تابع السياحة في السودان

اولا اشكر الاخوة في المنتدي لتناولهم لهذا الموضوع المهمل ونفضوا منه الغبار.

لكن احب ان اضيف شي بسيط الكثير من الدول العربية طرحت مشروع صناعة الصياحة يعني السياح يتم تصنيعها من اجل الترويج لها ونشرها ضمن المناطق السياحية في العالم.
مابالكم لقد منحنا الله طبيعة ساحرة وجميلة لا تجتاج لا لتنسيق وتنظيم لكن بالرقم من ذلك لا احد يتحدث عن السياحة ولا احد يهتم بها
قال لي احد الشباب المغامرين الخليجين ( نحن رحنا السودان والله بلد طيب واهله طيبين وطبيعة جميلة وامل مرة نشوف النيل ونشوف ارض بهذه الطريقة وماعندكم جبال تخرب البلد لكن انهشنا في النيل ماي عذب وتخلونه يروح حال مصر بهذه الكريق حرام لما خرجنا من الخرطوم ما حصلنا حتى كافتريا زينا لكن اجمل شي كردنان يقصد كردفان وحصلنا البدو في السيوح وارض خضراء .غريبة اعطونا الحليب دون فلوس واعطونا سمن اصلي بدون فلوس والله ناس طيبين وبسيطين . واحلى شي هناك اللحم السوداني وصلنا لين منطقة النهود وبعدين خفنا وردينا لكن محل نروح السودانين يحلفوا علينا ويكرمونا لكن ما حصلنا خدمات البر ابدا هنا يقصد خدمات الطريق مثل المرافق الصحية وغيرها )
ومن خلال هذا الكلام اتضح انو الخدمات متردية فلذلك يصعب التعامل مع السوح وفي ظل تردي الخدمات بالرغم من توفر مقومات السياحية.
ذكر الوزير نهار بان لا يوجد حتى مكان مناسب لعقد المؤتمرات طيب الوزارة دي كانت خارج من المشروع الحضاري ولا فيها نوع من الاخطلاط والفساد ولا خوفا من الاجانب الفاسقين.
اليوم الكثير من الدول تعتمد اقتصاديا على السياحة كدخل اقتصادي للبلد وللمواطنين لكن في السودان اذا فتحت مكتب سياحي يفرض عليك الضرائب والزكاة ورسوم الجريح والشهيد وترعة الرهد وكنانة وطريق شريان الشمال والحماداب وخندق امردمان لحماية المدين من خليل ابراهيم وضريبة سوق المواسير وضريبة الضريبة وضريبة الامن وضريبة التاديب مرة تانية عشان ماتفتح عي عمل تجاري لومادفعت مافي تاجيل ترمى في السجن في رشاد وتشيل جوز الموية.
لا يمكن ان تزدهر السياحة في ظل انعدام الامن والحروب وعدم وضوح السياسة السياحية.

أخي محمد النو ...أنت رجل غيور على بلدك ...وسياحة بلدك ...ونحنا من ناحية الخدمات السياحية متخلفين جداً ...وفي التشكيل الوزاري ... دائماً لا يفلح السودان في إختيار وزير سياحة قلبو حااار وغيور على السودان ...إختيار وزراء السياحة سيئ للغاية وهدفه ..ترضيات سياسية ...وأنا كمواطن سوداني... بلوم بشدة السيد عمر البشير ..لا يتابع وزراء السياحة ؟؟؟!!!! وهم ينامون نوماً هادئاً عميقاً ...وأما عن مرافق خدمات السياحة فأنسي ..!!؟؟وحتي لأبسط الأشياء نحنا دائماً مفضوحين مع زوارنا من السياح العرب ...ولكن بعيب على السياحة العربية ...دائماً سياحتهم للسودان من أجل الصيد البري ؟؟؟وبكل أسف صيد وحشي جائر ...هدفه التسلية ...وأكل كبدة الغزلان ...وطرح الباقي للذئاب ...لماذا ؟؟؟وأين الرقابة المسئولة ؟؟...من كل قلبي اتمني ان تزدهر السياحة في السودان وتنمو بس يكون منظمة حتي تعود بالفائدة وترفع رأسنا عالياً ...محبتي

