سري للغاية

بشرى سارة للزوجات:تعلن منظمةتأهيل الزوجات عن دورات مجانية في الآتي:1/الكاراتية واحدث فنون القتال والما ضاق ايدك ماببقى رفقيك .2/كيف تخلي الراجل يزور بيوتات الاثاث مرتين في السنة ..ويفسحكم برة البلد دي..3/كيف يحفظ الكوافير واشهر مصممات الثياب؟4/فنون الطبخ الاكلات الخفيفة والسريعة ..اقرب طريق لقلب الرجل كرشو..الكورسات على ايدي خبيرات ومتخصصات.

اقبااااااااااال
مساء الخير
وانا كمان سجليني
تسلمي

والله ضحكتيني يا استاذة اقبال ... وضحكت اكثر من رد الاستاذةnashi ...فعلا
المراه محتاجة لمثل هذه الدورات الثقافية والرياضية لاجادة فنون القتال
وكذا الدفاع عن النفس ...لكن هناك مشكلة كبيرة وهي ان المدربين والمشرفين على هذه الدورات كلهم من معشر الرجال ....ولا يهمكن المهم ان تستفيد المراة المظلومة منها وتدافع عن حقها المسلوب بكل قوة وعزم والنصر لها عاجلا ام آجل...... الف تحية

تسلم يا الفنجري..

ام كلام عجيب البيحصل دا.

النسوان ديل بعد ما كتبن موافقه على الاصلاحات فى البوست البهناك يجو يطرحوا لينا مثل هذا الكلام.

تعرفى يا اقبال ( سرى للغاية ) دا كان برامج فى الجزيرة و سيدو ( يسرى فوده ) اعلمى شهير تعرفى الحصل

ليه شنو؟

شوفو يا نسوان الخطاب دا واصح انو أخذ منحى خطاب العقيد القذافى و عليه نحن بدورنا سوف نعمل على

اتخاز التدابير اللازمة لمواجهة هذه المؤامرة التى تستهدف امن الرجل الداخلى.

نرجو من مولانا الاستاذ ابوهوريرة عثمان عمل الازم.

اما حكايه بقى فيها كارتيه .

الفاتح اخوى الكلام دا من من الرأس النسوان ديل بيعملوا ليهن فى مصيبة بعد ان استطعن شق

الصف و استمالة ( العقيد امين منقه و محمود منصور و بعض الخلايا النائمة ) داخل صفوفنا.

برجع بكره

الاخت اقبال

متعك الله بالصحة و العافية ..

والله ضحكتني ضحك .. بمناسبة الدوره التدربية بتعاتكم دي التي تدعو الي الضرب و اللبع و هضم حقوق الازواج .. الجماعة المتزوجين عندهم اجتماع طارئ بهذا الخصوص و قدمو لي الدعوه انا ماشي احضر الاجتماع واجيكم بالنجيضة..

لكم التقدير

العزيز فيصل حتيلة

اخونا الظابط ابو دبابير ( امين منقة ) و محمود منصور .. ديل بلطجية ما تملا ايدك بيهم

اذاالنسوة يوما اردن الحياه
فلا بد ان يستجيب الرجل
*************************
الي الامام يا استاذة( اقبال ) ولا يهمكن تهديد فيصل خليل ولاتحركات ود عثمان ولا محاولات ود التوم وابوعاقلة لثني غزمكن عن المضي قدما في هذا الامر ..دي كلها زي محاولات القذافي الفاشلة للتشبث بالعرش المنهار المتهالك والتمسك به
حتى النهاية وطالما جنابو امين معانا ود حتيلة ما همانا .... الف تحية

يافيصل قلبكم ماينقطع..دا لزوم التأمين وكدة..ودايرين نغيرفكرة المرة كان فاس مابتكسر راس ..اخواتي احسان وصباح معقولة نسجلكم في بيتكم لازم نخلي الرجال ديل يقولو نعم للمرأة ومافضل كتير..ودعثمان دا نكشف ورقو:الزول داير يزعرع امنكم يارجال ويزيد حالة الطواري بالداخلية..وكدة يضمن زيادة العرض وقلة الطلب..اطلع من الاجتماع سريع العوين راجتنك برة..وماتنسى تعزمنا عرسك..التحية ليكم كلكم

