مرحب بسومه .... بت العمدة ...

مرحبتين .... بت العمده
في المنتدى .. البيت الكبير

العزيز شاويش " سومه " بت العمده دي مني ؟؟
ول نويه ألحقنا ياتو عمده في الأهل...
رغم أني أكره التعارف بعباره " من وين في الأهل ؟؟؟"
لكن يبدو أنّ الجميع بعرفها
وبعرفوا كمان عمنا العمده..
إلاّ أخوك !!! هههههههها

ماشاء الله عليك يالفاضل ....ماقصرتــا .......
وياسومه بت العمدة مرحب بيك......
محسوبك فكّ الخط في الفاشر .... مابقول ليكي سنة كم؟؟
الفاشر قرأت بها القرآن للجزء الثالث ...
في خلوة شيخ ابراهيم...أ
أما الواعظ ومدرس الفقه اسمه فكي "ركركه"..
بعدها دخلت الإبتدائية... الصف الأول
لبست فيها أول ساعه Ricoوأول بنطلون " أبو أبازين"
كهديه من والدي بمناسبة التفوق "جيت الأول"
زملائي هنأوني بعلقه جامده!!!!
كيفن أنا جاي من دار صبــاح أجي الأول ؟؟
أسألك بالله يا " بت العمده " كردفان دي دار صباح ؟؟؟
و كانت هناك مدرستان فقط إحداهما في مدخل الفاشر
( مدخل أهلنا القوازة)
أماالتي درست بها تقع جنب متحف السلطان علي دينار" أظنها الجنوبيه"
كان والدي في المؤسسة الزراعيه (الراديفون)
كنا نسكن في حي الموظفين ...
من أعز الأصدقاء ... الصادق عبدالله حمــاد...
الان هو في تبوك
ونورين .... على مرمى حجر من مكان هذا الكمبيوتر..
لكي التحيه ومرحبتين بحجم جبل العمده " أبوجبيهه" و جبل مره
مرحبتين حباب سومه بت العمده.....

سومه ....
أنا قديم ...دي صحي ...بس ما شديد.
لأنو سنة 90 كان عدد الجامعات كم .
و اليوم الفينا ده كم؟؟ ... وكلو يهتم بالكم...!!
***********************
أبوهريره ما تتلبد ساكت ظاهرة " دق الأول "
في ابجبيهي حقتنا دي كانت موجوده
إلا ما داير أقول ليك في المنتدى " في كم زول دقوهو !!؟؟"
كتــار لكن لابدين ...
وإنتا وآحد منهم ...
أتصل على نزار و النقر ؟؟؟