الرجعة للبيت القديم ..... حميد ..... (1)
3 مشترك
صفحة 1 من اصل 1
الرجعة للبيت القديم ..... حميد ..... (1)
من طرف اشرف بشرى إدريس 14th مارس 2010, 12:34
حميد -الرجعة للبيت القديم
ـــــــــــــــــــــــــــــــــــ
أنا ماشي ... راجِع ...
لي بِيُوت تفتح لِي.. أدُقْ أو ما أدق
من غير تقول ..الزول مِنُو
ولا حتَّى ..علّ الداعي خِير
لا مالَك ..الجابك شِنُو
لي بيوت بجِيهن
في أيِّ يوم
إن جيتا ليل إن جيت دغُشْ
طوَّالي ..أدفْر الباب
وأخُشْ
مرَّات أضِيق قاصر الطريق
من بيت لبيت
وفي بيتنا كُرْبُشْ
زي نسِيمة معدي شِيمة
لا أُوش لا كُش
خابراني
كلُّوب الفريق
زولاً رفيق الليل
وونّاس الدُغش
لاقطعت نوم
النائمين
لا الباري للحيشان
تقُش عند شُوفتي
تجري على هِدم
في محلها
الشوق يترسم
تنجَهْني
حتَّان بالاسم
تندَهْني
عُقْبان تبتسم
بسمة بنيَّات ناس غُبش
*** *** ***
هادي المخالِيق مؤمِنا
بسماحة الدنيا
الِهِنِا كم تأمنك
يوم تأمَنا
ولا فرقِ بين الضيف
وأنا
غير كم كليمِة ملوَّنة
بالإلفة ..
هلِّيج ..
اعتناء ..
هادي البيوت مطمِّنا
ودايماً قريبِِة من البعيد
ذي مو غريبِِة على الدَنا
ماها المريبِِة
وماب تكيد
مفتوحه طيبِة و محاننة
زولاً يجيها في كل فجر
ولاَّ إن يتم كمين سنة
تتلقَّى ذي أم الجَنا
وترشع سحابات المُنى
بالصحة .. بالعز .. بالهناء ..
ينجيك من أولاد الحرام
يحفظ يغطِّيك ربنا
هادي البيوت
ماب تتلخِم في الحكوة
ماب تنضُم كُتر
لاها البتنصنع نضِم
شايلِة الفصاحة من الطيور
اليُوت تغنِّي على التُمر
ونور المهابة من النجم
مطعُوم سكاتها من الصبُر
بينا وحروف الأمنيات
الطيبة وألف صلة رحِم
على رغم آفات الزمن
الصُرْمَة ..
حافات الفقُر
وحش المقادير النهِم
سيل المباهاة المدْلَهِم
نبَرُو المواعيظ الجهِم
من ناس كُتر
عن قصة النار
والقبر
في وضع أضيق من جُحُر
والناس لو خارجين
لو كُفر
هادي السمر
ست الضراعات الُخدر
عارفاهو من وين
جا الفقُر والحال سِجِم
يا حكمتا الزي كلمتا
المن خدمتا
واطاته واحدي وفد هِدِم
أية غفير فوق الحفِير
حقّاني قلبو على الخدِير
حيكومتا ماها البتتكلف
سُتر
مستورة خِلْقَِة
ودا المهِمْ
مفتوحه لي كل البشر
كل الخلوق من طينَها بَسْ
كل البسيماتن تبق
لو وش زماناتن
عبس مفتوحه قلباً
كلُّه خير شايل حمالتو بلا جُرَس
مفتوحة كالفضا للطيور
وبيُّوضَة للصيد والتَبَسْ
لا طبلة لا كيلون سويتش
ولا ترابيس لا جَرس
لا سِلكِ شائك لا ترَس
لا غفير تفاوضو
ولا حرس
لا كلاب تشمَّك شم جُراب
فتِّيش وجَس ..لا آه لا سِب
... ... ...