الاخت اقبال عبد اللطيف

متعك الله بالصحة و العافية
بس عاوز اذيع ليكم سر سريع كده .. جماعتك محمد منصور محمد علي و الظابط امين منقة خانوكم جو حضرو الاجتماع بالدس و للاسف الشديد اول ما سمعو بيكم متجمهرين بره مكان الاجتماع طلعو بالباب الوراني .. الان الاخوه المناضلون المحامي الكبير ابوهريره و الاستاذ الكبير فيصل خليل حتيلة مجتمعين للخروج بقرارات مهمة و خطيره و حاسمة لا اظنها تكون في صالحكم فاحذركم من مغبة الموقف .. الرجاء الابتعاد عن مكان الاجتماع حتي لا تسببو شوشره للمجتمعين الامر الذي ادي الي ترك بعض البلطجية الاجتماع ..
سوف تصدر قرارات حاسمة بعد نهاية الاحتماع مباشرة ..
اكيد انتي مدعوه انشاء الله للعرس .. لكن ابت نفسي الا و ان اقوم باصلاح جذري لما يواجهه اخوتي من اتهاض من قبلكنّ عشان بعدين الفاس ما تقع في الرأس و احب ان اذكركم الاخ محمد نوية في صفنا ..

ياود عثمان..... سيبك من الهترشات والدغمسات بتاعت الانجليز دي
محمد نويه من اليوم الاول للانتفاضة اعلن في البوست انه وبكل صلابة
واقف محايد!!!! وانت وفيصل خليل الوحيدين المتطرفين و سابحين عكس التيار !!
واحسن ليكم بطلو اللف والدوران وانضموا الى صفوفنا لانو
في النهاية الموضوع بنوصلو لمحكمة العدل الدوليه وابو هريرة
متعاون معنا وعندو معرفه شحصية باوكامبو.....الف تحية

(ما هماك عذابنا لادموعنا وشقانا
نهديك المشاعر وتخون الامانة !!؟؟؟؟)

الرسالة وصلت ..ولنا عودة يافيصل وبي فهم تاني...

الشعب يريد اسقاط المدام

الشعب يريد اصلاح المدام

الشعب يريد اسقاط النظام

يا جماهير شعبنا الابية ..... ايها الاخوة الشرفاء ......... يا شباب ثورة 17 فبراير المجيدة

قرارات الحكومة الانتقالية:

قرار رقم واحد.

استمرار اجتماع الحكومة الانتقالية و متابعة الموقف عن كثب.

نبذ العنف بكل اشكاله و الحفاظ على ممتلكات و مقدرات الاسرة.

محاصرة و رصد المرتزقة و المندسين و الخلايا النائمة .

استمرار رصد و متابعة لجنة اجهاض الاصلاحات بقيادة العميد حقوقى اقبال عبداللطيف.

رصد تحركات صباح حسن ( عبدالواحد ) و مقرها باريس

قطع منحة د.احسان عبدالرازق و عوتها فورا الى السودان.

الله الكبر و لا نامت اعين النساء

السلام عليكم و رحمة الله و بركاته.

ول نويه قال:

نحنا ناس محايدين!

رجل بره و رجل جوه

لم رجلينك يا حبه

محمود منصور اول من يحمل السلاح و يقف ضد ثورة فبراير.

امين منقه فى موقف لا يحسد عليه ( بالمناسبة كان حضورا فى اجتماع الأمس )

النقر زوغبير بعد مناوشات اسامه باشا

ونحن الخلايـــا النائمة .....!!! معزتي

سومة اخبارك؟صحي سهاد دي وين هي؟وكان لقيتي خطيبة ودعثمان عشان ندربها ليهو..العزيز شاويش ياحقاني ياانساني..احترامي

(ونحن الخلايـــا النائمة .....!!! معزتي )
يا اقبال يابتي الخلايا النايمة كان نشطت ببقي ليكن بمبي عدييييييل

اوعاكن من اللعب بالبيضة والحجر
تحياتي

الحمدلله و الشكر له

بدات تصحى الخلايا النائمة و ذلك الفضل من الله.

