سري للغاية

الله اكبر..يحيا العدل ..كل التقدير والاحترام

يافاتح التوم
انت عصا نايمة وعصا قايمة ول شنو؟؟
خبير اجنبي يعني ايه ؟؟
ومين العينو في المنصب ده؟؟؟
وباين عليك انت من الخلايا النايمة وارجوك وضح موقفك وخليك واضح وما تزوغ زي جنابو لمن شاف الحكاية جد عمل نايم
الفاتح الرجل الطيب العسل الاديب الهمام انا موجود الان في البيت ولو عندك طريقة اتصل علي في تلفون البيت5471343/02

الاعزاء: محمود منصور محمد

ابوهريره عثمان
الفاتح محمد التوم

اولا اريد ان اوضح لكم نقطة مهمة ان تحملي لمسئولية الناطق الرسمي باسم المتزوجين لا اريد مالا و لا جاها من هذا المنصب الحساس .. افنيت عمرا في خدمة المتزوجين بهذا المنتدي .. افنيت عمرا في خدمتكم ايها الشعب الابي و اني لا ارغب في الترشح لدورة رئاسية اخري وان اتهاماتكم لي "" كوني متلقي حجج "" لا تزيدني الا تحمسا و اصرارا في المضي قدوما في الدفاع عن حقوق الاخوه المتزوجين الذين ضاقت بهم الارض من سلطة العوين الزائفة .. كل ما نرجوه منكم ان تصمدو كما صمد اخوانكم من قبلكم امثال الاخ المناضل فيصل خليل حتيلة و الفاتح محمد التوم و اعوانهم و الا ان تكونو انتم الخسرانين كما خسر البلطجيه في معركة الجمل ..

لكم التقدير

ياود عثمان طلعت ابولصيق عديل..رايك شنو ننصبك رئيس هيئة حللت الشبك ماتخاف محمود حيتنازل ليك منو لانو زاهد في السلطة..شنو يافيصل بنفتش عليك زنقة زنقة اظهربالله عليك..تقديري

يا جماعة الحاصل شنو.

اولا الاستاذ ابراهيم ول عشمان تم تعيينه بعد ثورة ( العيين ) فى مهمة استشارية بحته يا محمود

و كما قال مسئول الاعلام الخارجى ول عشمان يتمتع بعلاقات دولية واسعة ويستطيع طرح القضايا

على المؤسسات العالمية بشكل مسئول.

اما بخصوص السيد الفاتح محد توم يا محمود فهو رجل مسئول من الاعلام و بالتالى من الصعب معرفة

الاستراتيجية التى يعمل بها فى الوقت الراهن.

اما نحنا من جانبنا كلجنة تنفيذية لا نرفض اى مساعى لفض هذه النزاعات و تفادى الازمات الراهنه.

علينا توخى الحيطة و الحزر فى كل تصريحاتنا يا شبابا.

الزعيم غريق فى مهمة صعبة جدا لمدة يومين تستوجب الدعم اللوجيستى يا ول عشمان من الغرب.

اقبال تسلمى و لسع مع زنقة التكل.

الاخ العمدة فيصل خليل
كلامك ده المفروض توجهو لابوهريرة لانه اول واحد نبش الموضوع واحتج على منصب ود عثمان يعني ولع النار من جديد وقاعد يتفرج من بعيد !!! بعدين نحن زاتنا شاكين شك عديل في ابو هريرة ده!!! عامل محايد وعصا نايمة وعصا قايمة زي صاحبك ود التوم بتاع الدوادمي....الف تحية

اقبال يابتي
الدعوة لمثل هذه الدورات دا خراب بيوت عديل ويؤدي للانفصال ونحن معشر المتزوجين نرفض وبشدة لأنو يااقبال في نسوان هديات ورضيات دايرات يعيشن وزمان قالوا الرجل ضل المرة انا بشوف دي جناية وام دلاديم القالها ول نوية والمجلد القالو عصمان المرة مابكتلوها .....بكتلوها بأختها اما محمود وجنابو امين دول بسمعوا كلام العيين والظاهر الواحد فيهم لو ماشي عزومة بقول ليها اديني بتاع القطة ..ودايما جزلانو فاضي يا عيب الشوم يا محمود تقيف مع العيين وتخلي اخوك فيصل ودعوته الصادقة امسكوهن بالحلال وعيشوهن بالكضب يااقبال يابتي انا راجل كبير عندي السكري مرتي لو سمعت كلام كدة بتسل روحي

تيمي

انضمام الفريق مهندس بحرى عبدالرحمن فضل الله ( تيمى ) الى ثورة الرجال و انسلاخ عدد كبير

من العيين من ثورة العيين و انضمامهم الى قوات العقيد محمد الامين عمر منقة بشرق السودان.

الحديث عن تمرد العقيد امين منقه عارى من الصحه و للذين لا يعرفون فهو فى مهمة خاصة

بالمنطقة الشرقية لا يمكن الافصاح عنها و هو بخير و يرسل التقارير بشكل يومى.

نرحب بالفريق تيمى و هو اضافة كبيرة للثوار

تسلمو

يكتلوها باختها شنو ياعمو؟دي اللخبطة الاباها المهدي..جبهة تاني؟..اعملو حسابكم النسوان يعملن في صمت...شفت يافيصل عمك قال شنو؟عيشوهن بالكضب..

يا استاذ عبد الرحمن تيمي المتغيب عن الساحة
كيف حالك واحوالك يا رجل ياعظيم يا طيب
اولا لا تفهمني غلط لاني بقول كلمة الحق والحريم فعلا مظلومات ظلم الحسن والحسين
ومحتاجين للمساعدة والتعاون من معشر الرجال وانا كنت في البداية واقف محايد
لكن فيصل خليل ومعه الفاتح التوم وود عثمان اجبروني للخروج منهم للدخول في مناوشات ...وقمنا بتجميع قوات للدفاع عن الحريم مش العوين لانو في بنات بزعلن من كلمة عويين والان القوات تجمعت قرب مصراته بعد ان ابادت فلول الخوارج في الزاوية وفيصل خليل ومجموعة المرتزقة المعاهو هاربين وقدراتهم شبه مشلولة ..ومرحب بيك في مجموعتنا والتسجيل في جمعية (الرفق بالقوارير)الف تحية

اقبال يابتي:
ما تفتحي لينا الباب نحن معشر المتزوجين خايفين من الكتَاحة وامهات عيالنا هاديات ورضيات لو سمعن مثل هذا الكلام ودورات الكراتيه قائمة في المركز على طول بسجلو في المركز ودا يابتي خراب بيوت انا زوجتي معضلة من غير كراتيه انا خايف من ام دلاديم وانا معي ضغط الدم بالطريقة دي حتيتمي الاولاد ومن هنا اوجه اللوم لكل من محمود منصور ودعاة التغيير المحايدين اسمعوا كلامي دا الراجل مايكون اضينة ويسمع كلام المرة ويدنقر ساكت وما تجالس المرة لو عملت هذا تقول ليك ناولني البراد والكباية دي وذوق لي الملاح طاعم هنا انكسر الحاجز وبتعمل فرعون عليك وضبان ضكر ماتسمعوا كلام اقبال دي خلوكم مع اخوكم فيصل وانا ببذل كل جهدي مع الاخوة الحادبين على مصلحة واستقرار البيوت ان نقول لبناتنا ونسائنا قول الشاعر حافظ ابراهيم

*في دورهن شؤونهن كثيرة ****كشؤون رب السيف والمزراق
*الام روض ان تعهده الحياء ****بالري اورد ايما ايراق
*الام استاذ الاساتذة الاولى ****شغلت مأثرهم مدى الافاق



بالله عليك يا اقبال خلينا في حالنا وما تشعلبي النار
عبدالرحمن تيمي

الحباك مباشر...خبر عاجل...اليوم الجلسة الطارئة لمجلس الامن الاسري لمناقشة التصريحات الاخيرة للاخ تيمي وكيفية الرد عليها..ويحضر الجلسة الاخ محمود رئيس حللت الشبك..وممثل لجنة حقوق الانسان والدفاع عن المرأة..وسنوافيكم بالاخبار

حاضر يا استاذة
اولا عبد الرحمن تيمي ده لازم يتسجل عندك في القائمة السوداء مع زمرة البلطجية!!! لكن اعملو حسابكم واشتغلو في السر لانو شايف كل البلطجية في العالم اليومين ديل كسبانين المعارك ومتقدمين وربك يستر ويجيب العواقب سليمة.

اخوي محمود نصحتك كتير لكن العناد طبعك زي قائد الجماهيرية انت في البلد الامين يعني آمن في سربك .ومن تصريحاتك الاخيرة ثبت للجميع انك متورط لي اضنيك والممول الرئيسي لمركز الكارتيه بقيادة اقبال وحضورك الحفل الختامي وتوزيع الجوائز للخريجات وحديثك عن المليشيات والزحف القادم .انت مطلووووووووووووووووووووووب للعدالة

عاجلا :من الفريق مهندس بحري الى القائد العام فيصل بحمد الله تمكنت القوات البحرية من ضبط 20فتاة من خريجات المركز هاربات ومتخفيات في زي الرجال ((ما قلت ليكم الكلب بريد خناقو)) وجاري البحث عن محمود وافراد العصابة فتشو عليهم كل الحارات كل الشوارع زنقة زنقة نحن عاوزين استدعاء قضاة من طالبان لوقف هذا العبث اما المحايدون دوول في نظري عصايا نايمة وعصايا قايمة نحنا دايرين راي واضح والله العظيم يا جماعة المحايدين ديل انا بكن ليهم كل احترام وخايف عليهم يجي يوم الواحد فيهم يبطل شغلو ويجبوا ليه البنبر ويقولوا ليهو ورق الملوخية دي دا لو استمر هذا المركز في نشاطه الى الامام يافيصل ومزيد من المداهمة

تيمي

يا استاذنا عبد الرحمن تيمي..
الف تحية وانت غائب عن الساحة ولك يومين ما جايب حبر
فيصل خليل اعلن انحيازو ووقوفو معنا في ساحة التغيير
وقائد المنطقة الغربية (الاحمر) سلم سلاحو واعلن انضمامو
الى صفوفنا اليوم
خليك انت مغرد حارج السرب مع البلطجية والمرتزقة لمن
تجي على راسك
ياخوي تيمي سيبك من العناد وما تركب راسك والحرب قربت!!
الف تحية لك ياطيب ياعظيم وتحياتي لجميع افراد الاسرة
وانا في انظارك في اجازة المدرسة..

محمود دا اعلام منك فيصل دا راجل شهم انت عاوز تضللني وتشككني في فيصل حسب علمي هذه معلومات مغلوطة تناقلتها وكالة الحباك بلسان اقبال لاستدراجنا وانضمامنا لصفوفكم بنموت موتة صدام في بلدنا ولانندرج تحت لائحة العيين



تيمي

الي جميع الساده المتداخلين سوف اقوم باصدار بيان هام فترغبوه ..

الناطق الرسمي باسم المتزوجين

يا ود عثمان
وفر بيانك لنفسك !!!! كنت قبل قليل في اجتماع سري مع الاستاذ تيمي وجزاهو الله كل خير انضم الينا لانو خاف عديل من الجماعة
وفيصل خليل عمل ليهو خيمه كبيره قاعد فيها جهة الحاج يوسف خايف من القصف الجوي للمباني العاليةو قبل خمسة دقائق اتصل علي وطمانني بانه بهدد ساي في الهوا وما حيعمل اي مناوشات ولن يقود اي مظاهرة ضد الجماعة لانو خايف من استخدامنا له ولجماعتو كدروع بشرية ونحن الان في ساحة التغيير وفي حالة اجتماع مستمر.....

صباح الخير ياجماعة....يااستاذ محمود وقبل قليل وقع الزعيم غريق في كمين نصب له قرب كالوقي وهو في طريقه الي مهاجمة قواتنا في الليري ..وتم اسر كل القوة وهرب كل من الفاتح وول نوية على عربة لاندكروزر...وفي خبر تحت تحت فيصل سوف يعلن انسلاخه من الجماعة في مؤتمر صحفي بعد قليل..فترقبوه

تمكن اللواء الاول مشاه بقيادة اللواء اركان حرب غريق كمبال من هزيمة فلول قوات

كتيبة سهاد عبدالغفار التى فيما يبدو تقود المفاوضات بالعاصمة البريطانية لندن.

و كانت قوات اللواء غريق قد خاضت حربا شرسة استعملت فيه قوات العميد سهاد

بعض الاسلحه المحرمه دوليا ضد المدنيين العزل بمنطقة البيضة جنوب غرب كالوقى.

و تابعت قواتنا خط سيرها و حررت منطقة الليرى الغنية بالدهب و تم تعيين العميد طارق

كمبال قائدا للمنطقة.

ان عمليات التضليل الاعلامى التى يقودها المنشق محمود منصور و العميد اقبال عبداللطيف

لزعزعة الثقة و بث روح الخوف فى جماهيرنا لن تزيدنا الا تماسكا و قوة ضد قوة الصلف

و الظلم .

على الناطق الرسمى ابراهيم ود عشمان استعجال تنوير الجماهير على سير عمليات قواتنا

على جبهة الشرق بقيادة العقيد امين منقة.

تحياتى

بيان رقم 4
بسم الله الرحمن الرحيم
بيان من جمعية الرفق بالقوارير الاجتماعية
بفضل من الله عز وجل الناصر الحق المعين
تم في الساعات القليلة الماضية اسر مجموعة من البلطجية بقيادة المتمرد عبدالرحمن تيمي
وهي تحاول التسلل الى المعسكر من جهه الشرق . قف. الله اكبر والنصر للجمعية والهزيمة للمرتزقة والبلطجية..
الناطق الرسمي للجمعية
محمود منصور محمد
مكة المكرمة

يافيصل عمو تيمي قال(الحريم متخفيات في حلابيب رجال ..ماقلت ليكم الكلب بريد خناقو)ضحكني شديد...تصريحاتو خطيرة..نحول ملفو الي محكمة العدل الاسرية بسيسبان...مع ضرورة تدريب حكومتو...ود عثمان فاقد الشرعية..جمد قلبك وادخل عالم ناس عمك فيصل عشان تاخد الصفة القانونية وخليك من الكيري...عالم جميل ماشايف جماعتك مبسوطين ومطالبين بالزيادة..

عاجل00000الى القائد العام


كل القوه بخير 000قف00نتقدم حسب الخطه

قواتنا على مشارف تالودى


تم تحرير تمبيرا واللخه 000وتم وضع حاميات صغيره بها


قوات العدو استخدمت اسلحه جرثوميه ضد قواتنا فى منطقة ود المليسه مما تسبب فى عدد من الوفيات

الوضع يتطلب التدخل الاممى

انتهى

كوماندر الجنيد نرجو تاكيد التعليمات للواء غريق بقطاع المنطقة الشرقية.

اتصل الفريق عبدالرحمن تيمى الآن من كسلا و هو بخير و يستغرب تصريحات محمود الكلس

عن خبر اسره و يدعو كل القوة الى توخى الحيطة و الحزر.

تم تعيين العميد محمد قادم نويه مساعدا لقائد كتيبة التسريح و اعادة الدمج بقطاع جنوب كردفان

على ان تتم عملية التسليم و التسلم خلا 48 ساعة.

صورة للسيد مسئول الاعلام

سعادة القائد العام فيصل وأركانه في مناطق العمليات انا بخير.والتصريحات الكاذبة التي يطلقها محمود عارية من الصحة تماما انا بعمل ليهم ((ام كرنق كرنق))في مكان آخر ومحمود دا هنا في الحجاز يسمى بزعيم الفئة الضالة .قولو لي اقبال الملف في عبِي ....سيسبان والخراشية والتراب الاحمر دي اماكن مشيتها كداري للزراعة قادر اجيب الملف في رمشة عين فشلت مخططاتكم الميؤوسة .


فريق بحري تيمي

صباحكم خير ...شيبا وشبابا اصحاب المرح الجميل...خبر صغير :اعتقل القائد العام للجماعة فيصل من قبل..(الفيبول) الشرطة الاسريةوانسلاخ الدكتور الجنيد بعد يومين من انضمامه للجماعة لعدم قناعته بما ينادون به..مرحبا بك ..احترامي

الدائرة تدور على الطابور

بقيتى زى القذافى ( مخندقة ليكى سبعه يوم و تصريحاتك كلها مسجله ) و ليست على الهواء.

ابعدوا من هذه التصريحات التى لا تجدى و الكل يعلم ان هذه القوة محاصرة تمام و تم قطع

الامداد و هى تفاوض الآن للاستسلام.

خبر عاجل

تفيد متابعة الاستخبارات العسكرية ان العقيد امين منقة قائد الشرقية الآن على مشارف البريقة ( تاندك )

و هو فى طريقه لتعزيز قوة الكوماندور عبدالرحمن تيمى.

تحياتى

خبر عااااااجل عاااااجل عااااااجل عاااااجل
في خبر عاجل من اذاعة الحباك اعلن الفريق ركن بحري عبد الرحمن تيمي انسلاخة التام عن المجموعة المتمردة والخارجة على القانون بقيادة المدعو فيصل خليل لعدم قناعته بالاجندة الخفية التي خرجوا من اجلها على الشرعية والقانون وحملوا سلاح التمرد والعصيان.. قف النصر لنا والهزيمة لاعداء التطور والنجاح. قف. سيلقي الفريق ركن بحري عبد الرحمن تيمي كلمة على مسامعكم لتوضيح موقفه الرافض للتمرد والعصيان بعد قليل فترقبوه...

بيان هام
نحن عبد الرحمن تيمي الراجع الى صوابه الفار بدينه ودنياه من فيصل وزبانيته حسب قناعتنا وبعد التدقيق والتمحيص في كتابات كل من اقبال ومحمود وجدنا المنطق والعقلانية .الحقوق مهضومة اعجبتنا كتاباتهم انامل رقيقة وعقول حكيمة .القفة القفة مليانة عفة.االمرأة تبوات اعلى الهرم في بعض الدول ومستشارة ومرجعية.كان الصحابة اذا استعصى عليهم الامر رجعوا لعائشة رضي الله عنها وهي امراة.
المراة جديرة بالمناصرة والوقوف بجانبها وتقديم العون والمدد لها هي معنى الحياة مكملة للرجل لايمكن الاستغناء عنها ...........فلماذا المهاترات والحيل البائسة والمؤامرات ضدها.ياجماعة الصلح خير وفي الشجرة الكيبرة ديك اقعدوا.
نعلن للملأ وبالصوت الجاهر محمود بشيشك بينا اترفق ((فيصل ماساهل ابدا سيفوللفقر قلاع .والعصر بجيب الزيت ))ومعهم من القادة الجهابذة الافذاذ
العمدة غريق وجنابو امين وبالطريقة ديت حتودونا في ستين داهية .وبعداك دعوة صادقة ايادينا مرفوعة فوق لرب السماء والصلاح الراقدين صباح ((البنية اقبال الله يهون ليها عريس اقلعها مننا فاجانا تشعلب في النيران))

آمين

الله اكبر الله اكبر
جاء الحق وزهق الباطل ان الباطل كان زههوقا
اهلا وسهلا بك في الجمعية (جمعية الرفق بالقوارير) ونحمد الله على رجوعك الى الصواب والحق والعدل .وارجو ان تبعد نفسك الكريمه من محاور الشر والغطرسة والتي تحاول الصيد في الماء العكر وتعمل على هضم حقوق المراءه المظلومة والمستضعفة ..وافيدك بان المتمرد فيصل خليل في قبضة الزعيم اقبال عبد اللطيف الان وجاري التحقيق معه وادلى بمعلومات وافادات خطيرة ومهمة جدا تكشف حجم المؤامرة الكبيرة التي كانت تحاك في الظلام.. الف تحية

عمو تيمي بركة الجيت والله اما عن الزعيم فيصل نتحرى معه الآن وسنوافيكم بالاخبار تباعا...محمود حاولت ارسل لك التقارير مرارا في الخاص وفشلت ..شكلو في تشويش..احترامي

نحن القوات الصديقة الموالية للحريم ....

اهلا وسهلا ومرحبا الاستاذ شاويش
انت من اعضاء جمعية الرفق بالقوارير المهمين جدا
وقائد عام القوات الصديقة بس ماتعمل نيران صديقة زي حلف الناتو مع الثوار في ليبيا يعني انتبه شديد وانت بتصوب النيران. الف تحية

نحن القوات الصديقة ...

عارفاك ياشاويش اخو اخوات وفارس حوبات...وينك ياعمو فيصل ؟سابني في عز الجمر ولا شنو؟ تحية واحترام..

لااا لا لا لا يا شاويش لا حول الله
عاوز تجيب لينا مصيبة من البداية
اوعك تهبش تيمي
تيمي خلاص معانا
عليك بفيصل والجنيد والفاتح التوم وودعثمان

تعرف يا محمود ...حلف النيتو مرات برتكب بعض الأخطاء ...ونعتذر للحميم : تيمي .... إحترامي

اولا يا ساده هاكم دى

الله يعطيك العافية الاستاذ غريق
ده عرض يسيل له اللعاب بس ورينا كيف نقدم ووين؟ وانا جاهز ومعاي خمسة اشخاص من الاخوه السودانيين
الف تحية

دا زعيم البطجية بيكتب فى موضوع تعدد الزوجات فى منتدى الاسره.

ثانيا :

المدعو عبدالرحمن تيمى تم تجريده من الرتبة و هو الآن محاصر فى جنوب المملكة و تم بالفعل أسر كل اسرته

على يد كتيبة الحازمى و حيدر خليل ليلة امس و جارى التفاوض.

دكتور لام اكول ( جاويش ) تحيت ضيافة قواتنا منذ انشقاقه من الحركة و هو ( قائد بدون جنود ) منذ ستة اشهر.

القوات الصديقة الآن بقيادة أطور ( محمود ) للعلم. لام اكول يعمل مستشار بقيادة البحرية و هو متخصص

( فى علم المناورات ) لنا من المستندات الكافيه التى تثبت تورطه فى عدة عمليات ارهابيه سابقا.

اما العقيد ااقبال فهى محاصرة بالكلاكلة قبل اكثر من اسبوعين و جارى البحث عن باقى المليشيات

انتهى

الزعيم محمود انت عارف معزتك عندي عشان كدة انا اتخليت عن فيصل رغم المغريات المادية والعربات الفارهه وشراب قداقدو المنعش في الصباح .اي اخطاء من جانبكم سوف اكب الزوغة .
تسربت معلومات خطيرة حسب ما جاءنا في اجهزة الرصد الكلامي اتضح لنا بأن العقيد اقبال في اتصالات سرية مع فيصل مفادها ((سابني في عز الجمرولا شنو))دا كلام خطير جدا ومرفوض في الميدان لذا قررنا نحن الفريق تيمي خصم 15 يوم من المرتب ونقلها فورا والحاقها بالقوات المتمركزة في طوطاح مع تشديد المراقبة
تبا لك ايهاا لشايب انت من صغار الضباط اعتذارك مرفوض التجريد من الرتبة .تاخذ حقوقك كاملة والنفي الى زقلونا والجلوس مع العقد الفريد ((على وزن فعلاء))صدر تحت توقيعي

فريق ركن ................تيمي

نحن القوات الصديقة ...والمتصداقة مع كل الأطراف ...

دا اسمو قوات صديقة!

انت عدو يا جاويش. و بعد كده شوف نحنا بنتعامل معاك بأى طريقة.

انت زاتك محاصر فى العليا و غبيرة.

تحياتى

فيصل اقبال شاويش محمود
انا قلبي مابعرف يعادي................لما شاف القسوة قلبك تلقاه بالحنية بادي ............تنازلت عن رتبي للدماء الشابة لمواصلة المسيرة
كل الود

شوف يا تيمى عندك حلول واضحه

1- تسلم نفسك لتيبة الحازمى و حيدر خليل

2- تواصل تمردك

لازم تضع فى الاعتبار انك محاصر فى هذه اللحظة.

انت قائد متواطئ و سربت معلومات للعدو و لن نسامحك ابدا.