وناس سِتِّ نُور
كتلو الكلب
كتلوهو مجبورين غصِب
ما من نياحتو ولا سَعَر
ظنو الكلب بين الفريق
حامي البِطَيْنِين اللعِب
آخر الليالي من البيوت
قافل الطريق سادَّ الدرب
لأخواتها
قالت ست نور
مادام في أمان
والناس بخير
سَعَي الكلاب
في الحلِة شر
هوهيوُا بعْزاق للأجُر
أحسن تعيش
بي راحتها
تمشي الجنائن يا البحر
إن كان تطفِّش للصُبار
وأب عفنِة تشغل للورَرْ
الحلة يكفيها
الولاد
يكفي البهيمات الجَداد
يكفي الطيور الفي الشدر
الحله يكفيها البشر
كان جاها شر
الحله يكفيها
الحصانة الفيها
مادارت كَجَر
حرس الزرائب ؟
شن فِضِل
فِطْن الزرائب
غير بعر
صنَّت شويتين
ست نور
شالت حجر وجدعت حجر
جدعت حجر وشالت حجر
وقالت -
قرايبها ذات ليل
يمكن يجوها
من السفر أو زول غريب
حاربو الدليل عابر سبيل
زنقُو المطر يقصد رواكيبهم
جَوّر
أول شي
يتلقىّ الكلب
اللاب يرحِّب
لاب يبِش
وليشن يتورنا
الكلب وليش الكلب
يبقالنا وش
؟؟ ؟؟
وكان الكلب لازم يموت
الطفشوه حرن
يطش وكان الكلب
لازم يموت
شـان المحنه الفي القلب
تحيا وخيوط زمن الوصال
لا تنسلب لا تنقلب
ومات الكلب
... ... ...
وين يابيوت
عز البرود
ضمتنا كونية دِفِي
ومن لدغة الصيف
الغريب قامت حواية
همبريب
وتحت القمر
حيشانا قيزان السمر
تدِّينا لمَّن نكتفي
يا بيوت من الخاطر
قُراب ورهاب
رهابات تختفي
الإعتذارات ماب تفي
وجيت مالقيتكم
ماها في
أبوابنا
مو صاجات حديد
يغسل درابزينا الرزاز ؟!
حيطانا مو أسمنتِ
وحجر ؟!؟
شباكنا
لا سيخ لا قزاز
؟!؟
يا ضو جماعاتاً عُزاز
زي ماك بشر مامنو شر
لِز الخشم باب
ما اندفر فوق الدُقُل
قُصَّ الكشر
يا شيل حِطيبة من الأرض
.ما أبوابنا
من شدر الحَراز
والحيطة أقصر
من وَصَا
قالوها
عند ساعة السفر
وكان القطر قام
صوتو راز
البيت دا بيتك يا حبيب
أدخًل مخيَّر
وماك غريب
اتمدا في أقرب
عنْقِريب مبهول في حوضو
الهمبْريب
النيمة يا العنابة ضُل
أغشى التُكُل
خرْمان في شاي
جيعان أُكل
وداك التمُر
والزِير قريب
بايت من البارح ملآن
راقد في صدر الهمبريب
دُر تقرا ديك كتب الولاد
قلَّقت
أو طال الرِجِي
كُورِكْ
نقولَّك … هُويْ ..
بُعـــــــــــــــــاد
رسِّل لنا المرسال
نجي
ـــــــــــــــــــــــــــــــــــ
أنا ماشي ... راجِع ...
لي بِيُوت تفتح لِي.. أدُقْ أو ما أدق
من غير تقول ..الزول مِنُو
ولا حتَّى ..علّ الداعي خِير
لا مالَك ..الجابك شِنُو
لي بيوت بجِيهن
في أيِّ يوم
إن جيتا ليل إن جيت دغُشْ
طوَّالي ..أدفْر الباب
وأخُشْ
مرَّات أضِيق قاصر الطريق
من بيت لبيت
وفي بيتنا كُرْبُشْ
زي نسِيمة معدي شِيمة
لا أُوش لا كُش
خابراني
كلُّوب الفريق
زولاً رفيق الليل
وونّاس الدُغش
لاقطعت نوم
النائمين
لا الباري للحيشان
تقُش عند شُوفتي
تجري على هِدم
في محلها
الشوق يترسم
تنجَهْني
حتَّان بالاسم
تندَهْني
عُقْبان تبتسم
بسمة بنيَّات ناس غُبش
*** *** ***
هادي المخالِيق مؤمِنا
بسماحة الدنيا
الِهِنِا كم تأمنك
يوم تأمَنا
ولا فرقِ بين الضيف
وأنا
غير كم كليمِة ملوَّنة
بالإلفة ..
