ضيف الأسبوع

لك التحيه على هذا الابداع ونتمنا لك التوفيق

الحبيـــــــــــــه سهــــــــــاد

والله والله اثلجتى صدرى مش بكلامك التلقائى المنضوم كالعقد فى جيد غزاله الفريق الرايقه الما مضايقه البشوشه الصبوحه

ما اسعدنى شهادة الكل لك ايتها الرائعه فشكرا للجميع واخص بالشكر الرائع الفاضل الاستاذ عوض السيد

فلكى ودى وربنا يحفظك ويستر عليكى يارب

لك التحيه يا اصيله وشكرا على الابداع واشكرك يا ابو ابراهيم على تلفون ماجد

مشكووووووووووووورة جدا الغالية سهاد
اسعدتينا و امتعتينا بهدا السرد الجميل
وربنا يغطي عليكي ويحفظكم في الغربة ويرد غربتكم سالمين غانمين يا رب
انشاء الله تسلمي

[quote="ود عشمان"] البت الاصيله سهاد

لكن الاستاذ عوض السيد ما زراك زرة السنيين لك التحية و التقدير ..

يا اخوانا سهاد دي زوله حبوبه و اجتماعية و نشيطه مش بس هنا في هذا المنتدي .. سهاد بتلقاها مشاركه في الفرح و الكره و بعدين استاذه بتدرس ابناء الجالية السودانيه هنا في لندن و خاصة اللغة العربيه و بدون قروش .. سهاد بتشتقل ستة ايام و اليوم السابع من الاسبوع بتلقاها بتغسل و بتكوي في البيت .. سهاد بتشارك الناس في افراحههم و احزانهم .. سهاد يوم واحد ما شفتها مكشره و لا زهجانه الابتسامة ترافقها طوال الوقت ..

هي سهاد اخت الجميع الله يحفظها و اسرتها من كل شر ..



بينى وبينكم وسهاد ما تسمع

يــــا جمــــاعه المسأله جينات اى والله العرق جباد
طبعا يا جماعه انتو مستغربين شديد من البت سهاد والقصص الرائعه والحكاوى الجميله وفوق لى ده كلوا عامل التشويق والله هذا الشبل من ذاك الاسد

حكايه انك بكايه مش ستنا عمتك
وذواقه وذكيه ال ( التومه امى ) ال ناصر الطيب اجى يا اخونا

والحكاوى والتشويق والبشاشه واجتماعيه والله بالجد حبوبتك بخيته + انك مو ساهله يديك العافيه ودى شهاده عظيمه فى بلد الغربه

يا ودعثمان تقول لى النسوان بحبن النقه والشمارات قال ههههههههههههه

عينـــــــى عليكــــم بــارده

ما شاء الله عليكى وحمدلله على السلامه.
صحيح كما قالت العزيزه ناهد أن الكل أشاد بك وبنهجك الصادق الذى لا شك انه كان سببا لكثرة زوار البوست من أول يوم لنزوله.
أشكرك أختى العزيزه سهاد على التجاوب وهذه السياحه الأصيله وبالجد كنتى بردا وسلاما على سخانة الكرسى.

مشكور اخى ياسر
والله انا فخوره بيكم
لانكم انتم سبب ابداعى
وربنا يقبل دعواتك
واكون عند حسن ظنكم
تحياتى

بنت عمتى ناهد
تسلمى على كلامك الحلو يا ذوق
بمناسبة عمتى ستنا
ما جابدانى بالدموع بس
بالمناسبه حتى الشبه
انا شبهى قريب منها
لانها هى بتشبه المرحوم ابوى
رحمة الله تغشاه
وهنا كتير ناس بيت المال بيقولو
لى
انت بنت ستنا
تحياتى لها
وربنا يدى حبوبه بخيته
العافيه
عليك الله اساليها
من كاكا التجاريه
وابوجبيهة
شوفيها حتونسك كيف
ربنا يديها الصحه يا رب
تحياتى لهم

اخوى الاستاذ عوض السيد
هو لكن كرسى نصاح
الحمدلله
خلصت بالسلامه
ولك منى الف تحيه
و اها نشوف
الجاى منو عشان
نستعد ليه
تحياتى

اخوى الحاج ود نويه لك منى الشكر
وربنا ما يحرمنا منكم
ومن تشجيعكم
اها يا سيدى انا مستعده لسؤال
علا ما كفايه على اخوك الاستاذ
ده قربت اقول الروب
بس ربك لطف
تحياتى وفى انتظار سؤالك
علا براحه على

الحلوه صبوحه الصبوحه
ربنا يقدرنى على جزاءك
دائما مشجعانى
وباسطانى
ربنا يخلى ليك عيالك وابوهم
وكمان يرجعكم سالمين غانمين
ونتلاقه وسط اهلنا
بلا برد بلا لما
تحياتى

مشكورة اختى سهاد وما فصرتى وتانى استاذى عوض السيد اظنه ماعندو كلام معاكى لقد كنى خفيقة الظل علىينا
لك التحية وليونس وغدير وابوهم (ابو غدير)
وربنا يديكم الصحة والعافيه

الطيبة ...الذوووق ...التواضع ...الوضوح ...عدم التكلف ...الشجاعة ...الإبتكار ..كلها صفات وإبداعات أختي سهاااد ...شكراً لك سهاااد على كل حرف وعلى كل كلمة شكر وثناء لمعلماتك ...لوطنك الحباك ...لزملاءك بالمنتدي ...ولك التحيات والتبريكات والدعوات لك وأسرتك الكريمة وربنا يحفها لك ولنا ...وسلااام خاص لزوجك الأصيل ...ومرحب بالشوايقة نااااس البترول ... معزتي

