نماذج من لهجتنا السودانية

اللهجة السودانية هي لهجة عربية تستخدم في الجزء الشمالي من السودان وفي أغلب أواسط البلاد وبصورة خفيفة في جنوب البلاد. كما يلفظ حرف القاف كلفظ الحرف g في اللغة الإنجليزية. اللهجة السودانية تستعير بعض الكلمات من اللغات النوبية، وأيضا تستخدم في جميع أنحاء السودان، وتعتبر رابطا بين الأهالي وتعرف بين المجموعات غير العربية في الجنوب بلهجة جوبا أو عربى جوبا.
أمثلة لهذه اللهجات
دجاجة = جدادة
قطة = كديسة
غرفة = اوضه
شخص = زول بمعنى إنسان
امرأة = مره
طفل = شافع
بنت = بت
ولد = ود.

مستشفى= شفخانة
صيدلية = اجزخانة
أريد = داير أو عايز
جيد = سمح
أعطي = أدّي
جيد = كويس
رديء = كعب
اجلس = صنقر أو أقعد
الشبح = البعاتي
اليوم = الليلة بغض النظر عن الوقت
القهوة = الجبنة
بارد = ساقط (ومنها) الشتاء = السقط
ماذا= شنو
أين= وين
الآن=هسي
ذاهب=ماشي
ذلك=داك
يحضر=يجيب
شيء=حاجة
يترك=يسيب أو يخلي
أرغب في ذلك الشيئ=نفسي في الحاجة ديك أو أنا داير كده
ملكي=بتاعي أو حقي
هيا بنا=أرح أو يللا
كن حذراً=اعمل حسابك
مطبخ= تكل
جدة = حبوبة
طاولة =طربيزة
ملامح اللهجة السودانية
من المميزات الساخرة التي تنفرد بها اللهجة السودانية هي إطلاق اسماء على اشياء لا تسمى عادة، مثل موديلات السيارات والموبايلات وموضات الازياء والمصوغات الذهبية.مثلا يسمى العامة إحدى موديلات السيارات الفارهة باسم ليلى علوى للشبه بين وجهها ومقدمة السيارة في انتفاخ الاوداج وكناية عن الجمال، وعلى سيارة أخرى يطلقون لقب [إحفظ مالك] كناية عن ثبات قيمتها وبعض الأسماء الأخرى مثل [الدفار] كناية عن التدافع في ركوبها، و[أمجاد]، وغيرها...
ويطلق النساء على موضات الثياب والمشغولات الذهبية أسماء الأحداث الشهيرة التي تواكب ظهور الموضة، فمثلا إحدى موضات الاساور الذهبية سميت [دقة كندا] كناية عن مشاجرة شهيرة وقعت في مطار أوتاوا بكندا بين اثنين من المشاهير، وهناك ازياء سميت 11 سبتمبر ونيفاشا، وموبايلات سميت بأسماء مشاهير مثل سيلفا كيروربيكا وغيرها.
وهناك أيضا ميزة المؤثرات الصوتية والحركية في العامية السودانية التي قل ما يوجد مثلها إذا لم ينعدم، بمعنى ان هنالك مثلا بعض الردود السريعة بصوت فموى سريع يشبه لفظ حرف الشين بصورة سريعة وهذا يعنى الرفض أو كلمة [لا]، وفى المقابل توجد فرقعة صغيرة تصدر من بين اللسان وسقف الفم تعنى كلمة [نعم]، وهنالك الفاظ محاكاة صوتية ترافق الكلام، إذ يمكن لشخص يتحدث مثلا عن طرقه للباب، ان يقول : خبطت الباب [كو كو كو]. محاكيا صوت الطرق. ومن ضمن هذه المؤثرات الصوتية ايضامثلا ان ياتي احدهم اليك مسرعا فيقول لك(جيتك سريع فررررر أو جيتك فللي),وأيضا وأيضا يقال (بردلب -بضم الباء واللام-وقع) كناية عن السقوط والخ....
وعادة ما تكون هذه الموثرات الصوتية موضع دهشة ضيوف وزوار السودان

يا خطير إنت ...أول ما قريت موضوعك جيت بردلب قعدت أرد ...يا سلااام ياو نوية يا متفرد ...بالجد تستحق الإشاده ...بس كنت أتمني أن تتبع هذا الموضوع للتراثيات ...ويازول ماشي الحال ، ونحنا كدا فهمنا حاجه ...قال ليه كنت عاوز أنزل ليه عشان يعرف حاجه ...وبالجد محهود مقدر ...ولك محبتي دائماً

تجسيد جيّد وسليم للعاميه السودانيه تشكر عليه يا حبيب.