هلِّيج ..
اعتناء ..
هادي البيوت مطمِّنا
ودايماً قريبِِة من البعيد
ذي مو غريبِِة على الدَنا
ماها المريبِِة
وماب تكيد
مفتوحه طيبِة و محاننة
زولاً يجيها في كل فجر
ولاَّ إن يتم كمين سنة
تتلقَّى ذي أم الجَنا
وترشع سحابات المُنى
بالصحة .. بالعز .. بالهناء ..
ينجيك من أولاد الحرام
يحفظ يغطِّيك ربنا
هادي البيوت
ماب تتلخِم في الحكوة
ماب تنضُم كُتر
لاها البتنصنع نضِم
شايلِة الفصاحة من الطيور
اليُوت تغنِّي على التُمر
ونور المهابة من النجم
مطعُوم سكاتها من الصبُر
بينا وحروف الأمنيات
الطيبة وألف صلة رحِم
على رغم آفات الزمن
الصُرْمَة ..
حافات الفقُر
وحش المقادير النهِم
سيل المباهاة المدْلَهِم
نبَرُو المواعيظ الجهِم
من ناس كُتر
عن قصة النار
والقبر
في وضع أضيق من جُحُر
والناس لو خارجين
لو كُفر
هادي السمر
ست الضراعات الُخدر
عارفاهو من وين
جا الفقُر والحال سِجِم
يا حكمتا الزي كلمتا
المن خدمتا
واطاته واحدي وفد هِدِم
أية غفير فوق الحفِير
حقّاني قلبو على الخدِير
حيكومتا ماها البتتكلف
سُتر
مستورة خِلْقَِة
ودا المهِمْ
مفتوحه لي كل البشر
كل الخلوق من طينَها بَسْ
كل البسيماتن تبق
لو وش زماناتن
عبس مفتوحه قلباً
كلُّه خير شايل حمالتو بلا جُرَس
مفتوحة كالفضا للطيور
وبيُّوضَة للصيد والتَبَسْ
لا طبلة لا كيلون سويتش
ولا ترابيس لا جَرس
لا سِلكِ شائك لا ترَس
لا غفير تفاوضو
ولا حرس
لا كلاب تشمَّك شم جُراب
فتِّيش وجَس ..لا آه لا سِب
... ... ...
وناس سِتِّ نُور
كتلو الكلب
كتلوهو مجبورين غصِب
ما من نياحتو ولا سَعَر
ظنو الكلب بين الفريق
حامي البِطَيْنِين اللعِب
آخر الليالي من البيوت
قافل الطريق سادَّ الدرب
لأخواتها
قالت ست نور
مادام في أمان
والناس بخير
سَعَي الكلاب
في الحلِة شر
هوهيوُا بعْزاق للأجُر
أحسن تعيش
بي راحتها
تمشي الجنائن يا البحر
إن كان تطفِّش للصُبار
وأب عفنِة تشغل للورَرْ
الحلة يكفيها
الولاد
يكفي البهيمات الجَداد
يكفي الطيور الفي الشدر
الحله يكفيها البشر
كان جاها شر
الحله يكفيها
الحصانة الفيها
مادارت كَجَر
حرس الزرائب ؟
شن فِضِل
فِطْن الزرائب
غير بعر
صنَّت شويتين
ست نور
شالت حجر وجدعت حجر
جدعت حجر وشالت حجر
وقالت -
قرايبها ذات ليل
يمكن يجوها
من السفر أو زول غريب
حاربو الدليل عابر سبيل
زنقُو المطر يقصد رواكيبهم
جَوّر
أول شي
يتلقىّ الكلب
اللاب يرحِّب
لاب يبِش
وليشن يتورنا
الكلب وليش الكلب
يبقالنا وش
؟؟ ؟؟
وكان الكلب لازم يموت
الطفشوه حرن
يطش وكان الكلب
لازم يموت
شـان المحنه الفي القلب
تحيا وخيوط زمن الوصال
لا تنسلب لا تنقلب
ومات الكلب
... ... ...
