ضيف الأسبوع

---

احباب المنتدى الكرام




بعد أن إختلط الحابل بالنابل فى تكرار إستضافة الأخ الفاتح محمد توم



يسعدنى



أقدم لكم ضيف جديد



وهذه المره أترككم للدردشه مع العضوه النشطه





*~* صباح حسن عبد الرحيم*~*




ونبدأ بالبطاقة الشخصية

1-الإسم بالكامل:-
2- الحاله الإجتماعيه:-
3- المراحل التعليميه:-
4- الإقامه الحاليه:-
5- الإقامه بالسودان:-
6- العمل:-

****** أبوجبيهه بعد الجامعه*****

صباح إنتقلت أُسرتك الكريمه من ابوجبيهه الى الأبيض وأنتِ طفله أو ربما لم تولدى.
عهدك بأبى جبيهه وناس ابوجبيهه على الطبيعه بعد تخرجك من الجامعه فى 2006م عندما حضرتى برفقة الأخ/هاشم حسن وكنتم معنا بالبيت أهل دار وليس ضيوفا.
*** كيف وجدتى ابوجبيهه وناس ابوجبيهه؟؟؟؟؟

****** بإختصار******

** الطفوله كيف كان شكلها
**الأبيض الموطن
**فرنسا كمحطه فى حياتك

**** فى سطور****

**حكمه
**بيت شعر
**أغنيه وفنان
** لاعب كره

**** وجهة نظر****

** رأيك فى المنتدى

***** كلمه أخيره*****

اللييله يا الصبوحه
اخيتى
الاستاذ مسكك لينا
فى الكرسى البارد ده
واكيد حنستمتع معاك
علا كان اخونا الاستاذ ده ادانا فرصه
نسأل عندى سعال واحد ممكن ؟
تحياتى لك اخوى الاستاذ

العزيز عوض السيد ابراهيم

متعك الله بالصحة و العافية

زي ما قال اخونا الفاتح محمد توم شكلك خرفته و بقيت ما بتجمع ..
لك التحية و التقدير اخي و انت تستضيف اختناالبشوشه صباح حسن .. تلك العضو النشطه و الاجتماعية و المشاركه في معظم المواضيع ..

يلا يا اختنا صباح الاخ عوض السيد شكلو اتظارف معاك الاسئله كلها ساهله ما فيها اي سؤال مجغمس ..
في الانتظار ..

لكم التقدير

الاعزاء
عوض السيد ود عشمان محمد نوية
الغاليات
سهاد سومه
تسلموا يارب وانشاء الله اكون عند حسن الظن

بسم الله الرحمن الرحيم
وبعد ما فطرت داك الفطورومعاهو كباية الشاي عشان تخلي الزول يفتح عدددددديل من السقط والتلج العلينا ...
الاسم بالكامل ×××
صباح حسن عبد الرحيم احمد
الحالة الاجتماعية ×××
متزوجة من السيد مهدي ادم وعندي ولدين { مندر ثلاثة سنوات ونصف .. وليد احد عشر شهرا
المراحل التعليمية ×××
روضة ..... القلعة شمال بالابيض
الاساس ..... مدرسة البترول بالابيض
الثانوي ......مدرسة الابيض الثانوية للبنات
الجامعة .... جامعة كردفان كلية الموارد الطبيعية قسم علوم الغابات
الاقامة الحالية ×××
اقيم بفرنسا في مدينة مونبليية بالجنوب وتبعد حوالي ثلاثمائة كيلم متر عن باريس
الاقامة بالسودان×××
في كل السودان اقامتي
××× ابوجبيهة بعد الجامعة
صباح انتقلت اسرتك الكريمة من ابو جبيهة الي الابيض وانت طفلة او ربما لم تولدي .......
نعم انتقلنا ووقتها كان عمري خمس سنين وكنت متزكرة حنية وطيبة وكرم اهل ابو جبيهة .
عهدك بابي جبيهة وناس ابو جبيهة علي الطبيعة بعد تخرجك من الجامعة في 2006 عندما حضرتي برفقة الاخ هاشم وكنتم معنا بالبيت اهل دار وليس ضيوفا ×××
حقيقي كنا اهل دار .. وجدت في ناس ابو جبيهة كل الحب الحنان الكرم الطاثي وجدت كل الزين والسمح
وجدت المنقة الدليب والجوافة
باختصار ×××
الطفولة كيف كان شكلها ...
كانت جميلة ومرحة لعبت فيها الحجلة ونط الحبل وام الحفرة وكنت احب اللعب ومع دلك كنت خوافة ودلوووووووووعة ودلوكة
الابيض الموطن ...
الابيض يا حليلها بحبها حبي لمنتدي الحباك ترعرعت فيها وتعلمت فيها الكثير
فيها الاهل والاحباب الجيران والاصحاب بحب كل شبر في عروس الرماااااااااااال
فرنسا كمحطة في حياتك ...
فرنسا حيث الغربة والبعد السقط والتلج
بالجد غربة صعععععععععععبة لكن زي ما بقولوا المعايش جبارة ونسال الله ان يرد غربتنا جميعا سالمين غانمين
في سطور ×××
حكمة ...
ادا كان تاج الملوك من الدهب .. فتاج البنت من الادب
بيت شعر ...
بلادي وان جارت علي عزيزة ,,, واهلي وان ضنوا علي كرام
اغنية وفنان ...
الفنانان المتالقااااان الراحلان مصطفي سيد احمد وعثمان حسين ,,, اغنية عثمان حسين قصتنا
لاعب كره ...
زين الدين زيدان
وجهة نظر ×××
رايك في المنتدي ...
منتدي ناجح بنسبة مائه بالمائه ونسال الله التقدم والازدهار للكل امييييييييين
كلمة اخيرة ×××
اشكرك كتير الاخ عوض السيد لاتاحتك لي هده المساحة واتمني ان اكون خفيفة الظل علي الجميع
واتمني لكم جميعا التوفيق ودمتم

