والي الخرطوم قال نقص راتبو

اكد السيد الخضر والي والاية الخرطوم بانه نقص راتبو بمبلغ قدره عشره مليون جنية سوداني بالحساب القديم .. و الحاجة الما اتعرفت مرتبو الشهري كم .. و في سياق متصل اي وزير نقصو 10 في المائة من راتبو و ارجاع سيارة زوجة المدير الي الدولة اما سيارة ابن الوزير و بت الوزير و بكس الخضار ما في زول يهبشن .. لكن القرار ما معروف من اي يوم يكون ساري المفعول ..

لكم التقدير

سلام ود عشان...
لا تصدق هذه سياسة عمل
كما يسمونها...

قال نقص قال!صحيح ممكن قدام العلن يخفضو عشان الجرايد تكتب والناس تعرف إنو نضيف وكده.. لكن البشيلو بي تحت تحت كم ؟

يا اخوانا كدى قولو برافو
لراجل
واصبرو شويه
كدى واحتمال الله هداه من (اللهط ) هى قصدى
اخد كفايته وشبع
وقال نكف العين بالراتب والسياره
لكن جنس جغمسه

بو عزيز

محمد نواية

سهاد عبد الغفار

لكم التحية و التقدير مروركم اسعدني

نقص راتبو عشره مليون صدقناها وبلعناها
بس مخصصاته كم (حمدو في بطنو)
شكرا ود عشمان

انشاء الله يكون الكلام دا صحي ....
تسلم ود عشمان

الاعزاء

نمل السكر

صباح حسن

مروركم اسعدني بطعم منقة ام برمبيطة

لكم التقدير

العزيز امير الشباب ول ابوي نوية

متعك الله بالصحة و العافية .. ضحكتني والله قلت لي الرجال احسن يملا جرابو ..

اخي انا الاسعد والله بسماع صوتك و لي الفخر ان نكون اخوه .. اخي الاهل في امبرمبيطة طيبين بسلمو عليك حار الا قالو السنة السعية تويانه باقي السنه الخريف تعيس ..
لك التقدير اخي للمداخلة

مع التقدير

ول ابا عشمان

كيف قيلتو اخيى و الله اليوم فجر التور عار بى عيره كعبه كلو كلو كن ما اخوك مانع كان كسر رقبتى.

اتى يا ول ابا لوندون دى كديش صحى هى من ناك لى امريكا ولا دون جاى. والله اولاد الزمن دا حيرتونا.

وصلت هناك كيكيف اخيى.

قل ليك شف لى الفقير الخواجة ما رديت ليا.

امباكر بكتب ليكا تانى جواب تلقاهو فى صندوقك داخل.

سلم على الجيران و ناس الحله الانتو فيها. انت قلت خاتين فى الحدبه المناكيه لى لندون والله ودر الاسم جيبو لى تانى.

بى الله السنه كان شف ول ابوك نويه عامل معاى جنس مشاكل ما يعلم بيها الا الله.

يا ول نويه ملف دارفور دا لسع معلق انتهينا من قسمة السلطة الا الثروة يا توه.

انهى الملف دا بسراع

تحياتى

تسلم يا ود نويه يا اخوى
وربنا يديك العافيه
على فكره ود عشمان ده طلع من ابوجبيهة
عدييييييييييييييييل
كل يوم طالعه عنده حبوبه
وعنده جد فى ابوجبيهة
ولما لاقيته اول مره
قال لى ابوجبيهة
دى وين؟؟
وتاريه
وهو مننا وفينا
يا سيدى ربنا يديم المحبه والخوه

ول ابوي خليل الحتيله

ماك طيب .. قالو لي شافوك في سوق الخميس ماشي ام تريكش تاري دا التور رماك اخي كفاره .. السعية السنة تويانه خلاص .. عيال ابوي نويه قالو سايرين علي الليري قال القش راقد تراب نحن بنسير بعد باكر اتو الحقونا تلقونا خاطين في الفوده الغربانيه.

الاخ العزيز ول ابوي نويه

بشوف اخوي ول خليل بسالك من ملف السلطة و الثروه قول له ول عشمان بقول ليك نحن ما ناس دواس لكن نحن ناس مفوضات بنجي يوم التوقيع و بس و وزارة المالية بنموت فيها..

بت عمتي سهاد ..

ناس ابوجبيهه الطلعوا من ناس ام برمبيطة و حقو المنتدي دا يسمو ام برمبيطة اونلاين .. الجماعة كلهم طلعو حبوباتهم من حلتنا ..

ارقدو عافية ..

صدقنى يا ود نويه يا اخوى روق المنقه
عشان تعدل المزاج وعليك بالدعوات
ربنا يقبل منا
وناس لندن ديل وجه ليهم الزيارات الوديه
وبس من غير مفاوضات
ما كفانا.نيفاشا و....و....
وبرضو بعيد من السياسه...
تحياتى

العزيز عبدالجليل ابوعاقلة

متعك الله بالصحة و العافية
يا اخوي اذا داير تعرف الرندوق دا و الله الا نوديك الفريق تسرح بالبقر لمدة تلاتة شهور و بعد دا تجي تسرج بالضأن لمد ستة شهور و من بعد دا نحولك للاخ فيصل خليل حتيلة تقعد معه اسبوعين عشان يجري ليك معاينة يشوفك بقيت تتكلم بلغة الرندوق دي و لا لسع ..
اللغة البتكلمو بيها الجماعة ديل هي في الواقع لغة اهلنا البقارة الناس العندهم البقر و الغنم يتمركزون في ولاية جنوب كردفان و جنوب دارفور و معظمهم من قبائل الحوازمة و المسيرية و الرزيقات .. اذا داير معلومات زياده مستعدون لذلك

لك التقدير