هييييييييع ود النو الرجل الغيور على البلد.
ود النو أخوى والله أخوك خايف ليك من السكرى والضغط.
خلى الحال فى حالو بس المطلوب كلنا نساعد البلد بالدعاء والتضرع وزى ما قال الحبيب النقر عبد الرازق(قلبى على وطنى)

شكرى شاويش وعوض على المداخلة السياحة مقصودة ويوجد صراع خفي في السودان وهو صراع مصالح قبلية كل قبيلة تريد ان تنفرد بحكم السودان ونحن ماسكين قرون البقرة

ود النو اعصابك 00زى ما قال ابوابراهيم انت بالطريقه دى قريب من السكرى والضغط ونخشى ليك من الصدمات الاكبر الحمد لله انت قاعد بره وما شايف المنشوفو ولو شفتو انا اخشى ان تنقل لينا سلوك طالبان00

شكرا غريق وابوابراهيم ياخي خوفي عليكم وعلى البلد الهمل واصبح مهمل بلا سيد خوفي على الاخوة التي يمكن ان نفقدها بين ليلة وضحاها خوفي على الناس من السوق ما يقدروا يوصلوا جبرونا والعكس ومن ديار ولاد احميد مايوصلوا ديار كنانة والعكس وانا خايف الزمن القادم وخايف نتفرق ونموت فقرا وجوعا وجهلا ومرضا.
لكن ياغريق لما الواحد يشوف الحاصل في الدول الاخرى الامان والاستقرار وحق المواطنة بيحزن حزن شديد.
والله الضغط وصل والسكري في الطريق لكن في سبيل الوطن كل شي بيهون عندي

يا غريق الناس لما يزوروا السودان بيعكسوا صورة سية جدا عن السودان والتخلف والمظر الغير حضاري.
واحد سال سوداني في الخليج شاف الصلعة والشيب في الراس وقال له ليش ياخي ممامتزوج السوداني والله الدراسة والتحضير لازم اخلص الدكتوراة والاستاذية اقنع الخليجي بالحجة ولكن في نفس اليوم عرضة قناة الجزيرة الاخبارية صور للنازحين وصورتهم المحزنة وللاسف شاهدها الخليجي وتزكر سبب السوداني وسبب رفضه للزواج والفي اليوم التالي زهب له في مكان عمله وقال له انا عرفت السبب ليش ما تتزوج قال له شنو السبب قال الخليجي امس عارضة الجزيرة صورة سودانيات واجد شينات وتعبانات هدول ماحد يتزوجهن. حاول يقنعه بان هذا كذا وكذا لكن الراجل وضع انطباع على راسه بان السودانين هاكذا.

أعرف أن الجمااااال الأصلي في السودان ...وأعرف بت بلدي الحلوة الأصيلة ...ولكن إعلامنا سيئ لا يعكس إلا ما هو قبيح ...ونعتز بالريف ..والأصالة ..ونعتز بكل الغبش ..بل بكل القيم والتقاليد ...وحكي لي واحد ..قال لي في إخوة يعملون مع واحد أميـر ...وكلفهم بمهمة ..إقامة إستراحة بالبر ...يعني في الخلاء ...والجماعة ظبطوا كل شئ ..والخيم ...ووصلوا كل التلفزيونات ...وبعد إنتهاء العمل ...جلسوا يتفرجوافي التلفزيون بعد صلاة العشاء ...وكانوا يتفرجون على قناة سودانية ... لعبة الكمبلا بجبال النوبة ...والرجال كانوا يرقصون والنساء كانت تغني ...وجاء الأمير يتسلل خلف السودانية بالخفاء ...وحينما شعروا به ...إرتعبوا ...وأمسكوا بالريموت لكي يغيروا القناة ...قال لهم لأ خليكم زي ما أنتم ...وهادول اللي يغنون حريم ولا رجال ؟؟؟ قالوا ليه ديل حريــــم ! ...قال لهم الله يعينكم ... وإنصرف ...وإيه رأيكم !!؟....وفي حين أن رقصة الكمبلا الشعبية الراقية بتجيب في بلاد أوربا عملة صعبة للسودان ... محبتي ..