++الليله رطانه ساااااااااااااى++

اهلى نوبة الشمال لكم منى الف سلام
اعزائى لكم منى بعض الامثال بالدنقلاوى
احفظو معاى وخلو بالكم من(الدقيس)لو كنتم وسط جماعتنا ديل
وبتمنى تعجبكم
بعض الامثال النوبية (الدنقلاوية) بمعانيها العربية نجدها أحيانا تلتقي مع أمثالنا العربية :

سرى قاول ميللي نالمون
Serai gawill milly nalmun
من يعمل الطيب لا يرى المكروه

أرويس أوي كبكي كيديقرين
Areweess owwy coopki kiddigirin
ريسين غرقوا المركب - عند التنازع لزعامة أمر معين

كم أورتنجين برر دابل
Come ortigin barrer dabull
الجمل وسط الغنم- في الانسان الذي يخالط من هو أصغر منه سناَ

قور كون تر أجين أقركي أديقيرين
Gore con ter achin agarki oddigrin
النملة توجع محل عضتها – في من يحقر مجهود فرد مهما كان ضئيلا

قورتود نسي باج جنقيمون
Gortoud nessi bajangmun
سوقة العجل لا تملا الحوض – من يكل أمر مهة خاصة بالكبار الى أطفال صغار

أيوكول قمبو جوميل
Aiwcoll gampu jommill
هذه لابد من قصتها كان هنالك غراباَ معشعشاَ على نخلة ، فأتى الثلب بفأسه وضرب جزع النخلة عدة مرات مهدداَ للغراب إما أن ينزل له البيض وإلا قطع النخلة، وتكررت العملية ولم تقع النخلة، فاطمأن الغراب بعد ذلك وأصبح لا يبالي بتهديد الثعلبفأصبح المثل يضرب للشخص الذي يقول مالا يفعلهويقابله باللغة العربية: أسمع جعجعة ولا أرى طحيناَوبالعامية السودانية:السوّاي مو حدّاث

أبدى بونقون أريق توبيل
Abdebboon gon orig tuppell
عينك عليها تنوم بدونها أي : تراها أمامك– في الشخص الذي يتوقع فائدة ويتابعها طويلا ولكنه يحرم منها في نهاية الأمر –

قالون جاورو بونقون أسي نيركد دييل
Galonjawurro poongon assi nairked diall
راقد جنب الزير ومات عطشاَ – في الذي يكون لديه الفرصة المتاحة للاستفادة من شئ ولكنه لا ينتهزها

كم تن كورنقي نالمون
Come ten kurungi nalmoon
الجمل لا يرى سنامه – في من ينشغل بعيوب الآخرين وينسى عيوب نفسه

دنقرن دار قوشكا غالين
Dungurin dar goshka galin
الأعور غالي في دار العمايا – في الذي يتكبر ويتظاهر بالتفوق في اوساط البسطاء

ول سومركيرقي دنقركي أوسكيكون
Well sumarkiregi dungurki oskikon
الكلبة باستعجالها ولدت عميان - نفس معنى المثل العربي ( في العجلة الندامة) –

بانتر تول أركي تاقيرمون
Bantir toll orki tagirmun
من يرقص لا يغطي شعره – نفس معنى ( ان لم تستح فافعل ما شئت)

أوام مشرر توبي مونون
عوامة الانقاذ لا يرقد في المشرع
Owwam mushrar tuppi munun
لا تضع شيئاَ في مكان يحتاج الي اسختدمه الناس وتلوم الآخرين في استخدامه

عاد لكن لقيتك ما شاء الله يا سهاد
وحاتك مبااالغه
وصدق رسول اللهمن عرف لغة قوم أمن شرهم)
شاكرين المجهود ومقدرين

يا أختى..............دى من راسك ولا من كراسك عليك الله...والله بالغت عديل..الليلة لو ما ترجمتيهن لينا كان الا نمشى بيها لعم خليل الدنقلاوى الله يديه العافية

تسلمى اخيتى الدكتوره
واهلى ديل عارفاهم غطيطين كان قامو كده عرفوك ما بتعرف كلامهم
عاد ديك يا قطيعه وانت تتلفت ساى
اخوى الخوجلابى والله احلى اللهجات عندنا فى السودان
انا غايتو بقدر اقول ليك سلام بس ب11 لهجه محليه
والباقى تمه براك
ولو عايز دروس خفيفه اخيتك حاضره تب
اخوى الدكتور ضحكتنى شديد يديك العافيه يا رب
والله انت بالزات عندى ليك نكتة فى دكتور بيطرى
بس دى والله عمك خليل زاتو الا يطلب المساعده من صديق ربنا يديه العافيه يا رب وتحياتى له

سهاد انتى الرطانه دى اتعلمتيها وين ولا دى بخره من الراجل 000البعرفو انكم كلكم اولاد عبد الغفار ما بترطنو وبعدين دى رطانه اصليه ما تايوان اعنى بتاعت زول من ارقين وقادى

شكرا سهاد
النكته كان بالرطانةالا الترجمة تكون على الشريط..والا بنعتبره نبز راسه عديل....تسلمو

يا حليلو قال ناوى البلد.
المشكله يا سهاد يا اخيتى ديل مشوارين......واحد بالجو من لندن للخرطوم والتانى من بالبر من الخرطوم لدنقلا.
والله دا مشوار ابن كلب الا أرطنى ساكت لما الله يهون الجيّه

ارقونو تاكل : تعال أكل معانا
اسنتا نبو : مسافرين متين
كبشــّور : التيس أو الخروف الكبير ...
" تكل _ دوكة ....... وكثير من مفردات العامية السودانية كلمات نوبية)....
بس يا أخت سهاد أسأليهو لينا عن ( الجوداب _ في قرية شيخ شريف ) ...

زهير يا اخوى هو ده شوقى للبلد
خلانى ارطن دنقلاوى
وفلاتى
وشلكاوى
وفوراوى
وتاماوى
وبس عايزه منك بخره من اهلنا
نوبة الجبال لو ممكن تمدنى شويه

ود نويه اخوى تحياتى لك
وللاسرة ود النوبه واخته
ياابوى شكلى حاحتاج لبخره منك.
(اندى بالدنقلاوى وفى قرى بعض الابان كمان انديي)ويو عند الصومال هيو وبياكلو الهاء وبيقولو يو )سبحان الله .
الدكتوراخوى برسل ليك النكته بالدنقلاوى والترجمه بالشلكاوى اها قصرت معاك

عوض السيد اخوى مشكلتى حتى مشوار لندن الخرطوم
بالبر شفت المصيبه دى
اها (احسن اقرد ساى على الرطانه دى)

(وا شريرى ياغريق اخوى الراجل ماو شايقى)
ول امى اخيتك لامه السودان طب عليه فى خرطويتها .
هو عمك عبدالقفار رحمة الله عليه زاتو ما برطن
بس قلنا نوثق القليل وزمان عندنا عمه كده لكه تب بلقط ليك منها ولما تزهج منى ما افهم ليها كويس تقول لى (كدى قوم كده منى يا بنيت عبد الغفار يا بنيتى هو جدك ما برطن انت عايز تعمل فيها رطانى ) الله يديكى العافيه يا طيبه يا عمتى.

الفاتح اخوى تسلم على الاضافات
وزولى ده والله من شوايقة الخرطوم
اها بعد ده جهزو كبشورات العيد ساى
تحياتى