اقبال بالجد تسلمى ياخ فتحتى لينا ابواب ونسه جميلة جدا يا اختى و الله انا بمتن ليكى بهذا الفضل.

تسلموا كلكم

أختي : إقبال : شكراً ليك كتير نفختي راسي ... وأنا خايف اصدق ... إحترامي دائماً ....

((( ونحن الخلايـــا النائمة .....!!! معزتي )
يا اقبال يابتي الخلايا النايمة كان نشطت ببقي ليكن بمبي عدييييييل

اوعاكن من اللعب بالبيضة والحجر
تحياتي )))
*** منقه يا ظريف ...والله ضحكتني شديد ...تسلم يارائع يا أبو ظل خفييييييييف ....

محبتي ،،،،

تدعوكم منظمة تأهيل الزوجات لحضور حفل تخريج الدفعة الاولى ..لزوجات مؤهلات جاهزات ..التخريج يشرفه الاستاذ فيصل حتيله باشعار قباني ..جنابو امين رئيس جمعية الرفق بالقوارير..والانسان محمود راعي التخريج..والدعوة عامة

الاخت اقبال عبد اللطيف

متعك الله بالصحة و العافية ..

شوفو يا اخوات في اخر اجتماع للمتزوجين لقد تم تعييني ناطق رسمي باسم المتزوجين و الحمدلله الذي وفقني علي هذا المنصب و اتشرف جدا به ..
و اعتبر تصريحاتك الاخيره فيما يختص بتخريج الدفعة الاولي للمتزوجات هذا باطل يراد به حق و انا في تقديري تصريحاتك تعتبر فرفرة مذبوح و جعجعة عوين .. و فاقد للشرعية و الديمغراطية ..
باسم المتزوجين جميعا الحادبين للتغير من سلطتكم الذائفة و مكركن الواضح نشجب بكل قوة منظمتكم الفاشله التي لا يتجاوز عدد اعضاءها اصابع اليد و من هذا المنطلق و من هذا المكان اناشد كل المتزوجين باغلاق كل الشوارع المؤدية الي مكان تخريج دفعتكم التي لا تريد صوت الحق ان يعلو ..

و العزة للرجال المتزوجين و لا نامت اعين الجبناء ..
و ان عدتم عدنا ..

اولا حمدا لله على السلامة..جماعتك ما باعو القضية..ماسمعت؟وقالو لينا ضروري تكونن برلمان للنساء..وعلى فكرة في خريجات غير متزوجات جاهزات ومثاليات ..لا تغلط عليك لا تقد اضنيك..لبع بس..ماتنسى كلم ود نوية معاك ..كل الاحترام

كيف تجعلين من ضرب زوجكي لكي ما ينعكس عليكي بالفوائد التي لا تحصى000


لازم كل وحدة تدلع زوجها سواء كان زعلان ولا راضى

فلا تغضبى لو زوجك كفخك وتوطى ببطنك

فانتى الرابحه اولا واخيراا

فلقد اثبتت الدراسات الشنقر فنقريه فى بوركينا فاسو

ان الزوج حين يغضب ويريد كفخك كفوف على خديكى يكون بذلك قد منحك جمالا طبيعيا

حيث اثبتت الدراسات ان الطرااق (( الكف)) يجرى الدوره الدمويه فى خديكى ويورمهم قليلا مما يزيد من جمالهم بدون جراحات تجميل ويعطيهم لون رائع بدون مساحيق مكياج

فحاولى ان تغضبى زوجك قبل القيام بزياره وقبل وضع المكياج الى ان يفقد السيطره على نفسه ويلوحك بكف يمنحك الرووعه والجمال الطبيعى لخديكى<<<< دعي خدك يتنفس

ولاتنسى عزيزتى ان تعطيه خدك الثانى لان مايصير خد وارم وخد لاصق بالحنج

و اثبتت الدراسات أيضاً ان العلامات اللتي تنتج عن اثر الاصابع بالخدود تقضي على الشحوم الغير صحية وتسمح بنمو انسجة جديدة خالية من الشحوم


واذا اردتى الرشاقه لوسطك وكرشك اللى نص متر قدام ..