الاخت صباح

شكرا .. كنتي ضيفه خفيفة الظل .. مع تمنياتي لك بالتوفيق ..

لكم التقدير جميعا

شكرا الاخت سهاد
علي كلماتك المنمقة الجميلة
وانت الاكثر ابداع يا عزيزتي
سؤالك عن الاقامة
لوخيروني اختار
الابيض الحباك الخرطوم الفاشر او اي مدينة اخري
المهم اكون في السودان
لانو بحس في كل السودان اهلي
تسلمي

الغالية ناهد
كتر خيرك وانت الاجمل
عارفاكي ما بتقصري وباللون الاحمر دا زدتي حلاوة
وهدية جميلة تبسط الناظر
محبتي

الاخ محمد نويه
يديك العافية يارب
والله كلماتك كبيرة ورصينة
وحقيقي الزول ما بلقي كلمات للرد عليك اخي
اتمني لك كل التوفيق والنجاح
فائق احترامي

البنوته دولت
جيتا جيتي ومنورة
تشكري يا غالية
تسلمي يارب

الاخ الخواجة ود عشماااااان
كيف حالك وبركة الوصلت طيب وتاني مشي للتلج والبرد مااااافي
شكرا علي المرور البهي
واتمني لك كل السعادة والتوفيق
وربنا يرد غربتك سالم
امييييييييييييين

الاخ الاستاد عوض السيد
اولا شكرا لك علي هده الاستضافة وبالجد فكرة ضيف الاسبوع فكرة جميلة
واتمني المواصلة مع بقية العقد الفريد
فلك كل الشكر والتقدير
كما اتمني لك ولكل اسرتك النجاح
ودمت

دايماً يا صبوحة ظلك خفيف ..وذوقك لطيف ... بس بتحبي أكل الرغيف !!! والله أبدعتي عديييل كده ...وبالله من راسك ولا من كراسك !!!؟؟تسلمي على هذا التألق الرائع ...وصدقيني تشرفنا كتير كتير بمعرفتنا على أفراد أسرتك الكريمة ..وربنا يحفظها ليك يارب ...وبالجد إبنتي ناهد الظريفة ضحكتني كتير ..كتير ...بس معقولة يا ناهد تضحكي عمك شديد كده مع الصباااح ده ؟؟؟ شكراً كتير كتير لأستاذنا المبدع : عوض السيد ، الراسي وما خمجااان ، وتحياتي لجميع أسرة المنتدي ...وشكراً على هذا البوست الرائع ..الرائع ...محبتي

الاخت ايمان عبد الرازق
سلاماااااات ومشتاقين كيفنك وكل الاسرة الكريمة
شكرا علي المرور الجميل
وحقيقة كل الاسرة مريخابية بس الحبيب حامد حسن ومنصور هم الهلالاب
وكان لامن تكون في مباراة ونحنا الغالبين
حامد ما بجئ راجع البيت
تسلمي ام محمد

عم عصماااااان
صباح الخير
شكرا لك علي الكلام الجميل يا ابو علياء
وربنا يديك الصحة والعافية ولا يحرمنا منك
امييييييييييييين

الاخت سومه
مشكورة علي المرور الجميل
وعارفاكم ما بتقصروا يا ناس الفاشر
وانشاء الله تسلم عيونك
محبتي

وبارك الله فيك وفي اسرتك اخي الانسان
الفاتح محمد توم
وشكرا جزيلا لك علي تعليقك الجميل
تعرف يا الفاتح هنا طبعا الجماعة ديل اول من يلاقوا الزول بسالوه اسمك عمرك والجنسية
ودائما بجاوبهم في الاول بكل فخر واعتزاز بانني
سوداااااااااااااااااااانية
فنسال الله التقدم والنجاح لسوداننا الحبيب
احترامي وتقديري

الاخ زهير مساء الخير .......
وشكرا لك علي المرور المشرق
يا رزين انت
تسلم

الغالية احسان
مشكورة علي المرور
تسلمي يارب