وين يابيوت
عز البرود
ضمتنا كونية دِفِي
ومن لدغة الصيف
الغريب قامت حواية
همبريب
وتحت القمر
حيشانا قيزان السمر
تدِّينا لمَّن نكتفي
يا بيوت من الخاطر
قُراب ورهاب
رهابات تختفي
الإعتذارات ماب تفي
وجيت مالقيتكم
ماها في
أبوابنا
مو صاجات حديد
يغسل درابزينا الرزاز ؟!
حيطانا مو أسمنتِ
وحجر ؟!؟
شباكنا
لا سيخ لا قزاز
؟!؟
يا ضو جماعاتاً عُزاز
زي ماك بشر مامنو شر
لِز الخشم باب
ما اندفر فوق الدُقُل
قُصَّ الكشر
يا شيل حِطيبة من الأرض
.ما أبوابنا
من شدر الحَراز
والحيطة أقصر
من وَصَا
قالوها
عند ساعة السفر
وكان القطر قام
صوتو راز
البيت دا بيتك يا حبيب
أدخًل مخيَّر
وماك غريب
اتمدا في أقرب
عنْقِريب مبهول في حوضو
الهمبْريب
النيمة يا العنابة ضُل
أغشى التُكُل
خرْمان في شاي
جيعان أُكل
وداك التمُر
والزِير قريب
بايت من البارح ملآن
راقد في صدر الهمبريب
دُر تقرا ديك كتب الولاد
قلَّقت
أو طال الرِجِي
كُورِكْ
نقولَّك … هُويْ ..
بُعـــــــــــــــــاد
رسِّل لنا المرسال
نجي
اشرف بشرى إدريس- مبدع مميز
الرجعة للبيت القديم ..... حميد ....(2)
من طرف اشرف بشرى إدريس 14th مارس 2010, 12:39
الرجعة للبيت القديم.. حميد (2.
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس ماطال
عُمرا ًيتحسِبْ
في ياتو بنكِ
وياتو عِـبْ ؟
وياتو خزنة ؟
غير خِزَن النفوس الماهلِة
مفتاحها القلب
قول لأبن آدم في بلد
طــــالت معاناتُو
وتٍعِب سكانو
دايشين بالشرق
وحكامو باشين بالغرب
إحـنا اللي فاقدين
أيِّ شِي في الدنيا
مالكين كلِّ شي
بالفينا
بالحيل
ودا الدرب
والتابع الصاح ما ضِهِب
شِنْ الأفندية الكبار ؟؟
خدم المرابين التجار ؟؟
حشم المبارين الكِجار ؟؟
الأرزقية ؟؟
كضب كضِب
أحــنا التعابة ال بإختيار
صُرمتنا
ترتاح الديار
ينجمَّ بال بلدا
تِـعب نحنا الطيابة
الصِحْ كُتار
نحنا الغلابة أكبر حزب
لاب نتغلب ولاب نتقلب
والتابع الصاح ما ضِهب
يا .... هرشة
.نفخه زيف
كضب نحيا
وتموت
عرشك خيوط العنكبوت
قبَّال دا هزِّينا
و
و
ق
ع
الأعتى منُّو
بني وثبوت
لا بوت شفع
لا أجدى توت
لا غرب لا شرقاً نفع
لا رمِّي حرّاسة
ولَبوت
لا أحلام شمولية زلوط
فطّيس شيوعية
وفزع من حتَّى صوت شفع
كَعوت
يا من قلع للسلطة لع
تنجَى الغلابة
من الخزي
وشرع الله
يبرى من الشِفوت
؟!؟ ؟!؟ ؟!؟
*** ***
يا واقفة بين كهنوت وبؤس
خلَّى القلوب العامرة بوص
يا الديمِة حاضرِة
كما السمح
مشدوهة ذي أم العروس
الجايي لي خلقك قمح
والما دخل حلقك
دا روس
وأنا ما شي باكر
لى نفوس ناس
زي بعض
طوَّالي نحنا
معا بعض
ماب نرجى
عيدين الله عد
لا الطارقِة
من عافي ومرض
طوَّالي في ندِّي التميرات
العرَق
تدينا خير
غير العَرق
قفازا عاد يطلع
حِفي ويرجع زمان الحش
حَفي نكرع شرابنا
أكان عكار
وأكان صِفي
ومن ها البلد
نقضي الغرض
جرى بالحراجل
دمنا
وشاهقين دخاخين
القرض
عاركين بصارات