نرفزيه فمثلا لاتطبخى الغدا ولاتغسلى ملابسه وسوى شعرك منفووش بالبيت والبسى بنجابى وحطى شباصات بشعرك والعبى مع عيال الجيران حتى تزيد عنده الشحناات ويقوم يتوطى ببطنك
كررى عملية انه يتوطى ببطنك مدة اسبووع سترين النتايج مذههههله

ستصبحين رشيقه بدوون عمليت شفط دهوون

وقد اثبتت الدراسات بهذا الخصوص ان الضرب بالعقال يزيل التجعدات والترهلات في الافخذ والظهر والعلابي ( العلابي جمع علبى والعلبى هي الاكتاف )
ولكي أن تستفيدي اكثر ولقصر العقال يستحب توفير كيبل كهربائي طول ثنين متر مجوز 20ملم كما انه قد اجريت عدت تجارب فاتضح ان كل لون من الوان الكيابل يعطي نتيجه مختلفه نسبياً مثل اللون الاسود يزيل الخلايا الميته في الافخاذ والارداف , اللون الابيض يزيل الشحوم المتراكمه على المؤخرة , اللون الاصفر يزيل الشحوم ويزيل الخلايا الميته معاً . ( اللون الاصفر يغنيك عن باقي الالوان )

وقفة اعلانية :
مع الضرب والتكفيخ اكيد راح تستريح

وان رغبتى ان يطول شعرك بمده قصيره

اقعدى عنده بالغرفه وقت النووم لما يكون ياى تعبان من العمل

وهاتك يا قرقره وسوالف مالها دااعى وشكاوى ومطالب حتى يتنرفز ويقوم يجرررج من شعرج يطلعج من الغرفه

فانتى الرابحه اولا واخيرا لانه بذلك يكون قد شد البلاستيدات الخضراء اللى فى شعرك <<== سامعها في دعاية شامبو سانسلك

مما يجعل شعرك يطول 15 بوصه

كررى العمليه لمدة اسبووع

وسترين الفرق ..




عزيزتى لاتخبرى عدوتك على الطريقه لان الكل سيدهش من التغيرات اللى حدثت لك<<<< قوولي الموت اقررب

وزوجك راح يرتااح وتخف الحالات النفسيه عند الريال وخااصه الزوج اللى ماخذ قرض و يدفع اقساط عشاان الزوااج واخر شي تطلع زوجته بشنب


وبسسسسسس خلاص

اتمنى للازواج حياه سعيده مستقره ((ماعليه يابنات تحملو))


فوائد الضرب منقول من ناس الخليج

الاخ المحامي الكبير ابوهريره

اشكرك علي الموضوع القيم و اتمني العوين يتفهمن هذا الموضوع جيدا ..

الاخت اقبال ..
اولا الله يسلمك و اتمني الاسره الكريمه بخير
فيما يختص بموضوع الخريجات تشكري علي الدعوه الكريمة و عارفك عاوزه تورطيني و تدخلني في معمة دخلوها الاخوان من قبلي و ما قادريني يطلعوا منها لكن اوعدك نقدم ليكم الاخ رفيق الدرب الطويل محمد نوية و كلنا ما عندنا مانع في حالة اغلاق معسكرات الدفاع الشعبي بتعاتكم دي ..

لك التحية يا اختي الكريمة والله كل ما دخلت علي البوست دا اضحك كالمجنون ..

لك التقدير

Ladies first يا ول عشمان

أقبال و ( باقى العوين )

ول عشمان - ابوهوريرة ( و باقى الرجال )

محمود منصور

يا جماعة الخير الموضوع بتاع معسكرا التدريب دا شايفو اصبح واقع رغم اننا قمنا بمجهود

كبير لرأب الصدع و لكن يبدو لا حياة لمن تنادى.

