوزن كلوكلو
طلعت بريال واحد بدل خمستاشر قرش
وحقيقه المحلج كان عزيز على كل اهل ابوجبيهه ياريتو يرجع يدور

شكرا" لكم .. الكارة ماعرفتها والله يا أبو الفتوح دي شنو؟
سلامة :
[color=darkblue]مره جربت اعبى لى شوال بذره الشوال ابا يوزن كلوكلو
طلعت بريال واحد بدل خمستاشر قرش
تلج تلج تلج تلج
خمستاشر قرش (ههههههههه حلوة يا سلامة)
بتتزكر الدقش بتاع المنقة والجناين ؟؟[/color]

عزيزي عبدالسلام :عوداً حميداً وبخصوص المحلج , أذكرك ياأخي عبدالسلام بأن " الوصفة السرية " بتاعة شوال البذرة كانت عند عيال المحلج وقليل من الخبراء ,,والراسخون في التعبئة ,, بس كان من المفترض تزويدك بمجلد " مدارك الخيال ,,في تعبئة الشوال " وفيه شرح وافي للخسائر في باب : التلج:
أما دقش الجناين يالحاج لن انســاه ,,,مادمنا أحيــاء فتلك محطات في الذاكرة,, وأيام لهــا إيقاع""كانت أيام سعيدة ,,, ياربي مناي تعيده"" دقش بلا هوادة ............. مساحة جميلة أشكركم

الاعزاء الحاج والفاتح
بجد ايام جميله لم يبقى منها سوى الذكريات
وياريت المحلج يرجع وتجى جمبو مصانع والعمال ما يبقو هوامل والخير يعم مدينتنا
الوصفه السحريه دى اولاد المحلج دسوها مننا يا الفاتح لوعرفناها كان رحلنا ليكم جمب المحلج ذاتو
الدقش بتاع الجناين ما زال عالقا بالذاكره تتذكر ياالحاج القشطه البوظت قميص نوبه وما انباعت وبطلنا ومشينا اشتغلنا طلبه فى بنك النيلين
والدقش

هههههههههههه إنها زكريات جميلة ومؤلمة لأنها لاتتكرر ..والمحلج للأسف الشديد الآن هو معسكر للجيش شفت يا سلامة البلد خربت كيف ؟؟
الله يكون في العون ..
كل الأشواق