أمنا
أسراع رِضي
وأسراع حرد
نحرد
أكان غبَّ المطر
وعاب البحر
ما أسقى الجروف
ومنو ميسنا
نرضى عن المطر
منو ميسنا
نحترم الظروف
ونقلع عراياك يا بحر
وأماتنا جن
واردات صفوف
ربتنا العصي
والسيوف
بالسوط
وخبط الواطة
بالأرجل سوا
وطق الهوا
بين الكفوف
لو غاب ولد
فد حول
ومارجع البلد
فينا الخِفيِّف
يقفرو ويجي بالجنا
العوعى وقلد
دمّاعُو والحزن اليلوج
في عينيه ترعة ودامبرو
عٌقب الجنا
المن طبَّ حار لفَّ البلد
قصَّ وفقد
أول برد
بوّغ كرو
حاحى وحصد
جيَّه بنى
سوَّا السعد
تم المُنى
وضوّا الفريق
لآخر البلد
أسراع رضي
وأسراع حرد
حردت سعيدِة
عشان حِرد
في الليل سعد
صدّ الصباح
صيَّاحو صاح
ما الحوش بلد
هـ ــ ـوي يا قصيفي
الطانجي وِينا
الكور قبض
كانت سعيدِة ورا المراح
قابضاله غرّة
وقانقرد
كانت في كيم
المستراح
كانت قعد
تبدِي وترايي
في قص جناح الغرة
معط القانقرد
كانت ملعوتة
في صراع ما ليهو حد
فك فكَّتن
ساعة سماعه الكيك قبض
حست براحة
وبارتياح
ومعا بعض
الغُرة مجروحة الجناح
في سماها سابقي القانقرد
قالت -
سعيدِة دي
كان زمان
"حُمد ولد"
وسط البطان
وطارن على تمر البلد
وطارت قصيفي
على الصياح
كانت خفيفي
في لهفة جَد جيدن قبض
الطير براحو الصاح
يغنِّي في أمان
بلا نفَس انقبض
جيت آسعد
همست بعد
رمت الشرك
فوق كوم قرض
الزول بلا
تُكل الفزَع
فورن زبد
ويرجع
بلا صاج الشتاء
ال حالاًّ هبد
همست سعيدِة
سعيدي جد
همست سعيدِة
مع الصباح
خايفِة
الَحَرَدْ
أُومَت عيونن
لي بعض
أُومت عيونُن
بي وئام
ما ليهو حد
أقوى السلام
الدون كلام
لا إيد لا خد
…
…
…
والمنقد المخدوم وقَد
وأنا جايي جيتك
يا سعد
لا طانجة لا كوراً قبض
من قلدة دافي ودمعتين
فوق شوق خرافي
وبسمتين من كلمه واحدِة
وكلمتين
نعدل عوجنا ونتصلِح
نتصافَى ذي الوردِ
زين أصلو العوج
كانت فطين
ود خاله
جاب لها توب زراق
وأنا قلتَّ شين
توبك يذكِّر
بالفراق
توبك دا
حدت بو الرضية
على الحسين
وانذكرت
ذاك الهدم
هدم الملمات القراب
هدم الزراعي
من القراعي
إلى الضراعي
جري التراب الماب يجم
هدم العقاب
هدم القضية
ويا صنب
ساس الصواب
ماب ينهدم
وانذكرت
حجج الرضية
مع كمندان القسم
تطراها
بي ذات الهدم
الحجي
في جد الحسين
سر الختم
ولاّ الختم ؟
سر الختم
ولاَّ الختم ؟
ولاَّ الختم ؟
حرَّ النضِم
مدت صُباعه
غصن جريح
هز إيدا
سوط عنج الحسين
رعشة ضُراعه
جُضُل في ريح
رفعت أباطه
إلى النجم
"الزول
على قرش
العباد
ليش ما يهم
وليشاً على نتش
البلاد
ديشاً نهم
لو بالمتاجرة
في الجهاد
من دون جهاد
لو بالمكاجرة
والعناد
أجر البلاد
ما تنحكم"
كانت دي
كلمات الحسين
ذات مرة
في ذات القسم
وكانت في اسم
وكان الكمندان
نص خصم
نفس الشي
قام خنس الكمندان
منقهم
لو قال بغم
في نقط نقط
من عينا أُش
مرقت تقش
مرقت تلم
دمَّاعه
بي طرف الهدم
كانت
وكت
دقّ الختم
لمحت
طرف حبرايتو
فوق كتف الحسين
المنهزم
وإتذكرت !!!!