مولانا ابوهوريرة لو سمحت محتاجين استشارة قانونية لعمل موازى فى نفس الاطار.

ول عشمان محتاجين بعض الاسلحه الخفيفه لفض اعمال الشغب من غرب اوروبا

الفاتح محمد توم و محمد نويه عليكم مسئولية الاعلام الخارجى.

كما ننوه الى اهمية حضور الاجتماع اليوم

تحياتى

دى حرب ضروس اعملوا حسابكم يا معشر الرجال الكلام دخل الحوش0000وبعدين اقبال دى اعلنتها حرب صريحه عشان كده لازم نعمل جمعيه عموميه لمناقشت الامر بجديه علما بان الدفعه الاولى على مشارف التخريج

يا زعيم دواس العيين ما بندار ( كان لموا فيك بخربشوك خربشه شينه ) الا نسوى شنو ول ابا.

العيين رفضوا الصلح كلو كلو و كمان الرجال قالوا ( الرهيفه التنقد )

الله يستر ساى ( اخوك امس سرقوا المجلد و السكين منو )

شكرا سيد الفاتح على التنوير

نقترح استعمال الخاص فى المسائل السريه و عدم الاشارة الى تحرك لواء الزعيم غريق

فى حال اعلان الرجوع الى الخطة ( B ) من البروتوكول

كما ننصح بعدم التعامل مع لجنة محمود الكلس التى تتواجد الآن بالدوحه فى طريقها الى برلين.

شكرا

الفاتح 000فيصل الامور تمام والخطه تسير حسب ما خطط لها 000نرجو الاحتراز معلوماتنا تفيد ان هنالك اختراق امنى للدفاعات وهنالك شبكه تنصط بمستوى عالى0000انتهى

يعني يا فيصل كلما هدينا الامور واقنعنا البنات بقبول التسوية والدخول
في مفاوضات مباشرة وبدون شروط مسبقة تجي تشعلل الموضوع من جديد؟؟؟
وهذا يعتبر تنصل منكم عن الالتزام السابق والذي نص على عدم الدخول مرة اخرى في مهاترات وهترشات وتجاوزات تهدد بالعودة الى مربع الحرب..
انت عارف يا فيصل في سفينة كانت محملة اسلحة وعتاد حربي كانت متجهة الى معسكرالبنات لكن تم اعتراضها في البحر الابيض المتوسط وتم مصادرة الشحنة وكلو دة بسببك. وكمان شايفك جريت معاك الفاتح التوم وغريق كمبال..... الف تحية

يا اخوانا المتزوجين

التحية لكم جميعا .. يا اخوانا انا عندي ليكم حل للموضوع دا .. العوين انطوهن العصا دا الحل الوحيد و المناسب في الوقت الراهن .

يا محمود العوين رفضن الصلح و اقبال ولعت النار فى الحله الفوق

و الابى الصلح ندمان.

ول عشمان ما قل ليك \امى حجرتنى من دواس العيين

Ladies first
مافي احلي من كدا يافيصل متألق..ياجماعة نحنا قبلنا الجلوس الي مائدة التفاوض..وسبحان الله الخريجات حكيمات شديد ..قالن نحنا لازم نكون زوجات مسعدات لكن لازم نعرف من آدم البنكدو شنو؟عشان نعمل الف حساب...ولحياة اسرية مثالية اسأل مجرب...وحاج نظرية..كل التقدير والاحترام

هاى ياجماعة العيين ما رخن

والله يا ابوهوريرة ( ارى تحت الرماد ) مصايب كتيرة لو ما عملتوا حسابكم من العيين تلحقوا

مبارك و بن على.

العيين ما برخن تب دى مؤامرة من اقبال

ماتدخل الشريكين في ازمة ثقة يافيصل ..صادقين في المبادرة..عاد كمان نحنا بنكضب؟

برضو قلنا كيف نتفادى النكد والملل الاسري؟

بيان رقم 2

يا جماعة .. بعد البيان الصارم الذي اصدرته باستعمال العصا للعاصيات الان في تنازل واضح و صريح من قبل العوين و ارجو من الساده المتزوجين ان ينتهزوا هذه السانحة لتحقيق جميع مطالبهم و عدم التراجع للوراء .. و الرهيفه تنقد .. خربانه ام بناية ام قش ..
و زي ما قال الاخ فيصل لو تراجعتو عن حقوقكم الشافكم حصلتو بن علي و حسني مبارك في جده ما كضب ..


