الأعضاء الكرام : الوجيــــــه / محمد قادم نويـــــــــة !!!

كتب الأستاذ/ محمد نوية .....في رد للأستاذ عثمان شاويش
((

حمداً لله علي السلامة ياعم شاويش والله من قبل يومين أفتقدتك بس هذه الأيام كترت عليّ المشغوليات بسبب الإستعداد للسفر وكده بس ماتكلم زول
وربنا يعطيك طول العمر للاخوات
بهاتفك ياعمنا المرهف قريب
تحياتي

..))
والله يا محمد عمو عصمان ما كلمــنا ... لكني عندما قرأت بين السطور وماتحته خط( بالأحمر )......أيقنت بأنّ
الفيهو ريان الثمر
بيهو القلوب كم تأتمر
لو مرة سيد الناس أمر
بى بسمة بتضوى العمر .. ياحليلو..
قال ناوى السفر...

أتمنى لك سفراً سعيداً ورحلة موفقه انشا الله.. وإقامة طيبة بين الأهل و الأحباب.... أكيد قوائم الهدايا ومستلزماتها أمامك في التربيزة .....تحت التدقيق و المراجعة.... ذاكر كويس وركّز...الوصايا وحديثي عن رحلتك لم ينقضي بعد............ لي عوده

توحة الظريف ... إنت دايماً مبدع ...في ذوووقك ...في شخصك ...في كتاباتك ...وماشاء الله في ذكاءك ...وربنا يخليك لينا ياغالي ..بس الخوف تسرح طواااالي ...وتسلم ..
ول نوية صحي مسافر !!!؟؟
تمشي وتسيبنا في أحزان بدون آخر !!
صحي مسافر ؟؟؟!!

والله أكيد حتوحشنا شدييييد ...بس في الإجازة لا تزيد وترجع بسرعة...وبوصيك بشويش بشويش !!!؟... والعجلة من الحديد ...
هكًي ولا مو هكًي ... محبتي لك أيها الشاب الوجيه .

ول ابوي نويه

ماك طيب .. اسمع كلامي دا و اضرب بهعرض الحائط .. لو مشيت السودان امشي ربيطه العرس قالو رخيص اليومين دي ممكن تلقي تلاته بنيات بخمسمائه و انا في تقديري السعر دا ما كعب انت شيل الاثنين و رسل لاخوك التالته ..

لك التقدير يا حبيب و بتصل عليك قريب انشاءالله

جانا الخبر شايلو النسيم

شكرا لكم جميعا على التنوير و دى المحريه فيكم بس ول نويه انا منتظرك ( ربيطة ) فى المطار

اولا تمشى البطحه و تتصل على من هناك عندى صاحبى هناك من البنغال نوصيه عليك لانو شايفك

تعبان شديد مع النحل ( و انا فى نصهم طبعا ) و شايف كمان عندك نحل فى السعودية.

جهزنا ليك ( المره ) بس انكرب ساى و تعال و الباقى بيكملوا ناس الجنيد فى ابوجبيهه هناك.

بالسلامه يا عزيزى

الاخوااااااان الاعزاء يديكم العافية يارب
يا ود نويه الخبر سمح بالحيل وانشاء الله ربنا يهون عليك
والموضوع ينجض علي قولك
وبازن الله الواحد الاحد اختك كماااااااان
ناوية السفر.....
يعني ما براك حتستمتع بالاجازة وبملاقاة الحباكيين
وانشاء الله اختك ما بتقصر في عرسك بس انت ابقي مارق
علي قول دكتور الجنيد
يديكو الافي

أبو الزهور ...ما عارف تعبيرك :بنضورة في الكورة وكشفنا دورا. تقصد منو شنو !!؟؟ ...ولكني ضحكت ...هل سبب ضحكي ياتري ما تقصد أم لا؟؟!! ...ولك مودتي ...
بتي الذوق : صبوحة أتمني لك إجازة ممتعة بين الأهل والأحباب ...ووصيتي لك لا تنسي الكاميرة ..زي ما وصيت ول نوية ...وسوف تجدون الرجل البشوش د/ الجنيد في إنتظاركم ...وتصدقوا حينما قابلته بابوجبيهة هو الذي أهداني هدية ...يا سبحان الله لهذا الجمال العميق الأصيل ...ولازالت هديته كل يوم قدام : إينيني ...وشكراً يا دكتور الجنيد ياشامخ ...ولا تنسوا فيصل العمده مستنيكم في الخرطوم ضروري المرور عليه ...والرجل دا بزعل كان فوتوه ...والجماعة كتار في الخرطوم اللي بيزعلوا ..وشدوا حيلكم رضوا كل الناااس ...وإجازة سعيده يارب .... محبتي

يا مسافر وناسي هواك ارواحنا وقلوبنا معاك
حفظك المولى يا ود نوية في حلك وترحالك وكتب لك السلامة في كل خطوة
وارجو الا تنسانا من صالح الدعوات فدعوة المسافر باذن الله مستجابة
.. وارجو ان تبلغ تحياتنات الحارة لكل افراد اسرتك الكريمة خاصة الاستاذ العملاق نواي يوسف..

ربنا يديك العافيه
ويوصلك بالسلامه
وتستمتع وسط اهلك
ياود نويه يااخوى
وعقبالنا
تحياتى

اخووووى ول نويه تصحبك السلامه وتصل لبلدك واهلك سالم غانم

ونتمنى ليك اجازه سعيده هلا بيك

ول نويه يا اخى .........................

تنتابنى مشاعر متناقضة الآن يا صديقى .. اختلاط الحزب بالفرح

حزنى على المنتدى الذى سيفتقدك لربما لشهرين و نيف و نفتقد معه فاكهتنا المحببه و خفة دمك.

فرحى يا صديقى ان تكون بيننا ايضا لشهرين و نستمتع بك و نبل شوقنا يا حبه.

تصحبك السلامه

تمشي وتجئ بالسلامة يا محمد مع السلاااااااامة
نتمني لك رحلة ممتعة واجازة جميلة
مع الاهل والاحباب
رافقتك السلامة
احترامي

ول نوية تمشي وتجي بالسلامة الناس بريدوك من ازهري لي تيمي ازهري قال البنضورة وكشفنا دوره والله ضحكت لمن نضارتي وقعت حلوين انتم

الغلط على أنــــــــــــــــــــــا .

 إتصل على الإبن الغالي محمد نويــــة من مطار الرياض في نهار رمضان ممكن قبل أسبوع تقريباً وأخبرني بأنه في طريقه للسودان ...إجازه . وبكل أسف مع مشغولياتي لم أتمكن من توصيل هذا الرسالة الغالية لكم ...وآسفين ...   ورمضان كريم .

١٠٠٠ حمد لله على السلامه اخوى ود نوية ويتمم ليك بالخير وكل عام انتم بالف خير

الحمدلله ول نويه. وصل تب والباقى خلو لينا