يا سلام عليك يا سلام
لو مني مستني الملام علي قول مصطفي سيد احمد
والله ما قصرتي تب يا سهاد وحقيقي اجابات متعه ومليانه
الله يمتعك بالصحة والعافيه يا رب
ربنا يزيد ويبارك

تسلم اخوى الافكاتو
علا مالك ما قلت لى الزنفه حاره؟
يا ربى انا قلت الحمد الله لما خلصت
ولسا ما مصدقه خايفه اخوى الاستاذ يقول لى نسيتى سؤال.
واقبل تحيات ابو غدير ويونس
وتحياتى للعيال وامهم

شكرا لك اخوى
عتمان
والله ده دعم ما عادى
منكم وربنا يقدرنى على
جزاكم
وكلك ذوق
وتقبل سلام العيال وابوهم
ولك منا سلام
بنغم الطنبور

انشاءالله ما يقصرن ايامك اخيتى الغاليه الدكتوره
تسلمى والرحمه والمغفره لستاذنا
مصطفى سيد احمد
وربنا يديك الصحه
والعافيه ويلمنا
مع اهلنا سالمين غانمين

تسلم اخوى الحاج ود نويه
والله ده سؤال محير بالجد
وانا زايقه من سؤالك
تقوم تجينى بى احلى حاجه بنحبها
وما بنخليها
و مستمره
طبعا ده راى الخاص
وعلى الاخوات ان يردن بارائهن

يا سيدى انا بقول هو الحب
وشوقنا لبعض
والغريبه لو كل يوم زرتو بعض
بتحصل نفس الحاجه
لاننا بنحس ما عايزين نفارق بعض
والونسه حلوه
وبنتمنى ما تنتهى
وزى بنقول لى بعض
لما الفراق ؟
__احيانا بيكون فى كلام
تحت تحت
وخاص جدا
بالزات مع اقرب الصديقات
وما عايزن افراد العائله كلهم
بعرفو الموضوع
ولما تودعو البقيه
تقيفو جنب الباب
وتفكو السر
__
(عندنا صديقتنا
بتحكى لينا
ابوهم تعب منهن
كل ما يجن صحباتهن يقيفن معاهن فى الباب
ويوم جن دخلن سلمن طوالى ابوها شال الكراسى وطلعن برا فى الشارع
وقال ليهن يلا يا بناتى
عشان ما تعبن رقبتكن بالوقوف ارحكن طوالى ابدن ونستكن فى الشارع وخلى الحاجه تجيب ليكن الشاى هناك ) من ديك طارن طيره واحده
يتمن ونستهن فى البيت
ويودعن صحباتهن من جوى البيت
وفى قلوبهن الحسره والشوق على ونست الباب
.....
اها يا اخياتى الدكتوره والصبوحه
ناهد ودولة وندى وكل باقى العقد الفريد
ادننا رايكن شنو
فى سعال ود نويه اخوى ده

اني بدور اسعل ول ابا نويه هم الرجال بزعلوا من ونسة الباب لي شنو؟
كرة مرتده سريع

هاهاهاها
عامل الزمن يا أخت طبعاً بكون عندك مشوار وداير تحصلوا ..او بكون الدنيا صلاة مغرب غالباً والنسوان مايهمهن ذلك ..وأزيد علي ذلك الوقفة دي أحرّ منها مافي تكون مرات قاعد قريب ساعة

والله الدكتوره عرفت ليك يا حاج محمد وأدتك counter attack.
والسؤال دا بالتحديد أنا تعرضت له أكثر من مره

شوتك قويه خلاص
يا الدكتوره يا اخيتى
علا حارس المرمى كان مفتح
ورداها بسرعه
فى ثانيه واحده
(لان عامل الزمن)
تحياتى لكم

وبالفعل محمد نويه كان من أميز حرّاس المرمى عندما كان يمارس كرة القدم لدرجة أنه كان يلقب ببارتيز الحارس الدولى الشهير لكن برضو الشوته كانت فى حلق المرمى وفى طريقها لتكون هدف مالم يرد الحاج نويه على السؤال

شكرا" الأخت/ سهاد (بت خالى عبدالغفار)على الردود الجميلة بطريقة أسامة انور عكاشة (ليالى الحلمية)تشويق للقادم اكثر.عندما أقول بت خالى اعنى ذلك تماما مع انو لا شوفتك ولاشوفتينى .واتمنى من الله ان يرد غربتك .ولكى تحيات كل الاسرة.

والله لى الشرف مرتين
اولا مرحبتين حبابك ابن عمى
كونى اتعرف باخى بعد كل هذا الشتات
هذا هو الشرف
وثانيا كونك
تقارنى
بالاستاذ المرحوم انور عكاشه
هذا كتير على وشرف
عزيزى
طبعا انا قلبى بدق
وراسى حيطق
وما قدرت اصل بالاسف
لانك زاكر ابوطالب من غير تعريف
يا ريت لو تعرفنى اكثر
تحياتى للاسره الكريمه
وربنا يرد غربتنا تشوفونا ونشوفكم

سلامات

عفوا جيت متاخره زحممممممممه المواصلات صعبه

شكرا لكى سهاد تسلمى يا رب

الفطنه دكتوره احسان يديكى العافيه

اخى محمد نويه قايتو جنس غايتو جنس سوعالات .

(يا جماعه الصلاه عندها سر وجهر)

ونسه الباب عشان نحير الجماعه متل حيرتكم دى وكيت ليكم هههههههههههه

ول نويه لك التحيه وتحياتى لك