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس ماطال
عُمرا ًيتحسِبْ
في ياتو بنكِ
وياتو عِـبْ ؟
وياتو خزنة ؟
غير خِزَن النفوس الماهلِة
مفتاحها القلب
قول لأبن آدم في بلد
طــــالت معاناتُو
وتٍعِب سكانو
دايشين بالشرق
وحكامو باشين بالغرب
إحـنا اللي فاقدين
أيِّ شِي في الدنيا
مالكين كلِّ شي
بالفينا
بالحيل
ودا الدرب
والتابع الصاح ما ضِهِب
شِنْ الأفندية الكبار ؟؟
خدم المرابين التجار ؟؟
حشم المبارين الكِجار ؟؟
الأرزقية ؟؟
كضب كضِب
أحــنا التعابة ال بإختيار
صُرمتنا
ترتاح الديار
ينجمَّ بال بلدا
تِـعب نحنا الطيابة
الصِحْ كُتار
نحنا الغلابة أكبر حزب
لاب نتغلب ولاب نتقلب
والتابع الصاح ما ضِهب
يا .... هرشة
.نفخه زيف
كضب نحيا
وتموت
عرشك خيوط العنكبوت
قبَّال دا هزِّينا
و
و
ق
ع
الأعتى منُّو
بني وثبوت
لا بوت شفع
لا أجدى توت
لا غرب لا شرقاً نفع
لا رمِّي حرّاسة
ولَبوت
لا أحلام شمولية زلوط
فطّيس شيوعية
وفزع من حتَّى صوت شفع
كَعوت
يا من قلع للسلطة لع
تنجَى الغلابة
من الخزي
وشرع الله
يبرى من الشِفوت
؟!؟ ؟!؟ ؟!؟
*** ***
يا واقفة بين كهنوت وبؤس
خلَّى القلوب العامرة بوص
يا الديمِة حاضرِة
كما السمح
مشدوهة ذي أم العروس
الجايي لي خلقك قمح
والما دخل حلقك
دا روس
وأنا ما شي باكر
لى نفوس ناس
زي بعض
طوَّالي نحنا
معا بعض
ماب نرجى
عيدين الله عد
لا الطارقِة
من عافي ومرض
طوَّالي في ندِّي التميرات
العرَق
تدينا خير
غير العَرق
قفازا عاد يطلع
حِفي ويرجع زمان الحش
حَفي نكرع شرابنا
أكان عكار
وأكان صِفي
ومن ها البلد
نقضي الغرض
جرى بالحراجل
دمنا
وشاهقين دخاخين
القرض
عاركين بصارات
أمنا
أسراع رِضي
وأسراع حرد
نحرد
أكان غبَّ المطر
وعاب البحر
ما أسقى الجروف
ومنو ميسنا
نرضى عن المطر
منو ميسنا
نحترم الظروف
ونقلع عراياك يا بحر
وأماتنا جن
واردات صفوف
ربتنا العصي
والسيوف
بالسوط
وخبط الواطة
بالأرجل سوا
وطق الهوا
بين الكفوف
لو غاب ولد
فد حول
ومارجع البلد
فينا الخِفيِّف
يقفرو ويجي بالجنا
العوعى وقلد
دمّاعُو والحزن اليلوج
في عينيه ترعة ودامبرو
عٌقب الجنا
المن طبَّ حار لفَّ البلد
قصَّ وفقد
أول برد
بوّغ كرو
حاحى وحصد
جيَّه بنى
سوَّا السعد
تم المُنى
وضوّا الفريق
لآخر البلد
أسراع رضي