الناطق الرسمي باسم المتزوجين

يا ود عثمان!!!! بقيت متلقي حجج زي اخوي فيصل خليل
خلاص الحريم وافقوا على الصلح وقدموا تنازلات كثيرة وجريئة
بالرغم من هول الصورة وفداحتها والتى نزلها شاويش اليوم في الصباح...
وباقي علينا جمع الاسلحة الغير مرخصة والمنتشرة في الحلة الفوق...
ومنظر البت المحروقة بموية النار كادت ان تودينا في ستين داهية
والحريم كانوا حيتراجعوا... لولا الضغوط التي مورست عليهم والتهديد
من فيصل خليل واستنجادة باالامم المتحدة لفرض الحظر الجوي والاقتصادي
بسرعة انت عارف اخوي فيصل( خفيف ولفيف وقت الحارة بقد الصريف)...
*************************************************************
يا جماعة هذا البوست الجميل يستحق جائزة كبرى .. بنفرغ فيه همومنا ومشاكلنا
في الغربة..والله العظيم انا ما بضحك الا لمن اقعد واقرا في الردود والمهاترات خاصة من فيصل خليل وودعثمان واقبال وارجو الا يكون هناك زعل خاصة من فيصل احسن انا عارفو بزعل سريع..
الف تحيه لصاحبة البوست الشهير...

وامحمود جماعتك زاحفين علينا بجيوش جرارةبقيادة الزعيم وفيصل..وناس التوجيه المعنوي الفاتح وعثمان حرب نفسية عجيبة..وانت عارف حيلتنا شوية كراتيه وتاكندو لكن بنكسر الراس...وكل الناس هنا ..كل الناس اهل ..تزعل من منو وتزعل في شنو؟والماهم قراب قربم المنتدى...اما بوست شاويش حقيقي محتاج للمنتدى وفي السودان اكثر من حالة..

انتو ياجماعة ول عشمان دا السوا ناطق رسمى دا ياتو وهو لسة ماعنو عضوية بس بالب النيران وبفتنا مع العيين ولا سويت ليك خويوجية ونحنا ما عارفين .
ونسبة لهذا التنازل من العيين لقد قررنا بان نكون موحدين والمحافحظة على المراة الواحدة والعض عليها بالنواجذ بدو تفريط وعدم اللجوء الى التعدد الا عند الحوجة الماسة جدا والتى نقدرها نحن بقرار خاص ليس من حق الزوجة الاعتراض عليه وغير قابل للالغاء الابواصطة الجهة التى اصدرته .

شكرا يالمحامي
كويس انك عرفت ان ود عثمان ده متلقي حجج ساكت!!! وهو غير عضو في الجمعية
وقاعد يحمش في النيران من بعيييييد ويزيد الطين بلة ونصب نفسه ناطق رسمي ساااااي
ومافي اي واحد رشحو او اعطاه المنصب ده!!! واصلو المنصب ده بتاع ود منقة لكن ود منقة زاغ منو لانو خاف وانا بقول امكن ود عثمان ده عاوز يجرب الدخول في المعمعة
وياخذ خبرة مننا ويعرف كيف بنرد وكيف بنكاتل وكيف بندافع لان
الخبرة مطلوبة في كل الاحوال للطرفين..

والله صدقت اخى محمود بعدين هو قاعد ليه فى بلد طيرا عجمى ورئيسها زاتو ما يقدر يدبل . ويقوم ودعشمان يعمل ليه شوية اتصالات ويقوليك قالو لى الفتاة ب 500 والعزبة ب 400 وفى محلات بالبركة ساى طيب انت لابد هناك ليه نقوم نرسل واحدة بالبركة كدة ولا كيف عشان تكون باقى فى المنصب بتاعك دا