رد: مبـــــــروك يا أبـــــو علياء ...نجاح عليـــاء ...

بختك يا قمر لسه فى عمر الزهور.

تخريمه:-----------------

يله أدفع حاجه يا ابو علياء جبنا قمر الدين لحدى عندك هات اللبعدو نحن جاهزين

ما عارف ليه بقيت أخااااف شايف البوست جااااري ... تعرف تجيب يا عوض السيد مين ؟؟؟؟ : حسن محمد زين أسد ....طبعاً وصل الرياض من السودان قبل شهرين ...وكانت ليست له فكره عن المنتدي ...وقد أخبرته به وبفكرته والهدف منه ربط أواصر الأخوة الخالصة ..والرجل مشكور شايفو إشترك ...وقال لي عندي زكريات كتيرة مخزنة ... وننتظره ... محبتي

صباح الخير ابو علياء.

حسن محمد زين أخ عزيز لكن طلبك غالى وما ساهل لأن الرجل إمكن فى حياتى لم ألتقِ به.

أحىّ عبرك الأخ حسن وأرحب به من جديد فى المنتدى بين أهله وتحياتى لك جاويش.

سلمت أخي الأستاذ الراقي : عوض السيد ...فعلاً لأن أسد رجل عجووووز وهو دفعتنا ...وقد عمل مدير في ضرائب المغتربين بالخرطوم...والآن يسكن مع أولاده بحي المعذر بالرياض ....ويسكن أبوجبيهة مقطاع الخور ..ووالده كان يعمل بالتجارة بسوق أبوجبيهة ...والآن لحسن محمد زين أسد ...إبن تخرج دكتور في جامعات بريطانيا ...والآخر ماشاء الله يدرس طب بالصين ...حالياً والآن بالصين .... عاوز زياده ولا أجيب ليك عمر البشير !!!؟؟؟ ...محبتي

لا عمر البشير دا ولدنا بعرفو حق المعرفه جيب لى باقان اموم

والله ضحكتني شديد ياحبة .... محبتي

التحية لكما أنتما الاثنان يارائعان(عم شاويش والكابتن أبوإبراهيم)..عذراً إذا كنت مُخطئ في الكتابةِ فأنتما أساتذتنا فصوبّوني ... أسترحت معكما علي هذه الجغمسة والونسة الصباحية الجميلة (يعني لازم تجيبوا قائل الجغمسة)...ضحكتوني طبعاً
ماأقتبسته من هذه الجمغسة الحلوة ..إنو في إعتراف ضمني من الكابتن هو عارفوا ماداير أقولوا ليهو
تحياتي؛؛؛؛؛؛؛؛؛؛؛؛؛؛

ول نوية ...تصدق خفت ما عارف ليه البوست [ جرااا شديد ] طبعاً إنت مداخلتك دايماً حلوة ...ورائعة كروعة شخصك ...ممكن أعرف الترزي اللي فصل ليك الذوووق دا !!!؟؟؟ محبتي

ممكن أعرف الترزي اللي فصل ليك الذوووق دا
***
***
فصّلوا دبابه
***
***
يا اخوى انت شارب الشاى بشنو.
تحياتى ليكم الإتنين

والله نعم الترزي ...وزكرتني الزمن الجميل ...يا سلااام عليك يا عوض ... أسمع شارب شااااي بلبن !!! ...وطبعاً نحنا الحليب بنقول ليه لبن ...ولكن بقية العرب وكما تعلموا ...اللبن عندهم بسموه روووب ...أسمع أجيب ليك ناااس فريق الكوز ... محبتي

ياشاويش والله ذكرياتكم جميلة بمناسبة اللبن والحليب طبعا كما تفضلت اللبن عندنا الحليب

اخونا وصل جديد لنج من السودان لا احدى دول الخليج مشى المحل وطلب لبن وهو يقصد حليب ورجع البيت وفتح اللبن وشرب تزوق الطعم فيه حماض ومرار قال بتاع الدكان غشاني ادني لبن خربان والله اليوم ابن الكلب دا ادي درس في الاخلاق ورجع المحل اسمع تغشني ليه وجاط وعمل مشكلة وتدخل الاجاويد وقال اداني لبن تالف لما شافوا اللبن قالوا ليه هو اللبن صحيح ماخربان ومدة صلاحيته لم تنتهي بعد وجربوا اخرى ووجدها نفس الطعم وفي النهاية عرف انه يريد الحليب وضحك ومن يومها اخد درس.