وأسراع حرد
حردت سعيدِة
عشان حِرد
في الليل سعد
صدّ الصباح
صيَّاحو صاح
ما الحوش بلد
هـ ــ ـوي يا قصيفي
الطانجي وِينا
الكور قبض
كانت سعيدِة ورا المراح
قابضاله غرّة
وقانقرد
كانت في كيم
المستراح
كانت قعد
تبدِي وترايي
في قص جناح الغرة
معط القانقرد
كانت ملعوتة
في صراع ما ليهو حد
فك فكَّتن
ساعة سماعه الكيك قبض
حست براحة
وبارتياح
ومعا بعض
الغُرة مجروحة الجناح
في سماها سابقي القانقرد
قالت -
سعيدِة دي
كان زمان
"حُمد ولد"
وسط البطان
وطارن على تمر البلد
وطارت قصيفي
على الصياح
كانت خفيفي
في لهفة جَد جيدن قبض
الطير براحو الصاح
يغنِّي في أمان
بلا نفَس انقبض
جيت آسعد
همست بعد
رمت الشرك
فوق كوم قرض
الزول بلا
تُكل الفزَع
فورن زبد
ويرجع
بلا صاج الشتاء
ال حالاًّ هبد
همست سعيدِة
سعيدي جد
همست سعيدِة
مع الصباح
خايفِة
الَحَرَدْ
أُومَت عيونن
لي بعض
أُومت عيونُن
بي وئام
ما ليهو حد
أقوى السلام
الدون كلام
لا إيد لا خد
…
…
…
والمنقد المخدوم وقَد
وأنا جايي جيتك
يا سعد
لا طانجة لا كوراً قبض
من قلدة دافي ودمعتين
فوق شوق خرافي
وبسمتين من كلمه واحدِة
وكلمتين
نعدل عوجنا ونتصلِح
نتصافَى ذي الوردِ
زين أصلو العوج
كانت فطين
ود خاله
جاب لها توب زراق
وأنا قلتَّ شين
توبك يذكِّر
بالفراق
توبك دا
حدت بو الرضية
على الحسين
وانذكرت
ذاك الهدم
هدم الملمات القراب
هدم الزراعي
من القراعي
إلى الضراعي
جري التراب الماب يجم
هدم العقاب
هدم القضية
ويا صنب
ساس الصواب
ماب ينهدم
وانذكرت
حجج الرضية
مع كمندان القسم
تطراها
بي ذات الهدم
الحجي
في جد الحسين
سر الختم
ولاّ الختم ؟
سر الختم
ولاَّ الختم ؟
ولاَّ الختم ؟
حرَّ النضِم
مدت صُباعه
غصن جريح
هز إيدا
سوط عنج الحسين
رعشة ضُراعه
جُضُل في ريح
رفعت أباطه
إلى النجم
"الزول
على قرش
العباد
ليش ما يهم
وليشاً على نتش
البلاد
ديشاً نهم
لو بالمتاجرة
في الجهاد
من دون جهاد
لو بالمكاجرة
والعناد
أجر البلاد
ما تنحكم"
كانت دي
كلمات الحسين
ذات مرة
في ذات القسم
وكانت في اسم
وكان الكمندان
نص خصم
نفس الشي
قام خنس الكمندان
منقهم
لو قال بغم
في نقط نقط
من عينا أُش
مرقت تقش
مرقت تلم
دمَّاعه
بي طرف الهدم
كانت
وكت
دقّ الختم
لمحت
طرف حبرايتو
فوق كتف الحسين
المنهزم
وإتذكرت !!!!