تخريمه:-------------

محمد عن إذنك أسلّم على ابو علياء لأنى مشتاق ليهو شديد.

ابوعفان حبك سكن القلب ولا يمكن التنازل عنه.

سلامى لكليكما

احدي موضااااااات الاساور الدهبية تسمي
دقه كندا ...
الاخ محمد نويه والله ضحكتني شديد تصدق دي اول مره اسمع بيها
اشكرك علي مجهودك الكبير
تسلم

سلامات محمد نويه

والله يا اخوى الموضوع جميل بلا شك لانك سلطّ الضوء على حاجه مهمه لهجتنا السودانيه لبعض الاشياء او كلامنا العامى

مجهود مقدر ومنتظرين المذيد

نتشههههههههه

بس بصراحه كده دقه كندا ما جميله وما حلوه وكمان ما ظريفه انت خليك فى العربات والاكسسوارات دى خليها لى ناس صبوحه ولا رايك شنو

تسلم ولك التحيه

(بردلب -بضم الباء واللام-وقع) كناية عن السقوط )دي حلوه
وكمان (( إهي إهي إهي إهي إهي إهي إهي إهي)) للإستهبال

الشخص المبدع ول نوية

مشكور على هذا الرصد الممتع للغتنا الدارجية

وأستأذنك في التعليق على بعض الملاحظات على بعض الكلمات

مستشفى= شفخانة
صيدلية = اجزخانة

الكلمتين السابقتين لاتنتميان للهجة الدارجية السودانية فهما في حقيقة الامر مترجمتين ترجمة حرفية من عهد الحكم التركي المصري حيث من المفترض أن تكون الترجمة هكذا

خانة الشفاء

خانة الاجزا

وكلمة خانة تعني باللغة التركية المكان بينما المقطع الثاني كلمة أجزا تعني الأدوية

ليصبح المقصود منها هو مكان بيع الدواء

والملاحظة الثانية تتعلق بسبب تسمية دقة كندا

فالسبب ليس حدوث شجار بين إثنين وإنما بسبب قيام الملاكم هاشم بدر الدين بضرب الدكتور الترابي ونسبة للتخوف الذي كان سائداً في ذلك الوقت تم سحب إسم الترابي من التسمية وتبديله بكلمة كندا

ولك الشكر لإتاحة الفرصة لي لهذه الاضافة ونحن في إنتظار المزيد

لكم التحية علي مروركم الزاهي
محمد هاشم سلامات ..كفيت وأوفيت مداخلتك ثمينة جداً ربنا لايحرمنا من أمثالكم

ولد أبوك ... أزيك يازول يارايع ... مفرداتنا هذه نحتاج فعلا لنشرها حتى يعرف الاخرون خطابنا

واستأذنك بمناشدة كل من يمر على هذا البوست أن يقوم بالتصحيح أو الاضافه حتى تعم الفائده

كما فعل الشاب الانيق محمد هاشم

ولك معزتى

يازول وينك إنتا ول عبد النبي إنشاء الله طيب ياخِ مشتاقين عدييل وكيف اخبارك مازلت في بلد "باقان "ولا وين بُكانك ؟
ادينا أي عنوان ليك خلينا نتواصل معاك
تحياتي

صباح الخير عليك ياصاحب اللهجات

صباحك نور يانور إنتا ...مشتاقين ياتوحه كتير والله كيف أخبارك وأخبار الأسرة ..طولنا منك وتوقع مننا مهاتفة اليوم
تحياتي؛؛؛؛؛؛؛؛؛؛؛

لك الشكر والإحترام على هذه الكلمات الرقيقة والفضل يعود لذهنيتك المتفتحة لإبتكار الجديد والمفيد

وشكراً للرائع موسى ولكم مني أخلص التحايا والاشواق

(كر) على يا اخوانى انا ما شفت البوست ده
انا قلت فى (شنو) هنا
(اتارى) كلام في لهجتنا
تسلم اخوى ود نويه
على الابداع

نماذج من لهجتنا السودانية

نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

شكراً للنمذجة ...واسمح لي أخوي ول نويه .... أعمل معاك دوزنة !!!

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية

رد: نماذج من لهجتنا السودانية