إتا محمد أخوي الزول دا بقاري ولا شنو ؟؟؟ قلت لي غالط حااار ...بس قول لي كيف نصحح المعلومة دي عند أهلنا في الفرقان ؟؟ هناك كان قل حليب بضحكو عليك ...ولا شنو ؟ ...معزتي لك .

شكرا يا ابوعلياء يا جميل بس حبيت أشاغلك من الصباح وأفرفش معاك.

ود النو لك تحياتى واحترامى لكن والله أنا خايف عليك من السكرى والضغط...... يا سيدى أنسى والحصل حصل.

أيه رايك أنا من الصباح وبمجرد ما تذكرت انو الليله يوم 9/1 زعلت جدا ولحدى ما جيت الدوام أشعر بحاجه فى حلقى ما قادره تنزل وحتى هذه اللحظه أنا أشعر بحزن وأسى شديد بسبب تقسيم السودان الذى أوشك لكن يا محمد اخوى ما باليد حيله ولا نستطيع أن نعفى أحد من من مآلات الوضع الراهن والسريكين شركاء فى كل البيحصل فى البلد.

لك الله يا سوداننا

نعم رغم الحزن والألم الذي يعترينا جراء تفتيت وطنا الحبيب ..إلاء ان غفشاتكم وظرافتكم وجغمستكم دي... خففت علينا هذا الألم الذي لم ينمح من ذاكرتنا علي مرّ العصور
تسلموا ياقزاز...

ضحكتني ... يا إنت ...!! محبتي

من طرف **ندي هاشم** 9th يناير 2011, 12:44

مليون مبروك للأخت علياء النجاح ..امنياتنا لها بتحقيق كل أمنياتها
ومبروك عموعثمان شاويش للأخت وربنا يخليك ليهم لمن تفرح بيهم كلهم

بنيتي ندي ... لك كل التقدير والإحترام ...وبالجد أنا ممنون بهذه التنهئة الغالية من شخصك العزيز ....وتفضلي بقبول إحترامي .... معزتي

العم الراقي عصماااااااان مساء الخير
انا لقيت البوست دا ظريف ونضيف وكلو
نجاح وتهاني ومعاهم اماني كمان
قلت يا بت هنئي تاني وتالت
بالجد فرحانين للاخت علياء والنجاح حلو
واتمني النجاح لكل احباب المنتدي الكرام
تسلم عمو

صبوحة إبنتي الحلوة الصفية النقية .... أكرر ليك السعااال !!! من أي كوكب أنتي ...أرجو الإجابه ...بكل ما فيك من طيبة وأخلاق عاليه ومثل وقيم ...ولا غرو أنت بنت عمنا وأخونا الكبير حسن عبدالرحيم ...الرجل الحبوب الإنسان ...الله يغفر له ويرحمه يارب العالمين ...آمين....ولكي شكري تاني وتاني ..ومعاهو مزيد من الأماني لشخصك وعقبالك كل النجاحات .... معزتي ...عصـــمان

صباح الخير ياعم شاويش الظريف .... والله قهوتك كانت بالدنيا شربتها ليك من الصباح أتكيفت كيف! فيها (هبهان غرنفل وحاجات تانية كده)

تسلم ول نوية الذوق ....ولك معزتي ...

تسلم يا راجل ياااااااا طيب
وانشاء الله يحقق كل امانيك ويزيدك ويعليك
يا ابوعلياء
فائق احترامي