الصراع ( المصارعة)

تناول الاخوه جميع جوانب الثراث ان لم اكن مخطي ولكنهم لم يتناولوا الصراع والفراس واغاني المصارة وادوات الصراع اتمنى ان يسهموا الاعضاء في ذلك خاصة قوانين الصراع او السباري اي الحكم

ول نوية طبعا وردي يوم التهوش في جبرونا والبنات رشنا بالريحة واحد شاف وري حنين عقيد قال اه الوجع ال شوف البقاري المثل المرفئيب دي ومعاه ريبه يوسف وملاريا وباعوضة وتراسة سفينة امبلت وحران

[quote] اه الوجع ال شوف البقاري المثل المرفئيب دي
دى كنت مخزنا وين دى ياود النو
والله ضحكت لما بطنى وجعتنى
وحقيقه الصراع من اهم الوشائج الاجتماعيه لدى اهل ابو جبيهه
حتى الموجودين من خارج ابوجبيهه بغرض العمل او الزياره كان يحق لهم ان يتدخلوا ويشجعوا وفى النهايه الناس اهل وحبايب
انا شخصيا انتمى للفريق الاخر (كنانه)لكن لم اكن اخفى اعجابى بالكثير من الفرسان اولاد البقاره احب جدا وردى عقيد ,ومركز ,وريبا ,وامتراسه ,وبلوبلو
ارجو ان تحدثنا اكثر واتمنى ان يجد الموضوع كل الاهتمام من الاخوه الاعضاء
ومن منا لايحب الصراع

ذكرتونا طفولتنا في المحلج كانوا بعربية تايوتا "الله يرحمه" ينقلوا كل الاطفال لمكان الصراع ويرجعوهم
ايام لها نعناع

الصراع رغم الحماس والتوتر وحرق الاعصاب و العنف الذي يبدو عليه نجد به روح تسامح عالية جدا واهلنا بيسموة الفريح (الهظار) رغم الجدية الفيه.
ينقسم فيه الناس فريقين من الصرعات التي اذكرها ان اهلنا اولاد حميد والنوبة السكارنا وفلاتة ام بررو فريق. واهلنا كنانة والكواهلة والتكارير فريق . وصادف وجود شاب من اهلنا المسيرية في فرقان اولاد حميد فتشكل مع فريق او لاد حميد وقال للسبارة شكروني قولوا لي زرقة وهو شاب تبدو عليه المهابة والسبارة جروا وراءه فلم يجد صمصارع في الطرف الاخر لمده طويلة من الوقت واخير خرج له واحد يدعى قرود من اهلنا الكواهلة فاتقيا فاتضح للسبارة ان صاحبنا المسيري لم تكن له خبرة في الصراع وبكل بساطة الكاهلي رمي المسيري لمن القابر وقف .
فاصابة اةلاد حميد خيبة واحباط جراء رمية فارسهم المخدوع فسألوه محتجين عليه لماذا ادخلتنا في هذه الورطة فقال اخونا المصروع ( انتو ما شكرتوني كويس. و الكناني ده مياكل المباط والتبش ولقاني خفيف طروري كيف مايرميني)
نسال الله ان يديم علينا نعمة ويحفظ اهلنا من الفتن ما ظهر منها وما بطن

اخوي ول نوية ابن عمك ده نحن شكرناه كويس وقال يقولو ليه زرقة لكن طلع زول فنجري مردوع ونقارة ساااكت وعرضة
قالوا الموية بتكضب القطاس والصراع بعرفو القاعد
اما زولكم ابو بخس داك ضحكني كتير ياير البخس يلزمنو؟ شقلو نفيخ ولا انتو ماشكرتوه كويس
وطلع ماسورة زي ماسورة او لاد حميد داك

سرحنا معكم كتير فى هذه الاتكاءه الجميله وزى ما قالت الدكتوره ايام لها نعناع

شكرا محمد النو ...ول كمبال ...ول نوية..الاستاذ عوض ...الدكتوره...
والله الواحد اتلفت شمال ويمين حرم كان لقيت زول ساي معاي في المكتب كان صارعتوا ليكم...
حليل زمن الصراع...علي فكره الصراع في الحباك انتهي ...من زمن ناس :
حنان بلوبلو...وابسريحة كتلوا ونكروا...وريغن...وكوري...قلابة...ابدقلي كتال السمينة...ومركز...والليري جبل...السورك...اسماء كتيره...
لكم التحية

عوض السيد وزهير لكم الشكر
اخوي زهير يمين كان نرسل ليك زول من هنا تصارعو مانخليك تموت بغبينتك
ذكرتا اعلام منهم المرحوم حنان بلوبلو والمك شري وام سريحة وام زريبة وتلقى الحاج اريدة بعرض تقول بصارع
البلد كانت بخيرها