الناس دي بتسجل و بتمشي وين ؟

يا اخوانا خلال الاسبوعين الماضيات سجلو ناس كتار خلاص و الدنيا دي كلها رحبت بيهم بس ما شفنا زول قال ( بقم ) الناس دي بتسجل و بتمشي وين ؟؟

الناس بتسجل وتزوغ

تسلم يا ود عشمان يا اخوى
ودى المحريه فيك
علا الجماعه ديل شكلهم
كده لابتين ليهم فوق راى
منور يا قمر الدين يا اخوى
والحمد الله العافيه درت دى
براها نعمه والباقى ربك كريم
تحياتى لجميع

تشكر ود عشمان
الاخ قمر الدين حمدا لله علي السلامة ومنور
وانشاء الله يا ود عشمان الناس الغياب ديل يجو بالسلامة ويكون المانع خير
تسلم

ودعشمان سلامات
بس اشك في الناس الغياب دي تكون خشت الغابه
وربنا يجيب العواقب سليمة
في ناس غابت كتيييييير
وجاري البحث
تحياتي

الاخ المحامي ابوهريره

ما قلنا زوقان ما معانا ..

الاخ العزيز قمر الدين صديق

يعني تقصد الجماعه ديل زي الصحفيين بنقلو الحدث و بمشو و لا شنو .. لك التقدير و البركه سمعنا عنك انت بخير ..

الاخت العزيزه دولة ابراهيم
انا عارفك ما قصرتي اي ضيف بجي بتسوي له الشاي و الجماعه بشربو شاهينا و بمشو الكلام دا لازم نتحري فيه .. لك التقدير علي الاطلاله .

الاخت سهاد ..
تعالي نسألك الهلالاب الجبتيهم مشو وين ..

الاخ الفاضل زهير حسن

و الله ضحكتني قلت لي الجماعه ممكن يكون دخلو الغابه , اليومين دي توقع اي حاجه ..

لكم التقدير جميعا احبتي ..

واللة ياود عشمان نكتة لينا ناس جد

مرحب بقمر وفلس وماتطولو الغيبة

الاخ فلس .. حبابك عشره بدون كشره البركه السمعنا انك بخير و مبروك المولوده انشاء الله ربنا يجعلها من الصالحات ..

اخي ابوهريره
اصبري لي ساي ح انكت لي اكتر من الجماعه الغايبين..

لكم التحية

عزيزي الفاتح محمد التوم

متعك الله بالصحة و العافية

في الواقع الناس نامت ..

شكرا للتذكير

تسلم يا ود نويه
يا اخوى العلا البرد
كتلنا كتل
يا اخوى
الله يديك العافيه

المنتدى به543عضو والحضور اقل من عشرين 0000مشكله

الاخ ودنوية حنان بلوبلو ولا عثمان حسين
بعدين السنة دى قالو ناس سهاد ديل عندهم برداية حاره الشاى ما بسوى ليها حاجة ونحن عندنا واحد فلاتى سألوه السقط يعملو ليه شنو قال والله السقط دا يا نار ياوطه نهار عشان كدة ناس سهاد وصباح وودعشمان ديل خلى يشوفو ليهم حطب بابنوس يدفو بيه.

ضحكتنى اخوى الافكاتو
والله بردنا ده غلبنا تب
الجماعه ديل قالو
ماشافو برد زى ده من قبل اربعين سنه
قامو باعو ليك الكراكات البنضفن الجليد
عشان كدى قالو ما مستعدين ليه
يعنى مافى قروش يشترو كراكات جديده
ويجيبو زيادة الملح البدوب الجليد
شوف ليك بهول
يعنى نترقط ساى ونتنفخ
لما ربك يهون
علينا

الاخ الغالي ود نوية سلامات
كتر خيرك علي السؤال تسال عليك العافية كمان وكمان
نحنا قاعدين الا البرد عامل فينا عمايل وربك يستر
تسلم

يا ابو هريرة يا اخوي مساء الخيرات
البرد كملنا كلو كلو والجليد داك خلي سااااااااااااااااااااي
ودا لابينفع معاهو لاحطب لاواطة نهار
قلنا الروووووووووووووووووووب عديل
انشاء الله تسلم

يا اخوانا هوى
والله نحن مدفين فى بيوتنا
مانا مارقين تب
نشرب فى الشوربات الدافيه
العلا الكلام على اخوى الكاشف ده
ود عشمان
مقطوع فى مانشيستر
وكان عايز يجى لندن
الا نرسل لى
المبرمبرم تجر عربيته
توصلو لينا..
قال بختكم قال
ساكنين فى اوربا
بلا افركا بلا لما
والله افريكا دى احلى منها مافى
وادفئ من مافى
بلا اروبا بلا برد
يا خوانا العايز يبدل
معانا يرفع يده
تحياتى

صباح الخيررررررررر يا حلوين
انشاء الله طيبين وسالمين وانشاء الله البرد دا ما غشاكم
واضم صوتي للغالية سهاد
العايز يبدل يرفع يدوووووووووووووووووو
ولكم محبتي

يا اخوانا .. عووووووووووووووووووووووك

انا وحلان في الطريق من الجليد .. السياره لا تمشي قدام و لا ورا محتاجين دفره .. الحقوووووووونا

سجم خشمى يا ود عشمان
والله انت شكلها المبرم مبرم حقتنا دى
ما بتفيدك
الا نرسل ليك هليكوبتر
ما قلنا ليك
اسمع الكلام
اها يا اخوانا
الافكاتو وود نوية
لمو الفزع
والحقو الراجل

يا اخونا الحاج الفاتح

زى ما قال اخونا ود نويه كله الا انت
اظهر وبان وخلى اخونا ود نويه ده
يطلع المخبئ
تحياتى لكم

ودعشمان دا خلى يبادل بس

ضحكتونى والله
ود عشمان يا اخوى
اها ما تشيل هم
الجماعه لحقوك تب
ود نويه يا اخوى والله الشاى جاهز
يلا ابقو مارقين

اخوى الافكاتو
والله اسمع كلامى
اخير ليك
فى محلك
بعدين
بتغير رايك
وتقول ما اخير لى افريكا
تحياتى

يا محمد نواية

طبعا اخوك كان مساعد لوري و استخدمت كل المهارات و الخبرات القديمة .. طبعا دبلت للعربية ابنصات و قطعت فيها ابو شنب يا زول مرقت بت ..

يلا يا سهاد جهزي الشواهي و يا ريد لو بقي شاي لبتون باقي خرمان حار ..

ابوهريره ..

انا بقول ليك ادفر تقول لي تبادل خلي نمرق من الورطة الانحن فيها دي .. انا متأكد يا ابوهريره لو خطوك في الجليد دا تيبس كر

لكم التقدير