سهاد تعود بقوة

تسلم يا غالى
ومشكورعلى
الترحيب
وحقيقى الواحد كان محتاج
لتغير وكتل حفلات
عارف الغربه
والواحد نسى نفسه
ونسى الفرح
والبهجه
ولكن اليوم داك
اخيتك
عاشت جو السودان كامل ومكمل
بالزات العروسه كانت
صديقتى
يعنى كنت الوزيره
شىء جرتق وحنه عريس
والحمد الله كانت المدارس فى اجازه
والا كان الرماد كال حماد
وبالمناسبه امس العرسان كانو معنا
فى البيت بعد رجوعهم من شهر العسل
وتمينا الناقصه
وربنا يديم الافراح

العمدة يتفقد رعيته
امتثالا لقول الحبيب صلاة الله عليه
كلكم راع وكلكم مسؤل عن رعيته
شكرا يا عمدة
واللف مرح بك ثانيه اخت سهاد

والله عمدتنا وتاج راسنا
ربنا يحفظه ويخليه لينا
تسلم اخوى العريس
على الترحيب
وتحياتى للعروسه

والله انا فخوره جدا
بى عزيزى الكبير
الصغير ازهرى
(ودى لى فيصل خليل)
الغائب
وفخوره بيكم
زهير
وصدقنى الواحد مهما انشغل
بلقى نفسه
جاى جارى
وفاتح المنتدى
بكل لهفه
وشوق
وصدقنى يا زهير ابداعى
مكتمل بيكم
وبتشجيعكم
وربنا يبعد مننا العين
ونجتمع دائما بالمحبه
والخوه والطيبه
والاحترام

سهاد غيابها مؤثر لأنها لم تدخل المنتدى وليده بل دخلت بأسنانها.
شفتى يا سهاد الهمه والظيته والظمبريته دىل كيف أوعك تعمليها تانى.
تخريمه:---------------
يعنى بالواضح كدا تانى لو ماشه ليكى عرس فى ضواحى لندن شيلى معاكى لاب توب والله ما كتّر الا (اللباتيب)فى (لندنكو) دى

يا ابن عمي اللباتيب على وزن مراكيب ولا جلاليب؟
يا اخت سهاد الخواجات ما يعرفو لندنكو دي يقول عليها شفرة كمان وتجيب لينا هوى من السلطنة

حبينا ول نوية والله انت الاظرف الموبايل الصيني رخيص لكن عمرو قصير بضرب بور سبلايت بي سرعة

ها ها والله ضحكتونى
ربنا يحفظكم يا رب
عوض السيد اخوى
والله العيال شايلين معاهم الابتوب
بس ما بدونى فرصه
وتانى شىء الشغل كان كتير
بس تانى ما بعملها
عشان زاتى ما بقدر
اغيب عنكم
ود نويه انا سعيده بيكم
وربنا ما يحرمنا منكم
طارق كمبال
والله انا خايفه
الخواجات ديل
يترجمو لندكو دى لعيال الخرطوم
اصلو الخواجات بقو يهتمو
بالسودان اكتر من ناسو
وربك يستر