مشرف المنتدى الاجتماعى

بعد غياب طويل طل علينا اليوم الوجيه مشرف المنتدى الاجتماعى طارق كمبال وهو الان فى الخرطوم وإنشاء الله سوف يظهر فى المنتدى قريبا بمشاركاته المميزه 000فمرحبا به

عوداً حميداً أخى طارق
(موفق يا رب)

يا سلام .... ضاءت ساحاتنا بعودة حبيبنا طارق

من طولت الغيبات جاب الغنايم .... هكذا يقول أخواننا السعوديون

حباب ابن عمى والله ليك وحشه.

مرحبتين حباب خريف الرازة
نورت المنتدى..نيرانه صبحت طازه
يا ود القبايل الجاتنا دايما دازة
الدار من دونك كانت هازة ولازة
غريق أخوى بشرتنا بجية سليل العازة
يبشرك ببكرية: كان جبنه وكان عروسا مازه

عارفك يا غريق بتختار الجبنه...لأنه: ابوندلك مالو؟؟
حبابك طارق

يبشرك ببكرية: كان جبنه وكان عروسا مازه


الجنيد الجبنه عرفناها والهنايه دى الجابها شنو


تحياتى

غريق:خلينا الجبنة وسحبنا الهناية..فات على انه حكومتك قوية وانت خويويف

حبابك الف وبركه بالجيه وان شاء الله "غبيشاتي" ما نسيتن ههههههه

ان شاء الله كويس اخوي

الأعزاء بمنتدى ابوجبيهه العامر اتمناكم جميعاً بخير
و يسرني ان اجدد الطلب للمره الثانيه بالانضمام لي عقدكم الفريد فحقيقه رغم بعد (الصعيد) إلا ان المنتدى واهله ظلوا وعلى الدوام اقرب للبال
وثمة شى اخر وهو لأول مره اعرف ان الشهيد احمد القرشي درس بابوجبيهه وذلك بحسب مقال عن ثورة 21اكتور المجيده قرأته صباح اليوم واعد برفعه في المنتدى السياسي
تخريمه : شنو يا غريق انا ما جيت مع طارق الحجل بالرجل وتجقلب العربيه في الدر (الدرب)الشين ده كملتا معا جميع جقليبه جقليبه
مع قائق التقدير

الاهل السمحين السلام عليكن جميعا
اعزي نفسي واياكم في كل الذين رحلوا من دميانا ونساله سبحانه ان يدخلهم فسيح جناته مع الصديقين ويلهمنا وزويهم الصير والسلوان وان يجبر كسر قلوبنا من فراقهم.
كما ازف التهنئة لكل الذين وفقوا في انجاز امورهم.
الخوة الاحباب
غريق ول نوية الصديق الدفعة الحبيب ابو الزهور ابن عمي الدكتور الجنيد الحبيب زهير الاخت الدكتورة وكل احباب المنتدي في الداخل والخارج لكم جزيل شكري وحبي

الحبيب ول نوية لنقي شمو يا اخوي انت حقك ما اديناك ليه من ايام مريفعين تاني تطاردنا في الليري
زهير دهيبايات البنيات انا خليتم مع طارق خالد حنجاف
الاخت الدكتورة غبيشاتك والشف بخليهم ليك مع محمدعبد الرازق(الاش)
محمد كمبال تعبك احتسبو على قول اهلنا ناس ......
مع اكيد حبي

ابن عمى حبابك ملايين وجيتا جيت.
تخريمه:---------------
شايفك حايم فى عمارة الدهب دا (اتّ) ولا عيونى(كعبات)

شكرا للجميع على المرور الرائع ويا محمد كمبال 00انت ما بتتنسى وانت وصاحبك بدر الدين كان سؤالنا عنكم فى بوست اخر لك محبتى يا غالى