عدل سابقا من قبل اشرف بشرى إدريس في 14th مارس 2010, 13:03 عدل 1 مرات
اشرف بشرى إدريس- مبدع مميز
رد: الرجعة للبيت القديم ..... حميد ..... (1)
من طرف د.الجنيد احمد سليمان 14th مارس 2010, 12:54
اخونااشرف
سلام
الرجعة للبيت القديم (1) تمام لكن الثانية(الله يختآآآآنى) كان فهمت حاجة.. دى بالرندوق ولا شنو ياخوى؟ ولا التكنولوجيا اتلكلكت وداخلت الحروف
سلام
الرجعة للبيت القديم (1) تمام لكن الثانية(الله يختآآآآنى) كان فهمت حاجة.. دى بالرندوق ولا شنو ياخوى؟ ولا التكنولوجيا اتلكلكت وداخلت الحروف
د.الجنيد احمد سليمان- نشط مميز
رد: الرجعة للبيت القديم ..... حميد ..... (1)
من طرف اشرف بشرى إدريس 14th مارس 2010, 13:07
لك تحياتي د.الجنيد على المرور ..نعم في الجزء الثاني تداخلت الحروف وعدلتها ..إنشاء الله تكون إتجيهت ..تحياتي وسلامي لك
اشرف بشرى إدريس- مبدع مميز
رد: الرجعة للبيت القديم ..... حميد ..... (1)
من طرف د.الجنيد احمد سليمان 14th مارس 2010, 13:19
اتجيهت تب آ ود اخوى...يديك العافية...ويا اشرف وين اخونا موسى محمد توم؟ خلية يظهر فى المنتدى...وتلفونه العندى ما active عليك الله لمنى فيه..
شكرى
شكرى
د.الجنيد احمد سليمان- نشط مميز
رد: الرجعة للبيت القديم ..... حميد ..... (1)
من طرف اشرف بشرى إدريس 14th مارس 2010, 14:42
موسى محمد توم (ابو محمد) بخير ويبلغك تحياته وسيتصل عليك... ورقمه 00966504184962)
اشرف بشرى إدريس- مبدع مميز
رد: الرجعة للبيت القديم ..... حميد ..... (1)
من طرف الفاتح محمد التوم 15th مارس 2010, 13:11
بإحساس المحب
سيد بيت
وعننا ما ضِهِبْ
الهِيلنا .. هِيلَك
شِن ندس ماطال
عُمرا ًيتحسِبْ
في ياتو بنكِ
وياتو عِـبْ ؟
وياتو خزنة ؟
غير خِزَن النفوس الماهلِة
مفتاحها القلب
سيد بيت
وعننا ما ضِهِبْ
الهِيلنا .. هِيلَك
شِن ندس ماطال
عُمرا ًيتحسِبْ
في ياتو بنكِ
وياتو عِـبْ ؟
وياتو خزنة ؟
غير خِزَن النفوس الماهلِة
مفتاحها القلب
,,,, أؤمن بتلقائية التماذج وجدلية التآلف لقارئ الشعر أو المتلقي ,,,, محصلة التعلق بالقصيدة, هو عمق تأثيرها في دواخل القــارئ أو المتلقي ,والتي قد تصل لحد إحساس الشاعر بالقصيدة بل أبعد منه أحياناً ........بين أيدينا .... دعوة فطرية خالصة للود و الوئام والتصالح ... أشرف أشكرك للنمذجة..
الفاتح محمد التوم- مشرف المنتدى السياسى
رد: الرجعة للبيت القديم ..... حميد ..... (1)
من طرف اشرف بشرى إدريس 15th مارس 2010, 14:30
ما أحوجنا يا الفاتح لخزن النفوس الماهلة ومفاتيح القلب ...لك التحية والود على مرورك المتألق دوماً
اشرف بشرى إدريس- مبدع مميز
مواضيع مماثلة» التراث القديم
» سند... وبحره القديم
» واشنطن تكشف حجم ترسانتها وتنتقد إيران في مؤتمر نيويورك
» شكرا لكل الذين أسهموا فى هذا الفعل الجميل
» زريبة العيش او المحاصيل في السوق القديم
» سند... وبحره القديم
» واشنطن تكشف حجم ترسانتها وتنتقد إيران في مؤتمر نيويورك
» شكرا لكل الذين أسهموا فى هذا الفعل الجميل
» زريبة العيش او المحاصيل في السوق القديم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى