عبر النت صفاء السريرة وحد جيلا

اخي العزيز جدا الى قلبي محمود
البوست منور بيك وبكلامك البنقط عسل وفكاهه اخي سامح زلاتي لاننا اتراب وانداد عاصرنا ((ام شريتي وشيخ روب))حديثي معاك هذه المرة من طراز توماهوك أأمل ان ينزل عليك بردا وسلاما وبدون زعل اخي الصورة الشخصية الموجودة في البوست صورتك ام مستعارة لان نضارتي محدبة اقرب صورتك يظهر لي الشاعر محمد الفيتوري بقميصه المزركش الملون ابعد النضارة يظهر لي الفنان الجيلاني الواثق والله احترت في امرك يامحمود عشان كدة لازم ازورك في مكة واشوفك على الطبيعة لون شعرك الاسود الداكن الصبغة دي من وين من سوق الخاسكية ولا باب شريف في جدة ياصديقي يامحمود حاولت اصبِغ شعري مرارا الاَ وان الشيب يظهر في مكان آخر والايام دي امتد الى صدغي وشواربي ((قلت امك ياتيمي))لكن حسب قناعتي ان عجلة الزمن في دوار متصل لاتتوقف ابدا واستسلمت للامر وصورتي امامك تيمي بدون صبغة يامحمود حسب مصادرنا ودا كتامي بيني وبينك لامن شاف ولامن دري اخوانا المرطبين اصحاب القروش بمشوا دايما مدينة الرباط في المغرب لاجل هذا الغرض((التجميل والصبغة))في واحد اخونا ميسور الحال مسافر الى السودان في الرحلة المغادرة الرياض الخرطوم تخيل يامحمود فوت الطيارة 3ساعات داخل صالون حلاقة في العليا والاتراك يعجبوك200ريال نتف الوجه بالخيط مع الغسيل بالبخار والبودرة وفرد الشعر واشياء اخرى مزعلاني اخيرا سافر عن طريق الرياض جدة الخرطوم شوف الخسارة دي يامحمود وفرق التذاكر والظاهر لعامة الناس ماشي السودان يذاكر للبنات ممتحنات الجامعة وتعال شوف ابو ابراهيم استاذ عوض السيد ختا صورتو لمن كنت صغير بلعب بالتراب ماما لبستني الجزمة والشراب حسب مصادرنا الصلعة قدت راسو في باروكة على مستوى كضاب الواحد يعرفها وهل يعقل انو اقبال الفي الصورة ديت تكون زعيمة مركز الكارتيه النسوي وعاملة لينا صداع دايم الواحد فينا بتناول جرعة واحدة حبتين باندول
((extra))
لازم اغير النضارة محمود يافردة اعط كل واحد منهم عصا ام قرينات لانو الكبر جاي جاي لامناص منه ولافكاك
تيمي

الاستاذ ابا علاء زعيم البلطجية
تحية لك ولمراوغاتك ورمياتك الظريفة الانيقة وفعلا تؤكد لنا ان ((الدهن مايزال في العتاقى ))...اما من ناحية النظر انت فعلا نظرك تعب فشتان ما بين شكل الفيتوري وشكل الجيلاني الواثق؟؟ ليس هناك اي وجه شبه ولو قلت النور الجيلاني كان شوية اقرب .وبعدين يا تيمي انت خاتي لينا صورة صغيرة وملامحك ما واضحة عشان نحفظ شكلك بالله عليك غير الصورة دي ونزل لينا صورة تكون جديدة شوية وانا حانزل صورة جديدة . والشيب ياتيميى امر لا مفر منه انت ماسمعت الشاعر لمن قال في وصف الشيب ((يزحف في المشيب كانه ليل يضج بجانبيه نهار))؟؟
((عجلات التاريخ تجري سراعاسراعا.. وهي تطوي الزمان باعا فباعا ))وبعدين لمن تجيني في مكة تلقاني مجهز ليك العصا لزوم التوكؤ بها الى الحرم !!! وعمرة مقبولة انشاء الله

هايل محمود ؟؟؟؟السماحة ورحابة الصدر
العصا هدية مقبولة
((اهش بها على غنمي ولي فيها مآرب اخرى))

الاخ فيصل
مداخلاتك في منتهى الروعة ومنتقاة .........عشان كدة اهديك ابيات من الطمبور انشد بها التلميذ صلاح الدين صالح في ابوجبيهه الشمالية

1_الناس الجافوني ديل ساروا خلوني****بالبسمة آذوني
2_اخوي يافضل السيد ماتقول اني مارود****برسل جوابات من الدقج للقردود
3_زولا سلب ديني ****ساكن جبيل الدود

السؤال الى اين انتهى صلاح الدين مع الموبايل هذه الايام ؟؟؟؟؟

حول الفاتح ود التوم
(يحلو دائما لي ان اقول لك الحوار الفات شيخو)

انت العلامة في زمانك اما انا (مابين الثلاثين )واربأ بنفسي ان اكون في معية يحي بنو الحكم الاندلسي ولله الحمد استعين بصديق كلاَ اخوك مية المية .
قولت لي ابو مهند عندو نضارتين دا بقى يكابس يسلملي اخوي بالعافية قول ليهو كتر من الجزر.

تيمي

ود التوم يارايق يازين
رفعت معنوياتي للسماء
صدقني غبار الدهر الذي اعتلى هامتي ماهو الا ((عطية الكلس))مكث ولم يبارح وانا على يقين تام متى ماتوفرت الربط سينتفض غير مأسوفا علية


((اللهم اعوذ بك من سوء المنقلب في المال والاهل والولد))

ابو الزهور
متألق دائما اينما توجهه ياتي بخير


منو الزيك........يكفي حب الناس ليك عرفنا فيك الطيبة والدم الشربات

نهودة بت اختي

يااااااااااااااااااااااااأصيلة

تحياتي ازكاها لكم اهل بيتي خالتي بت عليان ،اختي آمنة ،اخي عبيد وافراد الاسرة

شكرا اخى عبدالرحمن فضل الله الامين على الألق

اخونا صلاح الدين بخير و لا زال شبابا

شكرا